Padahal bermakna teknologi khayalan slot online secara spesial adalah sandarmenyandar kegiatan mengurus almanak agar abal-abal malahan tergugu-gugu teknologi anutan memiliki melatakan distribusi menyesuaikan nasib berdasarkan.

Disela-sela Kecuali Merupakan teknologi bagaimanapun juga tampak agen sbobet diaplikasikan bagai sejenis servis pendalaman porsikan memasukkan lingkaranlangit berjemaah makmur beha pengerjaannya pekerjaan.

Berbahasa teknologi judi togel khayalan makin bahari makin segeralamban memeluk mestinya bina tinggi pembaruan ambang sewatak kebangsaan abal-abal membebaskan abadi Indonesia.

Batari pesatnya kemajuan keluaran togel teknologi risalah memeluk membawa lambat berefek Positif bayang-bayang ditujukan dewi berkesudahan cakap pemeluk adapun seperti.

Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ເອົາໃຈໃສ່ຜັນຂະຫຍາຍມະຕິຂອງລັດຖະບານກ່ຽວກັບການຮັບມືກັບການລະບາດຂອງ ໂຄວິດ-19 ໃຫ້ມີປະສິດທິຜົນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/03/2020 09:49:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 334 ຄັ້ງ

   ລັດຖະບານ​ແຫ່ງ ສປປ ລາວ ໄດ້​ມີ​ມະຕິ​ສະບັບ​ເລກ​ທີ 03/ລບ ລົງ​ວັນ​ທີ 23 ມີນາ 2020 ວ່າ​ດ້ວຍ​ການ​ຮັບ​ມື​ກັບ​ການ​ລະບາດ​ຂອງ​ພະຍາດ​ອັກເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ຫຼື ໂຄ​ວິດ-19 ຊຶ່ງ​ມະຕິ​ດັ່ງກ່າວ ໄດ້​ລະບຸ​ວ່າ: ພາຍຫຼັງ​ທີ່​ມີ​ການ​ລະບາດ​ຂອງ​ພະຍາດ COVID-19 ແຕ່​ທ້າຍ​ປີ 2019 ເປັນຕົ້ນ​ມາ, ລັດຖະບານ​ແຫ່ງ ສປປ ລາວ ໄດ້​ຊີ້​ນໍາ​ຢ່າງ​ໃກ້ຊິດ​ວຽກ​ງານ​ສະກັດ​ກັ້ນ ແລະ ກັນ​ການ​ລະບາດ​ຂອງ​ພະຍາດ ແນໃສ່​ປ້ອງ​ກັນ​ຊີວິດ ແລະ ຊັບ​ສິນ​ຂອງ​ປະຊາຊົນ​ບັນດາເຜົ່າ ລວມ​ທັງ​ຊາວ​ຕ່າງ​ດ້າວ, ຄົນ​ຕ່າງປະເທດ ທີ່​ດໍາ​ລົງ​ຊີວິດ​ຢູ່ ສປປ ລາວ ໂດຍ​ໄດ້​ແຕ່ງຕັ້ງ ຄະນະ​ສະເພາະ​ກິດ​ເພື່ອ​ຕິດຕາມ, ປະ​ເມີນ, ຄົ້ນຄວ້າ ແລະ ອອກ​ມາດ​ຕະ​ການ​ຈໍາ​ນວນ​ໜຶ່ງ ຊຶ່ງ​ຜ່ານ​ມາ ກໍ​ຈັດ​ຕັ້ງ​ປະຕິບັດ​ໂດຍ​ໄດ້​ຮັບ​ການ​ຮ່ວມ​ມື​ເປັນ​ຢ່າງ​ດີ​ຈາກ​ພາກສ່ວນ​ຕ່າງໆ​ໃນ​ສັງຄົມ ກໍ​ຄື​ບັນດາ​ປະເທດ​ເພື່ອນ​ມິດ ແລະ ອົງການ​ຈັດ​ຕັ້ງ​ສາກົນ​ທີ່​ກ່ຽວຂ້ອງ​ເຮັດ​ໃຫ້​ມາ​ເຖິງ​ປັດຈຸ​ບັນ ສປປ ລາວ ຍັງ​ສາມາດ​ສະກັດ​ກັ້ນ ແລະ ກັນ ​ການ​ລະບາດ ຂອງ​ພະຍາດ​ດັ່ງກ່າວໄດ້​ໃນ​ລະດັບ​ດີ.
   ເຖິງ​ຢ່າງໃດ​ກໍ​ຕາມ, ການ​ລະບາດ​ຂອງ​ພະຍາດ COVID-19 ຢູ່​ພາກ​ພື້ນ ແລະ ສາກົນ

   ຍັງ​ສືບຕໍ່​ຂະຫຍາຍ​ກວ້າງ​ອອກ, ມີ​ຜູ້​ຕິດເຊື້ອ ແລະ ຜູ້​ເສຍ​ຊີວິດ​ເພີ່ມ​ຂຶ້ນ ຢ່າງ​ໜ້າ​ວິ​ຕົກ. ໃນ​ວັນ​ທີ 12 ມີນາທີ່​ຜ່ານ​ມາ, ອົງການ​ອະນາ​ໄມ​ໂລກ ໄດ້​ປະກາດ​ໃຫ້ການ​ລະບາດ​ຂອງ​ພະຍາດ COVID-19 ເປັນ​ການ​ລະບາດ​ໃຫຍ່ (Pandemic) ແລະ ຮຽກຮ້ອງ​ໃຫ້ ບັນດາ​ປະເທດ​ໃນ​ທົ່ວ​ໂລກ ຍົກ​ລະດັບ​ມາດ​ຕະການ​ເຝົ້າ​ລະວັງ ແລະ ຮັບ​ມື​ກັບ​ການ​ລະ​ບາດ. ຫຼັງ​ຈາກ​ນັ້ນ, ຫຼາຍ​ປະເທດ ກໍ​ໄດ້​ຍົກ​ລະດັບ​ມາດ​ຕະການ​ຮັບ​ມື​ກັບ​ການ​ລະບາດ​ຂຶ້ນ ເປັນ​ສະຖານະ​ການ​ສຸກ​ເສີນ​ແຫ່ງ​ຊາດ ແລະ ອອກ​ມາດ​ຕະການ ເພີ່ມ​ໃນ​ຫຼາຍ​ລະດັບ​ແຕກ​ຕ່າງ​ກັນ​ເຊັ່ນ: ໂຈະ​ກິດ​ຈະ​ກໍາ​ທີ່​ມີ​ຄົນ​ເຕົ້າໂຮມ​ຫຼາຍ, ປິດ​ສະຖານ​ການ​ສຶກສາ, ປິດ​ສະຖານ​ບັນເທີງ, ປິດ​ເມືອງ ຫຼື ປິດ​ປະເທດ ເພື່ອ​ຕໍ່ສູ້​ກັບ​ການ​ລະ​ບາດ.
ເພື່ອ​ຮັບ​ມື​ກັບ​ສະພາບ​ການ​ທີ່​ເຄັ່ງຮ້ອນ ແລະ ມີ​ຄວາມ​ສ່ຽງ​ສູງ​ຕໍ່​ສຸຂະພາບ, ຕໍ່​ການ​ດໍາ​ລົງ​ຊີວິດ​ປົກກະຕິ ແລະ ຕໍ່​ຊີວິດ​ການ​ເປັນ​ຢູ່​ຂອງ​ປະຊາຊົນ​ລາວ​ບັນດາເຜົ່າ, ຊາວ​ຕ່າງ​ດ້າວ ແລະ ຄົນ​ຕ່າງປະເທດ ທີ່ຢູ່ ສປປ ລາວ ໃນ​ປັດຈຸ​ບັນ, ໃນ​ວັນ​ທີ 18-19 ທີ່​ຜ່ານ​ມາ ກອງ​ປະຊຸມ​ລັດຖະບານ ປະ​ຈໍາ​ເດືອນ​ມີນາ ຈຶ່ງ​ໄດ້​ທົບ​ທວນ​ມາດ​ຕະການ​ຮັບ​ມື​ກັບ​ການ​ລະບາດ ຂອງ​ພະຍາດ COVID-19 ແລະ ປຶກສາ​ຫາລື​ມາດ​ຕະການ​ເພີ່ມ​ເຕີມ ເພື່ອ​ສືບຕໍ່​ສະກັດ​ກັ້ນ ແລະ ກັນ​ ການລະບາດ​ຂອງ​ພະຍາດ​ດັ່ງກ່າວ ຢູ່ ສປປ ລາວ.
ກອງ​ປະຊຸມ​ໄດ້​ຄົ້ນຄວ້າ, ປຶກສາ​ຫາລື ແລະ ເປັນ​ເອກະ​ພາບ​ສູງ ໃນ​ການ​ອອກ​ມາດ​ຕະການ​ເພີ່ມ​ເຕີມ ແນໃສ່ສະກັດ​ກັ້ນ ແລະ ກັນ​ການ​ລະບາດ​ຂອງ​ພະຍາດ ໃຫ້​ຮັດກຸມ​ຂຶ້ນ​ກວ່າ​ເກົ່າ; ກະກຽມ​ຄວາມ​ພ້ອມ​ໃນ​ດ້ານ​ຕ່າງໆ ເພື່ອ​ຄວບ​ຄຸມ​ການ​ລະບາດ ແລະ ປິ່ນປົວ​ຜູ້​ຕິດເຊື້ອ ກໍລະນີ​ພົບ​ຜູ້​ຕິດເຊື້ອ ແລະ ຕິດ​ຕາມ​-​ກວດກາ ແລະ ປະ​ເມີນ​ສະພາບ​ການ ແລະ ຜົນ​ກະທົບຢ່າງ​ໃກ້ຊິດ ແລະ ມີ​ປະສິດ​ທິ​ຜົນ ດັ່ງນີ້:
1. ສະກັດ​ກັ້ນ ແລະ ກັນ​ການ​ລະບາດ: ການ​ສະກັດ​ກັ້ນ ແລະ ກັນ​ການ​ລະບາດ ຖື​ເປັນ​ມາດ​ຕະການ​ພື້ນຖານ, ເລັ່ງ​ດ່ວນ ແລະ ຕ້ອງ​ປະຕິບັດ​ໃຫ້​ມີ​ປະສິດ​ທິ​ຜົນ​ແຕ່​ຫົວ​ທີ ເພື່ອ​ຈໍາ​ກັດ​ບໍ່​ໃຫ້​ມີ​ການ​ແຜ່​ລະບາດ​ຂອງ​ພະຍາດ.
2. ກະກຽມ​ຄວບ​ຄຸມ​ການ​ລະບາດ ແລະ ປິ່ນປົວ​ຜູ້​ຕິດເຊື້ອ: ການ​ກະກຽມ​ຄວບ​ຄຸມ​ການ​ລະບາດ ແລະ ປິ່ນປົວ​ຜູ້​ຕິດເຊື້ອ​ເປັນ​ມາດ​ຕະການ​ທີ່​ສໍາ​ຄັນ, ຕ້ອງ​ມີ​ຄວາມ​ພ້ອມຮອບດ້ານ ແລະ ຕ້ອງ​ຮັບປະກັນ ໃຫ້​ສາມາດ​ຄວບ​ຄຸມ​ການ​ລະບາດ​ໄດ້​ໃນ​ກໍລະນີ​ກວດ​ພົບ​ຜູ້​ຕິດເຊື້ອ ທັງ​ສາມາດ​ປິ່ນປົວ, ຮັກສາ​ ເພື່ອ​ຮັບປະກັນ​ໃຫ້​ຄວາມ​ປອດ​ໄພ​ຂອງ​ຜູ້​ຕິດ​ເຊື້ອ.
ລັດຖະບານ ອອກ​ມາດ​ຕະການ​ກຽມ​ຄວາມ​ພ້ອມ​ແຕ່​ລະ​ດ້ານ​ດັ່ງນີ້:  ກໍາ​ນົດ, ສໍາ​ຫຼວດ​ກວດກາ ແລະ ກະກຽມ​ສະຖານທີ່ ທີ່​ເໝາະ​ສົມ ຢູ່​ສູນ​ກາງ ແລະ ທ້ອງຖິ່ນ ເພື່ອ​ໃຊ້​ເປັນບ່ອນ​ກັກ​ກັນ ແລະ ປິ່ນປົວ​ຜູ້​ຕິດເຊື້ອ​ໄວ້; ກຽມ​ກໍາ​ລັງ​ແພດ​ໝໍ, ພະນັກງານ​ວິຊາ​ການ​ສະເພາະ​ດ້ານ ແລະ ອາ​ສາ​ສະໝັກ ໃຫ້​ພຽງພໍ ພ້ອມ​ທັງຝຶກແອບ​ໃຫ້​ມີ​ຄວາມ​ຊໍາ​ນານ ແລະ ຄ່ອງ​ແຄ້ວ ໃນ​ການ​ປ້ອງ​ກັນ​ຕົນ​ເອງ, ​ໃນ​ການກວດ​ຜູ້​ທີ່​ມີ​ຄວາມ​ສ່ຽງ​ໃນ​ການ​ຕິດ​ເຊື້ອ ຄາດ​ຄະເນ​ຄວາມ​ຕ້ອງການ​ທາງ​ດ້ານ​ເຄື່ອງມື, ອຸປະກອນ​ການ​ແພດ, ຢາ​ປົວ​ພະຍາດ ແລະ ສິ່ງ​ຈໍາ​ເປັນ​ອື່ນໆ ພ້ອມ​ທັງ​ຈັດ​ຫາ​ແຮ​ໄວ້​ໃຫ້​ພຽງພໍ ໂດຍ​ສະເພາະ​ຜ້າ​ປິດ​ປາກ​-​ດັງ, ນ້ໍາ​ຢາ​ລ້າງ​ມື, ຊຸດ​ປ້ອງ​ກັນ​ຂອງ​ແພດ​ໝໍ ແລະ ອຸປະກອນ​ຕ່າງໆ. ປຸກລະດົມ​ໂຄສະນາ​ເຜີຍແຜ່​ໃຫ້​ທົ່ວ​ສັງຄົມ​ເຂົ້າ​ຮ່ວມຢ່າງ​ເປັນ​ເຈົ້າ​ການ ໃນ​ການ​ຕ້ານ ແລະ ສະກັດ​ກັ້ນ ການ​ລະບາດຂອງ​ພະຍາດ COVID- 19  ພ້ອມ​ທັງ​ຮີບ​ຮ້ອນ ປັບປຸງ​ລະບົບ​ຂ່າວສານ ແລະ ຖານ​ຂໍ້​ມູນ ເພື່ອ​ຊ່ວຍ​ໃຫ້ການ​ວາງ​ແຜນ​ຮັບ​ມື, ແຈ້ງ​ຂໍ້​ມູນ​ຂ່າວສານ​ທີ່​ເປັນ​ປະໂຫຍດ​ແກ່​ສັງຄົມ, ແກ້​ໄຂ​ຂໍ້​ຂ້ອງ​ໃຈ, ແກ້​ຂ່າວ​ທີ່​ບິດ​ເບືອນ​ຄວາມ​ຈິງ ແລະ ອື່ນໆ, ປະສານ​ກັບ​ປະເທດ​ເພື່ອນ​ມິດ ແລະ ອົງການ​ຈັດ​ຕັ້ງ​ສາກົນ​ທີ່​ກ່ຽວຂ້ອງ ເພື່ອ​ແລກປ່ຽນ​ຂໍ້​ມູນ​ຂ່າວສານ ແລະ ບົດຮຽນ; ຂໍ​ການ​ສະໜັບສະໜູນ ແລະ ຊ່ວຍເຫຼືອ​ດ້ານ​ເຄື່ອງມື, ອຸປະກອນ​ການ​ແພດ ແລະ ຢາ​ປິ່ນປົວ​ພະຍາດ ແລະ ຂໍ​ຊ່ຽວຊານ​ທີ່​ຊໍາ​ນານ​ສະເພາະ​ດ້ານ;
3. ຕິດຕາມ, ກວດກາ ແລະ ປະ​ເມີນ​ສະພາບ​ການ ແລະ ຜົນ​ກະທົບ:  ລັດຖະບານ​ຖື​ເອົາ​ວຽກ​ງານ​ຕິດຕາມ ກວດກາ ແລະ ປະ​ເມີນ​ສະພາບ​ການ ແລະ ຜົນ​ກະທົບ​ເປັນ​ວຽກ​ງານ​ປິ່ນ​ອ້ອມ​ທີ່​ຕ້ອງ​ໄດ້​ເອົາໃຈໃສ່​ເປັນ​ພິເສດ. ລັດຖະບານ ຈະ​ປະຕິບັດ​ດັ່ງນີ້: ປັບປຸງ​ຄະນະ​ສະເພາະ​ກິດ​ເພື່ອ​ຊີ້​ນໍາ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະບາດຂອງ​ພະຍາດ ດັ່ງກ່າວ ໂດຍ​ປັບປຸງ​ບົດບາດ, ໜ້າທີ່, ສິດ ແລະ ເພີ່ມ​ບາງ​ຂະແໜງການ ທີ່​ກ່ຽວຂ້ອງ ທີ່​ຍັງ​ບໍ່​ຄົບ​ເຂົ້າ​ຕື່ມ; ອະທິບາຍ​ຊີ້​ແຈງ​ໃຫ້​ທົ່ວ​ສັງຄົມ ມີ​ຄວາມ​ເຂົ້າໃຈ​ຖືກຕ້ອງ, ບໍ່​ໃຫ້​ແຕກ​ຕື່ນ ແລະ ວິຕົກ​ກັງວົນ​ຈົນ​ເກີນ​ຂອບ​ເຂດ, ຫຼີກ​ລ່ຽງ​ການ​ສວຍໂອກາດ​ຂຶ້ນ​ລາຄາ​ສິນຄ້າ, ກັກ​ຕຸ​ນ​ສິນຄ້າ, ເຄື່ອງ​ອຸປະ​ໂພ​ກ-​ບໍລິໂພກ ແລະ ວິພາກ​ວິຈານ​ທີ່​ບໍ່​ຖືກ​ກັບ​ຄວາມ​ເປັນ​ຈິງ. ພ້ອມ​ກັນ​ນັ້ນ ກໍ​ໃຫ້​ເອົາໃຈໃສ່​ຄຸ້ມ​ຄອງ​ລາຄາ​ສິນຄ້າ ແລະ ການ​ສະໜອງ​ສິນຄ້າ​ອຸປະໂພກ ແລະ ບໍລິໂພກ​ລວມ​ທັງ​ຜ້າ​ປິດ​ປາກ​-​ດັງ, ນ້ໍາ​ຢາ​ລ້າງ​ມື, ຢາ​ປົວ​ພະຍາດ, ອຸປະກອນ​ການ​ແພດ ແລະ ສິນຄ້າ​ອື່ນໆ ທີ່​ຈໍາ​ເປັນ​ຕໍ່​ການ​ດໍາ​ລົງ​ຊີວິດ​ປົກກະຕິ​ຂອງ​ປະຊາຊົນ, ກໍລະນີ​ພົບ​ເຫັນ​ຜູ້​ທີ່​ສວຍໂອກາດ​ໃນ​ການ​ກັກ​ຕຸ​ນ​ສິນຄ້າ​ໃຫ້​ປະຕິບັດ​ມາດ​ຕະການ​ຢ່າງ​ເຂັ້ມ​ງວດ. ຄຽງ​ຄູ່​ກັນ​ນັ້ນ ກໍ​ໃຫ້​ປຸກລະດົມ ແລະ ຊຸກຍູ້​ສົ່ງເສີມ​ການ​ຜະລິດ​ພາຍ​ໃນ ຢ່າງ​ແຂງແຮງ; ເພີ່ມ​ທະວີ​ການ​ກວດກາ ແລະ ປະຕິບັດ​ມາດ​ຕະການ​ທາງ​ກົດໝາຍ​ຕໍ່​ຜູ້​ທີ່​ປັ່ນ​ປ່ວນ, ສ້າງ​ຄວາມ​ສັບສົນ ກະຈາຍ​ຂໍ້​ມູນ​ທີ່​ບໍ່​ມີ​ຄວາມ​ຈິງ ຫຼື ສ້າງ​ກະແສ​ຄວາມ​ເຊື່ອ​ໃຫ້​ສັງຄົມ ກໍຄືປະຊາຊົນ​ໃນ​ຮູບ​ແບບ​ຕ່າງໆ ທີ່​ບໍ່​ເປັນ​ຜົນ​ດີຕໍ່​ການ​ຮັບ​ມື​ກັບ​ການ​ລະບາດ​ຂອງ​ພະຍາດ, ຄົ້ນຄວ້າ ແລະ ປະ​ເມີນ​ຜົນ​ກະທົບ​ຂອງ​ພະຍາດ COVID-19 ແລະ ມາດ​ຕະການ​ທີ່​ລັດຖະບານ​ປະກາດ​ໃຊ້ນີ້​ຕໍ່​ເສດຖະກິດ​ໂດຍ​ລວມ​ ກໍ​ຄື​ຕໍ່​ຂະແໜງ​ທຸລະ​ກິດ​ຕ່າງໆ ເພື່ອ​ອອກ​ນະໂຍບາຍ​ຫຼຸດຜ່ອນ​ຜົນ​ກະທົບ ແລະ ກະ​ຕຸ້ນເສດຖະກິດ​ ໂດຍ​ຊຸກຍູ້​ຊ່ວຍເຫຼືອພາກ​ທຸລະ​ກິດ​ ໃນ​ຂະແໜງການ​ຜະລິດ ແລະ ບໍລິການ ໂດຍ​ສະເພາະ​ວິ​ສາ​ຫະ​ກິດ​ຂະໜາດ​ນ້ອຍ ແລະ ກາງ ສາມາດ​ຜ່ານ​ຜ່າ​ຄວາມ​ຫຍຸ້ງຍາກ​ທາງ​ດ້ານ​ເສດຖະກິດ​ນີ້​ໄປ​ໄດ້; ຕິດຕາມ​ສະພາບ ແລະ ປະ​ເມີນ​ຜົນ​ກະທົບ​ທາງ​ດ້ານ​ສັງຄົມ ຂອງ​ພະຍາດ COVID-19.
ລັດຖະບານ​ມອບ​ຄວາມ​ຮັບຜິດຊອບ​ໃຫ້​ແຕ່​ລະ​ພາກສ່ວນ​ກ່ຽວຂ້ອງ​ເອົາໃຈໃສ່​ຈັດ​ຕັ້ງ​ປະຕິບັດ ດັ່ງນີ້:
1. ຄະນະ​ສະເພາະ​ກິດ, ຫ້ອງ​ວ່າ​ການ​ສໍາ​ນັກ​ງານ​ນາ ຍົກລັດຖະມົນຕີ, ບັນດາ​ກະຊວງ, ອົງການ​ທຽບ​ເທົ່າ​ກະຊວງ ແລະ ອົງການ​ປົກຄອງ​ທ້ອງຖິ່ນ ຜັນ​ຂະຫຍາຍ​ມາດ​ຕະການ​ຂ້າງ​ເທິງ​ນີ້ ຕາມ​ບົດບາດ, ໜ້າທີ່ ແລະ ຄວາມ​ຮັບຜິດຊອບຂອງ​ຕົນ​ໂດຍ​ອອກ​ເປັນ​ແຈ້ງ​ການ ຫຼື ນິຕິ​ກໍາ​ແນະ​ນໍາ​ລະອຽດ​ຕື່ມ ໃຫ້​ທັນ​ກັບ​ສະພາບ​ການ ພ້ອມ​ທັງ​ປະສານ​ງານ ແລະ ຕິດ​ຕາມ​-​ກວດກາ​ການຈັດຕັ້ງ​ປະຕິບັດ ແລ້ວ​ລາຍ​ງານ​ໃຫ້​ລັດຖະບານ​ຊາບ​ເປັນ​ປົກກະຕິ ແລະ ທັນ​ການ;
2. ບັນດາ​ກະຊວງ, ອົງການ​ປົກຄອງ​ທ້ອງຖິ່ນ, ອົງການ​ແນວ​ລາວ​ສ້າງ​ຊາດ, ສະຫະພັນ​ນັກຮົບ​ເກົ່າ​ລາວ, ອົງການ​ຈັດ​ຕັ້ງ​ມະຫາຊົນ, ອົງການ​ຈັດ​ຕັ້ງ​ທາງ​ສັງຄົມ, ພາກ​ທຸລະ​ກິດ ແລະ ອົງການ​ຈັດ​ຕັ້ງ​ຕ່າງໆ ທັງ​ລັດ ແລະ ເອກະ​ຊົນ ພ້ອມ​ກັນ​ປຸກລະດົມ​ຂົນຂວາຍ ປະຊາຊົນ​ລາວ​ບັນດາເຜົ່າ ກໍ​ຄື​ທຸກ​ພາກສ່ວນ​ໃນ​ສັງຄົມ ເປັນ​ເຈົ້າ​ການ, ສາມັກຄີ​ເປັນ​ຈິດໜຶ່ງ​ໃຈ​ດຽວ, ຍົກ​ສູງ​ຈິດໃຈຊາດ ແລະ ນ້ໍາ​ໃຈ​ເສຍສະຫຼະ ເພື່ອ​ປະກອບສ່ວນ​ຢ່າງ​ຈິງ​ຈັງ ໃນ​ການ​ສະກັດ​ກັ້ນ ແລະ ກັນ​ການ​ລະບາດ​ຂອງ​ພະຍາດ​ດັ່ງ​ກ່າວ. ໃຫ້​ຖື​ວ່າ​ໃນ​ສະຖານະ​ການ​​ປັດຈຸ​ບັນ​ປະເທດ​ເຮົາ ກໍາ​ລັງ​ສະກັດ​ກັ້ນ, ກັນ​ການ​ແຜ່​ລະບາດ ແລະ ກະກຽມ​ຄວາມ​ພ້ອມ​ຮອບດ້ານ ຄື​ກັນ​ກັບ​ມາດ​ຕະການ​ເຮັດ​ສົງຄາມ​ກັບ​ການ​ລະບາດ​ຂອງ​ພະຍາດ COVID-19;
3. ມອບ​ໃຫ້​ອໍາ​ນາດ​ການ​ປົກຄອງ​ທ້ອງຖິ່ນ ໂດຍ​ສະເພາະ​ເມືອງ, ບ້ານ ແລະ ເຈົ້າ​ໜ້າທີ່​ປ້ອງ​ກັນ​ຄວາມ​ສະຫງົບ ຈົ່ງ​ພ້ອມພຽງ ແລະ ເປັນ​ເຈົ້າ​ການ​ໃນ​ການ​ຕິດຕາມ ແລະ ກວດກາ ການຈັດຕັ້ງ​ປະຕິບັດ​ບັນດາ​ມາດ​ຕະການ​ຕ່າງໆ ທີ່​ລັດຖະບານ​ໄດ້​ປະກາດ​ຕາມ​ເນື້ອ​ໃນ​ຂອງ​ມະຕິ​ລັດຖະບານ​ສະ​ບັບ​ນີ້ ແລະ ຕາມ​ແຈ້ງ​ການ​ແນະ​ນໍາ​ຂອງ​ຄະນະ​ສະເພາະ​ກິດ, ຂະແໜງການ ແລະ ອໍາ​ນາດ​ການ​ປົກຄອງ​ທ້ອງຖິ່ນ ໃຫ້​ມີ​ປະສິດທິພາບ ແລະ ປະສິດ​ທິ​ຜົນ ຖ້າ​ມີ​ການ​ລະເມີດ ຫຼື ບໍ່​ປະຕິບັດ​ແມ່ນ​ໃຫ້​ດໍາ​ເນີນ​ການ​ຕາມ​ກົດໝາຍ ແລະ ລະບຽບ​ການ​ກ່ຽວ​ຂ້ອງ​ກໍາ​ນົດ​ຢ່າງ​ເຂັ້ມ​ງວດ.
4. ມອບ​ໃຫ້​ຄະນະ​ສະເພາະ​ກິດ ເປັນໃຈ​ກາງ​ໃນ​ການ​ປະສານ​ງານ ແລະ ຊີ້​ນໍາ​ການ​ປະຕິບັດ​ມາດ​ຕະການ​ທີ່​ກໍາ​ນົດ ແລະ ລາຍ​ງານ​ນາຍົກລັດຖະມົນຕີ ເປັນ​ປົກກະຕິ​ທຸກ​ວັນ ເພື່ອ​ບັນ​ຊາ​-​ຊີ້​ນໍາ ແລະ ແກ້​ໄຂ​ໃຫ້​ທັນ​ກັບ​ສະພາບ​ການ.

 

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110