ທ່ານ ພັນຄຳ ວິພາວັນ ຢ້ຽມຢາມ ແລະ ເຮັດວຽກຢູ່ສາລະວັນ


...

    

ທ່ານ ພັນຄຳ ວິພາວັນ ກຳມະການກົມການເມືອງສູນ ກາງພັກ ຜູ້ປະຈຳການຄະນະ ເລຂາທິການສູນກາງພັກ ຮອງ ປະທານປະເທດ ພ້ອມດ້ວຍ ຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະ ວັນ ໃນວັນທີ 23 ພະຈິກຜ່ານ ມານີ້ ໂດຍການຕ້ອນຮັບຢ່າງ ອົບອຸ່ນຂອງທ່ານ ສີສຸວັນ ວົງ ຈອມສີ ກຳມະການສູນກາງ ພັກ ເລຂາພັກແຂວງ ເຈົ້າ ແຂວງສາລະວັນ ພ້ອມດ້ວຍ ຄະນະບໍລິຫານງານພັກແຂວງ, ເຈົ້າເມືອງ 8 ເມືອງ ແລະ ພາກ ສ່ວນກ່ຽວຂ້ອງເຂົ້າຮ່ວມ. ໂອກາດຢ້ຽມຢາມຄັ້ງນີ້ ທ່ານ ສີສຸວັນ ວົງຈອມສີ ກໍໄດ້ ລາຍງານສະພາບລວມ, ຈຸດພິ ເສດໃນການພັດທະນາເສດ ຖະກິດ-ສັງຄົມຂອງແຂວງໂດຍ ສັງເຂບ ໂດຍສະເພາະວຽກ ງານປ້ອງກັນຊາດ-ປ້ອງກັນ ຄວາມສະຫງົບ ມີຄວາມສະ ຫງົບໂດຍພື້ນຖານ, ໄດ້ເອົາໃຈ ໃສ່ແກ້ໄຂປາກົດການຫຍໍ້ທໍ້ ຕ່າງໆໃຫ້ຫຼຸຸດໜ້ອຍຖອຍລົງ ສະແດງອອກຄື: ສ້າງບ້ານປ້ອງ ກັນຊາດດີ ກວມ 52,8% ແລະ ບ້ານປ້ອງກັນຄວາມສະຫງົບດີ ກວມ 45,9%. ເສດຖະກິດ ຂອງແຂວງສືບຕໍ່ຂະຫຍາຍຕົວ ຕໍ່ເນື່ອງໃນລະດັບ 7,5% (ແຜນ ສູ້ຊົນໃຫ້ໄດ້ 8%) ລວມຍອດ ຜະລິດຕະພັນພາຍໃນບັນລຸ 4.164,7 ຕື້ກີບ ສະເລ່ຍຕໍ່ຄົນ ເທົ່າກັບ 1.260 ໂດລາສະຫະ ລັດ ແລະ ໄດ້ຂົນຂວາຍປຸກລະ ດົມແຫຼ່ງທຶນຈາກພາຍໃນ ແລະ ຕ່າງປະເທດ ໃຫ້ເຂົ້າມາລົງທຶນ ປະຕິບັດໄດ້ 872,4 ຕື້ກີບ ເທົ່າ ກັບ 64,39%, ໃນນັ້ນ ການລົງ ທຶນຂອງລັດ, ທຶນຊ່ວຍເຫຼືອແລະ ກູ້ຢືມ, ທຶນເອກະຊົນ ພາຍໃນ ແລະ ຕ່າງປະເທດ, ທຶນທະນາຄານ ແລະ ທຶນປະ ຊາຊົນ. ໃນຂະນະທີ່ການຈັດ ເກັບລາຍຮັບສາມາດປະຕິບັດ ໄດ້ 144,997 ຕື້ກີບ ເທົ່າກັບ 90,58%, ສ່ວນການເບີກຈ່າຍ ເງິນເດືອນໃຫ້ພະນັກງານພາຍ ໃນແຂວງແມ່ນປະຕິບັດໄດ້ 100% ຢ່າງເປັນປົກກະຕິ ແລະ ສະເພາະໄດ້ດຸ່ນດ່ຽງໃຫ້ແມ່ນ ສຳເລັດ. ນອກຈາກນັ້ນ ການ ຄຸ້ມຄອງສິນຄ້າສົ່ງອອກປະຕິ ບັດໄດ້ 274,61 ຕື້ກີບ ແລະ ການນຳເຂົ້າສິນຄ້າໄດ້ 87,08 ຕື້ກີບ. ພ້ອມນີ້ ແຂວງສາລະ ວັນ ຍັງໄດ້ສຸມໃສ່ການແກ້ໄຂ ຄວາມທຸກຍາກຂອງປະຊາຊົນ ແລະ ວຽກງານສ້າງ 3 ຂັ້ນ ຊຶ່ງທົ່ວແຂວງມີ 30 ຈຸດສຸມ ໃຫຍ່ຄື: 1. ຈຸດສຸມລັດຖະ ບານ, 6 ຈຸດສຸມແກ້ໄຂຄວາມ ທຸກຍາກ, 7 ຈຸດສຸມຈັດສັນພູມ ລຳເນົາ, 1 ຈຸດສຸມພັດທະນາ ຊາຍແດນ ແລະ 15 ຈຸດສຸມ ສ້າງບ້ານໃຫຍ່ໃຫ້ກາຍເປັນ ຕົວເມືອງນ້ອຍ ໂດຍລວມທົ່ວ ແຂວງ ບ້ານທຸກຍາກຍັງເຫຼືອ 74 ບ້ານ, ກວມ 12% ແລະ ຄອບຄົວທຸກຍາກ 5 ພັນກວ່າ ຄອບຄົວ. ຈາກນັ້ນ, ທ່ານ ພັນຄຳ ວິພາວັນ ກໍໄດ້ສະແດງຄວາມ ຍ້ອງຍໍ, ຊົມເຊີຍຕໍ່ໝາກຜົນ, ຜົນງານທີ່ຄະນະພັກ, ອຳນາດ ການປົກຄອງແຂວງສາລະວັນ ທີ່ຍາດມາໄດ້ໃນໄລຍະຜ່ານ ມາ ແລະ ໃຫ້ເອົາໃຈໃສ່ຜັນຂະ ຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ສືບຕໍ່ຜັນຂະ ຫຍາຍຜົນສຳເລັດບັ້ນດຳເນີນ ຊີວິດການເມືອງປັບປຸງປົວ ແປງພັກ ແລະ ຈັດຕັ້ງປະຕິບັດ ຕໍ່ຜົນໄດ້ຮັບຢ່າງຈິງຈັງ ແລະ ເຂັ້ມແຂງ, ເອົາໃຈໃສ່ສຶກສາ ອົບຮົມການເມືອງ-ແນວຄິດ ໃຫ້ເລິກເຊິ່ງເຖິງຖອງ, ລະອຽດ ຈະແຈ້ງຢ່າງຈິງຈັງ ຕິດພັນກັບ ບັນຫາຕົວຈິງ, ເອົາໃຈໃສ່ຕັ້ງ ໜ້າປັບປຸງອົງການຈັດຕັ້ງພັກ, ພະນັກງານ ໃຫ້ໄດ້ຮັບການຫັນ ປ່ຽນຢ່າງຕັ້ງໜ້າ, ສ້າງພັກ, ພະ ນັກງານໃຫ້ປອດໃສຂາວສະ ອາດ, ເຂັ້ມແຂງ ແລະ ໜັກ ແໜ້ນ, ຄຽງຄູ່ກັບການແກ້ໄຂ ປາກົດການຫຍໍ້ທໍ້ທີ່ເກີດຂຶ້ນ ພາຍໃນພັກ-ພະນັກງານ ເພື່ອ ສະກັດກັ້ນຕ້ານການສໍ້ລາດບັງ ຫຼວງ, ເອົາໃຈໃສ່ໃນການສ້າງ ເສດຖະກິດຂອງແຂວງ ໃຫ້ມີ ການຂະຫຍາຍຕົວ ໂດຍຊອກ ວິທີເພີ່ມແຫຼ່ງລາຍຮັບ, ປະຢັດ ລາຍຈ່າຍ ແລະ ຫຼີກລ່ຽງຈາກ ການສ້າງໜີ້ສິນໃໝ່ ແລະ ພະ ຍາຍາມແກ້ໄຂບັນຫາເກົ່າທີ່ ຄົງຄ້າງໃຫ້ໄດ້ຢ່າງສິ້ນເຊີງ ຕິດ ພັນກັບການຊຸກຍູ້ບັນດານັກທຸ ລະກິດ, ນັກລົງທຶນ ແລະ ຫົວ ໜ່ວຍທຸລະກິດຕ່າງໆ ຫັນມາ ລົງທຶນໃນຂົງເຂດວຽກງານ ຕ່າງໆພາຍໃນແຂວງສາລະ ວັນໃຫ້ຫຼາຍຂຶ້ນ ເພື່ອຊຸກຍູ້ພັກ ດັນເສດຖະກິດຂອງແຂວງໃຫ້ ໄດ້ຮັບການພັດທະນາດີຂຶ້ນ ເປັນກ້າວໆ. ໂອກາດດຽວກັນນີ້ ໃນ ຕອນເຊົ້າທ່ານຮອງປະທານ ປະເທດ ຍັງໄດ້ຖືໂອກາດລົງ ຢ້ຽມຢາມເມືອງສະໝ້ວຍນຳ ອີກ ໂດຍການຕ້ອນຮັບຂອງ ຄະນະນຳເມືອງຢ່າງສົມກຽດ. (ຂ່າວ-ພາບ: ວິໄລວອນ ສິດທິໄຊ)