ປະທານສະພາແຫ່ງຊາດ ຢ້ຽມຢາມ ແຂວງໄຊສົມບູນ


...

    

(ສພຊ) ທ່ານ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ ປະທານສະ ພາແຫ່ງຊາດ ພ້ອມດ້ວຍຄະ ນະ ໄດ້ເດີນທາງດ້ວຍເຮືອບິນ ພິເສດເຖິງແຂວງໄຊສົມບູນ ໃນວັນທີ 21 ພະຈິກຜ່ານມານີ້ ໂດຍການຕ້ອນຮັບຂອງທ່ານ ທອງລອຍ ສີລິວົງ ກຳມະການ ສູນກາງພັກ ເລຂາພັກແຂວງ ເຈົ້າແຂວງໄຊສົມບູນ ພ້ອມ ດ້ວຍຄະນະ. ທ່ານປະທານສະພາແຫ່ງ ຊາດ ໄດ້ພົບປະກັບຄະນະນຳ ແລະ ພະນັກງານຫຼັກແຫຼ່ງຂອງ ແຂວງໄຊສົມບູນ ຢູ່ຫ້ອງວ່າ ການປົກຄອງແຂວງໄຊສົມບູນ ໂດຍໄດ້ຮັບຟັງການລາຍງານ ສະພາບການພັດທະນາເສດ ຖະກິດ -ສັງຄົມຈາກທ່ານເຈົ້າແຂວງ ຊຶ່ງໂດຍລວມແລ້ວ ທົ່ວແຂວງ ໄຊສົມບູນ ແມ່ນມີຄວາມສະ ຫງົບ, ປະຊາຊົນມີຄວາມອຸ່ນ ອ່ຽນທຸ່ນທ່ຽງທຳມາຫາກິນປະ ກອບສ່ວນສ້າງສາພັດທະນາ ເສດຖະກິດ-ສັງຄົມ ແລະ ມີ ຊີວິດການເປັນຢູ່ນັບມື້ນັບດີ ຂຶ້ນ ແຕ່ເນື່ອງຈາກແຂວງໄຊ ສົມບູນ ເປັນແຂວງສ້າງຕັ້ງ ໃໝ່ ຈຶ່ງຍັງມີຄວາມຫຍຸ້ງຍາກ ຂາດເຂີນທາງດ້ານພື້ນຖານ ໂຄງລ່າງຈຳນວນໜຶ່ງ ເປັນຕົ້ນ ແມ່ນອາຄານສະຖານທີ່ເຮັດ ວຽກ ແລະ ພາຫະນະຮັບໃຊ້ ສຳລັບພະນັກງານ-ລັດຖະ ກອນ ພະແນກການຕ່າງໆອ້ອມ ຂ້າງແຂວງ, ເສັ້ນທາງຄົມມະ ນາຄົມລະຫວ່າງແຂວງຫາ ເມືອງ ເມືອງຫາບ້ານ ແລະ ລະຫວ່າງບ້ານຕໍ່ບ້ານ ຍັງຫຍຸ້ງ ຍາກ ໄປໄດ້ສະດວກພຽງແຕ່ ລະດູດຽວ ແລະ ບັນຫາພື້ນ ຖານອື່ນໆ. ຈາກນັ້ນ, ກໍໄດ້ຮັບຟັງ ການລາຍງານກ່ຽວກັບການກະ ກຽມຄວາມພ້ອມເບື້ອງຕົ້ນໃຫ້ ແກ່ການເປີດກອງປະຊຸມສະ ໄໝສາມັນ ເທື່ອທີ 4 ຂອງສະ ພາປະຊາຊົນແຂວງໄຊສົມບູນ ຊຸດທີ I ຈາກທ່ານ ບຸນສຸກ ຈອມວິສານ ປະທານສະພາ ປະຊາຊົນແຂວງໄຊສົມບູນ ຊຶ່ງ ທາງດ້ານເນື້ອໃນແມ່ນຈະຈັດ ສົ່ງເອກະສານເນື້ອໃນກອງປະ ຊຸມໃຫ້ສະມາຊິກສະພາແຫ່ງ ຊາດ ແລະ ສະມາຊິກສະພາ ປະຊາຊົນ ໄດ້ຄົ້ນຄວ້າ ແລະ ປະກອບຄຳເຫັນແລ້ວກ່ອນວັນ ເປີດກອງປະຊຸມ 30 ວັນ, ກຳນົດສົ່ງເອກະສານຄືນໃຫ້ ເລຂາທິການສະພາປະຊາຊົນ ແຂວງ ວັນທີ 28 ພະຈິກ 2017; ນອກຈາກນັ້ນການກະ ກຽມດ້ານງົບປະມານ, ຂໍ້ມູນ- ຂ່າວສານ, ປ້ອງກັນຄວາມ ສະຫງົບ ແລະ ດ້ານອື່ນໆ ກໍມີ ຄວາມພ້ອມໂດຍພື້ນຖານ; ສ່ວນຄວາມ ຫຍຸ້ງຍາກຂອງສະ ພາປະຊາຊົນແຂວງ ຍັງແມ່ນ ອາຄານສະຖານທີ່ ແລະ ຄວາມ ຂາດເຂີນທາງດ້ານບຸກຄະລາ ກອນ. ທ່ານ ນາງ ປານີ ຢາທໍ່ຕູ້ ໄດ້ມີຄຳເຫັນໂອ້ລົມຕໍ່ຄະນະ ນຳ, ພະນັກງານຫຼັກແຫຼ່ງຕະ ຫຼອດຮອດພໍ່ແມ່ປະຊາຊົນ ຊຶ່ງທ່ານໄດ້ເນັ້ນໃຫ້ທຸກພາກ ສ່ວນສືບຕໍ່ຍົກສູງວຽກງານ ປ້ອງກັນຊາດ-ປ້ອງກັນ ຄວາມ ສະຫງົບ ໃຫ້ປະຊາຊົນແຕ່ລະ ບ້ານ ມີການຮ່ວມມືກັບອຳ ນາດການປົກຄອງທຸກຂັ້ນ, ໃຫ້ທຸກຄອບຄົວເປັນຫົວໜ່ວຍ ປ້ອງກັນຄວາມສະຫງົບ; ດ້ານ ການພັດທະນາເສດຖະກິດ- ສັງຄົມໃຫ້ແຕ່ລະພະແນກການ ສ້າງແຜນການຢ່າງມີຈຸດສຸມ ໂດຍມີການປະສານສົມທົບ ກັນໃຫ້ສອດຄ່ອງກັບແຜນການ ລວມຂອງແຂວງ ໂດຍຜ່ານ ການຮັບຮອງຂອງສະພາປະ ຊາຊົນແຂວງ ຕາມທິດຊີ້ນຳ ກໍຄືມະຕິຂອງອົງຄະນະພັກ ແຂວງ-ອົງຄະນະພັກເມືອງ, ຂົງເຂດປົກປ້ອງກົດໝາຍ, ອົງ ການໄອຍະການປະຊາຊົນ ແຂວງ ສານປະຊາຊົນແຂວງ ອົງການສືບສວນສອບສວນ ພະແນກຍຸຕິທຳ ຕ້ອງມີການ ປະຊຸມປຶກສາຫາລືກັນຢ່າງຕໍ່ ເນື່ອງ ສ້າງກົນໄກປະສານສົມ ທົບ ເພື່ອແກ້ໄຂຂໍ້ຂັດແຍ່ງຂອງ ປະຊາຊົນຢູ່ແຕ່ລະຂັ້ນ, ວຽກ ງານສົ່ງເສີມການລົງທຶນ, ແຕ່ ລະຂະແໜງການຕ້ອງມີໜ່ວຍ ງານສົ່ງເສີມການລົງທຶນ ອີງ ໃສ່ກົດໝາຍ ເພື່ອດຶງດູດການ ລົງທຶນຈາກພາຍໃນ ແລະ ຕ່າງ ປະເທດ ແລະ ອື່ນໆ. ຕອນບ່າຍຂອງວັນດຽວ ກັນ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມ ດ້ວຍຄະນະ ຍັງໄດ້ໄປຢ້ຽມ ຢາມໂຄງການກໍ່ສ້າງເຂື່ອນໄຟ ຟ້ານ້ຳງຽບ 1 ເມືອງບໍລິຄັນ ແຂວງບໍລິຄຳໄຊ ເພື່ອເບິ່ງ ຄວາມຄືບໜ້າຂອງການກໍ່ສ້າງ ເຂື່ອນ ແລະ ການຍົກຍ້າຍປະ ຊາຊົນທີ່ໄດ້ຮັບຜົນກະທົບຈາກ ການສ້າງເຂື່ອນດັ່ງກ່າວ. (ຂ່າວ: ບຸນເກີດ ວົງໄຊຍາ)