ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 


ລມຕ ກະຊວງການຕ່າງປະເທດ ຢ້ຽມຢາມກຳປູເຈຍ

   ໂດຍຕອບສະໜອງ ຕາມການເຊີນຂອງທ່ານ ປຣາກ ໂຊຄົນ ລັດຖະມົນຕີອາ ວຸໂສ ລັດຖະມົນຕີກະຊວງການ ຕ່າງປະເທດ ແລະ ຮ່ວມມືສາ ກົນ ແຫ່ງ ຣາຊະອານາຈັກກຳປູ ເຈຍ, ທ່ານ ສະເຫຼີມ ໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະໄດ້ເດີນທາງຢ້ຽມຢາມ ຣາຊະອານາຈັກກຳປູເຈຍ ຢ່າງ ເປັນທາງການໃນລະຫວ່າງ ວັນທີ 24-25 ມັງກອນ 2017. ໃນວັນທີ 24 ມັງກອນຜ່ານ ມາ ທ່ານ ສະເຫຼີມໄຊ ກົມມະ ສິດ ແລະ ຄະນະໄດ້ເຂົ້າຢ້ຽມ ຂ່ຳນັບເຈົ້າຊີວິດ ໂນໂຣດົມ ສີ ຫາໂມນີ ແລະ ສົມເດັດ ອັກ ຄະມະຫາເສນາບໍດີ ເຕໂຈ ຮຸນ ແຊນ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ. ໃນ ໂອ ກາດດັ່ງກ່າວ, ທ່ານ ສະເຫຼີມ ໄຊ ກົມມະສິດ ໄດ້ນຳເອົາຄວາມ ຢື້ຢຽມຖາມຂ່າວຂອງພະນະ ທ່ານ ບຸນຍັງ ວໍລະຈິດ ປະທານ ປະເທດ ແລະ ພະນະທ່ານ ທອງລຸນ ສີສຸລິດ ນາຍົກລັດຖະ ມົນຕີ ມາຍັງພະມະຫາກະສັດ ແລະ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍຕາມ ລຳດັບ. ໃນຕອນບ່າຍຂອງວັນ ດຽວກັນ ທ່ານ ສະເຫຼີມໄຊ ກົມ ມະສິດ ແລະ ຄະນະໄດ້ພົບປະ ສອງຝ່າຍກັບ ທ່ານ ປຣາກ ໂຊຄົນ ລັດຖະມົນຕີອາວຸໂສ ລັດຖະມົນຕີກະຊວງການຕ່າງ ປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກກຳປູເຈຍ ຊຶ່ງໃນການພົບປະຄັ້ງນີ້ ສອງ ຝ່າຍກໍໄດ້ແຈ້ງສະພາບການ ພັດທະນາພາຍໃນປະເທດຂອງ ຕົນໃນໄລຍະຜ່ານມາໃຫ້ກັນ ຊາບ, ໂດຍສະເພາະຜົນສຳ ເລັດໃນການພັດທະນາ ເສດຖະກິດ - ສັງຄົມ, ສອງຝ່າຍໄດ້ ຕີລາຄາສູງຕໍ່ການພົວພັນ ແລະ ການຮ່ວມມືສອງລັດຖະບານ ກໍຄື 2 ກະຊວງການຕ່າງປະ ເທດ ລາວ - ກຳປູເຈຍ ໃນໄລຍະ ຜ່ານມາ, ໄດ້ເປັນເອກະພາບ ກັນໃນທິດທາງການເສີມຂະ ຫຍາຍການພົວພັນຮ່ວມມື ສອງຝ່າຍໃນຕໍ່ໜ້າໃຫ້ແໜ້ນ ແຟ້ນຂຶ້ນກວ່າເກົ່າ. ນອກຈາກ ນີ້, ທັງສອງຝ່າຍຍັງໄດ້ປຶກສາ ຫາລືກ່ຽວກັບສະພາບການ ພາກພື້ນ ແລະ ສາກົນ ທີ່ມີ ຄວາມສົນໃຈຮ່ວມກັນ. ພ້ອມກັນນີ້, ທ່ານ ສະເຫຼີມໄຊ ກົມມະສິດ ແລະ ຄະນະ ກໍໄດ້ ຢ້ຽມຊົມຫໍພິພິທະພັນແຫ່ງ ຊາດ ແລະ ເຂົ້າຮ່ວມງານລ້ຽງ ຕ້ອນຮັບ, ຈັດເປັນກຽດໂດຍ ທ່ານລັດ ຖະມົນຕີກະຊວງການ ຕ່າງປະເທດກຳປູເຈຍ. ສະເພາະ ວັນທີ 25 ມັງ ກອນນີ້, ທ່ານ ສະເຫຼີມໄຊ ກົມ ມະສິດ ໄດ້ນຳພາຄະນະຝ່າຍ ລາວເຂົ້າຮ່ວມກອງປະຊຸມວິສາ ມັນຄະນະກຳ ມະການ ຊາຍແດນ ຮ່ວມລາວ - ກຳປູເຈຍ, ກຳປູ ເຈຍ-ລາວ ທີ່ສຳນັກງານນາຍົກ ລັດຖະມົນຕີ ເພື່ອປຶກສາຫາລື ວຽກງານການປັກຫຼັກໝາຍ ຊາຍແດນຮ່ວມກັນ. ການຢ້ຽມ ຢາມຣາຊະອານາຈັກ ກຳປູເຈຍ ຂອງ ທ່ານ ສະເຫຼີມໄຊ ກົມມະ ສິດ ຄັ້ງນີ້, ເປັນຄັ້ງທຳອິດພາຍ ຫຼັງທີ່ທ່ານໄດ້ຮັບຕຳແໜ່ງລັດຖະ ມົນຕີກະຊວງການຕ່າງປະເທດ ແຫ່ງ ສປປ ລາວ, ເປັນການ ປະກອບສ່ວນອັນສຳຄັນເຂົ້າ ໃນການເສີມຂະຫຍາຍສາຍ ພົວພັນມິດຕະພາບລະຫວ່າງ ສອງປະເທດໃຫ້ນັບມື້ແໜ້ນ ແຟ້ນຍິ່ງຂຶ້ນ.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110