ຊຽງຂວາງ ຫາລືການກະກຽມຕ້ອນຮັບປີທ່ອງທ່ຽວລາວ 2018


...

     ແຂວງຊຽງຂວາງ ຈັດກອງປະຊຸມປຶກສາຫາລືກະກຽມຕ້ອນຮັບປີທ່ອງທ່ຽວລາວ ປີ 2018 ແລະ ງານມະຫະກຳກິລາແຫ່ງຊາດ ຄັ້ງທີ 11 ໃນປີ 2018 ທີ່ແຂວງຊຽງຂວາງເປັນເຈົ້າພາບ ແລະ ກຽມຄວາມພ້ອມສະເໜີເອົາທົ່ງໄຫຫີນ ເຂົ້າເປັນມໍລະດົກໂລກ ຂຶ້ນໃນວັນທີ 22 ກັນຍາຜ່ານມານີ້ ທີ່ຫ້ອງວ່າການປົກຄອງແຂວງຊຽງຂວາງ ໂດຍການເປັນປະທານຂອງ ທ່ານ ສົມກົດ ມັງໜໍ່ເມກ ເຈົ້າ ແຂວງຊຽງຂວາງ, ມີຄະນະປະ ຈຳພັກແຂວງ, ຫົວໜ້າພະແນກ ການ, ຫ້ອງການ, ກົມກອງ ແລະ ນັກທຸລະກິດຈຳນວນໜຶ່ງ ເຂົ້າຮ່ວມ. ກອງປະຊຸມຄັ້ງນີ້ ທ່ານ ເຈົ້າແຂວງໄດ້ເນັ້ນໃຫ້ທຸກພາກ ສ່ວນເປັນເຈົ້າການ, ເປັນເຈົ້າ ພາບທີ່ດີໃຫ້ເອົາໃຈໃສ່ວຽກ ງານກະສິກຳ, ອຸດສາຫະກຳ ແລະ ການບໍລິການ, ກະກຽມ ບົດຟ້ອນ, ບົດສະແດງສິລະປະ 6 ເຜົ່າຂອງແຂວງ, ສ້ອມແປງ ເສັ້ນທາງ, ໄຟຟ້າ, ນ້ຳປະປາ, ປັບປຸງໂຮງແຮມ, ການບໍລິ ການ, ອາຫານ, ແຕ່ງບົດເພງ ກ່ຽວກັບຊຽງຂວາງ, ສະແດງ ຫັດຖະກຳ, ທ່ອງທ່ຽວໃຫ້ຄົບ 3 ຢ່າງຄື: ທ່ອງທ່ຽວປະຫວັດສາດ, ທຳມະຊາດ ແລະ ວັດທະນະ ທຳ ຕ້ອງສຸມໃສ່ຄວາມປອດໄພ, ການບໍລິການທີ່ດີ ແລະ ຄວາມ ສະອາດເປັນຫຼັກ, ໃນປີ 2018 ຈະມີງານບຸນຫຼາຍຢ່າງຢູ່ແຂວງ ຊຽງຂວາງຄື: ປີທ່ອງທ່ຽວລາວ, ງານມະຫະກຳກິລາແຫ່ງຊາດ ຄັ້ງທີ 11, ກຽມຮັບແຫຼ່ງທ່ອງ ທ່ຽວທົ່ງໄຫຫີນເຂົ້າເປັນມໍລະ ດົກໂລກ, ງານບຸນກິນຈຽງເຜົ່າ ມົ້ງ, ງານເທດສະການບຸນເຂົ້າ ໄກ່ນ້ອຍ, ງານເທດສະການ ດອກຄາຍບານ ເມືອງໜອງ ແຮດ, ງານບຸນກະເລີ່ເຜົ່າກຶມ ມຸ ແລະ ງານບຸນປະເພນີອື່ນໆ. (ຂ່າວ: ບຸນມີ ແສງທຸມມີ)