ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ສະຫາຍ ຈັນສີ ໂພສີຄຳ ຕ້ອນຮັບ ຄະນະຜູ້ແທນແຂວງຢຸນນານ

   ໃນຕອນບ່າຍຂອງວັນ ທີ 14 ກຸມພາ 2017, ສະຫາຍ ຈັນສີ ໂພສີຄຳ ກຳມະການກົມ ການເມືອງສູນກາງພັກ ເລຂາ ທິການສູນກາງພັກ ຫົວໜ້າຄະ ນະຈັດຕັ້ງສູນກາງ ພັກໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ຄະນະຜູ້ແທນແຂວງຢຸນນານ ສປ ຈີນ ນຳໂດຍສະຫາຍ ຫຼີ ຊຽວຊານ (LI XIAOSAN) ຄະນະປະຈຳພັກແຂວງ ທັງເປັນ ຫົວໜ້າຄະນະຈັດຕັ້ງແຂວງຢຸນ ນານ ສປ ຈີນ ພ້ອມດ້ວຍຄະນະ ໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນ ທີ 13-16 ກຸມພາ 2017. ໃນໂອກາດດັ່ງກ່າວ, ສະ ຫາຍ ຈັນສີ ໂພສີຄຳ ໄດ້ສະແດງ ຄວາມຊົມເຊີຍຕໍ່ການຢ້ຽມຢາມ ສປປ ລາວ ຂອງຄະນະ ໃນຄັ້ງນີ້ ຊຶ່ງເປັນ ການປະກອບສ່ວນອັນສຳຄັນ ເຂົ້າໃນການເພີ່ມທະວີສາຍພົວ ພັນມິດຕະພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມ ຍຸດທະສາດຮອບດ້ານ ລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດລາວ-ຈີນກໍຄື ລະຫວ່າງ ສປປ ລາວ ກັບແຂວງ ຢູນນານ ສປ ຈີນ ໃຫ້ນັບມື້ນັບ ແຕກດອກອອກຜົນຍິ່ງໆຂຶ້ນ. ສະຫາຍ ຈັນສີ ໂພສີຄຳ ໄດ້ຕີລາຄາສູງ ແລະ ສະແດງ ຄວາມຂອບໃຈຕໍ່ການນຳຂອງ ແຂວງຢູນນານທີ່ໄດ້ມີການພົວ ພັນຮ່ວມມືຢ່າງແໜ້ນແຟ້ນກັບ ສປປ ລາວ ໃນຕະຫຼອດໄລຍະ ຜ່ານມາ ແລະ ໄດ້ແຈ້ງສະພາບ ພົ້ນເດັ່ນຂອງ ສປປ ລາວ ແລະ ໃນ ໄລຍະຜ່ານມາໃຫ້ຄະນະຊາບ ໂດຍສະເພາະການຈັດຕັ້ງຜັນ ຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ປປ ລາວ, ການພັດທະນາຊັບພະຍາກອນ ມະນຸດ, ການກໍ່ສ້າງຮາກຖານ ການເມືອງ, ພັດທະນາຊົນນະ ບົດ ແລະ ແກ້ໄຂຄວາມທຸກຍາກ ໃຫ້ແກ່ປະຊາຊົນ ໂດຍຕິດພັນ ກັບຂະບວນການສາມສ້າງ. ສະຫາຍ ຫຼີຊຽວຊານ ສະ ແດງຄວາມດີໃຈ ແລະ ເປັນ ກຽດຢ່າງສູງທີ່ໄດ້ມີໂອກາດມາ ຢ້ຽມຢາມ ສປປ ລາວ ແລະ ເຫັນຜົນສຳເລັດໃນການພັດ ທະນາຂອງ ສປປ ລາວ ໄດ້ ລາຍງານສະພາບພົ້ນເດັ່ນກໍຄື ຜົນສຳເລັດໃນການສ້າງສາ ພັດທະນາເສດຖະກິດ-ສັງຄົມຂອງ ແຂວງຢຸນນານ ໂດຍສະເພາະແມ່ນ ຜົນສຳເລັດ ຂອງ ກອງປະຊຸມອົງຄະນະພັກ ຄັ້ງ ທີ X. ແຂວງຢຸນນານ, ຕີລາຄາ ສູງການພົວພັນຮ່ວມມືລະຫວ່າງ 2 ພັກ, 2 ລັດ ຈີນ-ລາວ ເວົ້າ ລວມ, ເວົ້າສະເພາະລະ ຫວ່າງ ແຂວງຢຸນນານ ກັບ ສປປ ລາວ ໃນໄລຍະຜ່ານມາກໍຄືປັດຈຸ ບັນ ແລະ ໄດ້ສະແດງຄວາມ ພ້ອມຈະຮ່ວມກັບຝ່າຍລາວ ໃນການເສີມຂະຫຍາຍ ສາຍພົວພັນມິດ ຕະພາບ ທີ່ເປັນມູນເຊື້ອ ຈີນ-ລາວ ໃຫ້ນັບມື້ນັບ ມີປະສິດທິຜົນຕາມທິດ 4 ດີ ບ້ານໃກ້ເຮືອນຄຽງທີ່ດີ, ເພື່ອນ ມິດທີ່ດີ, ສະຫາຍທີ່ດີ ແລະ ຄູ່ ຮ່ວມມືທີ່ດີ. ໃນວັນດຽວກັນ ຄະນະໄດ້ ເຂົ້າຢ້ຽມຂ່ຳນັບສະຫາຍ ນາງ ສູນທອນ ໄຊຍະຈັກ ກຳມະ ການສູນກາງພັກ ຫົວໜ້າຄະ ນະພົວພັນຕ່າງປະເທດສູນກາງ ພັກ. ສອງຝ່າຍໄດ້ຕີລາຄາ ສູງ ການພົວພັນຮ່ວມ ມືແລກປ່ຽນ ລະຫວ່າງ 2 ພັກ, 2 ລັດ ລາວ- ຈີນ ກໍຄືລະຫວ່າງ ສປປ ລາວ ກັບແຂວງຢຸນນານ ໃນໄລຍະ ຜ່ານມາກໍຄືປັດຈຸບັນ ແລະ ເປັນ ເອກະພາບ ກັນກ່ຽວກັບ ທິດທາງ ຮ່ວມມືໃນຕໍ່ໜ້າ ເພື່ອພ້ອມກັນ ສືບຕໍ່ເພີ່ມພູນຄູນສ້າງສາຍພົວ ພັນແບບຄູ່ຮ່ວມຍຸດທະສາດ, ໝັ້ນຄົງຍາວນານໃຫ້ນັບມື້ນັບ ມີປະສິດທິຜົນ. ໃນໄລຍະຢ້ຽມຢາມ, ຄະນະ ຍັງໄດ້ໄປຢ້ຽມຢາມໂຄງການ ຂອງວິສາຫະກິດແຂວງຢຸນນານ ມາລົງທຶນຢູ່ລາວ. ຢ້ຽມຢາມສະ ຖານທີ່ປະຫວັດສາດ ແລະ ວັດທະນະທຳຈຳ ນວນໜຶ່ງຢູ່ນະຄອນຫຼວງ ວຽງຈັນ ແລະ ແຂວງຫຼວງພະບາງ. (ຂ່າວ: ທ. ບຸນຕອມ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110