ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ລັດຖະມົນຕີກະຊວງການຕ່າງປະເທດ ສຳເລັດການຢ້ຽມຢາມ ສ.ສິງກະໂປ

   ໂດຍຕອບສະໜອງ ຕາມຄຳເຊີນຂອງທ່ານ ວິວຽນ ບາລາຄຣິສນັນ ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ສິງກະໂປ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດເຮົາ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມສາ ທາລະນະລັດ ສິງກະໂປ ຢ່າງ ເປັນທາງການ ໃນລະຫວ່າງ ວັນທີ 12-13 ກຸມພານີ້ ເພື່ອ ເສີມຂະຫຍາຍສາຍພົວພັນມິດ ຕະພາບ ແລະ ການຮ່ວມມືທີ່ດີ ລະຫວ່າງສອງປະເທດລາວ ແລະ ສິງກະໂປ ເພື່ອເປັນການ ຜັນຂະຫຍາຍຜົນຂອງການ ຢ້ຽມຢາມ ສປປ ລາວ ທາງລັດ ຖະກິດຂອງພະນະທ່ານ ໂທນີ ທັນເກັງຢາງ ປະທານາທິບໍດີ ແຫ່ງ ສ.ສິງກະໂປ ໃນເດືອນມັງກອນ 2017 ທີ່ຜ່ານມາ. ໃນການພົບປະ, ສອງຝ່າຍ ໄດ້ຕີລາຄາສູງຕໍ່ການພົວພັນ ແລະ ການຮ່ວມມືຂອງສອງປະ ເທດທີ່ນັບມື້ໄດ້ຮັບການເສີມຂະ ຫຍາຍຢ່າງບໍ່ຢຸດຢັ້ງ, ເຫັນໄດ້ຈາກການນຳຂອງສອງປະເທດ ທີ່ມີການແລກປ່ຽນການຢ້ຽມ ຢາມຮ່ວມກັນຢ່າງເປັນປົກກະ ຕິ ໃນໄລຍະຜ່ານມາ. ພ້ອມກັນນັ້ນ ຝ່າຍລາວໄດ້ ສະແດງຄວາມຂອບໃຈການ ຊ່ວຍເຫຼືອຂອງລັດຖະບານສິງ ກະໂປ ຕໍ່ ສປປ ລາວ ໃນຂະ ແໜງການຕ່າງໆ, ລວມທັງການ ພັດທະນາຊັບພະຍາກອນມະ ນຸດ ແລະ ການເປັນເຈົ້າພາບ ຈັດກອງປະຊຸມສຸດຍອດອາ ຊຽນ ໃນປີ 2016 ແລະ ຝ່າຍ ສິງກະໂປກໍໄດ້ສະແດງຄວາມ ຂອບໃຈ ສປປ ລາວ ໃນການ ຕ້ອນຮັບອັນອົບອຸ່ນແກ່ການ ນຳຂັ້ນສູງຂອງສິງກະໂປທີ່ມາ ຢ້ຽມຢາມລາວ ແລະ ໃຫ້ການ ສະໜັບສະໜູນສິງກະໂປ ໃນ ການສະໝັກເປັນສະມາຊິກ ຂອງອົງການຈັດຕັ້ງສາກົນຕ່າງໆ ໃນຂອບເຂດ ສປຊ. ນອກຈາກນັ້ນກໍໄດ້ປຶກສາຫາລືກັນເຖິງ ແຜນການ ແລກປ່ຽນການຢ້ຽມ ຢາມ ຊຶ່ງກັນ ແລະ ກັນ, ການ ຮ່ວມມືທາງດ້ານການຄ້າ ແລະ ການລົງທຶນຢູ່ ສປປ ລາວ ໃນຕໍ່ ໜ້າ ແລະ ໄດ້ແລກປ່ຽນຄຳຄິດ ຄຳເຫັນນຳກັນ ຕໍ່ບັນຫາພາກ ພື້ນ ແລະ ສາກົນທີ່ສອງຝ່າຍມີ ຄວາມສົນໃຈຮ່ວມກັນ. ໃນຕອນບ່າຍຂອງວັນດຽວ ກັນ, ທ່ານ ສະເຫຼີມໄຊ ກົມມະສິດ ພ້ອມດ້ວຍຄະນະໄດ້ເຂົ້າຢ້ຽມ ຂ່ຳນັບ ພະນະທ່ານ ລີ ຊຽນ ຫຼົງ ນາຍົກລັດຖະມົນຕີ ແຫ່ງ ສ.ສິງກະໂປ. ໃນໂອກາດດັ່ງກ່າວ, ທ່ານລັດຖະມົນຕີໄດ້ນຳເອົາ ຄວາມຢື້ຢາມຖາມຂ່າວຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເຖິງນາຍົກລັດຖະມົນຕີ ລີ ຊຽນ ຫຼົງ. ນອກນີ້, ທ່ານ ສະເຫຼີມໄຊ ກົມມະສິດ ພ້ອມດ້ວຍຄະນະ ຍັງໄດ້ຢ້ຽມຢາມສະຖານທີ່ສຳ ຄັນຕ່າງໆເຊັ່ນ: ຫໍພິພິທະພັນ ແລະ ວິທະຍາໄລການບໍລິຫານ ລັດ ອີກດ້ວຍ. ສປປ ລາວ ແລະ ສິງກະ ໂປ ໄດ້ມີຜົນສຳເລັດຫຼາຍດ້ານ ທີ່ເປັນຮູບປະທຳໃນການພົວ ພັນສອງ ຝ່າຍ ໃນດ້ານຕ່າງໆ ເຊັ່ນ: ການເປີດຖ້ຽວບິນຄືນໃໝ່ ຈາກສິງກະໂປ-ວຽງຈັນ- ຫຼວງ ພະບາງ ອາທິດລະສາມຄັ້ງຂອງ ບໍລິສັດຊີວແອ (SilkAir) ຂອງ ສິງກະໂປ ແລະ ການລົງນາມ ໃນສັນຍາຮ່ວມເສັ້ນທາງບິນ ນຳກັນ ລະຫວ່າງບໍລິສັດຊິວແອ ແລະ ບໍລິສັດການບິນລາວ; ຜົນ ສຳເລັດໃນການບັງຄັບໃຊ້ສັນ ຍາ ວ່າດ້ວຍການຫຼີກເວັ້ນການ ເກັບອາກອນຊ້ຳຊ້ອນ ແລະ ສະ ກັດກັ້ນການຫຼົບຫຼີກການເສຍ ອາກອນລາຍໄດ້ ລະຫວ່າງສອງ ລັດຖະບານ; ການໃຫ້ທຶນການ ສຶກສາໄລຍະຍາວ ແລະ ທຶນ ຝຶກອົບຮົມໄລຍະສັ້ນໃຫ້ແກ່ ພະນັກງານ ແລະ ນັກສຶກສາ ຂອງລາວ; ການສົ່ງອາສາສະ ໝັກຊາວໜຸ່ມຈາກສິງກະໂປ ຈຳນວນຫຼາຍກ່ວາ 1.500 ຄົນ ເຂົ້າມາຊ່ວຍ ເຫຼືອບັນດາໂຮງ ຮຽນ ແລະ ຊຸມຊົມຕ່າງໆ ແລະ ການຮ່ວມກັນສົ່ງເສີມການ ຮ່ວມມືທາງດ້ານການຄ້າ ແລະ ການລົງທຶນໄດ້ມີການຂະຫຍາຍ ຕົວ ໃນລະດັບດີພໍສົມຄວນ, ເຫັນໄດ້ຈາກມູນຄ່າການຄ້າ ລວມ ລະຫວ່າງສອງປະເທດໃນ ປີ 2015 ສາມາດບັນລຸໄດ້ ເຖິງ 30 ລ້ານໂດລາສະຫະ ລັດ. ມາເຖິງປີ 2016, ມູນຄ່າ ການລົງທຶນຂອງ ສິງກະໂປຢູ່ ລາວມີປະມານ 187 ລ້ານໂດ ລາສະຫະລັດ ຊຶ່ງນອນຢູ່ໃນ 79 ໂຄງການ, ເຮັດໃຫ້ສິງກະໂປ ຢູ່ໃນອັນດັບທີ 11 ໃນບັນດາ ນັກລົງທຶນຕ່າງປະເທດລາຍ ໃຫຍ່ທີ່ມາ ລົງທຶນຢູ່ ສປປ ລາວ.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110