ສົມໂພດ ປະຕິສັງຂອນພະທາດຫຼວງວຽງຈັນ


...

    

ພິທີສົມໂພດ ປະຕິສັງຂອນພະທາດຫຼວງວຽງຈັນ ໄດ້ຈັດຂຶ້ນ ໃນວັນທີ 27 ຕຸລາ ຜ່ານມານີ້, ທີ່ພະທາດຫຼວງ ໂດຍການເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ປະທານ ສະພາແຫ່ງຊາດ, ທ່ານ ສິນລະວົງ ຄຸດໄພທູນ ເຈົ້າຄອງ ນະຄອນຫຼວງວຽງຈັນ ພ້ອມ ດ້ວຍບັນດາທ່ານ, ຄອບຄົວ ການນຳຂັ້ນສູງ, ແຂກຖືກເຊີນ, ຄະນະຮັບຜິດຊອບໂຄງການ ຕະຫຼອດພໍ່ແມ່ປະຊາຊົນຊາວ ນະຄອນຫຼວງວຽງຈັນ ແລະ ສື່ ມວນຊົນເຂົ້າຮ່ວມຢ່າງຫຼວງ ຫຼາຍ. ໃນພິທີດັ່ງກ່າວນີ້, ທ່ານ ສີຫຸນ ສິດທິລືໄຊ ຮອງເຈົ້າຄອງ ນະຄອນຫຼວງວຽງຈັນໄດ້ກ່າວ ຜົນສຳເລັດຄັ້ງນີ້ວ່າ: ມື້ນີ້ເປັນມື້ ຂຶ້ນ 8 ຄ່ຳເດືອນ 12 ພສ 2560 ຖືໄດ້ວ່າເປັນເລີກງາມຍາມດີ ສຳລັບປວງຊົນລາວທີ່ໄດ້ພ້ອມ ພຽງຮຽງໜ້າທີ່ໄດ້ມາຄາລະວະ ກະກຽມໃຫ້ແກ່ງານສະເຫຼີມສະ ຫຼອງພະທາດຫຼວງໄດ້ໝູນວຽນ ມາບັນຈົບຄົບຮອບອີກວາລະ ໜຶ່ງ ຄົບຮອບ 451 ປີ, ຕະຫຼອດ ໄລຍະ 451 ປີຜ່ານມາ, ທີ່ປະຊາ ຊົນລາວເຮົາແຕ່ເໜືອເຖິງໃຕ້ ໄດ້ມີຄວາມເຫຼື້ອມໃສສັດທາ ໃນອົງພະທາດຫຼວງໄດ້ຮັບ ຄວາມຮົ່ມເຢັນເປັນສຸກມາເຖິງ ປັດຈຸບັນນີ້ ການປະຕິສັງຂອນ ພະທາດຫຼວງ ຄັ້ງທີ 4 ນີ້ ປະ ກອບດ້ວຍ 8 ກິດຈະກຳສຳຄັນ ຄື: ໂອບຄຳຈອມພະທາດຫຼວງ, ໂບກຮອຍແຕກອົງພະທາດ ແລະ ຫໍໄຫວ້ທັງສີ່ດ້ານ, ທາສີ ອົງພະທາດໃຫຍ່, ພະທາດບາ ລະມີ 30 ລູກ, ພະທາດສີທຳ ມະຫາໂຊກ ແລະ ຫໍກວາງ, ບູ ລະນະຫຼັງຄາກົມມະລຽນຄືນ ໃໝ່, ສ້ອມແປງປະຕູໃຫຍ່ທັງ ສີ່ດ້ານ, ປັບປຸງພື້ນລະບົບລະ ບຽງ, ປັບປຸງຮ່ອງນ້ຳອ້ອມຂ້າງ ແລະ ປັບປຸງລະບົບໄຟຟ້າໄດ້ ສຳເລັດ ໂດຍພື້ນຖານລວມມູນ ຄ່າການປະຕິສັງຂອນ 12,8 ຕື້ ກ່ວາກີບ, ຜົນສຳເລັດດັ່ງກ່າວ ມາຈາກການປະກອບສ່ວນ ຂອງຫຼາຍພາກສ່ວນທາງດ້ານ ເງິນ, ຄຳ ລວມເປັນເງິນ 6 ຕື້ກ່ວາ ກີບ, ຄຳ 22 ກິໂລກຣາມກວ່າ. ດັ່ງໄດ້ບັນທຶກໄວ້ໃນປຶ້ມຄຳ ປຶ້ມເງິນ ແລະ ຫີນສີລາຈາລຶກ. ພະທາດຫຼວງວຽງຈັນ ແມ່ນມໍລະດົກແຫ່ງຊາດລາວ ທາງດ້ານວັດທະນະທຳ ແລະ ປະ ຫວັດສາດເປັນປູຊະນີຍະສະ ຖານເກົ່າແກ່ ທັງເປັນມິ່ງຂວັນ ຂອງຊາດລາວເຮົາມາແຕ່ດົນ ນານ ໃນງານສົມໂພດປະຕິສັງ ຂອນພະທາດຫຼວງຄັ້ງນີ້ ຜູ້ເຂົ້າ ຮ່ວມຍັງໄດ້ສົມໂພດພະພຸດ ທະຮູບຄຳ ທີ່ໄດ້ຫຼໍ່ຂຶ້ນໃໝ່ຕື່ມອີກ. (ຂ່າວ: ນ. ສະຫວັນຄຳ)