ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ສນຊ ເຜີຍແຜ່ຜົນສຳເລັດກອງປະຊຸມສະໄໝ ສາມັນເທ່ືອທີ 2 ຂອງສະພາແຫ່ງຊາດ

    ສູນກາງແນວລາວ ສ້າງຊາດ (ສນຊ) ໄດ້ຈັດຕັ້ງ ເຜີຍແຜ່ເນື້ອໃນຈິດໃຈຜົນສຳ ເລັດກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ VIII. ພິທີດັ່ງກ່າວ ໄດ້ຈັດຂຶ້ນໃນ ວັນທີ 7 ກຸມພາຜ່ານມານີ້ທີ່ ສນຊ ໂດຍການໃຫ້ກຽດເຜີຍແຜ່ ຂອງທ່ານ ສົມພັນ ແພງຄຳມີ ກຳມະການສູນກາງພັກ ຮອງ ປະທານສະພາແຫ່ງຊາດ ຊຶ່ງ ມີ ທ່ານ ຄຳໃບ ດຳລັດ ກຳມະ ການສູນກາງພັກ ຮອງປະທານ ສນຊ ມີບັນດາຄະນະພັກ, ຮອງປະທານ, ກຳມະການ ສນຊ ພ້ອມດ້ວຍພະນັກງານສະມາ ຊິກພັກ - ລັດຖະກອນ ອ້ອມ ຂ້າງ ສນຊ ເຂົ້າຮ່ວມ. ການເຜີຍແຜ່ຜົນສຳເລັດ ກອງປະຊຸມສະໄໝສາມັນເທື່ອ ທີ 2 ຂອງສະພາແຫ່ງຊາດ ຄັ້ງນີ້, ທ່ານ ສົມພັນ ແພງຄຳມີ ໄດ້ຍົກໃຫ້ເຫັນວ່າ: ກອງປະ ຊຸມສະພາເທື່ອນີ້ ໄດ້ຮັບຮອງ ເອົາບັນດາເນື້ອໃນທີ່ສຳຄັນ ຂອງຊາດເຊັ່ນ: ພິຈາລະນາ ຮັບຮອງເອົາການສະເໜີດັດ ແກ້ໂຕເລກມະຫາພາກແຜນ ການຂອງປີ (2017 -2020) ກ່ຽວ ກັບແຜນພັດທະນາເສດຖະກິດ - ສັງຄົມ, ແຜນງົບປະມານ ແລະ ແຜນເງິນຕາ, ການຈັດ ຕັ້ງແຜນປະຈຳສົກປີ 2015 - 2016 ແລະ ແຜນປະຈຳປີ 2017 ຕາມການສະເໜີຂອງ ລັດຖະບານ, ໄດ້ພິຈາລະນາ ແລະ ຮັບຮອງເອົາບົດລາຍ ງານແກ້ໄຂການກວດສອບສົກ ປີ 2013 - 2014, ການເຄື່ອນ ໄຫວຂອງອົງການກວດສອບ ແຫ່ງລັດປະຈຳປີ 2015 - 2016 ແລະ ແຜນປີ 2017, ພິຈາລະນາ ແລະ ຮັບຮອງເອົາ ບົດລາຍງານການທົດແທນ ກວດກາຂອງຄະນະປະຈຳສະ ພາແຫ່ງຊາດກ່ຽວກັບການ ອອກນິຕິກຳລຸ່ມ ກົດໝາຍຂອງ ອົງການອຳນາດລັດ ແລະ ການ ຕິດຕາມກວດກາຜົນກະທົບຕໍ່ ສິ່ງແວດລ້ອມທຳມະຊາດ ແລະ ສັງຄົມ ຈາກການນຳໃຊ້ເຄມີ ອັນຕະລາຍເກີນຄ່າມາດຕະ ຖານ, ໄດ້ພິຈາລະນາ ແລະ ຮັບຮອງເອົາບົດລາຍງານການ ເຄື່ອນໄຫວວຽກງານ 5 ປີ (2011 - 2015), ວຽກງານປະ ຈຳປີ 2016 ແລະ ທິດທາງແຜນ ການເຄື່ອນໄຫວວຽກງານແຜນ ການ 5 ປີ (2016 - 2020), ວຽກງານຈຸດສຸມປີ 2016 ຂອງ ອົງການໄອຍະການປະຊາຊົນ ສູງສຸດ ແລະ ສານປະຊາຊົນ ສູງສຸດ, ກອງປະຊຸມໄດ້ພິຈາ ລະນາຮັບຮອງເອົາການສ້າງ ປັບປຸງ ແລະ ທາບທາມກົດ ໝາຍຈຳນວນ 15 ສະບັບ. ການຈັດຕັ້ງເຜີຍແຜ່ຜົນ ສຳເລັດກອງປະຊຸມດັ່ງກ່າວ ຂຶ້ນ ກໍເພື່ອເປັນການສຶກສາອົບ ຮົມການເມືອງແນວຄິດ, ສ້າງ ເງື່ອນໄຂໃຫ້ສະມາຊິກພັກ, ພະນັກງານລັດຖະກອນໄດ້ ເຂົ້າຮ່ວມຮ່ຳຮຽນ, ເຊື່ອມຊຶມ ແນວທາງນະໂຍບາຍ, ມະຕິ, ຄຳສັ່ງຂອງພັກ - ລັດ ເພື່ອສ້າງ ຄວາມຮັບຮູ້, ເຂົ້າໃຈ, ມີຄວາມ ເປັນເອກະພາບຕໍ່ເນື້ອໃນຈິດ ໃຈເອກະສານຕ່າງໆຂອງພັກ - ລັດ ທັງເປັນການປັບປຸງທັດສະ ນະຫຼັກໝັ້ນ, ຄຸນທາດການ ເມືອງ, ຄຸນສົມບັດສິນທຳປະຕິ ວັດຂອງສະມາຊິກພັກ, ພະນັກ ງານ - ລັດຖະກອນ ໃນຄວາມ ຮັບຜິດຊອບຂອງຕົນ. (ຂ່າວ: ວັນສີລິ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110