ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 


ທ່ານ ບຸນຍັງ ວໍລະຈິດ ຊີ້ນຳວຽກງານຢູ່ແຂວງຄຳມ່ວນ

   ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານ ປະເທດ ພ້ອມດ້ວຍຄະນະໄດ້ ເຄື່ອນໄຫວຢ້ຽມຢາມ ແລະ ເຮັດ ວຽກຢູ່ແຂວງຄຳມ່ວນ ເມື່ອວັນທີ 24 ມັງກອນ ນີ້, ໂດຍມີທ່ານ ໂອໄດ ສຸດາພອນ ກຳມະການ ສູນກາງພັກ ເລຂາພັກແຂວງ ເຈົ້າແຂວງຄຳມ່ວນ ພ້ອມດ້ວຍ ຄະນະປະຈຳຄະນະບໍລິຫານ ງານພັກແຂວງ, ພະນັກງານ ຫຼັກແຫຼ່ງອ້ອມຂ້າງ ແຂວງ ໃຫ້ ການຕ້ອນຮັບຢ່າງອົບອຸ່ນ. ໃນໂອກາດດັ່ງກ່າວ ທ່ານ ໂອໄດ ສຸດາພອນ ໄດ້ລາຍງານ ການຈັດຕັ້ງປະຕິບັດວຽກງານ ຮອບດ້ານອັນພົ້ນເດັ່ນຂອງ ແຂວງໂດຍຫຍໍ້ ໃນໄລຍະ 1 ປີ ຜ່ານມາ ໃຫ້ຊາບ ໂດຍສະເພາະ ການຈັດຕັ້ງປະຕິບັດແຜນພັດ ທະນາເສດຖະກິດ - ສັງຄົມ ຂອງແຂວງ ໃນສົກ 2015 - 2016 ເສດຖະກິດຂອງແຂວງ ໄດ້ມີການຂະຫຍາຍຕົວໃນ ລະດັບ 7,95% ຕໍ່ປີ, ໃນນັ້ນ ຂົງເຂດກະສິກຳ ແລະ ປ່າໄມ້ ກວມ 1.345,631 ຕື້ກີບ ເທົ່າກັບ 25% ຂອງ GDP, ຂົງເຂດ ອຸດສາຫະກຳ 2.206,830 ຕື້ ກີບ ເທົ່າກັບ 41% ຂອງ GDP,ລາຍໄດ້ສະເລ່ຍຕໍ່ຫົວຄົນຮອດ ປັດຈຸບັນໄດ້ 1.922 ໂດລາສະ ຫະລັດ/ຄົນ/ປີ, ຄາດໝາຍສູ້ ຊົນຮອດປີ 2020 ທາງແຂວງ ຈະຜະລິດເຂົ້າທັງນາປີ - ນາ ແຊງໃຫ້ໄດ້ 463.340 ໂຕນ, ຜ່ານການຈັດຕັ້ງປະຕິບັດຕົວ ຈິງໃນສົກປີ 2015 - 2016 ບັນ ລຸໄດ້ 349.056 ໂຕນ, ສະເລ່ຍ 877 ກິໂລເຂົ້າເປືອກ/ຄົນ/ປີ. ໃນໂອກາດຢ້ຽມຢາມ ແລະ ຊີ້ນຳວຽກງານຢູ່ແຂວງ ຄຳມ່ວນ ໃນຄັ້ງນີ້, ທ່ານ ບຸນຍັງ ວໍລະຈິດ ໄດ້ໂອ້ລົມຕໍ່ຄະນະ ນຳ ຊຶ່ງກ່ອນອື່ນທ່ານໄດ້ກ່າວສະ ແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສຳເລັດ ໃນການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ພາຍໃນແຂວງບັນລຸຜົນສຳ ເລັດອັນໄດ້ເຮັດ ໃຫ້ພື້ນຖານ ໂຄງລ່າງຂອງແຂວງໄດ້ຮັບ ການພັດທະນາຢ່າງກວ້າງ ຂວາງຊີວິດການເປັນຢູ່ຂອງ ປະຊາຊົນບັນດາເຜົ່າໄດ້ຮັບ ການພັດທະນາດີຂຶ້ນເປັນກ້າວໆ ບັນດາຄອບຄົວ ແລະ ບ້ານທຸກ ຍາກໄດ້ ຫຼຸຸດລົງພ້ອມນີ້ທ່ານໄດ້ ເນັ້ນໃຫ້ຄະນະນຳທຸກຂັ້ນພາຍ ໃນແຂວງເອົາໃຈໃສ່ເຂົ້າໃນ ວຽກງານເປັນຕົ້ນແມ່ນ ຕ້ອງ ເອົາໃຈໃສ່ເຂົ້າໃນວຽກງານ ການຜະລິດ, ການປູກ, ການ ລ້ຽງຂອງປະຊາຊົນໃຫ້ກາຍ ເປັນສິນຄ້າໂດຍສະເພາະ ແມ່ນການກຳນົດລາຄາສິນຄ້າ ຢ່າງລະອຽດພ້ອມທັງຊອກຫາ ຕະຫຼາດ, ກວດກາບັນດາການ ລົງທຶນຂອງນັກທຸລະກິດຢ່າງ ເຂັ້ມງວດ, ເປັນຕົ້ນການຮັກສາ ດ້ານສິ່ງແວດ ລ້ອມ ພ້ອມກັນ ນັ້ນກໍໃຫ້ບັນດາຂະແໜງການ ຈົ່ງພ້ອມກັນປະສານງານກັນ ລະອຽດໃນການຈັດຕັ້ງປະຕິ ບັດວຽກງານ ເປັນຕົ້ນໃຫ້ເອົາ ໃຈໃສ່ເຂົ້າໃນການຕ້ານການສໍ້ ລາດບັງຫຼວງຢ່າງເຂັ້ມງວດ ເອົາໃຈໃສ່ເຂົ້າໃນວຽກງານກໍ່ ສ້າງຮາກຖານການເມືອງ ແລະ ພັດທະນາຊົນນະບົດຮອບ ດ້ານຕາມ 4 ເນື້ອໃນ 4 ຄາດ ໝາຍໂດຍສະເພາະແມ່ນເອົາ ໃຈໃສ່ສ້າງບ້ານພັດທະນາ, ບ້ານປອດຄະດີ, ບ້ານສາທາ ລະນະສຸກ ໂດຍຕິດພັນກັບວຽກ ງານອື່ນໆພາຍໃຕ້ການຊີ້ນຳ-ນຳພາຂອງຄະນະພັກ ແລະ ອົງການປົກຄອງແຕ່ລະຂັ້ນ ແຂວງຄຳມ່ວນຈຶ່ງຈະສາມາດ ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍດ້ວຍຈິດໃຈສູ້ຊົນ ປະຕິບັດມະຕິກອງປະຊຸມ ໃຫຍ່ຄັ້ງທີ X ຂອງພັກ ດ້ວຍ ຄວາມຮັບຜິດຊອບສູງ ແລະ ມີຜົນສຳເລັດທີ່ໃຫຍ່ຫຼວງກວ່າເກົ່າ. (ຂ່າວ: ພູວັນ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110