ໜັງສືພິມ ປະຊາຊົນ

20 ຄອບຄົວ ຖືກໄຟໄໝ້ເຮືອນ ຢູ່ເມືອງຊານໄໄດ້ຮັບການຊ່ວຍເຫຼືອ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 31/03/2020 09:28:18 ຈຳນວນຢ້ຽມຊົມ 1104 ຄັ້ງ

ການນໍາແຂວງອັດຕະປື ນໍາໂດຍທ່ານ ເລັດ ໄຊຍະພອນ ເຈົ້າແຂວງອັດຕະປື ພ້ອມດ້ວຍ ອໍານາດການປົກຄອງ ເມືອງ ຊານໄຊ ໄດ້ນໍາເອົາເຄື່ອງຊ່ວຍ ເຫຼືອບັນເທົາທຸກເບື້ອງຕົ້ນ ມູນ ຄ່າ 87 ລ້ານກີບ ແລະ ເງິນ 20 ລ້ານກີບ ໄປມອບໃຫ້ 20 ຄອບຄົວຢູ່ບ້ານດາກຍົກ ທີ່ຂຶ້ນ ກັບເມືອງຊານໄຊ ແຂວງອັດ ຕະປື ທີ່ໄດ້ປະສົບເຄາະຮ້າຍໄຟ ໄໝ້ເຮືອນ ຫວ່າງແລ້ວນີ້ ຊຶ່ງມີ 20 ຫຼັງຄາເຮືອນຖືກໄຟໄໝ້ເສຍ ຫາຍໝົດ ແລະ ມີ 125 ຄົນໄດ້ຮັບຜົນກະທົບບໍ່ມີທີ່ຢູ່ອາໄສ, ຕາມການປະເມີນເບື້ອງຕົ້ນໄຟ ໄໝ້ດັ່ງກ່າວມູນຄ່າເສຍຫາຍມີ ປະມານ 200 ກວ່າລ້ານກີບ . ພິທີມອບ-ຮັບເຄື່ອງຊ່ວຍ ເຫຼືອດັ່ງກ່າວ ໄດ້ຈັດຂຶ້ນໃນວັນ ທີ 26 ມີນາຜ່ານມານີ້ ທີ່ບ້ານ ດາກຍົກ, ໃຫ້ກຽດມອບໂດຍ ທ່ານ ເລັດ ໄຊຍະພອນ ແລະ ຮັບ ໂດຍຄອບຄົວທີ່ຖືກເຄາະຮ້າຍ ໄຟໄໝ້ເຮືອນທັງ 20 ຄອບຄົວ ເຄື່ອງຊ່ວຍເຫຼືອປະກອບມີສັງ ກະສີ, ເຂົ້າສານ ແລະ ເຄື່ອງ ໃຊ້ຄົວເຮືອນຈໍານວນໜຶ່ງ.

ໂອກາດດັ່ງກ່າວ, ທ່ານ ເຈົ້າເມືອງຊານໄຊ ໄດ້ຕາງໜ້າ ໃຫ້ອຳນາດການປົກຄອງເມືອງ ແລະ ປະຊາຊົນ ກ່າວສະແດງ ຄວາມຂອບໃຈມາຍັງອຳນາດ ການປົກຄອງແຂວງທຸກພາກ ສ່ວນທີ່ກ່ຽວຂ້ອງທີ່ມີຄວາມເປັນ ຫວ່ງເປັນໃຍນໍາເອົາເຄື່ອງຊ່ວຍ ເຫຼືອມາມອບໃຫ້ປະຊາຊົນໃນ ຄັ້ງນີ້ ແລະ ຈະນຳພາຄອບຄົວ ທີ່ໄດ້ຮັບຜົນກະທົບສ້າງສາໃຫ້ ກັບຄືນສູ່ສະພາບປົກກະຕິໂດຍ ໄວ. (ຂ່າວ-ພາບ: ຈັນສະໄໝ)