ເຜີຍແຜ່ການຈັດຕັ້ງປະຕິບັດດຳລັດວ່າດ້ວຍ ມາດຕະຖານພົ້ນທຸກ


...

    

ກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມເຜີຍ ແຜ່ເຊື່ອມຊຶມ ແລະ ແນະນຳ ການຈັດຕັ້ງປະຕິບັດດຳລັດວ່າ ດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ໃນວັນທີ 29 ພະຈິກ ນີ້ ທີ່ຫໍປະ ຊຸມແຫ່ງຊາດ ໂດຍການເຂົ້າ ຮ່ວມຂອງທ່ານ ຈູມມາລີ ໄຊ ຍະສອນ ອະດີດເລຂາທິການ ໃຫຍ່ພັກ ປປ ລາວ, ອະດີດປະ ທານປະເທດ, ທ່ານ ລຽນ ທີ ແກ້ວ ກຳມະການສູນກາງພັກ ລັດຖະມົນຕີກະຊວງກະສິກຳ ແລະ ປ່າໄມ້. ກອງປະຊຸມຄັ້ງນີ້ ແມ່ນ ເພື່ອຍົກສູງຄວາມຮັບຜິດຊອບ ຂອງບັນດາກະຊວງ, ອົງການ ລັດທຽບເທົ່າກະຊວງ, ບັນດາ ແຂວງແລະ ນະຄອນຫຼວງໃນທົ່ວປະ ເທດ. ໃນນັ້ນ, ກອງປະຊຸມໄດ້ ພ້ອມກັນຮັບຟັງການເຜີຍແຜ່ ເຊື່ອມຊຶມການບັນລະຍາຍ ເອກະສານຈາກ ທ່ານ ລຽນ ທີແກ້ວ ກ່ຽວກັບເນື້ອໃນການ ແນະນຳຈັດຕັ້ງປະຕິບັດດຳລັດ ເລກທີ 348/ນຍ, ລົງວັນທີ 16 ພະຈິກ 2017 ວ່າດ້ວຍມາດ ຕະຖານພົ້ນທຸກ ແລະ ມາດຕະ ຖານພັດທະນາສະບັບໃໝ່ທີ່ ນຳໃຊ້ໃນເງື່ອນໄຂສະພາບ ການພາຍໃນ ແລະ ແວດລ້ອມ ສາກົນໃໝ່ໃນການຍູ້ແຮງການ ພັດທະນາເວົ້າລວມ, ເວົ້າສະ ເພາະວຽກງານກໍ່ສ້າງຮາກ ຖານການເມືອງ, ພັດທະນາ ຊົນນະບົດ ແລະ ລຶບລ້າງຄວາມ ທຸກຍາກຢູ່ປະເທດເຮົາໃນສະ ເພາະໜ້າ ແລະ ຍາວນານ. ທ່ານ ຈູມມາລີ ໄຊຍະ ສອນ ໄດ້ໃຫ້ກຽດໂອ້ລົມຕໍ່ກອງ ປະຊຸມ ຊຶ່ງມີເນື້ອໃນວ່າ: ຕ້ອງ ມີການສ້າງພື້ນຖານການເມືອງ ໜັກແໜ້ນສືບຕໍ່ປະຕິບັດວຽກ ງານ 3 ສ້າງຄື: ສ້າງແຂວງເປັນ ຫົວໜ່ວຍຍຸດທະສາດ, ສ້າງ ເມືອງເປັນຫົວໜ່ວຍເຂັ້ມແຂງ ນຳພາຮອບດ້ານ ແລະ ສ້າງ ບ້ານເປັນຜູ້ຈັດຕັ້ງປະຕິບັດໃນ ການພັດທະນາ, ການປະຕິບັດ ວຽກງານໃນໄລຍະທີ່ຜ່ານມາ ຕ້ອງໄດ້ເບິ່ງຄືນ, ມາດຖານສູ້ ຊົນພົ້ນທຸກ ເນື້ອໃນລະອຽດ ແຕ່ລະດ້ານໃຫ້ມັນເລິກເຊິ່ງ, ສ່ວນມາດຕະຖານຂອງຄອບ ຄົວພົ້ນທຸກຖືກຕ້ອງແທ້ບໍ, ມາດຕະຖານບ້ານທຸກຍາກ, ມາດຕະຖານເມືອງທຸກຍາກ ເດເປັນແນວໃດຕ້ອງຕີລາຄາ ຜົນຂອງການເກັບກຳໃຫ້ຖືກ ຕ້ອງ, ຄຽງຄູ່ກັນນີ້ ກໍຕ້ອງເອົາໃຈ ໃສ່ຍູ້ແຮງການຜະລິດເປັນ ສິນຄ້າສ້າງເປັນອຸດສາຫະກຳ ທີ່ທັນສະໄໝເທື່ອລະກ້າວ, ພ້ອມທັງເບິ່ງຄືນຄາດໝາຍ ຂອງການພັດທະນາມາດຖານ ການສ້າງບ້ານໃຫຍ່ໃຫ້ກາຍ ເປັນຕົວເມືອງນ້ອຍໃນຊົນນະ ບົດ ກ່ອນອື່ນໝົດຕ້ອງເລັ່ງແກ້ ໄຂເສັ້ນທາງເຂົ້າເຖິງໃຫ້ໄດ້ ເຖິງວ່າຈະຢູ່ຫ່າງໄກສອກຫຼີກ ກໍຕາມ. ສ່ວນຈຸດສຸມສ້າງແຜນ ພັດທະນາເລີ່ມຈາກທ່າແຮງ ບົ່ມຊ້ອນທຳມະຊາດ ພູມສັນ ຖານທີ່ຕັ້ງມີຄວາມພ້ອມ ຫຼື ບໍ່ ລະດັບຄວາມສາມາດຂອງຄົນ (ຈິນຕະນາການ) ພື້ນຖານໂຄງ ລ່າງມີຄວາມພ້ອມ ຫຼື ບໍ່ ວາງ ແຜນຈຸດສຸມແລ້ວ ຕ້ອງປະຕິ ບັດໃຫ້ມັນເກີດຜົນເປັນຈິງ. (ຂ່າວ: ແສງຈັນ)