ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ນາຍົກ ຢ້ຽມຢາມໂຄງການກໍ່ສ້າງເຂ່ືອນໄຟຟ້າ ນ້ຳງຽບ 1

    ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມຄະນະລົງຢ້ຽມຢາມໂຄງການເຂື່ອນໄຟ ຟ້ານ້ຳງຽບ 1 ເພື່ອເບິ່ງຄວາມຄືບໜ້າຂອງການກໍ່ສ້າງ ແລະ ວຽກງານພັດ ທະນາສັງຄົມຂອງໂຄງການ ໃນວັນທີ 1 ກຸມພາຜ່ານມານີ້, ທີ່ໂຄງການເຂື່ອນໄຟຟ້ານ້ຳງຽບ 1 ບ້ານຫາດຍື້ນ ເມືອງບໍລິຄັນ ແຂວງບໍລິຄຳໄຊ. ທ່ານ ໂຢຊິຮິໂຣ ຢາມາບາຢາຊິ (Yoshihiro Yamabayashi) ຜູ້ອຳນວຍການຂອງບໍລິສັດ ໄຟຟ້ານ້ຳງຽບ 1 ລາຍງານວ່າ: ໂຄງການໄຟຟ້ານ້ຳງຽບ 1 ມີກຳລັງຕິດຕັ້ງປະມານ 290 ເມກາວັດ ຊຶ່ງກຳ ລັງດຳເນີນການກໍ່ສ້າງຢູ່ແຂວງ ບໍລິຄຳໄຊ ແລະ ແຂວງໄຊສົມ ບູນ ໂດຍປະກອບມີການກໍ່ສ້າງ ເຂື່ອນສອງເຂື່ອນ ແລະ ເຮືອນ ຈັກຜະລິດໄຟຟ້າສອງເຮືອນ. ໂຄງການດັ່ງ ກ່າວໄດ້ເລີ່ມ ລົງມືກໍ່ສ້າງມາແຕ່ທ້າຍປີ 2014 ແລະ ມາຮອດທ້າຍປີ 2016 ກໍມີ ຄວາມຄືບໜ້າປະມານ 60,30% ແລະ ຄາດວ່າໃນທ້າຍປີ 2017 ການກໍ່ສ້າງໂຄງການ ຈະສຳເລັດ ປະມານ 90%. ສ່ວນປະຊາຊົນຜູ້ທີ່ຖືກຜົນ ກະທົບຈາກໂຄງການດັ່ງກ່າວ ມີປະມານ 520 ຄອບຄົວ, ຈາກບ້ານຫາດຊາຍຄຳ ເມືອງ ບໍລິຄັນ ແຂວງບໍລິຄຳໄຊ ແລະ ອີກສີ່ບ້ານຢູ່ເມືອງຮົ່ມ ແຂວງ ໄຊສົມບູນຈະໄດ້ຍົກຍ້າຍ ເພື່ອ ການກໍ່ສ້າງເຂື່ອນ ໃນທ້າຍເດືອນ ພະຈິກ 2016 ການຍົກຍ້າຍ ປະຊາຊົນບ້ານຫາດຊາຍຄຳກໍ ໄດ້ສຳເລັດເປັນທີ່ຮຽບຮ້ອຍ ແລ້ວ ແລະ ການຍົກຍ້າຍຄົວ ເຮືອນທີ່ເຫຼືອຈາກເມືອງຮົ່ມ ຄາດວ່າຈະສຳເລັດໃນທ້າຍ ເດືອນມີຖຸນາ 2017 ຈະເຖິງນີ້. ໃນໄລຍະການຢ້ຽມຢາມ ທ່ານນາຍົກໄດ້ໄປຢ້ຽມຊົມ ເຂື່ອນໃຫຍ່ ແລະ ເຮືອນຈັກ ຜະລິດໄຟຟ້າທີ່ກຳລັງຢູ່ໃນການ ກໍ່ສ້າງ ພ້ອມທັງຢ້ຽມຊົມບ້ານ ຈັດສັນເຂດຫ້ວຍສູບຂອງໂຄງ ການ ຊຶ່ງເຂດດັ່ງ ກ່າວແມ່ນຕັ້ງ ຢູ່ເມືອງບໍລິຄັນ ແລະ ຕິດກັບ ເຂື່ອນດັດສົມນ້ຳຂອງໂຄງການ ເຂື່ອນໄຟຟ້ານ້ຳງຽບ 1 ໂດຍ ມີເນື້ອທີ່ປະມານ 6,100 ເຮັກ ຕາ ຈັດສັນໄວ້ ເພື່ອຮອງຮັບ ປະຊາຊົນຜູ້ທີ່ຖືກຜົນກະທົບ ຈາກໂຄງການ ໃນທ້າຍເດືອນ ມັງກອນ 2017 ກໍມີອີກ 62 ຄອບຄົວຢູ່ເມືອງຮົ່ມໄດ້ຕັດສິນ ໃຈຍົກຍ້າຍມາເຂດນີ້ ສຳລັບ ຄອບຄົວທີ່ເຫຼືອ ຈຳນວນໜຶ່ງກໍ ໄດ້ເລືອກເອົາຄ່າຊົດເຊີຍທັງ ໝົດ ແລະ ສະໝັກໃຈຍົກຍ້າຍ ໄປບ່ອນອື່ນ, ສ່ວນທີ່ເຫຼືອຍັງລໍ ຖ້າການຕັດສິນໃຈວ່າຈະຍົກ ຍ້າຍໄປບ່ອນໃດ ຊຶ່ງຄາດວ່າ ຈະຮູ້ໃນໄວໆນີ້. ໂຄງການແມ່ນຢູ່ພາຍໃຕ້ ການຄວບຄຸມການກໍ່ສ້າງ ແລະ ດຳເນີນງານຂອງບໍລິສັດໄຟຟ້າ ນ້ຳງຽບ 1 ຊຶ່ງປະກອບມີສາມຂາ ຮຸ້ນຄື: ບໍລິສັດຄັນໄຊການໄຟ ຟ້າແຫ່ງປະເທດຍີ່ປຸ່ນ (Kansai Electric Power), ການໄຟ ຟ້າຝ່າຍຜະລິດແຫ່ງປະເທດ ໄທ (EGAT) ແລະ ລັດວິສາ ຫະກິດຖືຮຸ້ນລາວ (LHSE). ໂຄງການ ຈະເລີ່ມຜະລິດ ໄຟຟ້າໃນເດືອນມັງກອນປີ 2019 ແລະ ກະແສໄຟຟ້າປະ ມານ 95% ຈະຂາຍສົ່ງໃຫ້ປະ ເທດໄທ ແລະ ສ່ວນທີ່ເຫຼືອຈະ ນຳມາຊົມໃຊ້ພາຍໃນປະເທດ ຊຶ່ງຄາດ ວ່າຈະສ້າງລາຍຮັບໂດຍ ກົງໃຫ້ແກ່ລັດຖະບານລາວໄດ້ ຫຼາຍກ່ວາ 600 ລ້ານໂດລາສະ ຫະລັດ (4.800 ຕື້ກີບ) ພ້ອມ ທັງຜົນປະໂຫຍດທາງອ້ອມຈຳ ນວນໜຶ່ງອີກ ໃນໄລຍະສຳປະ ທານ 27 ປີ ແລະ ຫຼັງຈາກນັ້ນ ໂຄງການຈະຖືກໂອນມາເປັນ ກຳມະສິດຂອງລັດຖະບານ ແຫ່ງ ສປປ ລາວ.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110