ໂດຍ: ພັດ ລໍວັນໄຊ
ການສ້າງເສດຖະກິດຄອບຄົວ ແມ່ນມີຫຼາຍຮູບແບບ ຖ້າຫາກມີອຸດົມການທີ່ຊັດເຈນ ແລະ ມີຫົວຄິດປະດິດສ້າງ, ມີຄວາມມຸ່ງໝັ້ນ, ກ້າຕັດສິນໃຈ, ກ້າລົງມືເຮັດ ແລະ ການບໍລິຫານເວລາແຕ່ລະມື້ ໃຫ້ເໝາະສົມກັບວຽກທີ່ຈະລົງທຶນເຮັດ ເພາະວ່າການຜະລິດເປັນສິນຄ້າ ແມ່ນທາງເລືອກຂອງການສ້າງເສດຖະກິດຄອບຄົວ ຊຶ່ງຈະນຳພາຄອບຄົວກ້າວໄປສູ່ຄວາມຢູ່ດີກິນດີ, ຮັ່ງມີຜາສຸກ ແລະ ປະສົບຜົນສຳເລັດໄດ້ ຄືດັ່ງຄອບຄົວ ຂອງທ່ານ ມອນ ແສງສະຫວ່າງ.
ທ່ານ ມອນ ແສງສະຫວ່າງ ໄດ້ໃຫ້ສຳພາດຕໍ່ຜູ້ຂຽນວ່າ: ປັດຈຸບັນອາຍຸ 39 ປີ ຢູ່ບ້ານໂຄກໃຫຍ່ ເມືອງໄຊທານີ ນະຄອນຫຼວງວຽງຈັນ. ເປັນພະນັກງານລັດ ສັງກັດຢູ່ສະຖາບັນພັດທະນາການບໍລິຫານການສຶກສາ ຂອງກະຊວງສຶກສາທິການ ແລະ ກິລາ. ຕົນເອງມີຄວາມຮັກ-ມັກໃນດ້ານກະສິກຳປູກຝັງຢູ່ແລ້ວ ຊຶ່ງມີພື້ນຖານ, ມີສາຍເລືອດມາແຕ່ພໍ່ເຖົ້າ, ແມ່ເຖົ້າ ກໍເລີຍເຮັດໃຫ້ຕົນເອງຕັດສິນໃຈລົງມືປູກໝາກອາງຸ່ນ ໃນປີີ 2015-2016 ລອງຜິດລອງຖືກ, ແຕ່ສຸດທ້າຍບໍ່ເຫັນຜົນຕອບຮັບ ແຕ່ບໍ່ໄດ້ຍອມແພ້ ແລະ ໄດ້ຊີມໝາກເມລອນ ທີ່ເອົາມາແຕ່ປະເທດໄທ ຣົດຊາດຫວານ, ກອບນອກນຸ້ມໃນ ແລະ ມີຊັບພະຄຸນຕໍ່ສຸຂະພາບ ແລະ ຮ່າງກາຍຫຼາຍຢ່າງ ຈຶ່ງຫັນມາປູກໝາກເມລອນ ແລະ ເຫັນຄວາມໄປໄດ້ ຈຶ່ງຕັດສິນໃຈ ໄປຝຶກອົບຮົມ ຢູ່ປະເທດໄທ ເປັນເວລາ 2 ປີ ທຽວໄປສະເພາະວັນພັກລັດຖະການ (ວັນເສົາ, ວັນອາທິດ) ດ້ວຍທຶນຮອນທີ່ຕົນເອງເກັບທ້ອນມາ ໃນປີ 2017 ເລີ່ມລົງມືປູກ 1 ໂຮງເຮືອນແບບຈິງຈັງ, ລົງທຶນໃນເບື້ອງຕົ້ນແມ່ນ 30 ລ້ານກວ່າກີບ ແລະ ໄດ້ຂະຫຍາຍເນື້ອທີ່ອອກຕື່ມ ໃນປັດຈຸບັນມີເນື້ອທີ່ທັງໝົດ 1 ໄລ່, 6 ໂຮງເຮືອນ, ປູກໝາກເມລອນ ມີ 2 ສາຍພັນຄື: (ສາຍພັນສຸບາລີ ແລະ ສາຍພັນບາລະມີ), ປູກໝາກເລັ່ນ (ສາຍພັນໂຮນລັງ), ປູກໝາກໂມບໍ່ມີແກ່ນໃຈແດງ (ສາຍພັນແຮັບປີພີມມີລີ), ໝາກເມລອນ ປີໜຶ່ງສາມາດປູກໄດ້ 3 ງວດ, 400 ກິໂລຕໍ່ງວດຕໍ່ໂຮງເຮືອນ, ຈຸດພິເສດ ຂອງໝາກເມລອນ ສວນລິສາ ເຮົາເນັ້ນການປູກແບບທຳມະຊາດ ປອດສານເຄມີ, ຣົດຊາດຫວານ, ກອບນອກນຸ້ມໃນ, ວິທີບົວລະບັດຮັກສາແມ່ນໃຊ້ຄວາມລະອຽດອ່ອນ, ພິຖີພິຖັນ, ຕ້ອງປູກໃນໂຮງເຮືອນເທົ່ານັ້ນ ໃນການເບິ່ງແຍງເປັນຕົ້ນແມ່ນໃສ່ຝຸ່ນ 2 ຊະນິດຄື: ຝຸ່ນຄອກທີ່ຜະລິດເອງ, ຝຸ່ນ AB ສາມມື້ໃສ່ເທື່ອໜຶ່ງ. ໝາກເມລອນລາຄາແມ່ນ 40.000 ກີບ/ກິໂລ, ໝາກເລັ່ນ 60.000 ກີບ/ກິໂລ, ລາຍຮັບສະເລ່ຍ 100 ກວ່າລ້ານກີບຕໍ່ປີ ຊຶ່ງການຈຳໜ່າຍແມ່ນມີຕົວແທນມາຮັບຊື້ກັບທີ່ເລີຍ, ຂາຍແບບອັອບລາຍ ແລະ ແບບອອນລາຍ ຊຶ່ງມີຊື່ເພສວ່າ: ສວນລິສາ. ນອກຈາກເຮັດສວນປູກໝາກເມລອນ ແລ້ວທຸກໆປີຍັງໃຊ້ເວລາວ່າງສ້າງກິດຈະກຳຄອບຄົວ ຊ່ວຍເຫຼືອສັງຄົມຄື: ເຄື່ອງອຸປະກອນ ການຮຽນ ປຶ້ມຂຽນ, ບິກ, ສໍ ແລະ ເຄື່ອງນຸ່ງຫົ່ມຈຳນວນຕາມທ່າແຮງທີ່ມີ ໃຫ້ໂຮງຮຽນຢູ່ເມືອງກາສີ, ແຂວງວຽງຈັນ. ທ່ານ ມອນ ແສງສະຫວ່າງ ໃຫ້ຮູ້ຕືມອີກວ່າ: ການໃຊ້ເວລາວ່າງຈາກມື້ພັກລັດຖະການ ກໍຄື ວັນເສົາ, ວັນອາທິດ ເຊື່ອວ່າທຸກຄົນເຮັດໄດ້ຖ້າມີໃຈຮັກໃນອາຊີບເສີມນັ້ນໆ.
ສຳລັບແຜນໃນຕໍ່ໜ້າ ຈະສືບຕໍ່ອະນຸລັກສວນລິສາຕໍ່ໄປເລື້ອຍໆ ແລະ ຖ້າມີໂອກາດກໍຈະຂະຫຍາຍໂຮງເຮືອນອອກເພີ່ມເຕີມ. ໃນຕອນທ້າຍທ່ານກ່າວຂອບໃຈມາຍັງການນຳພັກ-ລັດ ເນື່ອງໃນວັນຊາດທີ 2 ທັນວາ ຄົບຮອບ 48 ປີ ນີ້ ຂໍໃຫ້ການນຳທຸກທົ່ວໜ້າ, ຕະຫຼອດຮອດພະນັກງານລັດຖະກອນ ແລະ ພໍ່ແມ່ປະຊາຊົນຈົ່ງມີແຕ່ຄວາມຜາສຸກຕະຫຼອດໄປ.
ການສ້າງເສດຖະກິດຄອບຄົວ ແມ່ນມີຫຼາຍຮູບແບບ ຖ້າຫາກມີອຸດົມການທີ່ຊັດເຈນ ແລະ ມີຫົວຄິດປະດິດສ້າງ, ມີຄວາມມຸ່ງໝັ້ນ, ກ້າຕັດສິນໃຈ, ກ້າລົງມືເຮັດ ແລະ ການບໍລິຫານເວລາແຕ່ລະມື້ ໃຫ້ເໝາະສົມກັບວຽກທີ່ຈະລົງທຶນເຮັດ ເພາະວ່າການຜະລິດເປັນສິນຄ້າ ແມ່ນທາງເລືອກຂອງການສ້າງເສດຖະກິດຄອບຄົວ ຊຶ່ງຈະນຳພາຄອບຄົວກ້າວໄປສູ່ຄວາມຢູ່ດີກິນດີ, ຮັ່ງມີຜາສຸກ ແລະ ປະສົບຜົນສຳເລັດໄດ້ ຄືດັ່ງຄອບຄົວ ຂອງທ່ານ ມອນ ແສງສະຫວ່າງ.
ທ່ານ ມອນ ແສງສະຫວ່າງ ໄດ້ໃຫ້ສຳພາດຕໍ່ຜູ້ຂຽນວ່າ: ປັດຈຸບັນອາຍຸ 39 ປີ ຢູ່ບ້ານໂຄກໃຫຍ່ ເມືອງໄຊທານີ ນະຄອນຫຼວງວຽງຈັນ. ເປັນພະນັກງານລັດ ສັງກັດຢູ່ສະຖາບັນພັດທະນາການບໍລິຫານການສຶກສາ ຂອງກະຊວງສຶກສາທິການ ແລະ ກິລາ. ຕົນເອງມີຄວາມຮັກ-ມັກໃນດ້ານກະສິກຳປູກຝັງຢູ່ແລ້ວ ຊຶ່ງມີພື້ນຖານ, ມີສາຍເລືອດມາແຕ່ພໍ່ເຖົ້າ, ແມ່ເຖົ້າ ກໍເລີຍເຮັດໃຫ້ຕົນເອງຕັດສິນໃຈລົງມືປູກໝາກອາງຸ່ນ ໃນປີີ 2015-2016 ລອງຜິດລອງຖືກ, ແຕ່ສຸດທ້າຍບໍ່ເຫັນຜົນຕອບຮັບ ແຕ່ບໍ່ໄດ້ຍອມແພ້ ແລະ ໄດ້ຊີມໝາກເມລອນ ທີ່ເອົາມາແຕ່ປະເທດໄທ ຣົດຊາດຫວານ, ກອບນອກນຸ້ມໃນ ແລະ ມີຊັບພະຄຸນຕໍ່ສຸຂະພາບ ແລະ ຮ່າງກາຍຫຼາຍຢ່າງ ຈຶ່ງຫັນມາປູກໝາກເມລອນ ແລະ ເຫັນຄວາມໄປໄດ້ ຈຶ່ງຕັດສິນໃຈ ໄປຝຶກອົບຮົມ ຢູ່ປະເທດໄທ ເປັນເວລາ 2 ປີ ທຽວໄປສະເພາະວັນພັກລັດຖະການ (ວັນເສົາ, ວັນອາທິດ) ດ້ວຍທຶນຮອນທີ່ຕົນເອງເກັບທ້ອນມາ ໃນປີ 2017 ເລີ່ມລົງມືປູກ 1 ໂຮງເຮືອນແບບຈິງຈັງ, ລົງທຶນໃນເບື້ອງຕົ້ນແມ່ນ 30 ລ້ານກວ່າກີບ ແລະ ໄດ້ຂະຫຍາຍເນື້ອທີ່ອອກຕື່ມ ໃນປັດຈຸບັນມີເນື້ອທີ່ທັງໝົດ 1 ໄລ່, 6 ໂຮງເຮືອນ, ປູກໝາກເມລອນ ມີ 2 ສາຍພັນຄື: (ສາຍພັນສຸບາລີ ແລະ ສາຍພັນບາລະມີ), ປູກໝາກເລັ່ນ (ສາຍພັນໂຮນລັງ), ປູກໝາກໂມບໍ່ມີແກ່ນໃຈແດງ (ສາຍພັນແຮັບປີພີມມີລີ), ໝາກເມລອນ ປີໜຶ່ງສາມາດປູກໄດ້ 3 ງວດ, 400 ກິໂລຕໍ່ງວດຕໍ່ໂຮງເຮືອນ, ຈຸດພິເສດ ຂອງໝາກເມລອນ ສວນລິສາ ເຮົາເນັ້ນການປູກແບບທຳມະຊາດ ປອດສານເຄມີ, ຣົດຊາດຫວານ, ກອບນອກນຸ້ມໃນ, ວິທີບົວລະບັດຮັກສາແມ່ນໃຊ້ຄວາມລະອຽດອ່ອນ, ພິຖີພິຖັນ, ຕ້ອງປູກໃນໂຮງເຮືອນເທົ່ານັ້ນ ໃນການເບິ່ງແຍງເປັນຕົ້ນແມ່ນໃສ່ຝຸ່ນ 2 ຊະນິດຄື: ຝຸ່ນຄອກທີ່ຜະລິດເອງ, ຝຸ່ນ AB ສາມມື້ໃສ່ເທື່ອໜຶ່ງ. ໝາກເມລອນລາຄາແມ່ນ 40.000 ກີບ/ກິໂລ, ໝາກເລັ່ນ 60.000 ກີບ/ກິໂລ, ລາຍຮັບສະເລ່ຍ 100 ກວ່າລ້ານກີບຕໍ່ປີ ຊຶ່ງການຈຳໜ່າຍແມ່ນມີຕົວແທນມາຮັບຊື້ກັບທີ່ເລີຍ, ຂາຍແບບອັອບລາຍ ແລະ ແບບອອນລາຍ ຊຶ່ງມີຊື່ເພສວ່າ: ສວນລິສາ. ນອກຈາກເຮັດສວນປູກໝາກເມລອນ ແລ້ວທຸກໆປີຍັງໃຊ້ເວລາວ່າງສ້າງກິດຈະກຳຄອບຄົວ ຊ່ວຍເຫຼືອສັງຄົມຄື: ເຄື່ອງອຸປະກອນ ການຮຽນ ປຶ້ມຂຽນ, ບິກ, ສໍ ແລະ ເຄື່ອງນຸ່ງຫົ່ມຈຳນວນຕາມທ່າແຮງທີ່ມີ ໃຫ້ໂຮງຮຽນຢູ່ເມືອງກາສີ, ແຂວງວຽງຈັນ. ທ່ານ ມອນ ແສງສະຫວ່າງ ໃຫ້ຮູ້ຕືມອີກວ່າ: ການໃຊ້ເວລາວ່າງຈາກມື້ພັກລັດຖະການ ກໍຄື ວັນເສົາ, ວັນອາທິດ ເຊື່ອວ່າທຸກຄົນເຮັດໄດ້ຖ້າມີໃຈຮັກໃນອາຊີບເສີມນັ້ນໆ.
ສຳລັບແຜນໃນຕໍ່ໜ້າ ຈະສືບຕໍ່ອະນຸລັກສວນລິສາຕໍ່ໄປເລື້ອຍໆ ແລະ ຖ້າມີໂອກາດກໍຈະຂະຫຍາຍໂຮງເຮືອນອອກເພີ່ມເຕີມ. ໃນຕອນທ້າຍທ່ານກ່າວຂອບໃຈມາຍັງການນຳພັກ-ລັດ ເນື່ອງໃນວັນຊາດທີ 2 ທັນວາ ຄົບຮອບ 48 ປີ ນີ້ ຂໍໃຫ້ການນຳທຸກທົ່ວໜ້າ, ຕະຫຼອດຮອດພະນັກງານລັດຖະກອນ ແລະ ພໍ່ແມ່ປະຊາຊົນຈົ່ງມີແຕ່ຄວາມຜາສຸກຕະຫຼອດໄປ.
