ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 


ທ່ານ ບຸນຍັງ ວໍລະຈິດ ພົບປະ ນາຍ ແລະ ພົນທະຫານ ກອງ ກ 4

     ເນື່ອງໃນໂອກາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ, ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານ ປະເທດ ໄດ້ເຄື່ອນໄຫວຢ້ຽມຢາມພົບປະໂອ້ລົມນາຍ ແລະ ພົນທະຫານ ຢູ່ກອງ ກ4 ເມື່ອ ວັນທີ 26 ມັງກອນນີ້, ໂດຍມີບັນດາລັດຖະມົນຕີ, ຄະນະພັກ, ຄະນະບັນຊາ, ນາຍ ແລະ ພົນທະຫານ ເຂົ້າຮ່ວມ. ທ່ານ ພັນເອກ ຄຳຍໍ ລິນສົມພູ ຮອງເລຂາຄະນະພັກ ຫົວໜ້າການທະຫານ ກອງ ກ4 ໄດ້ລາຍງານສະພາບ ການຈັດຕັ້ງປະຕິບັດວຽກງານ ໃນໄລຍະທີ່ຜ່ານມາເປັນຕົ້ນ ເອົາໃຈໃສ່ສຶກສາ ອົບຮົມການ ເມືອງແນວຄິດໃຫ້ນາຍ ແລະ ພົນທະຫານໃຫ້ມີຄວາມເຂົ້າ ໃຈຕໍ່ແນວທາງນະໂຍບາຍ ຂອງພັກ - ລັດໃນແຕ່ລະໄລຍະ ໃຫ້ມີແນວຄິດຫຼັກໝັ້ນຊົນ ຊັ້ນມີຄວາມບໍລິສຸດສັດຊື່ມີ ຄວາມຈົງ ຮັກພັກດີຕໍ່ພັກ ແລະ ປະເທດຊາດຕໍ່ປະຊາຊົນ ບັນດາເຜົ່າ, ມີສະຕິ ລະວັງຕົວ ຕໍ່ກົນອຸບາຍຫັນປ່ຽນຂອງ ສັດຕູ, ມີຄວາມເສຍສະລະ ອັນສູງສົ່ງເພື່ອຊາດ ເພື່ອ ປະຊາຊົນໂດຍຕິດພັນກັບ ການສ້າງ ຂະບວນການຕ່າງໆ ເຊັ່ນ: ຂະບວນການສ້າງກອງ ແຂງຮູ້ນຳພາຮອບດ້ານ, ຂະ ບວນການເຄື່ອນໄຫວຮັກສາ ຄວາມສະຫງົບປອດໄພ, ຂະ ບວນການກໍ່ສ້າງຮາກຖານ ການເມືອງ, ຂະບວນ ການປະ ຕິບັດ 7 ລະບອບ 18 ວຽກ, ເພີ່ມພູນຜະລິດຜົນ ແລະ ອື່ນໆ, ຈັດຕັ້ງອົບຮົມຫັດແອບຕາມ ແຜນການອົບຮົມປະຈຳປີຂອງ ກົມອົບຮົມກົມໃຫຍ່ເສນາທິ ການວາງອອກ, ຜ່ານການຈັດ ຕັ້ງປະຕິບັດ ສາມາດຍົກລະດັບ ພະນັກງານນັກຮົບສູງຂຶ້ນ. ສຳ ລັບວຽກງານແກ້ໄຂຊີວິດການ ເປັນຢູ່ສາມາດກຸ້ມຕົນເອງ, ເພິ່ງຕົນເອງທາງດ້ານເຂົ້າກິນ ແຕ່ 3 ເດືອນຂຶ້ນໄປ, ໂດຍ ລວມແລ້ວບັນດານາຍ ແລະ ພົນທະຫານຢູ່ກົມກອງມີແນວ ຄິດໜັກແໜ້ນ, ມີຄວາມຈົງຮັກ ພັກດີ, ມີຄວາມບໍລິສຸດຜຸດ ຜ່ອງຕໍ່ພັກ, ຕໍ່ລັດ, ຕໍ່ປະເທດ ຊາດ ແລະ ຕໍ່ປະຊາຊົນບັນດາ ເຜົ່າຍັງຮັກສາ ແລະ ເສີມຂະ ຫຍາຍທາດແທ້ມູນເຊື້ອຂອງ ພັກປະຊາຊົນລາວ ພ້ອມແລ້ວ ຈະເຮັດທຸກສິ່ງທຸກຢ່າງເພື່ອອຸ ທິດໃຫ້ແກ່ການປະຕິວັດ ເພື່ອ ປະເທດຊາດ ເພື່ອປະຊາຊົນ, ເພື່ອອຸທິດອຸດົມການ ສັງຄົມນິ ຍົມ ເມື່ອປະເທດຊາດມີຄວາມ ຮຽກຮ້ອງຕ້ອງການນາຍ ແລະ ພົນທະຫານ ພ້ອມແລ້ວຈະ ຕອບສະໜອງໄດ້ທຸກທີ່ທຸກ ບ່ອນທຸກເວລາທີ່ພັກ - ລັດ ມອບໝາຍໃຫ້. ໃນໂອກາດນີ້, ທ່ານ ບຸນຍັງ ວໍລະຈິດ ໄດ້ກ່າວສະ ແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສຳເລັດ ຂອງການຊີ້ນຳໆພາຂອງກອງ ກ4 ຜ່ານການຮັບຟັງການລາຍ ງານຂອງຄະນະນຳ, ຄະນະບັນ ຊາເຫັນວ່າການປະຕິບັດວຽກ ງານປ້ອງກັນຊາດ, ປ້ອງກັນ ຄວາມສະຫງົບເຮັດໄດ້ດີສະ ແດງອອກເຖິງສະຖຽນລະພາບ ທາງດ້ານການເມືອງມີຄວາມ ສະຫງົບ, ສັງຄົມມີຄວາມສີວິໄລ ປະຊາຊົນມີຊີວິດການເປັນຢູ່ ດີຂຶ້ນ, ຍ້ອນ ຄວາມບຸກບືນຂອງ ບັນດາສະຫາຍໃນການແກ້ໄຂ ບັນຫາຢາເສບຕິດ, ກຸ່ມແກ້ງ, ປະກົດການຫຍໍ້ທໍ້ຕ່າງໆແມ່ນ ເຮັດໄດ້ດີ ໂດຍຕິດພັນກັບວຽກ ງານເພີ່ມພູນຜະລິດຜົນບັນດາ ກົມກອງສາມາດ ກຸ້ມຕົນເອງ, ເພິ່ງຕົນເອງ ສ້າງຄວາມເຂັ້ມ ແຂງດ້ວຍຕົນເອງຕິດພັນກັບ ປະຊາຊົນ ຕິດພັນກັບການລົງ ກໍ່ສ້າງຮາກຖານການເມືອງ ສ້າງຄວາມເຊື່ອໝັ້ນ ແລະ ໄວ້ ວາງໃຈໃຫ້ກັບປະຊາຊົນ, ສະ ນັ້ນຈຶ່ງສາມາດເວົ້າໄດ້ວ່າການ ຈັດຕັ້ງປະຕິບັດວຽກງານຜ່ານ ມາພວກສະຫາຍເຮັດຖືກທິດ ຖືກຕ້ອງຕາມແນວທາງຢ່າງ ແທ້ຈິງເອີ້ນວ່າໝາກຜົນແຫ່ງ ຄວາມສຳເລັດ, ຍ້ອນບັນດາ ສະຫາຍປະຕິບັດ ດ້ວຍຄວາມ ເປັນເຈົ້າການແທ້ຈິງເຮັດໃຫ້ ຫຼາຍສະຫາຍ, ຫຼາຍກົມກອງ ພົ້ນເດັ່ນໃນການຈັດຕັ້ງ ປະຕິບັດແນວທາງຕອບສະ ໜອງໄດ້ຕາມ 3 ໜ້າທີ່ 4 ການ ພົວພັນໃນການກຳສະພາບ ການລວມ ຂອງສັດຕູໄດ້ດີ ພ້ອມດຽວກັນນັ້ນຂໍຮຽກຮ້ອງ ມາຍັງບັນດາສະຫາຍຈົ່ງພ້ອມ ກັນສືບຕໍ່ຮັກສາມູນເຊື້ອຜົນ ງານໃນການຈັດຕັ້ງປະຕິບັດ ໜ້າທີ່ວຽກງານສືບຕໍ່ສ້າງຜົນ ງານໃຫ້ຫຼາຍກວ່າເກົ່າເພື່ອ ສ້າງກົມກອງແຂງ - ຮູ້ນຳພາ ຮອບດ້ານຕາມແນວທາງຂອງ ພັກ - ລັດຢ່າງແທ້ຈິງ, ເພື່ອສະ ແດງເຖິງຄວາມເອົາໃຈໃສ່ ແລະ ເປັນຫ່ວງເປັນໃຍ ເນື່ອງ ໃນໂອກາດວັນສ້າງຕັ້ງກອງ ທັບປະຊາຊົນລາວ ຄົບຮອບ 68 ປີ ແລະ ໃນໂອກາດເດີນ ທາງມາຢ້ຽມຢາມທ່ານ ບຸນຍັງ ວໍລະຈິດ ໄດ້ມອບເຄື່ອງຈຳ ນວນໜຶ່ງໃຫ້ແກ່ກອງ ກ4. ໃນວັນດຽວກັນທ່ານ ບຸນຍັງ ວໍລະຈິດ ຍັງໄດ້ເຂົ້າ ຮ່ວມພິທີຮັບ ເຍົາວະຊົນທັນວາ ຢູ່ທີ່ອານຸສາວະລີປະທານ ໄກສອນ ພົມວິຫານ, ຈາກນັ້ນ ຍັງໄດ້ເຄື່ອນໄຫວຢ້ຽມຢາມ ການຜະລິດລະດູແລ້ງຂອງປະ ຊາຊົນ (ການຜະລິດເຂົ້ານາ ແຊງ) ຢູ່ບ້ານທວດ ເມືອງຈຳ ພອນ ແຂວງສະຫວັນນະເຂດ, ຢ້ຽມຢາມບ້ານຄຳປະແໜ ຊຶ່ງ ເປັນໂຄງການແກ້ໄຂຄວາມ ທຸກຍາກຂອງປະຊາຊົນ ໂດຍ ແມ່ນທາງແຂວງ ແລະ ເມືອງ ໄດ້ຮ່ວມມືກັບພາກທຸລະກິດ ເອກະຊົນພາຍໃນ (ໂຮງງານ ນ້ຳດື່ມສະອາດປາໂລມາຄຳ) ຈັດຕັ້ງປະຕິບັດໂຄງການແກ້ ໄຂຄວາມທຸກຍາກຂອງປະຊາ ຊົນຢູ່ບ້ານຄຳປາແໜ ເມືອງຈຳ ພອນ, ຊຶ່ງບໍລິສັດໄດ້ປະກອບ ສ່ວນເປັນທຶນ ແລະ ວັດຖຸຈຳ ນວນ 2,5 ຕື້ກີບ ເຂົ້າໃນໂຄງ ການດັ່ງກ່າວ ເພື່ອຊ່ວຍແກ້ໄຂ ຊີວິດການເປັນຢູ່ຂອງປະຊາ ຊົນ. (ຂ່າວ: ພູວັນ)

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110