ກອງປະຊຸມຄົບຄະນະບໍລິຫານງານ ສສຍລ ຄັ້ງທີ 3 ສະໄໝທີ VII


...

    

ສູນກາງສະຫະພັນແມ່ຍິງ ລາວ (ສສຍລ) ໄດ້ຈັດກອງປະ ຊຸມຄົບຄະນະບໍລິຫານງານ ຄັ້ງ ທີ 3 ສະໄໝທີ VII ຂຶ້ນໃນວັນ ທີ 22 ພະຈິກນີ້ ທີ່ສູນດັ່ງກ່າວ ໂດຍພາຍໃຕ້ການເປັນປະ ທານຂອງທ່ານ ຈັນສີ ໂພສີຄຳ ກຳມະການກົມການເມືອງສູນ ກາງພັກ ຄະນະເລຂາທິການ ສູນກາງພັກ ຫົວໜ້າຄະນະຈັດ ຕັ້ງສູນກາງພັກ; ທ່ານ ນາງ ອິນລາວັນ ແກ້ວບຸນພັນ ປະ ທານສູນກາງສະຫະພັນແມ່ຍິງ ລາວ, ມີບັນດາຄະນະບໍລິຫານ ງານ ສສຍລ ພ້ອມແຂກຖືກ ເຊີນຈາກສະຫະພັນແມ່ຍິງກະ ຊວງ, ອົງການ, ແຂວງ ແລະ ນະຄອນຫຼວງວຽງຈັນເຂົ້າຮ່ວມ. ກອງປະຊຸມຄັ້ງນີ້ ຈະໄດ້ ດຳເນີນໄປເປັນເວລາ 3 ວັນ ຊຶ່ງກອງປະຊຸມຈະໄດ້ຮັບຟັງ ການສະຫຼຸຸບຕີລາຄາການ ເຄື່ອນໄຫວວຽກງານຮອບດ້ານ ຂອງສະຫະພັນແມ່ຍິງລາວໃນ ໜຶ່ງປີຜ່ານມາ ແລະ ທິດທາງ ແຜນການປະຈຳປີ 2018, ທົບ ທວນຄືນການຈັດຕັ້ງປະຕິບັດ ມະຕິກອງປະຊຸມຄົບຄະນະບໍ ລິຫານງານ ສສຍລ ຄັ້ງທີ 2 ສະໄໝທີ VII; ຮັບຟັງການສະ ຫຼຸຸບຕີລາຄາການຈັດຕັ້ງປະຕິ ບັດວຽກງານໃຫ້ຄຳປຶກສາ ແລະ ປົກປ້ອງແມ່ຍິງ-ເດັກ ນ້ອຍ; ຕີລາຄາການຈັດຕັ້ງປະ ຕິບັດຂໍ້ແຂ່ງຂັນ 3 ດີໄລຍະທີ 1 ແລະ ການຜັນຂະຫຍາຍວຽກ ງານ 3 ສ້າງເຂົ້າສູ່ລວງເລິກ; ສະຫຼຸຸບຕີລາຄາການຝຶກອົບ ຮົມວິຊາຊີບໃຫ້ແກ່ແມ່ຍິງ; ຮັບ ຟັງການສັງລວມບ້ານປະຕິບັດ ສິດສະເໝີພາບຍິງ-ຊາຍ, ສົ່ງ ເສີມ ແລະ ພັດທະນາເດັກ ແລະ ປາສະຈາກການໃຊ້ຄວາມຮຸນ ແຮງຕໍ່ແມ່ຍິງ ແລະ ເດັກ; ກົນ ໄກການປະສານງານວຽກງານ ພົວພັນຮ່ວມມືກັບຕ່າງປະເທດ ໃນຂອບເຂດຄວາມຮັບຜິດ ຊອບຂອງຕົນ. ພ້ອມກັນນີ້ ຄະ ນະບໍລິຫານງານສູນກາງສະ ຫະພັນແມ່ຍິງ ສະໄໝທີ VII ຈະໄດ້ສືບຕໍ່ປຶກສາຫາລືໃນ ການຈັດຕັ້ງຜັນຂະຫຍາຍຜົນ ສຳເລັດຂອງກອງປະຊຸມປຶກ ສາຫາລືກ່ຽວກັບການສ້າງພະ ນັກງານນຳພາ-ຄຸ້ມຄອງເພດ ຍິງ ຄັ້ງທີ 2 ແລະ ດຳເນີນຊີວິດ ການເມືອງ ຊຶ່ງຈຸດປະສົງເພື່ອ ສະຫຼຸຸບຕີລາຄາກ່ຽວກັບແບບ ແຜນວິທີນຳພາ, ວິທີເຮັດວຽກ, ປຶກສາຫາລືວຽກງານສຶກສາ ອົບຮົມການເມືອງ-ແນວຄິດ, ການຂະຫຍາຍກົງຈັກການຈັດ ຕັ້ງສູ່ຫົວໜ່ວຍພາກເອກະຊົນ, ການກໍ່ສ້າງພະນັກງານເພດຍິງ, ວຽກງານກວດກາ, ການປົກ ປັກຮັກສາມູນເຊື້ອວັດທະນະ ທຳ ແນໃສ່ແກ້ໄຂປາກົດການ ຫຍໍ້ທໍ້. ການປະກອບສ່ວນພັດ ທະນາເສດຖະກິດ-ສັງຄົມ ແລະ ເປົ້າໝາຍພັດທະນາຍືນ ຍົງ ການຄຸ້ມຄອງກອງທຶນຕ່າງໆ ຂອງສະຫະພັນແມ່ຍິງລາວ ແລະ ວຽກງານອື່ນໆທີ່ປິ່ນ ອ້ອມ. (ຂ່າວ: ຍຸພິນທອງ)