Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ບັນດາຜູ້ນຳພັກ-ລັດ ຕ້ອນຮັບຄະນະຜູ້ແທນຂັ້ນສູງ ສສ ຫວຽດນາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 14/05/2020 08:58:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1117 ຄັ້ງ

  ໃນ​ວັນ​ທີ 13/5/2020 ໃນ​ໂອກາດ​ເຂົ້າ​ຮ່ວມ​ພິທີ​ວາງ​ພວງມາລາ ແລະ ໄວ້ອາໄລຕໍ່​ການ​ເສຍ​ຊີວິດ​ຂອງສະຫາຍ ພົນ​ເອກ ສີສະ​ຫວາດ ແກ້ວ​ບຸນ​ພັນ ອະດີດ​ກຳມະການ​ສູນ​ກາງ​ພັກ ສະໄໝ​ທີ I, II, III, IV, V, VI, VII ແລະ VIII, ອະ ດີດ​ເລຂາທິການສູນ​ກາງພັກ ສະໄໝ​ທີ III, IV, ອະດີດ​ກຳ ມະການ​ກົມ​ການເມືອງ​ສູນ​ກາງ​ພັກ ສະໄໝ​ທີ IV,VI, VII ແລະ VIII, ອະດີດ​ນາຍົກລັດຖະມົນຕີ, ອະດີດ​ຮອງ​ປະທານ​ປະເທດ, ອະດີດ​ປະທານ​ສູນ​ກາງ​ແນວ​ລາວ​ສ້າງ​ຊາດ, ອະດີດ​ຫົວໜ້າ​ເສນາ​ທິ​ການ​ໃຫຍ່​ກອງທັບ​ປົດ​ປ່ອຍປະ​ຊາ​ຊົນ​ລາວ, ອະດີດ​ລັດຖະມົນຕີ​ປະ​ຈໍາສໍາ​ນັກ​ງານ​ນາຍົກລັດຖະມົນຕີ, ອະດີດ​ລັດຖະມົນຕີ​ກະຊວງ​ປ້ອງ​ກັນ​ ຄວາມ​ສະຫງົບ, ອະດີດ​ເລຂາ​ຄະນະ​ພັກ, ປະທານ​ຄະນະ ​ກໍາ​ມະ​ການ​ປົກ​ຄອງ​ກໍາເ​ເພງ​ນະຄອນ​ວຽງ​ຈັນ, ອະດີດ​ລັດ ຖະມົນຕີ​ກະຊວງ​ກະ​ສິ​ກໍາ ແລະ ປ່າໄມ້ ແລະ ອະດີດ​ປະທານ​ຄະນະ​ຂົນຂວາຍ​ສ້າງຕັ້ງ​ຄະນະ​ຊາວ​ໜຸ່ມ​ປະຊາຊົນ​ປະຕິວັດ​ລາວ ທີ່​ໄດ້​ເຖິງ​ແກ່​ມໍລະນະ​ກໍາ ​ໃນ​ວັນ​ທີ 12 ພຶດສະພາ 2020 ລວມ​ອາຍຸ​ໄດ້ 92 ປີ, ສະຫາຍ ຫ​ງວຽນ ຊວນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ພ້ອມ​ດ້ວຍ​ຄະນະ​ໄດ້​ເຂົ້າ​ຢ້ຽມ​ຂໍ່າ​ນັບສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ປະທານ​ປະເທດ ແຫ່ງ ສປປ ລາວ​ ທີ່ຫ້ອງ​ວ່າການ​ສຳນັກງານ​ປະທານ​ປະເທດ ແລະ ພົບ​ປະ​ສອງ​ຝ່າຍ​ກັບສະ ຫາຍ ທອງ​ລຸນ ສີ​ສຸ​ລິດ ນາຍົກ ລັດຖະມົນຕີ​ ແຫ່ງ​ ສປປ​ ລາວ​ ທີ່​ຫ້ອງ​ວ່າການ​ສຳນັກງານ​ນາ ຍົກລັດຖະມົນຕີ ເພື່ອ​ສະແດງ​ຄວາມ​ເສົ້າ​ໂສກ​ເສຍ​​ດາຍຕໍ່​ການ​ຈາກ​ໄປຂອງ ສະຫາຍ ພົນ​ເອກ ສີສະ​ຫວາດ ແກ້ວ​ບຸນ​ພັນ   ພ້ອມ​ທັງ​ນຳ ​ເອົາ​ຄຳ​ຢື້​ຢາມ​ຖາມຂ່າວ ແລະ ຄວາມເສົ້າ​ສະຫຼົດ​ໃຈຈາກສະ ຫາຍ ຫ​ງວຽນ ຟູ ຈອງ ເລຂາ ທິການ​ໃຫຍ່​ພັກ​ກອມ​ມູ​ນິດ​ຫວຽດນາມ​ ແລະ ​ບັນດາ​ການ​ນຳ​ຂັ້ນ​ສູງພັກ​-​ລັດ ແລະ​ປະຊາຊົນ​ຫວຽດນາມມາ​ຍັງ ພັກ​-​ລັດ ແລະ ປະຊາຊົນ​ລາວ ຕໍ່​ການ​ຈາກ​ໄປ​ໂດຍ​ບໍ່ມີວັນກັບ​ ຄືນ​ມາ​ຂອງ​ສະຫາຍ ພົນ​ເອກ​ ສີສະ​ຫວາດ​ ແກ້ວ​ບຸນພັນ​ ເປັນ​ ການ​ສູນ​ເສຍ​ວິລະ​ຊົນ​ຜູ້​ຍິ່ງ​ ໃຫຍ່​ຂອງ​ຊາດ, ນັກຮົບປະຕິ ວັດ​ຮຸ່ນ​ອາວຸໂສ, ອະດີດ​ການນຳ ທີ່​ສຳຄັນ​ຂອງ​ຊາດ​ລາວ. ສະ ຫາຍ​ເປັນ​ວິລະ​ບຸລຸດ​ທີ່​ສຳຄັນ​ທີ່​ໄດ້​ປະກອບສ່ວນ​ໃນ​ການຕໍ່ ສູ້​ຢ່າງ​ລະ​ອິດ​ລະ​ອ້ຽວ​ຮ່ວມ​ກັບ​ ທະຫານ​ອາສາ​ສະໝັກ​ຫວຽດ ນາມ​ຮ່ວມ​ຂຸມ​ຄອງ​ສູ້​ຮົບ​ອັນ​ດຽວ​ກັນ  ​ເພື່ອ​ຕໍ່ສູ້​ຕ້ານ​ກັບ​ຈັກ ກະ​ພັດ​ຝ​ຣັ່ງ​ ແລະ ​ອາເມ​ຣິກາ​ໃນ​ສະ​ໄໝຕໍ່ສູ້​ກູ້​ຊາດ​ຂອງ​ລາວ. ພ້ອມ​ກັນ​ນີ້,  ກໍມີ​ບົດບາດ​ອັນ​ສຳຄັນ​ໃນ​ການ​ຮັດ​ແໜ້ນ​ການ​ຮ່ວມ​ມື​ອັນ​ສະ​​ໜິດ​ແໜ້ນ​  ແລະ​ເສີມ​ຂະຫຍາຍ​ສາຍ​ພົວພັນ​ມິດ ຕະພາບ​ອັນ​ຍິ່ງ​ໃຫຍ່,  ຄວາມ​ສາມັກຄີ​ພິເສດ  ​ແລະ​  ການ​ຮ່ວມ​ມື​ຮອບດ້ານ​ລະຫວ່າງ​ລາວ​  ແລະ​ ຫວຽດນາມ​ຕະຫຼອດ​ມາ​ຈົນ​ເຖິງ​ປັດຈຸ​ບັນ.  ເລຂາທິການ​ໃຫຍ່, ປະທານ​ປະເທດ​ແຫ່ງ​ສປປ ລາວ ​ໄດ້​ສະແດງ​ຄວາມ​ຂອບໃຈ ແລະ ມີ​ຄວາມ​ຊາບ​ຊຶ້ງ​ເປັນ​ຢ່າງ​ຍິ່ງ​ທີ່​ສະຫາຍ​ພ້ອມ​ດ້ວຍ​ຄະນະ​ຜູ້​ແທນ​ຂັ້ນ​ສູງ​ພັກ,  ລັດ​ຫວຽດນາມ​ໄດ້​ຕາງໜ້າ​ໃຫ້​ຄະນະ​ບໍລິຫານງານ​ ສູນ​ກາງ​ພັກ​ກອມ​ມູ​ນິດ​ຫວຽດ ນາມ, ລັດຖະບານ ​ແຫ່ງ ​ສສ​ຫວຽດນາມ ​ແລະ​ ປະຊາຊົນ​ຫວຽດນາມ​ທີ່​ໄດ້​ເດີນທາງມາ​ ຮ່ວມ​ສະແດງ​ຄວາມ​ໄວ້ອາໄລ​ ອາ​ວອນ​ອັນ​ສຸດ​ຊຶ້ງ, ແບ່ງ ​ຄວາມທຸກ​ໂສກ​ຮ່ວມ​ກັບພັກ, ລັດຖະບານ ​ແລະ ​ປະຊາຊົນ ​ລາວ​ບັນດາເຜົ່າ,  ຕໍ່​ການຈາກ ​ໄປ​ຢ່າງ​ບໍ່​ມີວັນກັບຄືນຂອງ​ສະ ຫາຍ​  ພົນ​ເອກ  ​ສີສະ​ຫວາດ​ ແກ້ວ​ບຸນ​ພັນ  ຊຶ່ງ​ເປັນ​ການສະ ແດງ​ໃຫ້​ເຫັນ​ເຖິງ​ຄວາມ​ມີ​ຊີວິດ​ ຊີວາ​ຂອງ​ຄວາມ​ສາມັກຄີ​ພິເສດ​ລາວ​-​ຫວຽດນາມ​ທີ່​ມີ​ມູນເຊື້ອ​ແຫ່ງ​ຄວາມ​ຜູກ​ພັນ​ແບບ​ເຂົ້າ​ເມັດ​ຫັກ,  ຜັກ​ເສັ້ນ​ແບ່ງ​ຮ່ວມ​ເປັນ​ຮ່ວມ​ຕາຍ​ໃນ​ຂຸມ​ຄອງ​ດຽວ​ກັນ,  ທຸກ​ສຸກ​ພວກ​ເຮົາ​ຢູ່​ຄຽງ​ຂ້າງ​ກັນ​ສະເໝີ​ມາ  ພ້ອມ​ນີ້, ສະຫາຍ​ເລຂາທິການ​ໃຫຍ່ຍັງ​ໄດ້​ສະແດງ​ຄວາມ​ຂອບໃຈ​ເປັນ​ຢ່າງ​ສູງ​ທີ່​ສູນ​ກາງ​ພັກ​ກອມ​ມູ​ນິດ​ຫວຽດນາມ​ໄດ້​ໃຫ້​ຄວາມ​ເປັນ​ຫ່ວງ​ເປັນ​ໄຍ​ຕໍ່​ການ​ປິ່ນປົວ​ສຸຂະພາບ​ຂອງ​ສະຫາຍ  ພົນ​ເອກ ສີສະ​ຫວາດ ແກ້ວ​ບຸນ​ພັນ ໃນ​ໄລຍະ​ທ້າຍ​ຂອງ​ຊີວິດ​ຂອງ​ສະຫາຍ​ໂດຍ​ໄດ້​ເອົາໃຈໃສ່​ສົ່ງ​ຄະນະ​ແພດ​ໝໍ​ມາ​ຊ່ວຍ​ປິ່ນປົວ​ຢ່າງ​ທັນ​ການ​ຕາມ​ການ​ສະເໜີ​ຂອງ​ຝ່າຍ​ລາວ  ແລະ  ໄດ້​ຊ່ວຍ​ຢຸກ​ຢາ​ເປັນ​ຈໍາ​ນວນ​ຫຼາຍ​ຈົນ​ເຖິງ​ວິນາທີ​ສຸດ​ທ້າຍ.
  ພ້ອມ​ດຽວ​ກັນ​ນີ້, ສະຫາຍ ບຸນ​ຍັງ  ວໍລະ​ຈິດ  ຍັງ​ໄດ້​ຕາງ ໜ້າ​ໃຫ້​ພັກ, ລັດ​ ແລະ ​ປະຊາ ຊົນ​ລາວ​ບັນດາເຜົ່າ​ສະແດງ​ຄວາມ​ຂອບໃຈ​ເປັນ​ຢ່າງ​ຍິ່ງ​ແລະ​ ຄວາມ​ຮູ້​ບຸນຄຸນ​ຢ່າງ​ລົ້ນ​ເຫຼືອ​ຕໍ່​ພັກ, ລັດຖະບານ​ ແລະ​ປະຊາຊົນ​ຫວຽດນາມ​ອ້າຍນ້ອງ ​ທີ່​ໄດ້​ໃຫ້ການ​ຊ່ວຍເຫຼືອ​ອັນ​ລ້ຳ​ຄ່າ​ໃນ​ການ​ສ້າງສາພັດທະນາ​ ປະເທດ​ຊາດ​ຂອງ​ພວກ​ຂ້າພະ ເຈົ້າ​ຕະຫຼອດ​ມາ,   ພິເສດ​ແມ່ນ​ໄລຍະ​ການ​ແຜ່​ລະບາດ​ຂອງ​ເຊື້ອ​ພະຍາດ​ໂຄ​ວິດ-19 ເຖິງ​ວ່າ​ຫວຽດນາມ​ກໍພວມ​ຢູ່​ໃນ​ໄລຍະ​ຮັບ​ມື​ກັບ​ການ​ແຜ່​ລະ ບາດ​ຂອງ​ພະຍາດ​ດັ່ງກ່າວ, ແຕ່​ພັກ, ລັດ​ ແລະ​ ປະຊາຊົນ​ຫວຽດນາມ​ໄດ້​ບິ​ແບ່ງ​ນ້ຳໃຈ​ແລະ​ ໃຫ້ການ​ຊ່ວຍເຫຼືອ​ດ້ານ​ວັດຖຸ​ອຸປະກອນ​ການ​ແພດ, ສົ່ງ​ຄະນະ​ຊ່ຽວຊານ ​ແລະ ​ຖ່າຍ​ທອດ​ບົດຮຽນ​ໃຫ້​ແກ່​ພວກ​ຂ້າ​ພະ​ເຈົ້າ  ພ້ອມ​ທັງ​ໄດ້​ຕີ​ລາຄາ​ສູງ​ຕໍ່​ບັນດາ​ຜົນ​ສໍາ​ເລັດ​ທີ່​ໜ້າ​ຊື່ນ​ຊົມ​ໃນ​ການ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ຫວຽດນາມ​ໃນ​ປັດຈຸບັນ,  ພິເສດ​ແມ່ນ​ການ​ປ້ອງ​ກັນ, ຄວບ​ຄຸມ ​ແລະ ​ຮັບ​ມື​ກັບ​ການ​ແຜ່​ລະ ບາດ​ຂອງ​ພະຍາດ​ໂຄ​ວິດ-19 ໃນ​ ສສ​ ຫວຽດນາມ  ຊຶ່ງ​ໄດ້ຮັບ​ ການ​ຕີ​ລາຄາ​ສູງຈາກສາກົນ ສໍາ​ລັບ ສປປ ລາວ ກໍໄດ້​ສຸມ​ທຸກກໍາ ​ລັງ​ ເພື່ອ​ຮັບ​ມື​ກັບ​ພະຍາດ​ດັ່ງ ກ່າວ ​ແລະ​ ມາ​ຮອດ​ມື້ນີ້​ກໍໄດ້ 1 ເດືອນ​ແລ້ວ​ທີ່​ບໍ່​ມີ​ຜູ້​ຕິດເຊື້ອ​ເພີ່ມ. ປັດຈຸບັນ​ທົ່ວ​ພັກ​ພວມ​ຂຸ້ນຂ້ຽວ​ກະກຽມ​ໃສ່ການດໍາເນີນ​ກອງ ປະຊຸມໃຫຍ່​ຂອງ​ພັກ ແລະ ຂໍ​ຢືນຢັນ​ວ່າ​ຈະ​ເຮັດ​ສຸດ​ຄວາມ​ສາມາດ​ຂອງຕົນ​ຮ່ວມ​ກັບພັກ, ລັດ ​ແລະ ​ປະຊາຊົນ​ຫວຽດ ນາມ ອ້າຍນ້ອງ​ສືບຕໍ່​ປົກ​ປັກ​ຮັກສາ ​ແລະ ​ເສີມ​ຂະຫຍາຍ​ສາຍ​ພົວ ພັນມິດຕະພາບ​ທີ່ຍິ່ງໃຫຍ່, ຄວາມ​ສາມັກຄີແບບ​ພິເສດ ​ແລະ ​ການ​ຮ່ວມ​ມືຮອບດ້ານ​ລະຫວ່າງລາວ​-​ຫວຽດນາມ​ໃຫ້​ນັບ​ມື້​ຂະຫຍາຍຕົວ  ແລະ​  ຍືນຍົງ​ ຄົງ​ຕົວ​ຕະຫຼອດໄປ​  ເພື່ອຜົນ ​ປະໂຫຍດ​ຂອງປະຊາຊົນສອງ ​ຊາດ​ກໍຄື​  ເພື່ອ​ສັນຕິພາບ,  ມິດ ຕະພາບ​ ແລະ ການ​ຮ່ວມ​ມື​ໃນ​ ພາກ​ພື້ນ ແລະ​ ໃນ​ໂລກ.
  ໃນ​ໂອກາດ​ພົບ​ປະ​ກັບ​ນາຍົກລັດຖະມົນຕີ  ແຫ່ງ ສປປ ລາວ ທັງ​ສອງ​ຝ່າຍ​ໄດ້​ເຫັນ​ດີ​ສືບຕໍ່​ຊຸກຍູ້​ການຈັດຕັ້ງ​ປະຕິບັດ​ຜົນ​ການ​ຕົກລົງ​ຂອງ​ກອງ​ປະຊຸມ​ຄະນະ​ກຳມະການ​ຮ່ວມ​ທະວິ​ພາຄີ ລະຫວ່າງສອງ​ລັດຖະບານ ຄັ້ງ​ທີ 42 ໃຫ້​ປະ  ກົດ​ຜົນ​ເປັນ​ຈິງ.
ໃນ​ໂອກາດ​ນີ້, ສະຫາຍ​ເລຂາທິການ​ໃຫຍ່ຍັງ​ໄດ້​ອວຍ ພອນ​ສະຫາຍ​ນາຍົກ​ລັດ​ຖະ​ມົນ ສສ ຫວຽດນາມ ພ້ອມ​ດ້ວຍ​ ຄະນະ​ ແລະ​ ຜ່ານ​ສະຫາຍ​ໄປ​ຍັງ​ສະຫາຍ​ເລຂາທິການ​ໃຫຍ່,  ປະທານ​ປະ​ເທດ ​ຫ​ງວຽນ ​ຟູ​ຈ້ອງ ​ແລະ ​ບັນດາສະຫາຍ ​ການ​ນຳ​ຂັ້ນ​ສູງ​ຂອງ​ພັກ​-​ລັດ ຖະບານ​ຫວຽດນາມ ​ຈົ່ງ​ມີ​ສຸຂະ ພາບ​ເຂັ້ມແຂງ​ ແລະ ​ປະສົບ​ຜົນສຳເລັດ​ໃໝ່​ໃຫຍ່​ຫຼວງ​ກວ່າ​ເກົ່າ​ ໃນ​ການຈັດຕັ້ງ​ຜັນ​ຂະ ຫຍາຍ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ 12  ຂອງ​ພັກ​ຢ່າງ​ມີ​ໄຊ​ແລະ ​ກ້າວ​ສູ່​ກອງ​ປະຊຸມ​ໃຫຍ່​ຂອງ​ພັກ​ກອມ​ມູ​ນິດ​ຫວຽດນາມ​ຄັ້ງ​ທີ 13 ໃນ​ຕົ້ນ​ປີ 2021, ບັນ ລຸ​ເປົ້າ​ໝາຍ​ເຮັດ​ໃຫ້​ປະຊາຊົນ​ຮັ່ງມີ​ຜາ​ສຸກ,  ປະເທດ​ຊາດ​ມັ່ງ​ຄັ່ງ​ເຂັ້ມແຂງ,  ປະຊາທິປະໄຕ, ຍຸຕິ​ທຳ, ສີ​ວິ​ໄລ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110