ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ຮອງນາຍົກ ເນັ້ນອຸດົມໄຊ ນຳໃຊ້ທ່າແຮງ ຊຸກຍູ້ເກັບລາຍຮັບເຂົ້າງົບປະມານ

   ພາຍຫຼັງສຳເລັດການ ເຄື່ອນໄຫວລົງຊຸກຍູ້ຈັດເກັບ ລາຍຮັບເຂົ້າງົບປະມານ ປະຈຳ ປີ 2017 ທີ່ແຂວງຫຼວງພະບາງ ໃນວັນທີ 15 ກຸມພານີ້, ທ່ານ ສົມດີ ດວງດີ ຮອງນາຍົກລັດ ຖະມົນຕີ ລັດຖະມົນຕີກະຊວງ ການເງິນ ພ້ອມດ້ວຍຄະນະໄດ້ ສືບຕໍ່ຢ້ຽມຢາມ ແລະ ເຮັດວຽກຢູ່ ແຂວງອຸດົມໄຊ ຊຶ່ງມີທ່ານ ສົມຈິດ ປັນຍາສັກ ຮອງເຈົ້າແຂວງອຸ ດົມໄຊ, ຫົວໜ້າພະແນກການເງິນແຂວງ ອຸດົມໄຊ, ຄະນະປະຈຳພັກ ແຂວງ, ເຈົ້າເມືອງ, ພະແນກ ແລະ ພະນັກງານຫຼັກແຫຼ່ງຂອງ ແຂວງໃຫ້ການຕ້ອນຮັບ. ໃນການມາຢ້ຽມຢາມຄັ້ງ ນີ້, ທ່ານ ສົມຈິດ ປັນຍາສັກ ໄດ້ລາຍງານໃຫ້ຊາບເຖິງສະ ພາບການຈັດຕັ້ງປະຕິບັດແຜນ ງົບປະມານ ສົກປີ 2015-2016 ງົບປະມານ 3 ເດືອນຂ້າມຜ່ານ 2016 ແລະ ທິດທາງແຜນການ ປີ 2017 ແລະ ສະພາບການພົ້ນ ເດັ່ນການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ແລະ ຮອບດ້ານຂອງແຂວງອຸ ດົມໄຊ ໃນສົກປີ 2015-2016 ຊຶ່ງເສດຖະກິດໄດ້ສືບຕໍ່ຂະ ຫຍາຍຕົວຕໍ່ເນື່ອງໃນອັດຕາ ການເຕີບໂຕ 7,5%, ລວມ ຍອດຜະລິດຕະພັນພາຍໃນ (GDP) ບັນລຸໄດ້ 3.500 ຕື້ກ່ວາ ກີບ ສະເລ່ຍ 1.397 ໂດລາສະ ຫະລັດຕໍ່ຄົນຕໍ່ປີ, ດ້ານການຈັດ ເກັບລາຍຮັບໃນສົກປີ 2015-2016 (ແຜນດັດແກ້ທັງໝົດ) ເທົ່າ ກັບ 104.158.000.000 ກີບ, ປະ ຕິບັດໄດ້ 98.748.874.205 ກີບ ທຽບໃສ່ແຜນດັດແກ້ 94,8% ທຽບໃສ່ໄລຍະດຽວກັນຜ່ານ ມາເພີ່ມຂຶ້ນ 5%, ດ້ານລາຍ ຈ່າຍທັງໝົດ ໃນສົກປີ 2015-2016 (ແຜນດັດແກ້) ເທົ່າກັບ 465.554.496.496 ກີບ ທຽບ ໃສ່ແຜນດັດແກ້ປະຕິບັດໄດ້ 96,99% ທຽບໃສ່ໄລຍະດຽວ ກັນຂອງປີຜ່ານມາ ເທົ່າກັບ 97%, ຫຼຸຸດລົງ 3% ສະເພາະ ລາຍຮັບໃນ 3 ເດືອນຂ້າມ ຜ່ານແຜນຈັດເກັບລາຍຮັບ ເຂົ້າງົບປະມານໄດ້ທັງໝົດ 14.578.000.000 ກີບ ສາມາດ ປະຕິບັດໄດ້ 16.177.381.124 ກີບ ທຽບໃສ່ແຜນເທົ່າກັບ 111%. ໂອກາດນີ້, ທ່ານຮອງນາ ຍົກລັດຖະມົນຕີກໍໄດ້ສະແດງ ຄວາມຊົມເຊີຍຕໍ່ບັນດາຜົນງານ ການພັດທະນາທີ່ຄະນະພັກ- ຄະນະນຳແຂວງໄດ້ພ້ອມພຽງ ຮຽງໜ້າກັບບັນດາພະນັກງານ, ທະຫານ, ຕຳຫຼວດ ແລະ ພໍ່ແມ່ ປະຊາຊົນຊາວແຂວງອຸດົມໄຊ ຍາດມາໄດ້ໃນໄລຍະ 1 ປີຜ່ານ ມາ. ພ້ອມນີ້ ທ່ານຍັງໄດ້ຍົກໃຫ້ ເຫັນສະພາບການພົ້ນເດັ່ນທີ່ ເກີດຂຶ້ນ ໃນໄລຍະຜ່ານມາທັງຢູ່ ໃນພາກພື້ນ ແລະ ສາກົນກໍຄື ໃນອາຊີ ແລະ ບັນດາປະເທດ ສະມາຊິກອາຊຽນເວົ້າລວມ, ເວົ້າ ສະເພາະເຫດການພົ້ນເດັ່ນທີ່ ເກີດຂຶ້ນຢູ່ ສປປ ລາວ ໃນໄລ ຍະຜ່ານມາ. ຄຽງຄູ່ກັນນັ້ນກໍຍັງ ມີຫຼາຍບັນຫາທີ່ລັດຖະບານ ຈະໄດ້ສືບຕໍ່ແກ້ໄຂ, ເປັນຕົ້ນ ການແກ້ໄຂປະກົດການຫຍໍ້ທໍ້ ທາງສັງຄົມ, ແກ້ໄຂການເຄື່ອນ ໄຫວຂອງກຸ່ມຄົນບໍ່ດີ ແລະ ອື່ນໆ. ທ່ານ ສົມດີ ດວງດີ ຍັງໄດ້ ເນັ້ນຕື່ມບາງທິດທາງ ເພື່ອໃຫ້ ຄະນະພັກ-ຄະນະນຳແຂວງເອົາ ໃຈໃສ່ຄື: ຕ້ອງຮັບປະກັນສະ ຖຽນລະພາບທາງດ້ານການ ເມືອງ, ເຮັດໃຫ້ແຂວງມີຄວາມ ສະຫງົບ ແລະ ມີຄວາມເປັນ ລະບຽບຮຽບຮ້ອຍໃຫ້ໄດ້ຢ່າງ ໜັກແໜ້ນ ໂດຍສະເພາະແມ່ນ ການເພີ່ມທະວີຄວາມສາມັກ ຄີພາຍໃນພັກ ປະຕິບັດກົດລະ ບຽບພັກຢ່າງເຂັ້ມງວດ; ຕ້ອງ ຊຸກຍູ້ການເຕີບໂຕເສດຖະກິດ ຂອງແຂວງໃຫ້ໄດ້ຢ່າງຕໍ່ເນື່ອງ; ຈົ່ງນຳໃຊ້ທ່າແຮງອັນບົ່ມຊ້ອນ ຂອງແຂວງ; ຂຸດຄົ້ນລາຍຮັບ ໃໝ່ ພ້ອມທັງຍົກຖານລາຍຮັບ ຫົວໜ່ວຍທຸລະກິດທີ່ມີລາຍຮັບ 400 ລ້ານກີບຂຶ້ນໄປຕ້ອງເຂົ້າ ຢູ່ໃນລະບົບອາກອນມູນຄ່າເພີ່ມ, ສຸມໃສ່ການຜະລິດກະສິກຳ ເປັນ ສິນຄ້າ ແລະ ຫັນມາສົ່ງເສີມທຸລະ ກິດຂະໜາດນ້ອຍ ແລະ ກາງ (SME) ທີ່ເປັນພື້ນຖານອັນສຳ ຄັນ ເພື່ອໃຫ້ແຜນຈັດເກັບງົບ ປະມານປະຈຳປີ 2017 ບັນລຸ 115,40 ຕື້ກີບ. ນອກຈາກນີ້ ເພື່ອເປັນການ ກະຕຸກຊຸກຍູ້ ແລະ ໃຫ້ກຳລັງ ໃຈແກ່ບັນດາຫົວໜ່ວຍທຸລະ ກິດພາຍໃນແຂວງອຸດົມໄຊ ທ່ານຮອງນາຍົກຍັງໄດ້ຢ້ຽມຢາມ ຖາມຂ່າວ ແລະ ໃຫ້ກຳລັງໃຈແກ່ ຜູ້ປະກອບການສະຖານທີ່ທ່ອງ ທ່ຽວນ້ຳຕົກຕາດ ນ້ຳກັດໂຍລະ ປາ ພ້ອມທັງທ່ຽວຢ້ຽມຊົມພື້ນ ຖານການຜະລິດຈຳນວນໜຶ່ງ ເຊັ່ນ: ສວນສະຕໍເບີລີ ແລະ ສະ ຖານທີ່ທ່ອງທ່ຽວຈຳນວນໜຶ່ງ. (ຂ່າວ-ພາບ: ນັກຂ່າວກະ ຊວງການເງິນ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110