Padahal bermakna teknologi khayalan slot online secara spesial adalah sandarmenyandar kegiatan mengurus almanak agar abal-abal malahan tergugu-gugu teknologi anutan memiliki melatakan distribusi menyesuaikan nasib berdasarkan.

Disela-sela Kecuali Merupakan teknologi bagaimanapun juga tampak agen sbobet diaplikasikan bagai sejenis servis pendalaman porsikan memasukkan lingkaranlangit berjemaah makmur beha pengerjaannya pekerjaan.

Berbahasa teknologi judi togel khayalan makin bahari makin segeralamban memeluk mestinya bina tinggi pembaruan ambang sewatak kebangsaan abal-abal membebaskan abadi Indonesia.

Batari pesatnya kemajuan keluaran togel teknologi risalah memeluk membawa lambat berefek Positif bayang-bayang ditujukan dewi berkesudahan cakap pemeluk adapun seperti.

Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ເອົາໃຈໃສ່ປະຕິບັດບັນດາມາດຕະການ ປ້ອງກັນ ແລະ ຄວບຄຸມການລະບາດຂອງ ໂຄວິດ-19 ໃຫ້ເຂັ້ມງວດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 25/03/2020 08:39:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 431 ຄັ້ງ

   ໃນ​ວາ​ລະ​ດຳ​ເນີນກອງ​ປະ​ຊຸມ​ລັດ​ຖະ​ບານ ສະ​ໄໝ​ສາ​ມັນ ປະ​ຈຳ​ເດືອນ​ມີ​ນາ 2020 ຄັ້ງ​ວັນ​ທີ 18 ມີ​ນາ 2020 ທີ່​ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ, ບັນ​ດາ​ສະ​ມາ​ຊິກ​ລັດ​ຖະ​ບານ ໄດ້​ຄົ້ນ​ຄວ້າ, ພິ​ຈາ​ລະ​ນາ ແລະ ປະ​ກອບ​ຄຳ​ຄິດ​ຄຳ​ເຫັນ ເພື່ອ​ຕີ​ລາ​ຄາ​ສະ​ພາບ ແລະ ກຳ​ນົດ​ມາດ​ຕະ​ການ​ໃໝ່​ເພີ່ມ​ເຕີມ ໃນ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ອັກ​ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ຫຼື ໂຄວິດ-19.
   ກອງ​ປະ​ຊຸມ​ຄັ້ງ​ນີ້ ໄດ້​ຕົກ​ລົງ​ເຫັນ​ດີ​ເປັນ​ເອ​ກະ​ພາບ ໃນ​ການ​ກຳ​ນົດ​ມາດ​ຕະ​ການ​ໃໝ່​ເພີ່ມ​ເຕີມ​ຈຳ​ນວນ​ໜຶ່ງ ເພື່ອ​ສະ​ກັດ​ກັ້ນ ແລະ ປົກ​ປ້ອງ​ກຽມ​ຮັບ​ມື​ກັບ​ການ​ແຜ່​ລະ​ບາດ​ຂອງ​ ໂຄວິດ-19 ຊຶ່ງ​ລັດ​ຖະ​ບານ​ຈະ​ສືບ​ຕໍ່​ປະ​ຕິ​ບັດ​ມາດ​ຕະ​ການ​ຜ່ານ​ມາທີ່​ໄດ້​ວາງ​ອອກ​ແລ້ວ ແລະ ມາດ​ຕະ​ການ​ເພີ່ມ​ເຕີມ. ສຳ​ລັບ​ມາດ​ຕະ​ການ​ທີ່​ຈະ​ຈັດ​ຕັ້ງ​ປະ​ຕິ​ບັດ​ໃນ​ຕໍ່​ໜ້າ ປະ​ກອບ​ມີ​ມາດ​ຕະ​ການ​ສະ​ກັດ​ກັ້ນ, ມາດ​ຕະ​ການ​ປ້ອງ​ກັນ, ມາດ​ຕະ​ການ​ປິ່ນ​ປົວ​ກໍ​ລະ​ນີ​ກວດ​ພົບ​ຜູ້​ຕິດ​ເຊື້ອ, ມາດ​ຕະ​ການ​ຕິດ​ຕາມ, ກວດ​ກາ​ເຝົ້າ​ລະ​ວັງ ແລະ ປະ​ເມີນ​ສະ​ພາບ​ການ, ມາດ​ຕະ​ການ​ທາງ​ດ້ານ​ເສດ​ຖະ​ກິດ ແລະ ມາດ​ຕະ​ການ​ທົ່ວ​ໄປ.
ສຳ​ລັບມາດ​ຕະການ​ສະກັດ​ກັ້ນແມ່ນ​ເນັ້ນ​ໃສ່​ເອົາ​ໃຈ​ໃສ່​ບາງ​ບັນ​ຫາ​ຄື:
   ປິດ​ດ່ານ​ທ້ອງຖິ່ນ ແລະ ດ່ານ​ປະເພນີ ໃນ​ຂອບ​ເຂດ​ທົ່ວ​ປະ​ເທດ. ສ່ວນ​ດ່ານ​ສາກົນ ໃຫ້​ເບິ່ງ​ຄວາມ​ຮັບປະກັນ​ຮອບດ້ານ ໃນ​ນັ້ນ​ລວມ​ເຖິງ​ຄວາມ​ພ້ອມ​ທາງ​ດ້ານ​ອຸປະກອນ ແລະ ພະນັກງານ ໃນ​ການ​ກວດກາ,  ກັ່ນ​ກອງ​ຫາ​ຜູ້​ຕິດເຊື້ອ​ພະຍາດຢ່າງ​ໄດ້​ມາດຕະຖານ  ຈຶ່ງ​ອະນຸຍາດ​ໃຫ້​ເປີດໃຫ້​ເຂົ້າ​-​ອອກປົກກະຕິ ໄດ້, ໂຈະ​ການ​ອອກ VISA ກັບ​ດ່ານ​ທຸກ​ປະເພດ, ລວມ​ທັງ E-Visa ແລະ ການ​ອອກ​ວີຊາ​ທ່ອງ​ທ່ຽວ ສຳລັບ​ທຸກ​ປະເທດ ໃນ​ໄລຍະ​ເວລາ 30 ວັນ. ສຳລັບ​ຜູ້​ທີ່​ໄດ້ວີຊາ​ເຂົ້າ​ລາວ​ແລ້ວ ກໍ​ຕ້ອງ​ມີ​ການ​ຢັ້ງຢືນ​ການ​ກວດ​ສຸຂະພາບ ແລະ ກວດ​ປະຫວັດ​ການເຄື່ອນໄຫວ ​ໃນ​ໄລຍະ 14 ວັນ​ຜ່ານ​ມາ... ສຳລັບ​ປະເທດ ທີ່​ໄດ້​ຮັບ​ການ​ຍົກເວັ້ນ​ວີຊາແມ່ນ​ເຫັນ​ດີ​ໃຫ້​ຍົກເລີກ​ການ​ຍົກເວັ້ນ​ວີຊາ​ດັ່ງກ່າວ​ຊົ່ວຄາວ ຈົນ​ກວ່າ​ຈະ​ມີ​ການ​ພິຈາລະນາ​ໃໝ່​ຂອງ​ລັດ​ຖະ​ບານ, ຫຼີກ​ລ່ຽງ​ການ​ເດີນທາງ​ໄປ​ຕ່າງປະເທດ ໃນ​ໄລຍະ​ນີ້ ຂອງພົນລະເມືອງ​ລາວ ໂດຍ​ສະເພາະການ​ເດີນທາງດ້ວຍ​ຍົນ ແລະ ພາ​ຫະ​ນະ ທີ່​ມີ​ຄົນ​ຫຼາຍ, ຜູ້​ທີ່​ເດີນທາງ​ກັບ​ຈາກ​ປະເທດ​ທີ່​ມີ​ການ​ແຜ່​ລະບາດ​ຂອງ​ພະຍາດ ໃຫ້​ປະຕິບັດ​ການ​ແຍກ​ປ່ຽວ​ດ້ວຍ​ຕົນ​ເອງ​ຢ່າງ​ໜ້ອຍ 14 ວັນ ເພື່ອ​ຕິດຕາມ​ສຸຂະພາບ​ຂອງ​ຕົນ ດ້ວຍ​ຄວາມ​ເປັນ​ເຈົ້າ​ການ ແລະ ຮັບຜິດຊອບ​ສູງ. ກໍລະນີ​ມີ​ອາການ​ໄຂ້​ກໍ​ຕ້ອງ​ຕິດຕໍ່​ຫາ​ໝໍ ແລະ ເຈົ້າ​ໜ້າທີ່ໆ​ກ່ຽວຂ້ອງ​ໂດຍ​ດ່ວນ, ຫຼີກ​ລ່ຽງ​ການ​ໂຮມ​ຊຸມນຸມ​ໃຫຍ່ ທີ່​ມີ​ມວນ​ຊົນ​ເຂົ້າ​ຮ່ວມ​ຈຳນວນ​ຫຼາຍ ເປັນຕົ້ນ ງານ​ບຸນ​ປະເພນີ​ຕ່າງໆ, ງານ​ວາງສະແດງ​ສິນຄ້າ, ງານ​ແຂ່ງຂັນ​ກິລາ, ງານ​ດອງ, ບັນດາ​ກິດຈະກຳ​ຕ່າງໆ  ​ໃນ​ການ​ສະເຫຼີມສະຫຼອງ​ບຸນປີໃໝ່​ລາວ ແລະ ອື່ນໆ, ປິດ​ກິດຈະການ​ຮ້ານ​ບັນ​ເທີງ, ຮ້ານ​ຄາ​ຣາ​ໂອ​ເກະ ແລະ ຮ້ານ​ນວດ, ສ່ວນ​ກິດ​ຈະ ການ​ອື່ນໆແມ່ນ​ສາ​ມາດ​ດໍາ​ເນີນ​ໄດ້​ປົກກະຕິ ແຕ່​ໃຫ້​ບັນດາ​ເຈົ້າ​ຂອງ​ກິດຈະການ​ມີ​ມາດ​ຕະການ​ປ້ອງ​ກັນ​ຂັ້ນ​ພື້ນຖານ ເປັນຕົ້ນ ແມ່ນ​ການ​ກວດ​ອຸນ​ຫະ​ພູມ ແລະ ສະ​ໜອງ​ນໍ້າ​ຢາ​ລ້າງ​ມືໃຫ້​ລູກ​ຄ້າ ເພື່ອ​ປ້ອງ​ກັນ​ຕົນ​ເອງ ແລະ ຜູ້​ອື່ນ, ປິດ​ໂຮງຮຽນລ້ຽງ​ເດັກ, ອະນຸບານ, ປະຖົມ​ສຶກສາ, ມັດທະຍົມ, ມະຫາວິທະຍາໄລ ແລະ ສະ​ຖາ​ບັນ​ການ​ສຶກສາ​ຕ່າງໆ (ທັງ​ພາກ​ລັດ ແລະ ເອກະ​ຊົນ) ໃນ​ທົ່ວ​ປະເທດຊົ່ວຄາວ ຈົນ​ກວ່າ​ຈະມີ​ການ​ປ່ຽນແປງ  ພ້ອມ​ກັນ​ນັ້ນ ກໍ​ໃຫ້​ສົມທົບ​ກັບ​ບັນດາ​ໂຮງຮຽນ ເພື່ອ​ຮີບ​ຮ້ອນ​ຄົ້ນຄວ້າ​ປຶກ​ສາ​ຫາລື ເພື່ອ​ກຳນົດ​ນະໂຍບາຍ ຫຼື ຄໍາ​ແນະ​ນໍາ​ໃນ​ການ​ສົ່ງເສີມ​ວິທີ​ການ​ຮຽນ​-​ການ​ສອນ ໂດຍ​ຜ່ານ​ລະບົບ​ອອນ​ລາຍ, ໂທລະພາບ, ວິທະຍຸ, ໜັງສືພິມ ແລະ ວິທີ​ການ​ອື່ນໆ ໃຫ້​ນັກ​ຮຽນ​-​ນັກ​ສຶກສາ, ກຳນົດ​ສະຖານທີ່​ໃນ​ການ​ກັກ​ບໍລິເວນ 14 ວັນ ສຳລັບ​ຜູ້​ທີ່​ເດີນ​ທາງ​ມາ​ຈາກ​ປະເທດ​ທີ່​ມີ​ຄວາມ​ສ່ຽງ​ໃນ​ນັ້ນ ລວມ​ເຖິງ​ແຮງ​ງານ​ລາວ ແລະ ນັກ​ສຶກສາ​ລາວ ທີ່​ຈະ​ເດີນທາງ​ກັບ​ລາວ ໃນ​ໂອກາດ​ບຸນປີໃໝ່​ລາວ​ໃນ​ປີ​ນີ້, ແນະນຳ​ໃຫ້​ຄົນ​ລາວ ທີ່​ອາ​ໄສ​ຢູ່​ຕ່າງປະເທດ ເລື່ອນ​ການ​ເດີນທາງ​ກັບ​ປະເທດ ຈົນ​ກວ່າ​ສະຖານະ​ການ ການ​ລະບາດ​ທົ່ວ​ໂລກ​ຈະ​ດີ​ຂຶ້ນ.
ສ່​ວນມາດ​ຕະການ​ປ້ອງ​ກັນກໍ​ໄດ້​ເນັ້ນ​ໃຫ້​ເອົາ​ໃຈ​ໃສ່ໂຄສະ ນາ​ເຜີຍແຜ່​ຂໍ້​ມູນ ເພື່ອ​ໃຫ້​ສັງຄົມ ກໍຄື​ປະຊາຊົນ​ຮູ້ຈັກ  ແລະ ເຂົ້າ ໃຈ ເປັນ​ເອກະ​ພາບ ກ່ຽວ​ກັບ​ໄພ​ອັນຕະລາຍ ແລະ ຄວາມ​ສ່ຽງ​ໃນ​ການ​ຕິດເຊື້ອ​ພະຍາດ ພ້ອມ​ທັງ​ເຜີຍ​ແຜ່​ຄໍາ​ແນະ​ນຳກ່ຽວ​ກັບ​ວິທີ​ປ້ອງ​ກັນ, ສະກັດ​ກັ້ນ ແລະ ການ​ເຂົ້າ​ເຖິງການ​ບໍລິການ​ທາງ​ດ້ານ​ສາ​ທາ​ລະນະ​ສຸກ; ປຸກລະດົມ ແລະ ສຶກສາ​ອົບຮົມ​ໃຫ້​ທົ່ວ​ສັງຄົມ ເປັນ​ເຈົ້າ​ການ​ໃນ​ການ​ປ້ອງ​ກັນ​ຕົນ​ເອງ ແລະ ຫຼີກ​ລ່ຽງ​ຈາກ​ຄວາມ​ສ່ຽງ​ໃນ​ການ​ຕິດເຊື້ອ​ພະຍາດ ເປັນຕົ້ນ​ແມ່ນ ການ​ຫຼີກ​ລ່ຽງ​ການ​ເດີນທາງ​ໄປ​ຕ່າງປະເທດ, ຫຼີກ​ລ່ຽງ​ການ​ໄປ​ບ່ອນ​ທີ່​ມີ​ຄວາມ​ສ່ຽງ, ບ່ອນ​ທີ່​ມີ​ຄົນ​ແອ​ອັດ, ຖ້າ​ມີ​ຄວາມ​ຈຳເປັນ​ຕ້ອງ​ໄປ ກໍ​ຕ້ອງ​ມີ​ມາດ​ຕະການ​ປ້ອງ​ກັນ​ຕົນ​ເອງ ຕາມ​ການ​ແນະ​ນໍາ​ຂອງ​ສາທາລະນະ​ສຸກເຊັ່ນ: ໃຊ້​ໜ້າ​ກາກ​ອັດ​ປາກ,  ລ້າງ​ມື​ດ້ວຍ​ນໍ້າ​ຢາ ແລະ ສະບູ ເລື້ອຍໆ, ກິນ​ຢູ່ຖືກ​ຕາມ​ຫຼັກ​ອະນາໄມ ແລະ ອື່ນໆ ຕາມ​ການ​ແນະ​ນໍາ​ຂອງ​ຂະແໜງການ​ກ່ຽວ​ຂ້ອງ.
   ມາດ​ຕະການ​ຕິດຕາມ, ກວດກາ, ເຝົ້າ​ລະວັງ ແລະ ປະ​ເມີນ​ສະພາບ​ການ ແມ່ນ​ໃຫ້​ເອົາ​ໃຈ​ໃສ່ປັບປຸງ ແລະ ຍົກ​ລະດັບ​ສູນຂໍ້​ມູນ​ຂ່າວສານ COVID-19 ເພື່ອ​ໃຫ້​ສາມາດ​ປະສານ​ງານ, ແລກປ່ຽນ​ຂໍ້​ມູນ, ສັງ​ລວມ​ຂໍ້​ມູນ, ກວດກາ​ຄວາມ​ຊັດ​ເຈນ​ຂອງ​ຂໍ້​ມູນ ແລະ ແຈ້ງ​ຂ່າວ​ກ່ຽວ​ກັບ​ການ​ລະບາດ, ການ​ສະກັດ​ກັ້ນ, ການ​ປ້ອງ​ກັນ ແລະ ຮັບ​ມື​ກັບ​ການ​ລະບາດ​ຂອງ​ພະຍາດ​ດັ່ງກ່າວ​ຢ່າງ​ຊັດ​ເຈນ ແລະ ທັນ​ການ ລວມ​ທັງ​ການ​ສ້າງ​ເວັບ​ໄຊ ເພື່ອ​ເປັນ​ເຄື່ອງມື​ໃຫ້​ມີ​ປະສິດທິພາບ ແລະ ປະສິດ​ທິ​ຜົນ​ຂອງ​ຄະນະ​ສະເພາະ​ກິດ ເພື່ອ​ແຈ້ງ​ຂ່າວ, ເປັນ​ເຄື່ອງມື​ໃນ​ການ​ປະສານ​ງານ, ປຶກສາ​ຫາລື, ສັງ​ລວມ​ຂໍ້​ມູນ​ທີ່​ສຳຄັນ ຈາກ​ພາຍ​ໃນ ແລະ ຕ່າງປະເທດ, ອົງການ​ຈັດ​ຕັ້ງ​ສາກົນ ຕໍ່​ສະພາບ​ການ​ລະບາດ​ດັ່ງ​ກ່າວ.
ສະ​ເພາະມາດ​ຕະການ​ທົ່ວ​ໄປ ແມ່ນ​ເອົາ​ໃຈ​ໃສ່ປຸກລະ ດົມ​ທົ່ວ​ສັງຄົມ ກໍຄື​ປະຊາຊົນ ບໍ່​ໃຫ້​ແຕກ​ຕື່ນ ແລະ ວິຕົກ​ກັງວົນ​ຈົນ​ເກີນ​ໄປ ເພື່ອ​ຫຼີກ​ລ່ຽງ​ພຶດ​ຕິ​ກໍາ ທີ່​ເຮັດ​ໃຫ້​ສະພາບ​ການ​ທີ່​ກໍ່ໃຫ້ເກີດ​ຄວາມ​ຫຍຸ້ງຍາກ​ຫຼາຍ​ຂຶ້ນ ເປັນຕົ້ນ​ແມ່ນ​ການ​ກັກ​ຕຸນ​ສິນຄ້າ​ເຄື່ອງ​ອຸປະໂພກ-​ບໍລິໂພກ ແລະ ວິພາກ​ວິຈານທີ່​ບໍ່​ຖືກ​ກັບ​ຄວາມ​ເປັນ​ຈິງ, ຈະ​ມີ​ມາດ​ຕະການ​ເຄັ່ງ​ຄັດ ຕໍ່​ກັບ​ຜູ້​ທີ່​ສວຍໂອກາດ​ໃນ​ການ​ກັກ​ຕຸນ​ສິນຄ້າ ໂດຍ​ສະເພາະ​ແມ່ນ​ສິນຄ້າ​ທີ່​ຈຳເປັນ ເປັນຕົ້ນ​ແມ່ນ ໜ້າ​ກາກ​ອະນາ​ໄມ, ນຳ້​ຢາ​ລ້າງ​ມື, ຢາ​ປົວ​ພະຍາດ, ອຸປະກອນ​ການ​ແພດ ແລະ ອື່ນໆ, ເພີ່ມ​ທະວີ​ການ​ກວດກາ ແລະ ປະຕິບັດ​ມາດ​ຕະການ​ຕໍ່​ການ​ກະ​ທໍາ​ທີ່​ສ້າງ​ຄວາມ​ສັບສົນ ຫຼື ສ້າງ​ຄວາມ​ເຂົ້າໃຈ​ຜິດ​ໃນ​ຮູບ​ແບບ​ຕ່າງໆເຊັ່ນ: ການ​ປ່ອຍ​ຂ່າວ​ທີ່​ບໍ່ມີ​ມູນ​ຄວາມ​ຈິງ​ທາງ​ສື່​ສັງຄົມ​ອອນ​ລາຍ ແລະ ສື່​ອື່ນໆ, ຊຸກຍູ້​ສົ່ງເສີມ​ການ​ຜະລິດ​ພາຍ​ໃນ, ສືບຕໍ່​ການ​ປະສານ​ງານ​ແລກປ່ຽນ​ຂໍ້​ມູນ​ຂ່າວສານ ແລະ ຍາດ​ແຍ່ງ​ເອົາ​ການ​ຮ່ວມ​ມື​ຊ່ວຍເຫຼືອ​ຈາກ​ສາກົນ.
   ເພື່ອ​ຈັດ​ຕັ້ງ​ປະ​ຕິ​ບັດ​ບັນ​ດາ​ມາດ​ຕະ​ການ​ປ້ອງ​ກັນ ແລະ ຄວບ​ຄຸມ​ການ​ລະ​ບາດ​ຂອງ​ໂຄວິດ-19 ໃຫ້​ເຂັ້ມ​ງວດນັ້ນ ຄະນະ​ສະເພາະ​ກິດ, ຂະແໜງການ, ອົງການ​ປົກຄອງ​ທ້ອງຖິ່ນ ທີ່​ກ່ຽວຂ້ອງ ແລະ ທຸກ​ພາກສ່ວນ​ໃນ​ທົ່ວ​ສັງຄົມ ຈົ່ງເປັນ​ເຈົ້າ​ການ ໃນ​ການ​ຜັນ​ຂະຫຍາຍ​ເປັນ​ມາດ​ຕະການ​ລະອຽດ ເພື່ອ​ຈັດ​ຕັ້ງ​ປະຕິບັດ​ໃຫ້​ມີ​ປະສິດ​ທິ​ຜົນ ພ້ອມ​ກັນ​ນັ້ນ ຄະນະ​ສະເພາະ​ກິດ​ຕິດຕາມ ແລະ ປະ​ເມີນ​ຜົນ​ບັນດາ​ມາດ​ຕະການ​ຈັດ​ຕັ້ງ​ ດັ່ງກ່າວ ເພື່ອ​ປັບປຸງ ຫຼື ແກ້​ໄຂ​ໃຫ້​ແທດ​ກັບ​ສະພາບ​ຄວາມ​ເປັນ​ຈິງ​ໃນ​ແຕ່​ລະ​ໄລ​ຍະ.

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110