ສນຊ ເຜີຍແຜ່ນິຕິກຳໃຫ້ແກ່ບັນດາອົງການຈັດຕັ້ງສາສະໜາ


...

     ສູນກາງແນວລາວສ້າງ ຊາດ (ສນຊ) ໄດ້ຈັດກອງປະ ຊຸມເຊື່ອມຊຶມເອກະສານນິຕິ ກຳກ່ຽວກັບວຽກງານສາສະໜາ ໃຫ້ແກ່ຄະນະຮັບຜິດຊອບສາ ສະໜາຕ່າງໆ ພາຍໃນນະ ຄອນຫຼວງວຽງຈັນຂຶ້ນ ໃນລະ ຫວ່າງວັນທີ 20-21 ກັນຍາຜ່ານ ມານີ້, ໂດຍການເປັນປະທານ ຂອງ ທ່ານ ໄຊສົມພອນ ພົມ ວິຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ, ມີບັນ ດາທ່ານ ຮອງປະທານ ສນຊ, ບັນດາ ທ່ານຫົວໜ້າກົມ, ຫົວໜ້າ ຫ້ອງການ, ຄະນະນຳຂອງສາ ສະໜາຕ່າງໆ ພ້ອມດ້ວຍພະ ນັກງານ-ລັດຖະກອນທີ່ກ່ຽວ ຂ້ອງເຂົ້າຮ່ວມ. ກອງປະຊຸມຄັ້ງນີ້ ໄດ້ຮັບ ຟັງການເຊື່ອມຊຶມມາດຕະ ການກ່ຽວກັບການຄຸ້ມຄອງ ແລະ ປົກປ້ອງການເຄື່ອນໄຫວ ສາສະໜາຕ່າງໆຢູ່ ສປປ ລາວ ເພື່ອເຮັດໃຫ້ນັກບວດ, ນັກ ສອນສາສະໜາ, ສາສະນິກະ ຊົນ ແລະ ການຈັດຕັ້ງສາສະ ໜາເຄື່ອນໄຫວຖືກຕ້ອງຕາມ ກົດໝາຍ, ລະບຽບການ ແລະ ຫຼັກທຳຄຳສັ່ງສອນ, ແນໃສ່ປົກ ປັກຮັກສາ ແລະ ເສີມຂະຫຍາຍ ວັດທະນະທຳອັນດີງາມຂອງ ຊາດ, ເພີ່ມທະວີຄວາມສາມັກ ຄີກົມກຽວລະຫວ່າງບຸກຄົນ ເຊື່ອຖືສາສະໜາຕ່າງໆ ພ້ອມ ກັນປະກອບສ່ວນເຂົ້າໃນການ ປົກປັກຮັກສາ ແລະ ສ້າງສາ ພັດທະນາປະເທດຊາດ. ກອງປະຊຸມຄັ້ງນີ້ ຜູ້ເຂົ້າ ຮ່ວມໄດ້ຄົ້ນຄວ້າປະກອບຄຳ ຄິດຄຳເຫັນຢ່າງກົງໄປກົງມາ ກ່ຽວກັບວຽກງານສາສະໜາ ຕ່າງໆ ຊຶ່ງເປັນການເສີມຂະ ຫຍາຍມູນເຊື້ອຮີດຄອງປະເພ ນີອັນດີງາມຂອງຊາດຂອງປະ ຊາຊົນລາວບັນດາເຜົ່າ ແລະ ສິດເປັນເຈົ້າຂອງປະເທດຊາດ, ທັດສະນະຂອງພັກຕໍ່ການເຊື່ອ ຖືສາສະໜາ ແລະ ສິ່ງທີ່ຄວນ ເອົາໃຈໃສ່ໃຫ້ມີສະຕິລະວັງຕົວ ຕໍ່ການເຄື່ອນໄຫວຂອງກຸ່ມຄົນ ທີ່ບໍ່ຫວັງດີສວຍໃຊ້ວຽກງານ ສາສະໜາ ເພື່ອແບ່ງແຍກ ຄວາມສາມັກຄີຂອງປະຊາຊົນ ລາວບັນດາເຜົ່າ. (ຂ່າວ: ສຸວັນລີ)