ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ຜົນຂອງກອງປະຊຸມລັດຖະບານ ສະໄໝວິສາມັນ ປະຈຳເດືອນກຸມພາ

   ເພື່ອຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ ທີ່ວ່າ: ຕ້ອງສ້າງລັດ ປະຊາທິປະໄຕ ປະຊາຊົນ ໃຫ້ ກາຍເປັນລັດທີ່ປົກຄອງດ້ວຍ ກົດໝາຍຕາມທິດນຳທີ່ວ່າ "ພັກນຳພາ ແລະ ກຳອຳນາດ ຕາມກົດໝາຍ, ລັດຄຸ້ມຄອງ ສັງຄົມດ້ວຍກົດໝາຍ, ປະຊາ ຊົນເປັນເຈົ້າສະເໝີພາບຕໍ່ໜ້າ ກົດໝາຍ". ພ້ອມກັນນີ້, ເພື່ອ ຈັດຕັ້ງປະຕິບັດແຜນການສ້າງ ແລະປັບປຸງກົດໝາຍຂອງສະ ພາແຫ່ງຊາດ ໃນໄລຍະແຕ່ ນີ້ຮອດປີ 2020 ໃຫ້ໄດ້ຕາມ ຄາດໝາຍທີ່ວາງໄວ້. ດັ່ງນັ້ນ, ລັດຖະບານ ຈຶ່ງໄດ້ດຳເນີນ ກອງປະຊຸມສະໄໝວິສາມັນຢູ່ທີ່ ສຳນັກງານນາຍົກລັດຖະມົນຕີ ໃນວັນທີ 15 ແລະ ອັດລົງໃນ ຕອນເຊົ້າຂອງວັນທີ 16 ກຸມພາ ນີ້, ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນ ດາທ່ານຮອງນາຍົກລັດຖະມົນ ຕີ ແລະ ສະມາຊິກລັດຖະບານ ພ້ອມດ້ວຍແຂກຖືກເຊີນເຂົ້າ ຮ່ວມ. ກອງປະຊຸມລັດຖະບານ ສະໄໝວິສາມັນຄັ້ງນີ້ ໄດ້ພ້ອມ ກັນສຸມໃສ່ປຶກສາຫາລື, ປະກອບ ຄຳຄິດຄຳເຫັນ ແລະ ພິຈາລະ ນາຮັບຮອງເອົາການສ້າງ ແລະ ປັບປຸງບັນດາຮ່າງກົດໝາຍຈຳ ນວນໜຶ່ງດັ່ງນີ້: 1. ຮ່າງກົດໝາຍວ່າດ້ວຍ ສົນທິສັນຍາ ແລະ ສັນຍາ ສາກົນ.

2. ຮ່າງປະມວນກົດໝາຍ ແພ່ງ.

3. ຮ່າງປະມວນກົດໝາຍ ອາຍາ.

4. ຮ່າງກົດໝາຍວ່າດ້ວຍ ກຳລັງປ້ອງກັນ ຄວາມສະຫງົບ ປະຊາຊົນ ສະບັບປັບປຸງ.

5. ຮ່າງກົດໝາຍວ່າດ້ວຍ ຄື້ນຄວາມຖີ່ວິທະຍຸສື່ສານ.

6. ຮ່າງກົດໝາຍວ່າດ້ວຍ ສິລະປະການສະແດງ.

7. ຮ່າງກົດໝາຍວ່າດ້ວຍ ອົງການກາແດງລາວ. ຕໍ່ກັບບັນດາຮ່າງກົດໝາຍ ດັ່ງກ່າວ, ກອງປະຊຸມໄດ້ຊີ້ນຳ ໃຫ້ບັນດາພາກສ່ວນທີ່ກ່ຽວ ຂ້ອງນຳໄປປັບປຸງຕື່ມຕາມ ການປະກອບຄຳຄິດຄຳເຫັນ ຂອງສະມາຊິກລັດຖະບານ ເປັນຕົ້ນແມ່ນເອົາໃຈໃສ່ປັບປຸງ ເນື້ອໃນ, ບັນດາຄຳສັບສຳນວນ ທີ່ກຳນົດໃນບາງໝວດບາງ ມາດຕາ, ຊື່ຂອງກົດໝາຍ ແລະ ອື່ນໆ ເພື່ອເຮັດໃຫ້ບັນດາຮ່າງ ກົດໝາຍດັ່ງກ່າວ ມີເນື້ອໃນຄົບ ຖ້ວນຊັດເຈນ, ຈະແຈ້ງ ແລະ ຮັດກຸມ ເພື່ອນຳສະເໜີສະພາ ແຫ່ງຊາດພິຈາລະນາຮັບຮອງ ເອົາໃນກອງປະຊຸມສະໄໝສາ ມັນເທື່ອທີ 3 ໃນເດືອນເມສາ 2017 ນີ້. ໂດຍມອບໃຫ້ກະ ຊວງທີ່ກ່ຽວຂ້ອງ. ກະຊວງຍຸຕິ ທຳ ແລະ ລັດຖະມົນຕີປະຈຳ ສຳນັກງານນາຍົກ ລັດຖະມົນຕີ ເປັນຜູ້ປະສານສົມທົບກັນ ເພື່ອ ປັບປຸງໃຫ້ທັນຕາມກຳນົດເວລາ. ສຳລັບຮ່າງປະມວນກົດ ໝາຍແພ່ງ ແມ່ນເຫັນດີນຳສະ ເໜີສະພາແຫ່ງຊາດພິຈາລະ ນາທາບທາມຄຳເຫັນໃນກອງ ປະຊຸມສະໄໝສາມັນເທື່ອທີ 3 ໃນເດືອນເມສາ 2017 ນີ້. ສະເພາະຮ່າງກົດໝາຍ ວ່າດ້ວຍອົງການກາແດງລາວ ນັ້ນ ເນື່ອງຈາກຍັງມີຄຳເຫັນທີ່ ແຕກຕ່າງກັນ ຈຶ່ງມອບໃຫ້ອົງ ການກາແດງ ນຳໄປປັບປຸງຕື່ມ ແລ້ວນຳມາສະເໜີຜ່ານກອງ ປະຊຸມລັດຖະບານໃນຄັ້ງຕໍ່ໄປ. ໃນຕອນທ້າຍຂອງກອງ ປະຊຸມ ທ່ານນາຍົກລັດ ຖະມົນຕີ ໄດ້ຊີ້ນຳໃຫ້ສະມາຊິກລັດ ຖະບານເອົາໃຈໃສ່ຈັດຕັ້ງປະຕິ ບັດວຽກງານຈຸດສຸມຂອງລັດ ຖະບານໃນເດືອນກຸມພາ 2017, ໂດຍສະເພາະແມ່ນໃຫ້ ເອົາໃຈໃສ່ກະກຽມ ເນື້ອໃນ ກອງປະຊຸມສະໄໝສາມັນຂອງ ລັດຖະບານ ປະຈຳເດືອນກຸມ ພາ 2017 ທີ່ຈະຈັດຂຶ້ນໃນວັນ ທີ 23-24 ກຸມພາ 2017 ນີ້, ເອົາໃຈໃສ່ຊີ້ນຳການກະກຽມ ເນື້ອໃນສຳຄັນຕ່າງໆທີ່ຈະນຳ ສະເໜີຕໍ່ກອງປະຊຸມຄົບຄະນະ ຄັ້ງທີ 4 ສະໄໝທີ X ຂອງ ຄະນະບໍລິຫານງານສູນກາງ ພັກ ທີ່ຈະໄຂຂຶ້ນໃນເດືອນມີນາ 2017 ນີ້.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110