ລາວ-ຫວຽດນາມ ເພີ່ມທະວີການຮ່ວມມືວຽກງານຍຸຕິທຳ


...

    

ກອງປະຊຸມພົບປະສອງຝ່າຍ ລະຫວ່າງ ຄະນະຜູ້ແທນກະຊວງ ຍຸຕິທຳ ແຫ່ງ ສປປ ລາວ ແລະ ກະຊວງຍຸຕິທຳ ແຫ່ງ ສສ ຫວຽດ ນາມ ໄດ້ຈັດຂຶ້ນເມື່ອວັນທີ 27 ພະຈິກນີ້ ທີ່ ໂຮງແຮມເມືອງແທັງ ນະຄອນ ຫຼວງວຽງຈັນ, ຝ່າຍລາວນຳ ໂດຍ ທ່ານ ໄຊສີ ສັນຕິວົງ ກຳມະການສູນກາງພັກ, ລັດ ຖະມົນຕີກະຊວງຍຸຕິທຳ ແຫ່ງ ສປປ ລາວ ແລະ ຝ່າຍຫວຽດ ນາມ ນຳໂດຍ ທ່ານ ເລແທງ ລອງ ກຳມະການສູນກາງພັກ ກອມມູນິດຫວຽດນາມ ລັດຖະ ມົນຕີກະຊວງຍຸຕິທຳ ແຫ່ງ ສສ ຫວຽດນາມ. ການພົບປະຄັ້ງນີ້ ສອງ ຝ່າຍໄດ້ຕີລາຄາຄືນການຈັດ ຕັ້ງປະຕິບັດແຜນການຮ່ວມມື ຂອງສອງກະຊວງ ໃນໄລຍະປີ 2017 ໂດຍໄດ້ມີການພົວພັນ ກັນຢູ່ຂັ້ນສູນກາງ ຕະຫຼອດ ຮອດຂັ້ນທ້ອງຖິ່ນ ຊຶ່ງໄດ້ມີ ການພົວພັນຮ່ວມມືກັນຢ່າງຕໍ່ ເນື່ອງລຽນຕິດ ແລະ ດຳເນີນ ໄປດ້ວຍບັນຍາກາດທີ່ດີ, ບໍ່ ສະເພາະແຕ່ບັນດາແຂວງທີ່ມີ ຊາຍແດນຕິດຈອດກັນເທົ່າ ນັ້ນ, ບັນດາແຂວງອື່ນທີ່ບໍ່ມີ ຊາຍແດນຕິດຈອດກໍໄດ້ມີການ ພົວພັນຮ່ວມມື ແລະ ຊ່ວຍເຫຼືອ ຊຶ່ງກັນ ແລະ ກັນເປັນຢ່າງດີ, ສອງຝ່າຍຕີລາຄາສູງຕໍ່ການ ພົວພັນມິດຕະພາບ ເພື່ອຈັດ ຕັ້ງຜັນຂະຫຍາຍເນື້ອໃນຂອງ ບົດບັນທຶກຮ່ວມມືລະຫວ່າງ ສອງກະຊວງດັ່ງກ່າວ ໄລຍະ ແຕ່ປີ 2015-2020 ໃຫ້ເຂົ້າສູ່ ລວງເລິກ ແລະ ປາກົດຜົນ ເປັນຈິງຢ່າງມີປະສິດທິຜົນ. ໃນນັ້ນ ທັງສອງຝ່າຍໄດ້ ປຶກສາຫາລືກ່ຽວກັບທິດທາງ ສືບຕໍ່ພົວພັນຮ່ວມມືໃນຕໍ່ໜ້າ ໃຫ້ກ້າວເຂົ້າສູ່ລວງເລິກ ໂດຍ ສະເພາະໃນປີ 2018, ກະຊວງ ຍຸຕິທຳ ສປປ ລາວ ຈະເປັນ ເຈົ້າພາບຈັດກອງປະຊຸມວຽກ ງານຍຸຕິທຳຂອງບັນດາແຂວງ ທີ່ມີຊາຍແດນລະຫວ່າງລາວ- ຫວຽດນາມ ຄັ້ງທີ 4, ກອງປະ ຊຸມເຈົ້າໜ້າທີ່ອາວຸໂສກົດໝາຍ ອາຊຽນ ແລະ ກອງປະຊຸມລັດ ຖະມົນຕີກົດໝາຍອາຊຽນ. ດັ່ງ ນັ້ນ ຈຶ່ງສະເໜີໃຫ້ກະຊວງຍຸຕິ ທຳ ສສ ຫວຽດນາມ ຖ່າຍທອດ ບົດຮຽນ ແລະ ແລກປ່ຽນກັບ ວຽກງານດັ່ງກ່າວ, ຫຼັງຈາກນັ້ນ ກໍໄດ້ມີພິທີເຊັນແຜນການຮ່ວມ ມືລະຫວ່າງກະຊວງຍຸຕິທຳ ລາວ-ກະຊວງຍຸຕິທຳ ສສ ຫວຽດນາມ ປີ 2018.