ສມປຊ ປະກາດແຕ່ງຕັ້ງຮອງຫົວໜ້າສະຖາບັນ ຄົນໃໝ່


...

04.07.2019 11:29     

   ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໄດ້ຈັດພິທີປະກາດການແຕ່ງຕັ້ງຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດຄົນໃໝ່ ຊຶ່ງ ນາງ ບຸນມີ ຈຸນລະຈັກ ຫົວໜ້າສູນຂໍ້ມູນຂ່າວສານ ການເມືອງ-ການປົກຄອງ ຂຶ້ນເປັນຮອງຫົວໜ້າ ສມປຊ ຄົນໃໝ່. ພິທີດັ່ງກ່າວ ໄດ້ຈັດຂຶ້ນໃນວັນທີ 1 ກໍລະກົດ ຜ່ານມາທີ່ ສມປຊ ໃຫ້ກຽດເຂົ້າຮ່ວມຂອງ ທ່ານ ທອງສະລິດ ມັງໜໍ່ເມກ ກຳມະການສູນກາງພັກ ເລຂາຄະນະພັກ ຫົວໜ້າ ສມປຊ, ໂດຍມີຜູ້ຕາງໜ້າຄະນະຈັດຕັ້ງສູນກາງພັກ ແລະ ພາກສ່ວນກ່ຽວຂ້ອງເຂົ້າຮ່ວມ.
ການປະກາດການຈັດຕັ້ງຄັ້ງນີ້ ໂດຍອີງໃສ່ຄວາມຮຽກ ຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ຂອງ ສມປຊ ໃຫ້ມີຄວາມໜັກແໜ້ນເຂັ້ມແຂງ ແລະ ອີງໃສ່ການຕົກລົງເຫັນດີເປັນເອກະພາບຂອງຄະນະເລຂາທິການສູນກາງພັກໄດ້ຕົກລົງແຕ່ງຕັ້ງທ່ານ ນາງ ບຸນມີ ຈຸນລະຈັກ ຫົວໜ້າສູນຂໍ້ມູນ ຂ່າວສານການເມືອງ-ການປົກ ຄອງຂຶ້ນເປັນ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດຄົນໃໝ່.
ເພື່ອເປັນການຊີ້ທິດເຍືອງທາງໃຫ້ແກ່ຜູ້ທີ່ຂຶ້ນຮັບໜ້າທີ່ໃໝ່ນັ້ນ ທ່ານ ທອງສະລິດ ມັງໜໍ່ເມກ ໄດ້ມີຄຳເຫັນໂອ້ລົມພາຍ ໃນພິທີວ່າ: ການແຕ່ງຕັ້ງຄັ້ງນີ້ ກໍເພື່ອເປັນການປັບປຸງ, ຍົກລະ ດັບກົງຈັກການຈັດຕັ້ງ ສມປຊ ໃຫ້ໄດ້ຮັບການພັດທະນາ, ມີຄວາມເຂັ້ມແຂງຂຶ້ນໄປເລື້ອຍໆ, ພ້ອມດຽວກັນທ່ານຍັງໄດ້ຮຽກ ຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ຈົ່ງໄດ້ສືບຕໍ່ປະຕິບັດໜ້າທີ່ວຽກງານຂອງ ສມປຊ ໃຫ້ໄດ້ ຮັບການຍົກສູງທັງດ້ານຄວາມຮູ້ຄວາມສາມາດ, ເພື່ອເຮັດໃຫ້ບັນດາໜ້າວຽກຂອງ ສມປຊ ມີປະສິດທິຜົນ ແລະ ປະສິດທິພາບຂຶ້ນໄປເລື້ອຍໆ.
(ຂ່າວ: ສມປຊ)