ປະທານສະພາແຫ່ງຊາດ ຢ້ຽມຢາມເມືອງໄຊຈຳພອນ


...

    

(ສພຊ) ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ພ້ອມດ້ວຍຄະນະໄດ້ເດີນ ທາງໄປຢ້ຽມຢາມ ແລະ ພົບປະ ກັບປະຊາຊົນ ເມືອງໄຊຈຳພອນ ແຂວງບໍລິຄຳໄຊ ໂດຍການ ຕ້ອນຮັບຢ່າງອົບອຸ່ນຂອງທ່ານ ກອງແກ້ວ ໄຊສົງຄາມ ເຈົ້າ ແຂວງບໍລິຄຳໄຊ, ມີອຳນາດການ ປົກຄອງເມືອງ ຕະຫຼອດຮອດ ພໍ່ແມ່ປະຊາຊົນບັນດາເຜົ່າ. ທ່ານ ອຸດົມ ໄຊຍອນທາ ຮັກສາການເຈົ້າເມືອງໄຊຈຳ ພອນ ໄດ້ລາຍງານສະພາບ ລວມ ການພັດທະນາເສດຖະກິດ-ສັງຄົມ ຂອງເມືອງໃຫ້ຮູ້ວ່າ:ເມືອງ ໄຊຈຳພອນ ເປັນເມືອງໃໝ່ຂຶ້ນ ກັບແຂວງບໍລິຄຳໄຊ, ສ້າງຕັ້ງ ຂຶ້ນໃນປີ 2009, ມີເນື້ອທີ່ 2.545 ກິໂລຕາແມັດ, ເນື້ອທີ່ສ່ວນໃຫຍ່ແມ່ນເປັນພູສູງກວມ 95% ທິດຕາເວັນອອກ ແລະ ທິດເໜືອຕິດກັບ ສສ. ຫວຽດ ນາມ, ທິດຕາເວັນຕົກ ຕິດກັບ ເມືອງວຽງທອງ, ທິດໃຕ້ຕິດກັບ ເມືອງຄຳເກີດ, ມີເສັ້ນທາງອອກ ສູ່ຫວຽດນາມ 3 ເສັ້ນຄື: ນ້ຳ ອ້ອນ-ແທ່ງຖຸຍ, ທົ່ງພິລາ-ກາ ເວວ ແລະ ຫ້ວຍຊາຍ-ເຊີນຮຸ່ງ, ເມືອງໄຊຈຳພອນປະກອບມີ 4 ກຸ່ມບ້ານ, ມີ 1 ຮາກຖານບ້ານ ໃຫຍ່ແກ້ວແສນຄຳ, ມີ 18 ບ້ານ, ມີ 1.814 ຄອບຄົວ, ພົນລະເມືອງທັງໝົດ 11.262 ຄົນ, ຍິງ 5.526 ຄົນ, ວຽກງານ ປ້ອງກັນຊາດ-ປ້ອງກັນຄວາມ ສະຫງົບເມືອງໄຊຈຳພອນ ແມ່ນສາມາດປະຕິບັດໄດ້ຢ່າງ ໜັກແໜ້ນປະຊາຊົນ ແລະ ພະ ນັກງານມີແນວຄິດອຸ່ນອ່ຽນທຸ່ນ ທ່ຽງ ເຊື່ອໝັ້ນຕໍ່ການນຳພາ ຂອງພັກ ການຄຸ້ມຄອງຂອງ ລັດຫ້າວຫັນທຳມາຫາກິນ ຊີ ວິດການເປັນຢູ່ນັບມື້ດີຂຶ້ນເປັນ ກ້າວໆ; ການພັດທະນາ ແລະ ການແກ້ໄຂຄວາມທຸກຍາກ ແມ່ນໄດ້ເອົາໃຈໃສ່ແກ້ໄຂ ຄວາມທຸກຍາກຂອງປະຊາຊົນ ທົ່ວເມືອງໄດ້ 1.510 ຄອບຄົວ ເທົ່າກັບ 83,05% ເສດຖະກິດ ຂະຫຍາຍຕົວໃນລະດັບ 8,5% ໄດ້ລະດົມທຶນເຂົ້າໃນ ການພັດທະນາເມືອງໄດ້ 147,3 ຕື້ກີບ, ລາຍຮັບສະເລ່ຍ ຕໍ່ຫົວຄົນບັນລຸໄດ້ 823,6 ໂດລາ/ຄົນ/ປີ; ດ້ານກະສິກຳ-ປ່າໄມ້ ກວມ 42,6 ຕື້ກີບ ເທົ່າ ກັບ 28,9%, ອຸດສາຫະກຳ ກໍ່ສ້າງ 36,9 ຕື້ກີບ ເທົ່າກັບ 25,1% ແລະ ການບໍລິການ 54,2 ຕື້ກີບ ເທົ່າກັບ 36,8%, ທົ່ວເມືອງມີເນື້ອທີ່ນາທັງໝົດ 907,5 ເຮັກຕາ, ການຜະລິດ ແມ່ນສຸມໃສ່ການຜະລິດເຂົ້າ, ສາມາດຜະລິດເຂົ້າເປືອກໄດ້ 7.863,4 ໂຕນ, ສະເລ່ຍເຂົ້າ ກິນ 359 ກິໂລ/ຄົນ/ປີ ເທົ່າກັບ 72,02%, ມີເສັ້ນທາງເຂົ້າເຖິງ 18 ບ້ານ ກວມ 100% ແຕ່ບໍ່ ສາມາດທຽວໄດ້ 2 ລະດູ, ມີ ບ້ານໄດ້ຊົມໃຊ້ໄຟຟ້າ 15 ບ້ານ ເທົ່າກັບ 83,3%,ມີຄອບ ຄົວ ພັດທະນາ 862ຄອບຄົວ ເທົ່າກັບ 48,7%, ທົ່ວເມືອງ ມີກອງທຶນ 5 ກອງທຶນແລະ ມີທຶນທັງໝົດ 791,4 ລ້ານ ກີບ, ໃນນັ້ນ ກອງ ທຶນ ກັບ ມີທຶນ 305 ລ້ານ ກີບ, ທຶນແກ້ໄຂຄວາມທຸກຍາກ 21,3 ລ້ານກີບ, ທຶນລ້ຽງສັດ ໃຫຍ່ 70 ລ້ານກີບ, ທຶນພັດ ທະນາບ້ານ 150,9 ລ້ານກີບ ແລະ ທຶນຕ່ຳຫູກທໍໄໝ 90 ລ້ານກີບ. ຫຼັງຈາກນັ້ນ, ທ່ານ ນາງ ປານີ ຢາທໍ່ຕູ້ ໄດ້ສະແດງຄວາມ ຊົມເຊີຍຕໍ່ການພັດທະນາເສດ ຖະກິດ-ສັງຄົມຂອງເມືອງ ໃນ ໄລຍະຜ່ານມາ, ພ້ອມດຽວກັນ ນັ້ນ ກໍເຫັນວ່າປະຊາຊົນໄດ້ ເຂົ້າເຖິງການສຶກສາ ແລະ ການບໍລິການດ້ານສາທາລະ ນະສຸກ, ທ່ານໄດ້ມີທິດຊີ້ນຳໃຫ້ ປະຊາຊົນບັນດາເຜົ່າ ຈົ່ງຫ້າວ ຫັນທຳການຜະລິດກະສິກຳ ປູກຝັງ-ລ້ຽງສັດຫຼາຍຂຶ້ນກວ່າ ເກົ່າ ເທິງເນື້ອທີ່ດິນດອນຕອນ ຫຍ້າທີ່ມີຄວາມອຸດົມສົມບູນ ແຫ່ງນີ້ ເພື່ອຕອບສະໜອງໃນ ການບໍລິໂພກຢ່າງພຽງພໍ ແລະ ຂາຍເປັນສິນຄ້າສ້າງລາຍຮັບ ໃຫ້ແກ່ຄອບຄົວ, ຈົ່ງຊ່ວຍກັນ ອະນຸລັກປົກປັກຮັກສາປ່າໄມ້ ແລະ ສິ່ງແວດລ້ອມ ໂດຍການ ຢຸດຕິການຖາງປ່າເຮັດໄຮ່ ຫັນ ມາລ້ຽງສັດແທນ, ໃຫ້ເອົາໃຈ ໃສ່ສຸຂະພາບຂອງແມ່ ແລະ ເດັກ ໂດຍການໃຊ້ບໍລິການສຸກ ສາລາ, ສັກຢາກັນພະຍາດໃຫ້ ຄົບ, ປະຊາຊົນບັນດາເຜົ່າຕ້ອງ ຮັດແໜ້ນຄວາມສາມັກຄີ, ແລກປ່ຽນບົດຮຽນໃນການດຳ ລົງຊີວິດທຳມາຫາກິນ, ຕ້ານ ບັນຫາຢາເສບຕິດ ແລະ ບັນ ຫາສາສະໜາທີ່ລະເມີດຕໍ່ກົດ ໝາຍ, ສືບຕໍ່ປະຕິບັດນະໂຍ ບາຍພັກນຳພາ ລັດຄຸ້ມຄອງ ດ້ວຍລະບຽບກົດໝາຍ, ປັບ ປຸງກົນໄກບໍລິຫານລັດໃຫ້ໂລ່ງ ລ່ຽນ, ແຕ່ລະຂັ້ນແຕ່ລະພະ ແນກການ-ຂະແໜງການຕ້ອງ ປະສານສົມທົບກັນແໜ້ນແຟ້ນ ໃນການວາງແຜນຢ່າງມີຈຸດ ສຸມ ເພື່ອສຸມໃສ່ພັດທະນາເສດ ຖະກິດ-ສັງຄົມ ແລະ ລົບລ້າງ ຄວາມທຸກຍາກຂອງປະຊາຊົນ. ໃນໂອກາດນີ້ ທ່ານປະ ທານສະພາແຫ່ງຊາດ ຍັງໄດ້ ມອບປື້ມຕຳລາຮຽນໃຫ້ຄູສອນ ມອບອຸປະກອນການແພດໃຫ້ ແພດໝໍ ແລະ ມອບຜ້າຫົ່ມ, ເສື້ອກັນໜາວ ໃຫ້ຄອບຄົວທຸກ ຍາກຂາດເຂີນຈຳນວນໜຶ່ງ.