ສ້າງເສດຖະກິດແຫ່ງຊາດ ໄປຕາມທິດພັດທະນາແບບຍືນຍົງ

ລາຍການຂ່າວປະຈຳວັນ

ຂ່າວເດັ່ນມື້ນີ້
ຂ່າວພາຍໃນປະເທດ
ຂ່າວຕ່າງປະເທດ
ຂ່າວກິລາ
ຂ່າວມື້ຜ່ານມາ

ໜັງສືພິມ ປະຊາຊົນ ເອເລັກໂຕຼນິກ ແບບອອນໄລ

 

ພະຍາກອນອາກາດ

Weather Vientiane

ຈຳນວນຜູ້ເຂົ້າຢ້ຽມຊົມເວັບໄຊ

Flag Counter
  ຄລິກຮູບເບິ່ງລະອຽດຜູ້ເຂົ້າຊົມເວັບໄຊ

ເລກໂທ ສຸກເສີນ

+ ແຈ້ງໄຟໄໝ້                      212707
+ ຕຳຫຼວດ                              1191
+ ລົດໂຮງໝໍ                            1195
+ ໄຟຟ້າ                                1199
+ ນ້ຳປະປາ                             1169
 

ສະຫຼອງວັນຊາດອົດສະຕຣາລີ ແລະ ວັນສ້າງຕັ້ງສາຍພົວພັນການທູດ ຄົບຮອບ 65 ປີ

   ສະຖານທູດອົດສະ ຕຣາລີ ປະຈຳນະຄອນຫຼວງ ວຽງຈັນ, ໄດ້ຈັດງານສະເຫຼີມ ສະຫຼອງວັນຊາດອົດສະຕຣາລີ ປະຈຳປີ 2017 ແລະ ວັນສ້າງ ຕັ້ງສາຍພົວພັນການທູດ ອົດສະຕຣາລີ - ລາວ ຄົບຮອບ 65 ປີ (1952-2017), ໃນວັນທີ 26 ມັງກອນຜ່ານມານີ້ ທີ່ສະ ຖານທູດອົດສະຕຣາລີ. ເປັນກຽດໃນພິທີໂດຍ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ, ພ້ອມ ດ້ວຍບັນດາທຸຕານຸທູດ ແລະ ແຂກທີ່ຖືກ ເຊີນເຂົ້າຮ່ວມ. ໃນພິທີ ທ່ານ ຈອນ ວິນລ່ຽມ ເອກອັກຄະລັດຖະທູດວິ ສາມັນຜູ້ມີອຳນາດເຕັມແຫ່ງ ອົດສະຕຣາລີ ປະຈຳ ສປປ ລາວ, ໄດ້ກ່າວລາຍງານ ຊຶ່ງມີ ບາງຕອນທີ່ສຳຄັນວ່າ: ວັນ ຊາດອົດສະຕຣາລີເປັນເວລາ ທີ່ຄົນອົດສະຕຣາລີມາເຕົ້າ ໂຮມເພື່ອສະເຫຼີມສະຫຼອງ ແລະ ລະນຶກເຖິງຜົນສຳເລັດ ທັງໝົດທີ່ປະເທດຊາດຍາດມາ ໄດ້ຮ່ວມກັນ, ວັນຊາດອົດສະ ຕຣາລີ 26 ມັງກອນ ເປັນວັນ ສະຫຼອງການມາຮອດອົດສະ ຕຣາລີ ເທື່ອທຳອິດຂອງກຳປັ່ນ ນັກໂທດ 11 ລຳ ຈາກປະເທດ ອັງກິດໃນປີ 1788. ມື້ນີ້ 229 ປີ ຫຼັງຈາກມື້ທຳ ອິດທີ່ ກຸ່ມຄົນ ຈາກເອີຣົບມາຕັ້ງຖິ່ນ, ອົດສະ ຕຣາລີ ໄດ້ມີການປ່ຽນແປງ ຫຼາຍດ້ານ ແລະ ເປັນປະເທດ ທີ່ແຕກຕ່າງ ຈາກປະເທດອື່ນ ໃນໂລກ, ປະເທດຂອງພວກ ເຮົາມີປະຊາກອນ 24 ລ້ານຄົນ. ທ່ານ ກ່າວຕື່ມວ່າ: ໃນນາມ ທູດອົດສະຕຣາລີ ຂ້າພະເຈົ້າມີ ຄວາມພາກພູມໃຈຫຼາຍຕໍ່ສະ ພາບຊີວິດການເປັນຢູ່ທີ່ດີໃນປະເທດອັນເຮັດໃຫ້ປະເທດອົດ ສະຕຣາລີ ກາຍເປັນປະເທດ ທີ່ໜ້າສົນໃຈ ແລະ ເຮັດໃຫ້ຄົນ ຈາກທົ່ວໂລກຢາກມາອາໄສຢູ່, ຜົນສຳເລັດຂອງປະເທດອົດ ສະຕຣາລີແມ່ນພວກເຮົາມີ ການຮ່ວມມືທີ່ໂດດເດັ່ນກັບ ບັນດາປະເທດໃນພາກພື້ນ ອາຊີ-ປາຊີຟິກ ເພື່ອນໃກ້ຊິດ ຂອງ ພວກເຮົາ ໃນໄລຍະຫຼາຍ ທົດສະວັດຜ່ານມາ ລວມທັງ ສປປ ລາວ, ອົດສະຕຣາລີ ແມ່ນຄູ່ຮ່ວມເຈລະຈາທີ່ຍາວ ນານທີ່ສຸດຂອງອາຊຽນ ແລະ ຈະສືບຕໍ່ສະໜັບສະໜູນການ ເຊື່ອມໂຍງ ເສດຖະ ກິດຂອງ ພາກພື້ນ. ອົດສະຕຣາລີ ໄດ້ ໃຫ້ທຶນການສຶກສາ ເພື່ອຊ່ວຍ ສປປ ລາວ ໃຫ້ສາມາດພັດທະ ນາທັກສະກາຍເປັນປະເທດທີ່ ມີລະບົບເສດຖະກິດເປີດກວ້າງ ແລະ ທັນສະໄໝ, ພວກເຮົາ ພູມໃຈຫຼາຍສຳລັບໂຄງການ ໃຫ້ທຶນການສຶກສາຢູ່ລາວ ສະ ໜອງທຶນການສຶກສາໃຫ້ແກ່ ນັກສຶກສາທີ່ມາຈາກຄອບຄົວ ທຸກຍາກເຂດຫ່າງໄກສອກຫຼີກ ຈາກທົ່ວປະເທດລາວ ສາມາດ ເຂົ້າຮຽນ ໃນມະຫາວິທະຍາ ໄລ. ອົດສະຕຣາລີ ໄດ້ຢືນຄຽງ ຂ້າງກັບ ສປປ ລາວ ໃນການ ພັດທະນາວຽກງານການສຶກ ສາ, ເກັບກູ້ລະເບີດ, ການພັດ ທະນາຊົນນະບົດ ແລະ ການກະສິກຳ ແລະ ການປັບປຸງ ສະພາບແວດລ້ອມໃນການດຳ ເນີນທຸລະກິດ ລວມໄປເຖິງການສະໜັບສະໜູນສຳຄັນ ສຳຄັນຊ່ວຍໃຫ້ປະເທດລາວ ເຂົ້າເປັນສະມາຊິກອົງການໆ ຄ້າໂລກ ໃນປີ 2013. ປີນີ້ ພວກ ເຮົາສະ ເຫຼີມສະຫຼອງສາຍພົວ ພັນການທູດລະຫວ່າງລາວ - ອົດສະຕຣາລີ ຄົບຮອບ 65 ປີ ແລະ ພວກເຮົາຈະສະຫຼອງ ການເປັນຄູ່ຮ່ວມພັດທະນານຳ ກັນ ທັງໃນລະດັບພາກພື້ນ ແລະ ສາກົນ, ຍ້ອນ ການ ແລກ ປ່ຽນທີ່ສຳຄັນນຳກັນ ສ້າງໃຫ້ມີ ມິດຕະພາບອັນຍາວນານມີ ຄວາມເຊື່ອໝັ້ນເຊິ່ງກັນ ແລະ ກັນ ແບບໃກ້ຊິດຂອງສອງປະ ເທດ ລາວ - ອົດສະຕຣາລີ.

EditRegion3

 

 

 



ວີດີໂອຂ່າວໜັງສີພິມປະຊາຊົນ


ລາຍການວີດີໂອເພີ່ມ

ບົດນຳ

ເຊີນຊວນບໍລິຈາກປະຕິສັງຂອນພຣະທາດຫຼວງ

ເຊື່ອມໂຍງເວັບໄຊທີ່ໜ້າສົນໃຈ

 

ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ຫນັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonn@yahoo.com, ຕູ້ ປ.ນ 1110