ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ທ່ານ ນາງ ປານີ ຢາທໍ່ຕູ້ ເຄ່ືອນໄຫວເຮັດວຽກຢູ່ຫຼວງພະບາງ

   ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມ ດ້ວຍຄະນະ ໄດ້ລົງເຄື່ອນໄຫວ ຢ້ຽມຢາມ ແລະ ເຮັດໃຫ້ວຽກຢູ່ ເມືອງຫຼວງພະບາງ ໂດຍໄດ້ຮັບ ການຕ້ອນຮັບ ຈາກທ່ານ ຄຳຂັນ ຈັນທະວີສຸກ ເຈົ້າແຂວງຫຼວງ ພະບາງ ພ້ອມດ້ວຍຄະນະນຳ ຂອງແຂວງ ແລະ ເມືອງຫຼວງ ພະບາງ ວັນທີ 14 ກຸມພາຜ່ານ ມານີ້. ໃນການຢ້ຽມຢາມຄັ້ງນີ້ ທ່ານ ສຸກັນ ບຸນຍົງ ເຈົ້າເມືອງ ຫຼວງພະບາງ ກໍໄດ້ລາຍງານ ສະພາບການພັດທະນາເສດ ຖະກິດ-ສັງຄົມ ຂອງເມືອງ ໂດຍ ຫຍໍ້ວ່າ: ເມືອງຫຼວງພະບາງມີ ເນື້ອທີ່ທັງໝົດ 761 ກິໂລຕາ ແມັດ ປະກອບມີ 15 ກຸ່ມບ້ານ, ມີ 114 ບ້ານ, ມີພົນລະເມືອງ ທັງໝົດ 97.760 ຄົນ, ແບ່ງ ອອກເປັນ 2 ເຂດຄື: ເຂດເທດ ສະບານປະກອບມີ 64 ບ້ານ ແລະ ເຂດນອກເທດສະບານມີ 50 ບ້ານ ເມືອງຫຼວງພະບາງ ໄດ້ສຸມໃສ່ປະຕິບັດຍຸດທະສາດ ການພັດທະນາເສດຖະກິດ-ສັງ ຄົມ ໂດຍສຸມໃສ່ການນຳໃຊ້ທ່າ ແຮງດ້ານການບໍລິການ, ການ ທ່ອງທ່ຽວ, ການຜະລິດກະສິ ກຳ ໃນສົກປີ 2015 - 2016 ຊຶ່ງ ເສດຖະກິດຂອງແຂວງໄດ້ສືບຕໍ່ຂະຫຍາຍຕົວ ດ້ວຍຈັ່ງຫວະດີ ສົມຄວນຢູ່ໃນ ລະດັບ 8,4% ຕໍ່ປີລາຍໄດ້ສະເລ່ຍຕໍ່ຫົວຄົນ ໄດ້ 1.746 ໂດລາຕໍ່ຄົນຕໍ່ປີ, ການເກັບລາຍຮັບພາຍໃນເຂົ້າ ງົບປະມານໄດ້ 225 ຕື້ກວ່າ ກີບເທົ່າກັບ 98,9% ຂອງແຜນ ການປີ, ການລົງທຶນບັນລຸ 2.551 ກວ່າຕື້ກີບ ທຽບໃສ່ແຜນປະຕິ ບັດໄດ້ 122,68%. ໂອກາດນີ້ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ກໍໄດ້ສະແດງຄວາມ ຍ້ອງ ຍໍຊົມເຊີຍຕໍ່ຜົນງານການພັດ ທະນາ ທີ່ທ່ານເຈົ້າແຂວງພ້ອມ ດ້ວຍບັນດາຄະນະນຳອຳນາດ ດານປົກຄອງເມືອງ, ພະນັກ ງານ, ທະຫານ, ຕຳຫຼວດ ແລະ ພໍ່ແມ່ປະຊາຊົນຊາວຫຼວງພະ ບາງຍາດມາໄດ້ໃນໄລຍະ 1 ປີ ຜ່ານມາ. ພ້ອມດຽວກັນທ່ານຍັງ ໄດ້ເນັ້ນໜັກໃຫ້ເມືອງຫຼວງພະ ບາງເອົາໃຈໃສ່ຕື່ມບາງບັນຫາ ເພື່ອຈັດຕັ້ງແຜນ ພັດທະນາ ເສດຖະກິດ-ສັງຄົມ ໃນຕໍ່ໜ້າ ຄື: ຕ້ອງຮັບປະກັນສະຖຽນລະ ພາບທາງດ້ານການເມືອງ ເຮັດ ໃຫ້ເມືອງມີຄວາມສະຫງົບ ແລະ ມີຄວາມເປັນລະບຽບຮຽບ ຮ້ອຍຢ່າງໜັກແໜ້ນ, ຊຸກຍູ້ ການຂະຫຍາຍຕົວເສດຖະກິດ ຂອງເມືອງ-ແຂວງໃຫ້ໄດ້ຢ່າງ ຕໍ່ເນື່ອງ, ສືບຕໍ່ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ ກໍຄືກອງປະຊຸມຄັ້ງ ປະຖົມມະລືກຂອງສະພາ ຊຸດທີ VIII ກ່ຽວກັບແຜນພັດທະ ນາເສດຖະກິດ - ສັງຄົມແຫ່ງ ຊາດ 5 ປີ ຄັ້ງທີ VIII ດ້ວຍ ການຊຸກຍູ້ການຈັດ ຕັ້ງຮ່ຳຮຽນ-ເຊື່ອມຊຶມໃນທົ່ວພັກ ແລະ ທົ່ວ ປວງຊົນໃຫ້ເລິກເຊິ່ງທົ່ວເຖິງ ຕິດພັນກັບການຈັດຕັ້ງຜັນຂະ ຫຍາຍເຂົ້າສູ່ຕົວຈິງໃຫ້ໄດ້ຮັບ ຜົນດີ. ເອົາໃຈໃສ່ປັບປຸງກົງຈັກ ການຈັດຕັ້ງຂອງພັກ ແລະ ລັດ ໃຫ້ກະທັດຮັດ, ປັບປຸງແບບແຜນ ວິທີເຮັດວຽກພາຍໃນເມືອງໃຫ້ ລະອຽດຈະແຈ້ງຕາມຫຼັກການ ລວມສູນປະຊາທິປະໄຕ ຕ້ອງ ຮັບປະກັນ ຄວາມຍຸຕິທຳ, ຄວາມ ສະເໝີພາບໃນສັງຄົມເຮັດ ໃຫ້ປະຊາຊົນພາຍໃນເມືອງມີ ຄວາມສາມັກຄີ - ປອງດອງ ແລະ ມີຄວາມສະຫງົບສຸກ.ແກ້ ໄຂປະກົດການຫຍໍ້ທໍ້ພາຍໃນ ທີ່ເປັນການຂົ່ມຂູ່ຕໍ່ຄວາມປອດ ໄພ ແລະ ຄວາມສະຫງົບສຸກ ຂອງສັງຄົມ. ພ້ອມດຽວກັນນັ້ນ ກໍ່ຕ້ອງເອົາໃຈໃສ່ຄຸ້ມຄອງແຮງ ງານ ແລະ ການເຄື່ອນຍ້າຍຊະ ຊາຍຂອງພົນ ລະເມືອງ.ສືບຕໍ່ ສຸມໃສ່ພັດທະນາທາງດ້ານວັດ ທະນະທຳ - ສັງຄົມ ແລະ ແກ້ ໄຂຄວາມທຸກຍາກໃຫ້ປະຊາຊົນ ໂດຍເອົາໃຈໃສ່ວຽກງານຍົກສູງ ຄຸນນະພາບການສຶກສາ ແລະ ສາທາລະນະສຸກລົງສູ່ຮາກ ຖານບ້ານໃຫ້ທົ່ວເຖິງຄົ້ນຄວ້າ ຜັນຂະຫຍາຍ ແລະ ຈັດຕັ້ງປະ ຕິບັດເປົ້າໝາຍການພັດທະນາ ແບບຍືນຍົງໃຫ້ເປັນຄາດໝາຍ ເປັນແຜນການ ແລະ ໂຄງການ ລະອຽດຂອງແຕ່ລະຂະແໜງ ການ ເພື່ອຮັບປະກັນການຈັດ ຕັ້ງປະຕິບັດໃຫ້ມີປະສິດທິຜົນ, ສືບຕໍ່ພົວພັນຮ່ວມມືກັບຕ່າງ ປະເທດ, ເອົາໃຈໃສ່ຂົນຂວາຍ ຍາດແຍ່ງເອົາການຊ່ວຍເຫຼືອ, ການກູ້ຢືມດອກເບ້ຍຕ່ຳ ແລະ ການລົງທຶນຂອງຕ່າງປະເທດ ເຂົ້າໃນການສ້າງສາພັດທະນາ ໃຫ້ນັບມື້ຫຼາຍຂຶ້ນ. ທ່ານນາງ ປານີ ຢາທໍ່ຕູ້ ຍັງໄດ້ສະແດງຄວາມ ເປັນຫ່ວງເປັນໄຍນຳປະຊາຊົນ ຄອບຄົວທີ່ຍັງທຸກຍາກ ໂດຍໄດ້ ເນັ້ນໃຫ້ອຳນາດການປົກຄອງ ແຕ່ລະຂັ້ນຂອງເມືອງຈົ່ງໄດ້ ເອົາໃຈໃສ່ສືບຕໍ່ຊຸກຍູ້ໃຫ້ເຂົາ ເຈົ້າ ໄດ້ມີໂອກາດເຮັດການຜະ ລິດ, ຂຸດຄົ້ນທ່າແຮງອັນເປັນ ພື້ນຖານຂອງຕົນ ເພື່ອພັດທະ ນາຄອບຄົວໃຫ້ພົ້ນທຸກໃນຕໍ່ ໜ້າ. ນອກຈາກນັ້ນທ່ານປະ ທານສະພາແຫ່ງ ຊາດຍັງໄດ້ ຊັກຖາມທຸກສຸກຂອງປະຊາຊົນ ໂດຍຜ່ານອຳນາດການປົກຄອງ ບ້ານ ແລະ ປະຊາຊົນທີ່ເຂົ້າ ຮ່ວມໃນພິທີໂອ້ລົ້ມໃນຄັ້ງນີ້ ຕື່ມອີກ.
(ຂ່າວ: ເພັດສາຄອນ ສິມມະວົງ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110