ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ສະເຫຼີມສະຫຼອງວັນສ້າງຕັ້ງອົງການກວດກາພັກ-ລັດ ຄົບຮອບ 35 ປີ

   ພິທີໂຮມຊຸມນຸມສະ ເຫຼີມສະຫຼອງວັນສ້າງຕັ້ງອົງ ການກວດກາພັກ-ລັດ ຄົບຮອບ 35 ປີ (16 ກຸມພາ 1982-16 ກຸມພາ 2017) ໄດ້ມີຂຶ້ນໃນ ຕອນເຊົ້າວັນທີ 16 ກຸມພານີ້ ທີ່ຫໍປະຊຸມແຫ່ງຊາດ ໂດຍເປັນ ກຽດເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການ ເມືອງສູນກາງພັກ ຜູ້ປະຈຳ ການຄະນະເລຂາທິການສູນ ກາງພັກ ຮອງປະທານປະເທດ; ທ່ານ ບຸນທອງ ຈິດມະນີ ກຳມະ ການກົມການເມືອງສູນກາງ ພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະ ທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ຫົວໜ້າອົງການ ຕ້ານການສໍ້ລາດບັງຫຼວງຂັ້ນ ສູນກາງ ຊຶ່ງມີບັນດາທ່ານການ ນຳພັກ-ລັດ, ພະນັກງານທະ ຫານ-ຕຳຫຼວດເຂົ້າຮ່ວມ. ໃນພິທີດັ່ງກ່າວ, ທ່ານ ບຸນທອງ ຈິດມະນີ ໄດ້ກ່າວປາ ໄສຕໍ່ທີ່ຊຸມນຸມວ່າ: ຕະຫຼອດໄລ ຍະ 35 ປີຜ່ານມາ ຄະນະກວດ ກາສູນກາງພັກ ແລະ ອົງການ ກວດກາລັດຖະບານ ແລະ ຕ້ານການສໍ້ລາດບັງຫຼວງ ໄດ້ ພະຍາຍາມຄົ້ນຄວ້າ ແລະ ສະ ເໜີຂັ້ນເທິງພິຈາລະນາຮັບ ຮອງ-ປະກາດໃຊ້ບັນດາມະຕິ- ຄຳສັ່ງ, ຂໍ້ກຳນົດຕ່າງໆຂອງ ພັກ, ກົດໝາຍ ແລະ ນິຕິກຳ ຕ່າງໆຂອງລັດຫຼາຍສະບັບ ພ້ອມທັງເປັນເຈົ້າການນຳພາ- ຊີ້ນຳປະຕິບັດດ້ວຍຄວາມຮັບ ຜິດຊອບສູງ, ແຕ່ລະປີຄະນະ ພັກ, ຄະນະກວດກາທຸກຂັ້ນ ໄດ້ດຳເນີນການກວດກາຫຼາຍ ເປົ້າໝາຍ, ນັບທັງການກວດ ກາປົກກະຕິ, ກວດກາຕາມຄຳ ສັ່ງ ແລະ ກວດກາຕາມຄຳຮ້ອງ -ຄຳສະເໜີຂອງສະມາຊິກພັກ, ພະນັກງານ ແລະ ພົນລະ ເມືອງ. ສຳລັບການກວດກາ ພາຍໃນພັກ ຕົ້ນຕໍແມ່ນຕິດ ຕາມ, ກວດກາການປະຕິບັດ ກົດລະບຽບຂອງພັກ, ກວດກາ ການປະຕິບັດບັນດາມະຕິ-ຄຳ ສັ່ງ, ຂໍ້ກຳນົດຂອງພັກກ່ຽວກັບ ວຽກງານພັກ, ການປັບປຸງກໍ່ ສ້າງພັກເຊັ່ນ: ການກໍ່ສ້າງໜ່ວຍ ພັກ 4 ຮູ້, ສ້າງໜ່ວຍພັກແຂງ ຮອບດ້ານໃນເມື່ອກ່ອນ, ການ ກໍ່ສ້າງໜ່ວຍພັກເຂັ້ມແຂງ ແລະ ຮູ້ນຳພາຮອບດ້ານ ປັດຈຸບັນ; ມະຕິວ່າດ້ວຍຄວາມຮັບຜິດ ຊອບໜ້າທີ່ການເມືອງຂອງຄະ ນະພັກ ແລະ ພະນັກງານການ ນຳຂັ້ນຕ່າງໆ ແລະ ມະຕິ, ຄຳ ສັ່ງ-ຂໍ້ກຳນົດອື່ນໆຂອງພັກ; ກວດກາຄຸນທາດການເມືອງ, ຄຸນສົມບັດສິນທຳປະຕິວັດ ຂອງຄະນະພັກ, ສະມາຊິກພັກ, ກວດກາແບບແຜນນຳພາ ແລະ ວິທີເຮັດວຽກຂອງຄະນະ ພັກ, ການປະຕິບັດຫຼັກການ ລວມສູນປະຊາທິປະໄຕຂອງ ພັກ, ຄວາມຮັບຮູ້-ເຂົ້າໃຈ, ຄວາມເປັນເອກະພາບຕໍ່ແນວ ທາງນະໂຍບາຍຂອງພັກ ແລະ ກວດກາການເງິນຂອງພັກ. ການກວດກາລັດ, ສະກັດ ກັ້ນ ແລະ ຕ້ານການສໍ້ລາດບັງ ຫຼວງ ຕະຫຼອດໄລຍະ 35 ປີ ຜ່ານມາ ພວກເຮົາໄດ້ດຳເນີນ ການຕິດຕາມ-ກວດກາການ ປະຕິບັດພາລະບົດບາດ, ໜ້າ ທີ່ ແລະ ສິດອຳນາດຂອງອົງ ການລັດແຕ່ລະຂັ້ນ; ກວດກາ ການປະຕິບັດກົດໝາຍ ແລະ ລະບຽບການຕ່າງໆຂອງລັດ; ຕິດຕາມ-ກວດກາການປະຕິ ບັດແຜນພັດທະນາເສດຖະ ກິດ-ສັງຄົມ, ການລົງທຶນກໍ່ສ້າງ ພື້ນຖານໂຄງລ່າງ, ການເກັບ ລາຍຮັບ-ຄຸ້ມຄອງລາຍຈ່າຍ ງົບປະມານ, ກວດກາການຄຸ້ມ ຄອງ ແລະ ນຳໃຊ້ຊັບພະຍາ ກອນຂອງຊາດ ແລະ ຊັບສິນ ຂອງລັດ ຂອງລວມໝູ່ ຊຶ່ງມີ ທັງການກວດກາເປັນປົກກະຕິ ຕາມລະບຽບກົດໝາຍ, ກວດ ກາແຕ່ລະກໍລະນີຕາມຄຳສັ່ງ, ຕາມຄຳຮ້ອງ-ຄຳສະເໜີຂອງ ພົນລະເມືອງ, ກວດກາລົງເລິກ ການຈັດຕັ້ງ ແລະ ພະນັກງານ- ລັດຖະກອນ, ທະຫານ, ຕຳ ຫຼວດ ທີ່ມີພຶດຕິກຳສໍ້ລາດບັງ ຫຼວງ ແລະ ນັບແຕ່ປີ 2014 ເປັນຕົ້ນມາ ໄດ້ມີການກວດ ກາຕາມຜົນຂອງການກວດ ສອບ ແລະ ຕິດຕາມ-ກວດກາ ໂຄງການລົງທຶນຂອງລັດເລີ່ມ ແຕ່ຫົວທີ. ຜ່ານການກວດກາເປົ້າ ໝາຍຕ່າງໆແຕ່ລະໄລຍະເຫັນ ວ່າມີຄະນະພັກ, ສະມາຊິກພັກ ຈຳນວນບໍ່ໜ້ອຍມີການລະ ເມີດກົດລະບຽບຂອງພັກ, ມະຕິ-ຄຳສັ່ງ ແລະ ຂໍ້ກຳນົດ ຕ່າງໆຂອງພັກ ຊຶ່ງໄດ້ມີການ ສຳຫຼວດກວດກາ ແລະ ລົງວິ ໄນຕາມສະຖານຄວາມຜິດ ໜັກ ຫຼື ເບົາ. ຕາມໂຕເລກທີ່ ເກັບກຳໄດ້ແຕ່ປີ 2001 ເປັນ ຕົ້ນມາ ໄດ້ປະກາດລົງວິໄນຕິ ຕຽນ, ກ່າວເຕືອນ ຄະນະບໍລິ ຫານງານພັກແຂວງ, ເມືອງຈຳ ນວນໜຶ່ງ, ປະກາດຍຸບຄະນະ ບໍລິຫານງານພັກເມືອງ 2 ເມືອງ ແລະ ຍຸບການຈັດຕັ້ງຮາກຖານ ພັກ 4 ຮາກຖານ, ມີສະມາຊິກ ພັກ ຖືກລົງວິໄນທັງໝົດ 2.723 ສະຫາຍ, ໃນນັ້ນ ເອົາອອກ ຈາກພັກ 1.440 ສະຫາຍ. ໄປ ພ້ອມກັບການກວດກາປັບປຸງ ພາຍໃນພັກ ຍັງມີການກວດ ກາການຄຸ້ມຄອງບໍລິຫານລັດ ຢູ່ແຕ່ລະຂັ້ນ. ຫຼາຍເປົ້າໝາຍ, ມີພະນັກງານ-ລັດຖະກອນ ລະ ເມີດກົດໝາຍ ແລະ ສໍ້ລາດບັງ ຫຼວງ ຊຶ່ງໄດ້ຖືກລົງວິໄນທັງໝົດ 960 ຄົນ, (ສະເພາະແຕ່ປີ 2011-2016) ໃນນີ້ໄດ້ດຳເນີນ ຄະດີຕາມກົດໝາຍ 109 ຄົນ, ພົບເຫັນການເສຍຫາຍຊັບສິນ ເງິນຄຳຂອງລັດທັງໝົດ 5.100 ຕື້ກວ່າກີບ; 93,33 ລ້ານໂດ ລາ ສະຫະລັດ ; 42,39 ລ້ານບາດ ແລະ 539.518 ຢວນ; ເກັບກູ້ຄືນ ມາ ໃຫ້ລັດໄດ້ 1.049 ຕື້ກີບ, 71,82 ລ້ານໂດລາສະຫະລັດ; 39,69 ລ້ານບາດ ແລະ 539.518 ຢວນ; ໄດ້ຄົ້ນຄວ້າແກ້ໄຂຄຳ ຮ້ອງ-ຄຳສະເໜີຂອງພະນັກ ງານ, ສະມາຊິກພັກ ແລະ ພົນລະເມືອງທັງໝົດ 8.039 ເລື່ອງ, ບັນຫາທີ່ພົ້ນເດັ່ນຂອງ ຄຳຮ້ອງ-ຄຳສະເໜີແມ່ນເລື່ອງ ຂໍ້ຂັດແຍ່ງກ່ຽວກັບທີ່ດິນ, ຄວາມບໍ່ພໍໃຈຕໍ່ການຕັດສິນ ແລະ ການປະຕິບັດຄຳຕັດສິນ ຂອງສານ, ການປະຕິບັດໜ້າ ທີ່ຂອງການຈັດຕັ້ງ, ຂອງເຈົ້າ ໜ້າທີ່ຢູ່ຂັ້ນຕ່າງໆທີ່ລະເມີດຕໍ່ ມະຕິ, ຄຳສັ່ງ, ຕໍ່ກົດລະບຽບ ຂອງພັກ, ລະເມີດຕໍ່ກົດໝາຍ ແລະ ລະບຽບການຕ່າງໆຂອງລັດ. ຜົນຂອງການກວດກາ ເປົ້າໝາຍຕ່າງໆແຕ່ລະໄລຍະ ຈະແມ່ນການກວດກາພາຍໃນ ພັກ, ກວດກາການຄຸ້ມຄອງບໍລິ ຫານຂອງລັດ, ສະກັດກັ້ນ ແລະ ຕ້ານການສໍ້ລາດບັງຫຼວງແມ່ນ ເປັນການປັບປຸງການຈັດຕັ້ງ ພັກ, ລັດ, ອົງການຈັດຕັ້ງຕ່າງໆ ທີ່ຖືກກວດກາ, ປັບປຸງ-ຍົກສູງ ສະຕິຕໍ່ການຈັດຕັ້ງ, ຕໍ່ລະບຽບ ວິໄນຂອງພັກ, ສະຕິເຄົາລົບ ແລະ ປະຕິບັດກົດໝາຍໃຫ້ແກ່ ສະມາຊິກພັກ, ພະນັກງານ, ທະຫານ-ຕຳຫຼວດ ແລະ ພົນ ລະເມືອງໃຫ້ສູງຂຶ້ນເທື່ອລະ ກ້າວ ເຮັດໃຫ້ທຸກການຈັດຕັ້ງ ຫັນເຂົ້າສູ່ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍເຂັ້ມງວດຂຶ້ນ ເລື້ອຍໆ. ໄປຄຽງຄູ່ກັບຜົນສຳເລັດ ທີ່ກ່າວມາຂ້າງເທິງນັ້ນ, ພວກ ເຮົາກໍຍັງມີຫຼາຍບັນຫາທີ່ຕ້ອງ ໄດ້ສຸມໃສ່ແກ້ໄຂຄື: - ນິຕິກຳທີ່ເປັນບ່ອນອີງ ສຳລັບວຽກງານຍັງບໍ່ທັນຄົບ ຖ້ວນ, ຮັດກຸມ; ອັນທີ່ມີແລ້ວ ການຈັດຕັ້ງປະຕິບັດຍັງບໍ່ທັນ ໄດ້ດີເທົ່າທີ່ຄວນ. - ຄະນະພັກ, ອຳນາດ ການປົກຄອງຈຳນວນໜຶ່ງ ຍັງ ບໍ່ທັນໃຫ້ຄວາມສຳຄັນຕໍ່ວຽກ ງານກວດກາ ແລະ ບໍ່ທັນເອົາ ໃຈໃສ່ຕິດຕາມ, ກວດກາປົກ ກະຕິຕາມພາລະບົດບາດ, ສິດ, ໜ້າທີ່ຂອງຕົນ, ການຕິດຕາມ ກວດກາຍັງບໍ່ທັນຕິດແໜ້ນຢ່າງ ເລິກເຊິ່ງກັບການປະຕິບັດກົດ ລະບຽບຂອງພັກ, ກົດໝາຍ ແລະ ລະບຽບການຕ່າງໆຂອງ ລັດຢ່າງເຂັ້ມງວດ; ບາງບ່ອນ ເກີດບັນຫາຫຍໍ້ທໍ້ແລ້ວຈຶ່ງດຳ ເນີນການກວດກາ, ການແກ້ ໄຂຜົນຂອງການກວດກາຊັກ ຊ້າ, ແກ່ຍາວ, ບໍ່ເດັດຂາດ, ເຂັ້ມງວດ ແລະ ບໍ່ສັກສິດ. - ຄວາມເປັນເຈົ້າການ ຂອງຄະນະກວດກາ ແລະ ພະ ນັກງານກວດກາຈຳນວນໜຶ່ງ ໃນການປະຕິບັດພາລະບົດ ບາດ, ໜ້າທີ່, ຂອບເຂດສິດ ຂອງຕົນບໍ່ທັນແຂງແຮງແທ້, ລະດັບຄວາມຮູ້-ຄວາມສາ ມາດ ແລະ ຄວາມກ້າຫານ ເຮັດແທ້ທຳຈິງຂອງພະນັກງານ ກວດກາຈຳນວນໜຶ່ງບໍ່ທັນສູງ, ບົດຮຽນປະສົບການຍັງຈຳກັດ. - ກົງຈັກການຈັດຕັ້ງ ແລະ ພາລະບົດບາດ, ສິດ-ໜ້າທີ່ ຂອງຄະນະກວດກາຈຳນວນ ໜຶ່ງບໍ່ທັນປັບປຸງເປັນລະບົບ; ງົບປະມານ, ພາຫະນະ, ສະ ຖານທີ່ເຮັດວຽກ ແລະ ວັດຖຸ ອຸປະກອນຮັບໃຊ້ທີ່ຈຳເປັນຍັງ ຈຳກັດ; ບໍ່ທັນມີນະໂຍບາຍອຸດ ໜູນຕໍ່ຜູ້ເຮັດວຽກງານກວດກາ ແລະ ຜູ້ເຂົ້າຮ່ວມການກວດກາ. ເພື່ອສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອ ອັນດີງາມຂອງອົງການກວດ ກາພັກ-ລັດ, ແກ້ໄຂບັນດາຂໍ້ ຄົງຄ້າງ ແລະ ເພີ່ມທະວີການ ຈັດຕັ້ງປະຕິບັດວຽກງານກວດ ກາ ໂດຍຕິດພັນກັບການປະຕິ ບັດກົດລະບຽບຂອງພັກ, ກົດ ໝາຍຂອງລັດ ແລະ ຕິດພັນ ກັບການພັດທະນາເສດຖະກິດ -ສັງຄົມນັ້ນ ໃນຕໍ່ໜ້າພວກເຮົາ ຕ້ອງສືບຕໍ່ເອົາໃຈໃສ່ດັ່ງນີ້: - ສືບຕໍ່ສ້າງບາດກ້າວບຸກ ທະລຸຕື່ມອີກດ້ານຈິນຕະນາ ການ, ຄວາມຮັບຮູ້ຕໍ່ວຽກງານ ກວດກາ, ຕີຖອຍທັດສະນະຖື ເບົາຕໍ່ວຽກງານຕິດຕາມ, ກວດ ກາ, ຢ້ານການກວດກາ, ເຂົ້າ ໃຈວ່າກວດກາຫາແຕ່ຈຸດອ່ອນ ແລະ ຂໍ້ຜິດພາດ; ຕ້ານທັດສະ ນະອັກຄະຕິຕໍ່ກັນລະຫວ່າງຜູ້ ກວດກາ ແລະ ຜູ້ຖືກກວດກາ. - ປັບປຸງບັນດານິຕິກຳ, ລະບຽບການຂອງແຕ່ລະຂະ ແໜງທີ່ມີແລ້ວໃຫ້ຮັດກຸມ, ແທດເໝາະກັບສະພາບເງື່ອນ ໄຂປັດຈຸບັນ ແລະ ເອົາໃຈໃສ່ ຄົ້ນຄວ້າເຊື່ອມຊຶມເຜີຍແຜ່ບັນ ດາມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງພັກ ແລະ ກົດ ໝາຍຂອງລັດ ໂດຍສະເພາະ ແມ່ນບັນດານິຕິກຳກ່ຽວກັບ ວຽກງານກວດກາໃຫ້ແກ່ພະ ນັກງານ, ສະມາຊິກພັກ, ທະ ຫານ, ຕຳຫຼວດ ຕະຫຼອດຮອດ ປະຊາຊົນບັນດາເຜົ່າ, ທຸກຊັ້ນ ຄົນໃຫ້ຮັບຮູ້ເຂົ້າໃຈຢ່າງເລິກ ເຊິ່ງທົ່ວເຖິງ ແລະ ຕ້ອງເຮັດ ເປັນປົກກະຕິຕໍ່ເນື່ອງ. - ເພີ່ມທະວີການນຳພາ ແລະ ຄວາມຮັບຜິດຊອບຂອງ ຄະນະພັກ, ຄະນະກວດກາທຸກ ຂັ້ນໃນການຕິດຕາມ, ກວດກາ ການຈັດຕັ້ງ ແລະ ບຸກຄົນທີ່ຂຶ້ນ ກັບການຄຸ້ມຄອງຂອງຕົນ ໃນ ການປະຕິບັດກົດລະບຽບ, ມະ ຕິ, ຄຳສັ່ງຂອງພັກ, ກົດໝາຍ ແລະ ລະບຽບການຕ່າງໆຂອງ ລັດໃຫ້ເປັນປົກກະຕິ, ເອົາໃຈ ໃສ່ຢ່າງຕັ້ງໜ້າຕໍ່ການແກ້ໄຂ ລັດທິເອກະຊົນ, ພະຍາດອາດ ຍາສິດ ແລະ ການສໍ້ລາດບັງ ຫຼວງໃນກົງຈັກການຈັດຕັ້ງ ແລະ ຖັນແຖວສະມາຊິກພັກ, ພະນັກງານ-ລັດຖະກອນ, ທະ ຫານ, ຕຳຫຼວດໃຫ້ເຂັ້ມງວດ ກວ່າເກົ່າ ຖືເອົາວຽກງານນີ້ ເປັນຄວາມຮັບຜິດຊອບໂດຍ ກົງຂອງຄະນະພັກ ແລະ ການ ຈັດຕັ້ງທຸກຂັ້ນ, ທຸກພາກສ່ວນ. - ເພີ່ມຄວາມເອົາໃຈໃສ່ ຕື່ມອີກຕໍ່ການປັບປຸງກົງຈັກ ການຈັດຕັ້ງຄະນະກວດກາແຕ່ ລະຂັ້ນ, ແຕ່ລະຂະແໜງການ, ກໍ່ສ້າງ ແລະ ບຳລຸງພະນັກງານ ກວດກາ ພ້ອມທັງສ້າງເງື່ອນ ໄຂໃຫ້ຄະນະກວດກາແຕ່ລະ ຂັ້ນ ປະຕິບັດພາລະບົດບາດ ຂອງຕົນໃຫ້ມີປະສິດທິພາບ ສູງຂຶ້ນ, ຄະນະກວດກາແຕ່ລະ ຂັ້ນ, ພະນັກງານກວດກາທຸກ ຄົນ ຕ້ອງເປັນເຈົ້າການຝຶກຝົນ ຫຼໍ່ຫຼອມຕົນເອງໃນທຸກດ້ານ, ຍົກສູງຄວາມຮັບຜິດຊອບຂອງ ຕົນ, ປັບປຸງແບບແຜນວິທີເຮັດ ວຽກ ແລະ ແບບແຜນດຳລົງຊີ ວິດທີ່ຖືກຕ້ອງ, ບໍລິສຸດສັດຊື່, ກຳແໜ້ນແນວທາງແຜນນະ ໂຍບາຍ, ກົດລະບຽບຂອງພັກ, ກົດໝາຍ ແລະ ລະບຽບການ ຕ່າງໆຂອງລັດ, ມີຄວາມກ້າ ຫານ, ກ້າຄິດ, ກ້າເຮັດ ແລະ ກ້າຮັບຜິດຊອບ, ມີຄວາມເດັດ ຂາດເຂັ້ມງວດ, ທ່ຽງທຳ, ນິ້ມ ນວນ, ຄ່ອງແຄ້ວໃນການປະຕິ ບັດໜ້າທີ່. ໃນພິທີຍັງໄດ້ປະດັບຫຼຽນ ໄຊແຮງງານຊັ້ນ II ໃຫ້ 3 ກົມ ກອງ ແລະ ຫຼຽນໄຊແຮງງານ ຊັ້ນ III 8 ກົມກອງ ແລະ ໃບ ຍ້ອງຍໍຈາກລັດຖະບານຈຳ ນວນໜຶ່ງ.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110