ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ຜົນກອງປະຊຸມວິສາມັນຂອງຄະນະກຳມະການ ຊາຍແດນຮ່ວມ ລາວ- ກຳປູເຈຍ, ກຳປູເຈຍ - ລາວ

   ກອງປະຊຸມວິສາມັນ ຂອງຄະນະກຳມະການຊາຍ ແດນຮ່ວມ ລາວ - ກຳປູເຈຍ, ກຳປູເຈຍ - ລາວ ໄດ້ຈັດຂຶ້ນ ໃນວັນທີ 25 ມັງກອນຜ່ານມາ ນີ້, ທີ່ຫ້ອງວ່າການສຳນັກງານນາຍົກລັດຖະມົນຕີ ຣາຊະອານາຈັກກຳປູເຈຍ. ຄະນະຜູ້ ແທນຝ່າຍລາວນຳໂດຍທ່ານ ສະເຫຼີມໄຊ ກົມມະສິດ ລັດຖະ ມົນຕີກະຊວງການຕ່າງປະເທດເຮົາ ທັງເປັນປະທານຄະນະກຳມະການຊາຍແດນຮ່ວມລາວ- ກຳປູເຈຍ ແລະ ຄະນະຜູ້ແທນ ຝ່າຍກຳປູເຈຍ ນຳໂດຍ ທ່ານ ວາກິມຮົງ ລັດຖະມົນຕີອາວຸໂສ, ຮັບຜິດຊອບວຽກງານຊາຍ ແດນ ແຫ່ງຣາຊະອານາຈັກກຳປູເຈຍ ປະທານຄະນະກຳ ມະການຊາຍ ແດນຮ່ວມ ກຳປູ ເຈຍ - ລາວ. ກອງປະຊຸມໄດ້ດຳເນີນໄປ ພາຍໃຕ້ບັນຍາກາດສະໜິດ ສະໜົມກົງໄປກົງມາບົນຈິດໃຈແຫ່ງສາຍພົວພັນແບບບ້ານໃກ້ ເຮືອນຄຽງທີ່ດີ ມິດຕະພາບອັນ ເປັນມູນເຊື້ອ ແລະ ການຮ່ວມມືຮອບດ້ານແບບຍືນຍົງ ແລະຄວາມມຸ່ງມາດປາຖະໜາທີ່ຈະ ສ້າງເສັ້ນຊາຍແດນ ລາວ - ກຳ ປູເຈຍ ໃຫ້ເປັນເສັ້ນຊາຍແດນ ແຫ່ງສັນຕິພາບ ມິດຕະພາບ ສະຖຽນ ລະພາບ ການຮ່ວມມື ແລະ ການພັດທະນາຊົ່ວນິລັນ ດອນ. ກອງປະຊຸມສອງຝ່າຍເຫັນ ດີເປັນເອກະພາບກັນດັ່ງນີ້: 1. ສືບຕໍ່ປຶກສາຫາລືກ່ຽວກັບ 4 ບໍລິເວນທີ່ຍັງຄົງຄ້າງດັ່ງ ນີ້: - ຫຼັກໝາຍຊາຍ ແດນເລກ ທີ 033 ຢູ່ດ່ານສາກົນໜອງນົກ ຂຽນ - ຕຣາປຽງກຽນ. - ເສັ້ນຊາຍແດນຕາມເສັ້ນ ທາງ ເລກທີ 13 (ລາວ) /7 (ກຳ ປູເຈຍ). - ເສັ້ນຊາຍແດນຢູ່ບໍລິເວນ ເວີນຄາມ/ໂອສະໄວ. - ເສັ້ນຊາຍແດນຢູ່ບໍລິເວນ ຫຼັກໝາຍຊາຍແດນ ເລກທີ 032/1-032/5. 2. ລົງກວດກາພື້ນທີ່ຕົວ ຈິງຢູ່ 2 ບໍລິເວນ ໃນເວລາທີ່ ເໝາະສົມພາຍໃນປີ 2017 ດັ່ງນີ້: - ບໍລິເວນຫຼັກໝາຍຊາຍ ແດນເລກທີ 002 ແລະ 003. - ບໍລິເວນຫຼັກໝາຍຊາຍ ແດນຄູ່ເລກທີ 029/030. 3. ຈັດຕັ້ງໜ່ວຍງານໜຶ່ງຂຶ້ນ ເພື່ອສຶກສາຄວາມເປັນໄປ ໄດ້ຮ່ວມກັນກ່ຽວກັບການປັກ ຫຼັກໝາຍຊາຍແດນຖີ່, ຮູບແບບ ແລະ ຈຳນວນຫຼັກ ໝາຍຊາຍແດນຖີ່ນັບທັງຮ່າງຂໍ້ກຳ ນົດທາງດ້ານເຕັກນິກຈຳນວນ ໜຶ່ງອີກ. ໜ່ວຍງານດັ່ງກ່າວນີ້ຈະປຶກສາຫາລືກັນໃນເວລາເໝາະ ສົມອັນໃກ້ນີ້. ພ້ອມກັນນີ້ສອງ ຝ່າຍຈະພະຍາຍາມ ຊອກວິທີ ທາງໃນການແກ້ໄຂຈຸດຄົງຄ້າງ ໃຫ້ສຳເລັດໂດຍໄວຕາມການ ຕົກລົງຂອງຜູ້ນຳຂອງສອງປະ ເທດ.


  

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110