ກະຊວງ ຖວທ ຈັດກອງປະຊຸມການສ້າງແຜນ ກຳນົດພະນັກງານນຳພາ - ຄຸ້ມຄອງ


...

07.08.2019 8:40     

   ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມ ຄອງຂອງກະຊວງ ຖວທ ໃນລະ ຫວ່າງວັນທີ 6-8 ສິງຫານີ້ ທີ່ຫໍວັດທະນະທຳແຫ່ງຊາດ ພາຍໃຕ້ ການເປັນປະທານຂອງສະຫາຍ ບໍ່ແສງຄຳ ວົງດາລາ ກຳມະ ການສູນກາງພັກ ລັດຖະມົນຕີ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ, ມີບັນ ດາຄະນະບໍລິຫານງານພັກກະ ຊວງ, ຫົວໜ້າກົມ-ຮອງກົມ, ທຽບເທົ່າ, ສະຖາບັນ, ຄະນະພັກຮາກຖານ, ຄະນະໜ່ວຍພັກ, ຜູ້ອຳນວຍການ, ຮອງຜູ້ອຳນວຍ ການໂຮງຮຽນ, ກອງວິຊາການ, ລັດວິສາຫະກິດໂຮງພິມແຫ່ງລັດ ແລະ ບັນດາຫົວໜ້າພະແນກ ເຂົ້າຮ່ວມ. ສະຫາຍ ບໍ່ແສງຄຳ ວົງດາລາ ກ່າວເປີດກອງປະຊຸມວ່າ: ຄະ ນະຈັດຕັ້ງສູນກາງພັກ, ກະຊວງ ຖວທ ແລະ ຄະນະ ຮັບຜິດຊອບກອງປະຊຸມໄດ້ຕົກລົງເອກະພາບກັນຈັດກອງປະຊຸມຄັ້ງນີ້ ຂຶ້ນ ເພື່ອດຳເນີນການສ້າງແຜນ ກຳນົດພະນັກງານນຳພາ-ຄຸ້ມຄອງ ຂັ້ນສູນກາງຄຸ້ມຄອງ ຍ້ອນເຫັນໄດ້ຄວາມໝາຍຄວາມສຳ ຄັນຂອງວຽກງານພັກ-ພະນັກ ງານ ຊຶ່ງພວກເຮົາຖືວ່າພະນັກ ງານ ຍາມໃດກໍເປັນຜູ້ຕິດພັນກັບຂະບວນການວຽກງານຕົວຈິງ ສະນັ້ນ ການທາບທາມສ້າງ ແຜນກຳນົດພະນັກງານແມ່ນ ການຊອກຫາເປົ້າໝາຍພະນັກ ງານທີ່ມີມາດຕະຖານ, ມີເງື່ອນ ໄຂກວ່າໝູ່ຢູ່ໃນກະຊວງ ຖວທ ຂອງພວກເຮົາຈະເປັນພື້ນຖານໃຫ້ແກ່ການບຳລຸງສ້າງ ເພື່ອ ສັບຊ້ອນຈັດວາງບັນຈຸເຂົ້າໃນຕຳແໜ່ງນຳພາ-ຄຸ້ມຄອງຂອງກະຊວງ ຖວທ ໃນຊຸມປີຕໍ່ໜ້າ. ສະຫາຍ ກ່າວຕື່ມວ່າ: ກອງ ປະຊຸມພວກເຮົາຈະໄດ້ເຊື່ອມ ຊຶມ, ກຳແໜ້ນເນື້ອໃນຈິດໃຈທີ່ສຳຄັນມະຕິຂອງກົມການ ເມືອງສູນກາງພັກ, ຄຳແນະນຳຂອງຄະນະຈັດຕັ້ງສູນກາງພັກ ກ່ຽວກັບການສ້າງແຜນກຳນົດພະນັກງານນຳພາ-ຄຸ້ມຄອງ ແລະ ມາດຕະຖານຂອງພະນັກ ງານນຳພາ-ຄຸ້ມຄອງ ໃນນັ້ນຈະໄດ້ນຳພາໃຊ້ສິດລົງຄະແນນສຽງໃສ່ບັດທາບທາມ 3 ຮອບ ສະນັ້ນ ຈຶ່ງຮຽກຮ້ອງບັນດາສະ ຫາຍສະມາຊິກພັກ, ພະນັກງານພາຍໃນກະຊວງ ຖວທ ຈົ່ງສຸມໃສ່ຄົ້ນຄວ້າ, ໄຕ່ຕອງຄວາມໝາຍສຳຄັນ ແລະ ເນື້ອໃນມາດ ຕະຖານພະນັກງານ ເພື່ອມາເຍືອງໃສ່ພະນັກງານ, ສະມາຊິກ ພັກຂອງພວກເຮົາ, ຊອກໃຫ້ເຫັນຜູ້ທີ່ດີ, ມີຄຸນສົມບັດສິນ ທຳປະຕິວັດ, ຮູ້ນຳພາ ແລະ ຮູ້ຜັນຂະຫຍາຍມະຕິຂອງຂັ້ນເທິງ ເພື່ອເປັນໃຈກາງເຕົ້າໂຮມຄວາມ ສາມັກຄີນຳພາພະນັກ ງານ ພາຍໃນກະຊວງ ຖວທ ຂອງພວກເຮົາໃຫ້ນັບມື້ນັບພັດທະນາ, ສືບຕໍ່ຜັນຂະຫຍາຍມູນເຊື້ອ ແລະ ຜົນງານທີ່ດີໃຫ້ຂະຫຍາຍຕົວກ້າວຂຶ້ນສູ່ຄຸນນະພາບອັນໃໝ່. (ຂ່າວ+ພາບ: ສຳນານ)