ຫົວໜ້າຫ້ອງວ່າການສູນກາງພັກ ໂອ້ລົມ ພະນັກງານຫຼັກແຫຼ່ງແຂວງຊຽງຂວາງ


...

    

ທ່ານ ຄຳພັນ ພົມມະທັດ ກຳມະການກົມການເມືອງສູນ ກາງພັກ ຫົວໜ້າຫ້ອງວ່າການ ສູນກາງພັກ ພ້ອມດ້ວຍຄະນະ ໄດ້ລົງຢ້ຽມຢາມໂອ້ລົມການ ນຳແຂວງ ແລະ ພະນັກງານ ຫຼັກແຫຼ່ງຂອງແຂວງຊຽງຂວາງ ໃນວັນທີ 22 ພະຈິກຜ່ານມານີ້ ຢູ່ທີ່ຫ້ອງວ່າການປົກຄອງ ແຂວງ ຊຶ່ງທ່ານ ສົມກົດ ມັງໜໍ່ ເມກ ກຳມະການສູນກາງພັກ ເລຂາພັກແຂວງ ເຈົ້າແຂວງ ຊຽງຂວາງ ໄດ້ລາຍງານການຊີ້ ນຳໆພາຈັດຕັ້ງປະຕິບັດບັນດາ ມະຕິຕ່າງໆຂອງແຂວງ ກໍຄື ຂອງສູນກາງ, ການພັດທະນາ ເສດຖະກິດ-ສັງຄົມໃນໄລຍະ ຜ່ານມາ ເປັນຕົ້ນແມ່ນວຽກ ງານປ້ອງກັນຊາດ-ປ້ອງກັນ ຄວາມສະຫງົບ, ວຽກງານລຶບ ລ້າງຄວາມທຸກຍາກ ແລະ ວຽກ ງານຈັດຕັ້ງພະນັກງານ. ໃນໂອກາດນີ້ ທ່ານຫົວ ໜ້າຫ້ອງວ່າການສູນກາງພັກ ໄດ້ສະແດງຄວາມຊົມເຊີຍຜົນ ສຳເລັດໃນຫຼາຍດ້ານ, ພ້ອມ ເນັ້ນໃຫ້ແຂວງຊຽງຂວາງ ຈົ່ງ ເອົາໃຈໃສ່ຊີ້ນຳຜັນຂະຫຍາຍ ມະຕິ X ຂອງພັກ ໃຫ້ປະກົດ ຜົນເປັນຈິງ, ຊອກຫາ ແລະ ແກ້ໄຂບັນດາສາເຫດທີ່ພາໃຫ້ ມີຈຸດອ່ອນ, ເອົາໃຈໃສ່ວຽກ ງານປ້ອງກັນຊາດ-ປ້ອງກັນ ຄວາມສະຫງົບເປັນຫຼັກ, ຕ້ານ ແລະ ມີສະຕິລະວັງຕົວຕໍ່ກົນອຸ ບາຍຂອງກຸ່ມຄົນທີ່ບໍ່ຫວັງດີ, ຄຸ້ມຄອງບັນດາໂຄງການຕ່າງໆ ໃຫ້ມີປະສິດທິພາບ, ການຊີ້ນຳ ນຳພາຕ້ອງລວມສູນ ປະຊາທິ ປະໄຕ, ວິສາຫະກິດຕ້ອງປັບ ຕົວໃນການດຳເນີນທຸລະກິດ, ເອົາໃຈໃສ່ແກ້ໄຂຄວາມທຸກ ຍາກຂອງປະຊາຊົນຢ່າງມີປະ ສິດທິພາບສູງ, ພັດທະນາເສດ ຖະກິດ, ພັດທະນາສີມືແຮງ ງານໃຫ້ມີຄຸນນະພາບ, ສະ ມາຊິກພັກຕ້ອງບຸກບືນກໍ່ສ້າງ ຕົວເອງໃຫ້ເປັນນັກພັດທະ ນາ, ຈາກນັ້ນ ທ່ານ ຄຳພັນ ພົມມະທັດ ໄດ້ໄປຢ້ຽມຢາມ ຟາມງົວຂອງບໍລິສັດພັດທະນາ ກະສິກຳລາວ-ຍີ່ປຸ່ນ ຈຳກັດ ຢູ່ ບ້ານຄັງສີ ເມືອງແປກ. (ຂ່າວ: ບຸນມີ ແສງທຸມມີ)