ພິທີເປີດປີທ່ອງທ່ຽວລາວ 2018 ແລະ ບຸນນະມັດສະການພະທາດຫຼວງ 2017 ຈັດຂຶ້ນຢ່າງຍິ່ງໃຫຍ່


...

    

ພິທີເປີດປີທ່ອງທ່ຽວລາວ 2018 ແລະ ເປີດງານບຸນນະມັດສະການພະທາດຫຼວງປີ 2017 ໄດ້ຈັດຂຶ້ນຢ່າງເປັນທາງການ ໃນເວລາປະມານ 17:00 ໂມງຂອງວັນທີ 28 ຕຸລານີ້ ທີ່ເດີ່ນພະທາດຫຼວງ ນະຄອນຫຼວງວຽງຈັນ ໂດຍເປັນກຽດເຂົ້າ ຮ່ວມງານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍບັນດາທ່ານລັດຖະມົນຕີ, ຮອງລັດຖະມົນຕີ, ບັນດາແຂກທັງພາຍໃນ ແລະ ຕ່າງປະເທດ.

...

...

ໃນພິທີ, ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮອງປະທານຄະນະຮັບຜິດຊອບຊີ້ນຳລະດັບຊາດ ໃນການຈັດປີທ່ອງທ່ຽວລາວ 2018 ໄດ້ຂຶ້ນກ່າວລາຍງານການກະ ກຽມປີທ່ອງທ່ຽວລາວ 2018 ໂດຍໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຂອງການຈັດປີທ່ອງທ່ຽວລາວ 2018 ພ້ອມທັງຫ້າງຫາກະກຽມຈັດງານເປີດຕະຫຼາດນັດສາກົນ ແລະ ບຸນນະມັດສະການພະທາດຫຼວງວຽງຈັນ ຊຶ່ງເປັນບຸນ ປະເພນີອັນດີງາມຂອງຊາດແລ້ວ ຍັງເປັນການສະເຫຼີມສະຫຼອງຜົນສຳເລັດການປະຕິສັງຂອນ ພະທາດຫຼວງ ຄັ້ງທີ 4 ແລະ ງານສົມໂພດ ພະທາດຫຼວງໃນໄລຍະດຽວກັນ. ທ່ານກ່າວຕື່ມອີກວ່າ: ລັດ ຖະບານ ຖືເອົາວຽກງານການ ພັດທະນາ ແລະ ສົ່ງເສີມການ ທ່ອງທ່ຽວເປັນການຂະຫຍາຍ ຕົວ ແລະ ເປີດກວ້າງການພົວ ພັນຮ່ວມມືກັບພາຍນອກ ແລະ ກຳນົດທິດທາງ ໃນການຂະ ຫຍາຍການທ່ອງທ່ຽວທາງທຳ ມະຊາດ, ປະຫວັດສາດ ແລະ ວັດທະນະທຳ ດັ່ງຄຳຂວັນຂອງ ປີທ່ອງທ່ຽວລາວ 2018 ທີ່ວ່າ: "ທ່ອງທ່ຽວເມືອງລາວ ຮຽນຮູ້ ປະຫວັດສາດ, ຊື່ນຊົມທຳມະ ຊາດ ແລະ ອະນຸລັກສົ່ງເສີມ ວັດທະນະທຳ". ຈາກນັ້ນ ທ່ານ ທອງລຸນ ສີສຸລິດ ນາຍົກລັດຖະ ມົນຕີ ໄດ້ກ່າວເປີດປີທ່ອງທ່ຽວ ລາວ 2018 ແລະ ງານບຸນນະ ມັດສະການພະທາດຫຼວງວຽງ ຈັນ ຢ່າງເປັນທາງການ ພ້ອມ ດ້ວຍຂຶ້ນລັ່ນຄ້ອງ 9 ບາດ ເພື່ອ ເປັນສີລິມຸງຄຸນໃຫ້ແກ່ງານດັ່ງ ກ່າວ. ຫຼັງຈາກນັ້ນ ທ່ານນາຍົກ ລັດຖະມົນຕີ ພ້ອມຄະນະກຳ ມະການ ແລະ ບັນດາທ່ານ ການນຳ ແລະ ແຂກຖືກເຊີນ ເຂົ້າຢ້ຽມຊົມຮ້ານວາງສະແດງ ການທ່ອງທ່ຽວ ແລະ ສິນຄ້າ ສິລະປະຫັດຖະກຳພາຍໃນບໍ ລິເວນສະໜາມຫຼວງມີ 640 ຮ້ານ, ໃນນັ້ນ ມີຮ້ານຕ່າງປະ ເທດ 3 ຮ້ານ. ໃນຕອນຄ່ຳຂອງ ວັນດຽວກັນ, ຄະນະຮັບຜິດ ຊອບຈັດງານ ກໍໄດ້ຈັດງານລ້ຽງ ພ້ອມທັງຊົມການສະແດງສິລະ ປະທີ່ຈັດຂຶ້ນທີ່ໂຮງແຮມແລນ ມາກ. (ຂ່າວ-ພາບ: ພູວຽງຄຳ)