ຫົວ​ຂໍ້ : ນາຍົກ ຮຽກຮ້ອງໃຫ້ສັງຄົມປະຕິບັດມາດຕະການ ຂອງລັດຖະບານທີ່ວາງອອກຢ່າງເຂັ້ມງວດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 26/03/2020 10:09:34 ຈຳ​ນວນ​ຜູ້​ເຂົ້າ​ຢ້ຽມ​ຊົມ 201 ຄັ້ງ

   ຫຼັງຈາກທີ່ ກວດພົບຜູ້ຕິດ ເຊື້ອ2ກໍລະນີທຳອິດຂອງສປປ ລາວ, ບວກກັບແຮງງານລາວ ທີ່ໄປອອກແຮງງານຢູ່ປະເທດ ເພື່ ອ ນ ບ້ າ ນຫຼັ່ ງ ໄຫຼກັ ບ ຄື ນ ປະເທດ ເຮັດໃຫ້ສປປ ລາວ ມີ ຄວາມສ່ຽງພົບຜູ້ຕິດເຊື້ອເພີ່ມ ຂຶ້ນ ໂດຍ ທ່ານ ທອງລຸນ ສີສຸ ລິດ ນາຍົກລັດຖະມົນຕີໄດ້ ຮຽກຮ້ອງໃຫ້ທຸກຄົນປະຕິບັດ ມາດຕະການທີ່ລັດຖະບານ ວາງອອກຢ່າງເຂັ້ມງວດ ໂດຍ ສະເພາະແມ່ນແຮງງານລາວ ທີ່ກັບຈາກປະເທດເພື່ອນບ້ານ ໃຫ້ກັກບໍລິເວນຕົນເອງໃຫ້ຄົບ 14 ວັນ, ຖ້າຫາກຝ່າຝືນຈະໃຊ້ ມາດຕະການເດັດຂາດ. ໃນວັນທີ25 ມີນານີ້ທີ່ ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ພ້ອມ ດ້ວຍຄະນະສະເພາະກິດ ໄດ້ ຖະແຫຼງຂ່າວຕໍ່ສື່ມວນຊົນວ່າ: ປັດຈຸບັນ ໄດ້ມີການຫຼັ່ງໄຫຼຂອງ ແຮງງານລາວເຂົ້າມາຈາກຕ່າງ ປະເທດເປັນຈຳນວນຫຼວງຫຼາຍ ພວກເຮົາ ບໍ່ສາມາດຄວບຄຸມ ຕາມຫຼັກການລະບຽບການໄດ້. ທຸກໆແຂວງມີແຮງງານລາວ ເຂົ້າມາ. ບັນດາແຂວງຕ່າງໆ ກໍ ໄດ້ມີມາດຕະການ. ຈຳນວນທີ່ ມີໄຂ້ໄດ້ແຍກຕ່າງຫາກ.

   ຜູ້ທີ່ບໍ່ເປັນໄຂ້ໄດ້ສົ່ງກັບແລະໄດ້ ມີການແນະນຳໃຫ້ກັກຕົນເອງ. ສາມາດເວົ້າໄດ້ວ່າລັດຖະ ບານ ໄດ້ເຮັດດີທີ່ສຸດ, ແຕ່ກໍມີຂໍ້ ຈຳກັດບາງດ້ານ. ພະຍາດອາດ ແຜ່ຂະຫຍາຍ ບໍ່ສະເພາະແຕ່ ຜູ້ຕິດເຊື້ອ 2 ຄົນ ເທົ່ານັ້ນ ແຕ່ ອາດມີຫຼາຍກວ່ານັ້ນ. ສະນັ້ນ ນັບແຕ່ນີ້ຕໍ່ໄປ ພວກເຮົາຈະໄດ້ ປະຕິບັດບັນດາມາດຕະການ ທີ່ລັດຖະບານວາງອອກຢ່າງ ເຂັ້ມງວດກວ່າເກົ່າ ແລະ ຮຽກ ຮ້ອງໃຫ້ປະຕິບັດບັນດາມາດ ຕະການເພີ່ມ ເພາະພວກເຮົາ ກຳລັງຢູ່ໃນສະຖານະການຫຼໍ່ ແຫຼມ, ດັ່ງນັ້ນ, ລັດຖະບານ ຈະ ໄດ້ເພີ່ມມາດຕະການເຂັ້ມງວດ ຕື່ມ ຄື: 1. ຂໍໃຫ້ຜູ້ທີ່ມາຈາກຕ່າງ ປະເທດ ກັກຕົນເອງຢູ່ເຮືອນ ຂອງຕົນມອບໃຫ້ອຳນາດການ ປົກຄອງ, ຄະນະພັກຂອງບ້ານ ຮັບຜິດຊອບໂດຍກົງ ໂດຍການ ປຸກລະດົມທຸກກຳລັງແຮງຂອງ ອົງການຈັດຕັ້ງມະຫາຊົນ,ກອງ ຫຼອນບ້ານ ເພື່ອປະຕິບັດໜ້າທີ່ ໃຫ້ເຂັ້ມງວດແທ້ໆ. (ຕ້ອງກັກ ຕົນເອງພາຍໃນ14ວັນຢູ່ເຮືອນ ຂອງຕົນ, ຖ້າມີອາການຜິດປົກ ກະຕິໃຫ້ລາຍງານແພດທັນທີ, ແພດມີມາດຕະການກວດກາ, ຖ້າພົບເຊື້ອຈະແຍກປິ່ນປົວຢູ່ ໂຮງໝໍຢ່າງທັນການ). 2. ໃຫ້ປະຕິບັດຫຼັກການ ປ້ອງກັນຕົວເອງຕາມທີ່ແພດໄດ້ ແນະນຳ (ຫຼັກການອະນາໄມ) ໃຫ້ມີຄວາມເຂັ້ມງວດ ແລະ ມີ ການກວດກາ ພວກເຮົາໄດ້ຈັດ ທີມແພດໄປຫາແຕ່ລະບ້ານແຕ່ ລະເມືອງແລ້ວ. 3. ໃຫ້ທຸກພາກສ່ວນໃນ ສັງ ຄົມ ທັງສູນກາງ ແລະ ທ້ອງ ຖິ່ນ ໂດຍສະເພາະສຳນັກງານ- ອົງການ ປຶກສາຫາລືກັນ ພາຍ ໃນກ່ຽວກັບການຫຼຸດຜ່ອນການ ປະຊຸມ,ເຮັດວຽກແບບມີໄລຍະ ຫ່າງ ໃນຫ້ອງການ,ຖ້າມີຄວາມ ສາມາດແມ່ນໃຫ້ເຮັດວຽກຢູ່ ເຮືອນ (ເຮັດວຽກແບບອອນ ລາຍ) ບໍ່ໃຫ້ມີການຊຸມນຸມຈັດ ກອງປະຊຸມໃນໄລຍະນີ້, ຫ້າມ ຈັດງານດອງງານບຸນປະເພນີທີ່ ໄດ້ຫ້າມແລ້ວ, ງານສົບກໍຄວນ ຈຳກັດທີ່ສຸດ, ນອກຈາກນັ້ນ ການເດີນທາງລະຫວ່າງ ເມືອງ ຕໍ່ເມືອງ, ບ້ານຕໍ່ບ້ານ ຫຼືສໍານັກ ງານກັບສໍານັກງານ ກໍຂໍໃຫ້ຫຼຸດ ຜ່ອນ. 4. ຖ້າພົບເຫັນມີອາການ ຜິດປົກກະຕິໃຫ້ແຈ້ງຕໍ່ແພດ ໂດຍໄວ ຫຼືອາສາສະໝັກບ້ານ ຈະດຳ ເນີນການ ແລະ ໃຫ້ການ ຊ່ວຍເຫຼືອ. 5. ໃຫ້ຄະນະສະເພາະກິດ ອອກຂໍ້ກຳນົດຕື່ມອີກ ໃຫ້ເປັນ ອັນລະອຽດ ໂດຍແຈ້ງໃຫ້ທຸກ ພາກສ່ວນທຸກຄົນໃນສັງ ຄົມ ເຂັ້ມງວດ ເພື່ອປົກປັກຮັກສາ ສຸຂະພາບ,ຊີວິດຂອງປະຊາຊົນ ເຮົາທຸກຖ້ວນໜ້າ, ບໍ່ໃຫ້ໂຄວິດ 19 ແຜ່ລາມອອກໄປ. ທຸກພາກ ສ່ວນໃນສັງຄົມ ຂໍໃຫ້ປະຕິບັດ ຢ່າງເຄັ່ງຄັດ. ສະພາບປັດຈຸບັນ ບໍ່ປົກກະຕິ, ພວກເຮົາຢູ່ໃນສະ ພາບສຸກເສີນ. ລັດຖະບານຈະ ເບິ່ງສະພາບຕົວຈິງອາດມີການ ອອກມາດຕະການເຄັ່ງຄັດ ກວ່ານີ້ຕື່ມອີກ. ພວກເຮົາຈະບໍ່ ປ່ອຍໃຫ້ມີຜູ້ລະເມີດລະບຽບ ກົດໝາຍ ແລະ ມາດຕະການ ຕ່າງໆ. ຂໍໃຫ້ເອົາໃຈໃສ່ຄຸ້ມ ຄອງນັກຮຽນນັກສຶກສາ ລູກ ຫຼານຂອງເຮົາ ທີ່ຢູ່ບ້ານໃຫ້ດີ. ລັດຖະບານ ຈະໄດ້ເບິ່ງໂຮງຈັກ ໂຮງງານຕື່ມຖ້າມີການລະບາດ ຈະມີມາດຕະການຕື່ມອີກ. 6. ພວກເຮົາຕ້ອງມີສະຕິ, ຂໍໃຫ້ປະຊາຊົນ ມີຄວາມທຸ່ນ ທ່ຽງ, ບໍ່ແຕກຕື່ນບໍ່ວິຕົກກັງວົນ ຈົນເກີນໄປ. ສໍາຄັນແມ່ນພວກ ເຮົາໝົດທຸກຄົນພາຍໃນຊາດ ຕ້ອງຮ່ວມແຮງຮ່ວມໃຈກັນ ຕໍ່ສູ້ ກັບສິ່ງທີ່ເກີດຂຶ້ນ, ພວກເຮົາ ຈະປິ່ນປົວໃຫ້ໄດ້ເພາະເຮົາ ມີບົດຮຽນຈາກປະເທດເພື່ອນ ມິດ ແລະ ຈະຮ່ວມມືກັບບັນດາ ປະເທດເພື່ອນມິດ ເພື່ອຜ່ານ ພົ້ນວິກິດດັ່ງກ່າວໄປດ້ວຍດີ. ໃນຕອນທ້າຍ, ທ່ານນາ ຍົກລັດຖະມົນຕີຍັງໄດ້ຮຽກຮ້ອງ ໃຫ້ບັນດາສື່ມວນຊົນລາວທັງ ໝົດ ຈົ່ງເອົາໃຈໃສ່ໂຄສະນາ ເຜີຍແຜ່ກ່ຽວກັບສະພາບການ ແຜ່ລະບາດ, ວິທີການ ແລະ ມາດຕະການຕ່າງໆເພື່ອປ້ອງ ກັນໃຫ້ປະຊາຊົນ ໄດ້ຮັບຮູ້ຢ່າງ ເປັນປົກກະຕິແລະ ທັນການ, ຖ້າບຸກຄົນໃດ ທີ່ມີການສ້າງ ຄວາມປັ່ນປ່ວນ, ບໍ່ສະຫງົບ ແລະ ສະເໜີຂ່າວທີ່ບໍ່ເປັນ ຄວາມຈິງຈະໄດ້ມີການນໍາໃຊ້ ມາດຕະການທາງດ້ານກົດ ໝາຍຢ່າງເຄັ່ງຄັດ. ນອກນັ້ນ, ລັດຖະບານ ພວມດຳເນີນການ ປຶກສາຫາລືເພື່ອຊ່ວຍເຫຼືອຜູ້ ທີ່ໄດ້ຮັບຜົນກະທົບທາງດ້ານ ເສດຖະກິດຈາກເຊື້ອໄວຣັດໂຄ ວິດ-19 ໂດຍຈະພິຈາລະນາ ຊ່ວຍເຫຼືອຫຼາຍດ້ານ ແລະ ຈະ ປະກາດໃຊ້ໃນໄວໆນີ້. (ຂ່າວ: ບຸນຕອມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110