ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 


ສະຫາຍເລຂາທິການໃຫຍ່ ຊີ້ນຳວຽກງານຢູ່ສະຫວັນນະເຂດ

   ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ ປະທານປະເທດ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ ເມື່ອວັນທີ 25 ມັງກອນນີ້ ທີ່ຫ້ອງວ່າການແຂວງສະຫວັນນະເຂດ ໂດຍມີບັນດາລັດຖະມົນຕີ, ຄະນະປະຈຳ, ຄະ ນະບໍລິຫານງານພັກແຂວງ, ພະນັກງານຫຼັກແຫຼ່ງ, ບຳນານອ້ອມຂ້າງແຂວງເຂົ້າຮ່ວມ. ໃນພິທີ, ທ່ານ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງ ສະຫວັນນະເຂດ ໄດ້ລາຍງານສະພາບການພົ້ນເດັ່ນການຈັດຕັ້ງປະຕິບັດ ແຜນພັດທະນາເສດ ຖະກິດ-ສັງຄົມຂອງແຂວງໃນ 1 ປີຜ່ານມາ ເຫັນວ່າເສດຖະກິດຂອງແຂວງ ໄດ້ມີການຂະຫຍາຍ ຕົວຕໍ່ເນື່ອງ ແລະ ໝັ້ນທ່ຽງ, GDP ເພີ່ມຂຶ້ນສະເລ່ຍ 10,31% ຕໍ່ປີ, ໃນນັ້ນ ກະສິກຳເພີ່ມຂຶ້ນ 6,06% ກວມເອົາ 31,6%; ອຸດສາ ຫະ ກຳ-ຫັດຖະກຳ ເພີ່ມຂຶ້ນ 11,62% ກວມເອົາ 35,1% ແລະ ການ ບໍລິການເພີ່ມຂຶ້ນ 14,30% ກວມເອົາ 33,27%, ລາຍໄດ້ ສະເລ່ຍໃສ່ຫົວຄົນບັນລຸໄດ້ 1.799 ໂດລາສະຫະລັດ, ການ ຈັດຕັ້ງ ປະຕິບັດໂຄງການລົງ ທຶນຂອງລັດ ເພື່ອຮັບໃຊ້ໃຫ້ ແກ່ການພັດທະນາພື້ນຖານ ໂຄງລ່າງເຂົ້າໃນການຜະລິດ ກະສິກຳ ກໍໄດ້ຮັບການກໍ່ສ້າງ ແລະ ສ້ອມແປງ, ດ້ານການ ປົກປັກຮັກສາ ແລະ ຄຸ້ມຄອງ ທຸລະກິດໄມ້ໄດ້ປະຕິບັດຕາມ ຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ ຢ່າງ ເຂັ້ມງວດ, ປະກົດການຫຍໍ້ທໍ້ ກ່ຽວກັບໄມ້ສາມາດແກ້ໄຂໄດ້ ໂດຍພື້ນຖານ, ດ້ານອຸດສາຫະ ກຳເຫັນ ວ່າໄດ້ພັດທະນາໄປ ຕາມທິດຫັນເປັນອຸດສາຫະກຳ ແລະ ທັນສະໄໝເທື່ອລະກ້າວ, ການຜະລິດສິນຄ້າ ເພື່ອຈຳ ໜ່າຍພາຍໃນ ແລະ ສົ່ງອອກ ຕ່າງປະເທດມີທ່າອ່ຽງເພີ່ມຂຶ້ນ ໂດຍສະເພາະແມ່ນສິນຄ້າ ຈາກຜະລິດຕະພັນກະສິກຳ, ມູນຄ່າການສົ່ງອອກສິນຄ້າໃນ ໜຶ່ງປີຜ່ານມາປະຕິບັດໄດ້ 602,8 ລ້ານໂດລາສະຫະລັດ ແລະ ການນຳເຂົ້າສິນຄ້າປະຕິ ບັດໄດ້ 516,3 ລ້ານໂດລາສະ ຫະລັດ; ຕາໜ່າງ ການຈໍລະ ຈອນສິນຄ້າ ໄດ້ຮັບການຂະ ຫຍາຍຕົວໄປເຖິງເຂດຊົນນະ ບົດຫ່າງໄກສອກຫຼີກ, ປະຊາ ຊົນໄດ້ເຂົ້າເຖິງຕະຫຼາດ, ການ ຜະລິດ ແລະ ການຊື້-ຂາຍສິນ ຄ້ານັບມື້ຫຼາຍຂຶ້ນ. ດ້ານພື້ນຖານ ໂຄງລ່າງ ຄົມມະນາຄົມມີການກໍ່ສ້າງ ແລະ ສ້ອມແປງໄປຕາມໂຄງ ການລົງທຶນຂອງລັດ ເປັນຕົ້ນ ຂົວ, ເສັ້ນທາງລະຫວ່າງແຂວງ ຫາເມືອງ, ເມືອງຫາບ້ານ, ເສັ້ນ ທາງບ້ານຕໍ່ບ້ານຢູ່ເຂດຊົນນະ ບົດຫຼາຍເສັ້ນໄດ້ຮັບການກໍ່ ສ້າງ ແລະ ສ້ອມແປງ. ມາ ຮອດປັດຈຸບັນມີບ້ານທີ່ໄດ້ຊົມ ໃຊ້ກະແສໄຟຟ້າແລ້ວ 856 ບ້ານຂອງບ້ານທັງໝົດ, ຄອບ ຄົວທີ່ໄດ້ຊົມໃຊ້ກະແສໄຟຟ້າ ກວມ 90,37%, ດ້ານ ການພັດ ທະນາຊົນນະບົດ ແລະ ການ ແກ້ໄຂຄວາມທຸກຍາກຂອງປະ ຊາຊົນ ໄດ້ສຸມໃສ່ປະຕິບັດ ໂດຍຕິດພັນກັບວຽກງານ 3 ສ້າງ ຊຶ່ງປັດຈຸບັນສາມາດປະ ກາດບ້ານໃຫຍ່ໃຫ້ກາຍເປັນ ຕົວເມືອງ ນ້ອຍໄດ້ແລ້ວ 9 ບ້ານ, ສ້າງບ້ານພັດທະນາໄດ້ 242 ບ້ານ, ທົ່ວແຂວງຍັງເຫຼືອ ບ້ານທຸກຍາກ 140 ບ້ານຂອງ ຈຳນວນ 1.022 ບ້ານ, ຄອບ ຄົວທຸກຍາກຍັງເຫຼືອ 8.633 ຄອບຄົວ, ເມືອງທຸກຍາກຍັງ ເຫຼືອ 01 ເມືອງຄື: ເມືອງນອງ, ສິ່ງທີ່ພົ້ນເດັ່ນອີກອັນໜຶ່ງແມ່ນ ທາງແຂວງ ແລະ ເມືອງໄດ້ ຮ່ວມມືກັບພາກທຸລະກິດເອ ກະຊົນພາຍໃນ (ໂຮງງານນ້ຳ ດື່ມສະອາດປາໂລມາຄຳ) ຈັດ ຕັ້ງປະຕິບັດໂຄງ ການແກ້ໄຂ ຄວາມທຸກຍາກຂອງປະຊາ ຊົນຢູ່ບ້ານຄຳປາແໜ ເມືອງ ຈຳພອນ, ຊຶ່ງບໍລິສັດໄດ້ປະ ກອບສ່ວນເປັນທຶນ ແລະ ວັດ ຖຸແລ້ວຈຳນວນ 2,5 ຕື້ກີບ, ທົ່ວແຂວງມີຄອບຄົວວັດທະ ນະທຳ 93.938 ຄອບຄົວ ກວມເອົາ 59,5% ຂອງຄອບ ຄົວທັງໝົດ ແລະ ມີບ້ານວັດ ທະນະທຳ 547 ບ້ານ ກວມ 53,5% ຂອງຈຳນວນບ້ານທັງ ໝົດ 1.022 ບ້ານ. ໃນໂອກາດຢ້ຽມຢາມ ແລະ ຊີ້ນຳວຽກງານຢູ່ແຂວງ ສະຫວັນນະເຂດໃນຄັ້ງນີ້, ສະຫາຍ ບຸນຍັງ ວໍລະຈິດ ໄດ້ ໂອ້ລົມຕໍ່ຄະນະນຳ ຊຶ່ງກ່ອນ ອື່ນທ່ານໄດ້ກ່າວສະແດງຄວາມ ຍ້ອງຍໍຊົມເຊີຍ ແລະ ຕີລາຄາ ສູງຕໍ່ຜົນການ ຈັດຕັ້ງ ປະຕິບັດ ມະຕິກອງປະຊຸມໃຫຍ່ຄັ້ງທີ 8 ຂອງແຂວງເພື່ອເປັນການສືບ ຕໍ່ຮັກສາມູນເຊື້ອອັນດີງາມໃນ ການພັດທະນາປະເທດຊາດ ຂອງຕົນສ້າງເງື່ອນໄຂເອື້ອ ອຳນວຍໃຫ້ເສດຖະກິດ-ສັງ ຄົມກໍ່ຄື ປະຊາຊົນບັນດາເຜົ່າ ພາຍໃນແຂວງມີຊີວິດການ ເປັນຢູ່ທີ່ດີຂຶ້ນ, ພາຍໃຕ້ການນຳ ພາຂອງອົງຄະນະພັກແຂວງ ເຮັດໃຫ້ເສດຖະກິດຂອງແຂວງ ມີການຂະຫຍາຍຕົວເປັນກ້າວໆ ພົ້ນເດັ່ນອີກອັນ ໜຶ່ງ ແມ່ນການ ລົງທຶນໃນຂົງເຂດກະສິກຳຂອງ ປະຊາຊົນນອກຈາກກຸ້ມກິນ ມີ ສ່ວນແຮໄວ້ແລ້ວຍັງສົ່ງອອກ ຂາຍໄປຕ່າງປະເທດ, ຄຽງຄູ່ ກັບຂົງເຂດການລົງທຶນດ້ານ ອຸດສາຫະກຳມີຫຼາຍຂະແໜງ ການ ເຫັນວ່າມີອັນໃໝ່ຍ້ອນ ເງື່ອນໄຂຂອງແຂວງມີຄວາມ ເໝາະສົມ, ສຳລັບການແກ້ໄຂ ຄວາມທຸກຍາກກ້າວສູ່ການຫັນ ປ່ຽນຢ່າງຕັ້ງໜ້າເຫັນວ່າບ້ານ ທຸກຍາກກໍຫຼຸຸດລົງເທື່ອລະກ້າວ ເຮັດໃຫ້ຫຼາຍ ຄອບ ຄົວມີຄວາມ ຮັ່ງມີເຂັ້ມແຂງ. ພ້ອມກັນນັ້ນກໍ່ ໃຫ້ເອົາໃຈໃສ່ວຽກງານປ້ອງ ກັນຄວາມສະຫງົບ, ສູ້ຊົນຈັດ ເກັບລາຍຮັບເຂົ້າງົບປະມານ ໃຫ້ບັນລຸຜົນສຳເລັດ, ພ້ອມ ກັນສູ້ຊົນປະຕິບັດ ໃຫ້ໄດ້ຕາມ 4 ເນື້ອໃນ 4 ຄາດໝາຍທີ່ວາງ ໄວ້ໃຫ້ມີໝາກຜົນ, ນອກຈາກນີ້ ໃຫ້ເອົາໃຈໃສ່ປັບປຸງແຫຼ່ງທ່ອງ ທ່ຽວ, ໜອງ, ບຶງຕ່າງໆ ທີ່ມີ ທຳມະຊາດຢູ່ແລ້ວ ເພື່ອດຶງ ດູດນັກ ທ່ອງທ່ຽວສ້າງ ລາຍຮັບ ໃຫ້ແກ່ແຂວງ. (ຂ່າວ: ພູວັນ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110