Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ນັກຮຽນຊັ້ນປະຖົມ ສາມາດຕິດຕາມການຮຽນການສອນ ຜ່ານໂທລະພາບວິທະຍຸ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 15/05/2020 09:21:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1347 ຄັ້ງ

  ກະຊວງ​ສຶກສາ​ທິ​ການ ແລະ ກິລາໄດ້​ສ້າງ​ລາຍການ ການຮຽນ​-​ການ​ສອນ ຜ່ານ​ທາງ​ໂທລະພາບ ແລະ ວິທະຍຸ ໂດຍ​ນຳ​ເອົາ​ວິຊາ​ຮຽນ​ຫຼັກ​ໃນ​ຂັ້ນ​ປະຖົມ​ສຶກສາ​ມາ​ສອນ  ເພື່ອ​ທົດ​ແທນ​ໃນ​ໄລຍະ​ໂຮງຮຽນ​ປິດ​ຊົ່ວຄາວ​ເນື່ອງ​ຈາກ​ການ​ແຜ່​ລະບາດ​ຂອງ​ ເຊື້ອ​ພະຍາດ​ຈຸ​ລະ​ໂຣກ​ສາຍ​ພັນ​ໃໝ່ໂຄ​ວິດ-19.
  ໂຮງຮຽນ​ຊັ້ນ​ປະຖົມ​ສຶກ ສາສົມບູນ ​ໃນ ສປປ ລາວ ໄດ້ປະ ກາດ​ປິດ​ໂຮງຮຽນ​ຊົ່ວຄາວຕັ້ງ ແຕ່​ວັນ​ທີ 19 ມີນາ​  ເປັນຕົ້ນມາ, ຈາກ​ບັນຫາ​ດັ່ງກ່າວສະ​ຖາ​ບັນ​ຄົ້ນຄວ້າ​ວິທະຍາສາດ​ການສຶກ ສາ​ໄດ້​ເລີ່ມ​ຖ່າຍ​ທຳ​ວິ​ດີໂອການ ​ສອນ​ບົດຮຽນ​ຜ່ານ​ທາງ​ໂທລະ ພາບ  ນັບ​ແຕ່​ວັນ​ທີ 23 ມີນາ ເປັນຕົ້ນ​ມາ   ເພື່ອ​ຊ່ວຍ​ໃຫ້​ນັກ ຮຽນ​ຊັ້ນ​ປະຖົມ​ສາມາດ​ຮຽນ​ດ້ວຍ​ຕົນ​ເອງ​ຢູ່​ເຮືອນ​ໃນ​ໄລຍະ​ໂຮງຮຽນ​ປິດ​ຊົ່ວ​ຄາວ.   ຫົວຂໍ້ທີ່ນຳ​ ມາ​ສອນ​ແມ່ນ​ຫຼັກສູດ​ຊ່ວຍ​ໃຫ້​ນັກຮຽນ​ສາມາດ​ຮຽນ​ຮູ້​ໄດ້​ໄວ  ແລະ  ຫຼຸດຜ່ອນ​ຜົນ​ກະທົບ​ຈາກ​ການ​ພັກໂຮງຮຽນ​ເປັນ​ເວລາ​ດົນ​ນານ  ພ້ອມ​ກັນ​ນີ້​ຍັງ​ມີ​ຈຸດປະສົງ​ເຜີຍແຜ່​ຄວາມ​ຮູ້​ກ່ຽວ​ກັບ​ຄວາມ​ສ່ຽງ​ທີ່​ຈະ​ຕິດເຊື້ອ​ພະຍາດ​ໂຄ​ວິດ-19  ພ້ອມກັບໃຫ້ຄຳ​ແນະ ນຳ​ວິທີ​ການ​ປ້ອງ​ກັນ​ຕົນ​ເອງ ແລະ  ສາທິດ​ວິທີ​ການ​ລ້າງ​ມື​ທີ່​ຖືກ​ຕ້ອງ.
  ຜົນງານ​ການ​ສ້າງວິດີໂອ ​ການ​ຮຽນ​-​ການສອນດັ່ງກ່າວ​ແມ່ນ​ໄດ້​ຮັບການ​ສະໜັບສະ ໜູນຈາກລັດຖະບານ​ອົສ​ຕຣາ​ລີ ແລະ ສະຫະພາບ​ເອີຣົບໂດຍ ​ຜ່ານ​ແຜນ​ງານ​ບີ​ຄວາ.  ທີ​ມງານ ​ຂອງ​ສະ​ຖາ​ບັນ​ຄົ້ນຄວ້າ​ວິທະ ຍາສາດ​ການ​ສຶກສາຮ່ວມ​ກັບ​ນັກ​ພັດທະນາ​ຫຼັກສູດ,   ທີ​ມ​ງານ​ຖ່າຍ​ທຳ​ວິ​ດີ​ໂອ ແລະ ທີ​ມ​ງານ​ສື່​ການ​ຮຽນ​-​ການ​ສອນດ້ານອີ​ ເລັກ​ໂຕຣ​ນິກໄດ້​ເຮັດ​ວຽກ​ຢ່າງ ​ໜັກ​ໜ່ວງ ໃນ​ການ​ສ້າງ​ຜົນງານ​ວິ​ດີ​ໂອ​ການ​ສອນ​ອອກ​ມາ   ເພື່ອ​ໃຫ້​ໄດ້ 3 ບົດ​ສອນຕໍ່​ມື້. ຄູ​ສອນ​ຂັ້ນ​ປະຖົມ​ຈຳນວນ  10  ທ່ານ ແລະ ອຳນວຍ​ການ​ໂຮງຮຽນໄດ້​ ອາສາ​ຜັດປ່ຽນ​ກັນ​ເຂົ້າ​ມາ​ຖ່າຍ ​ທຳ​ການ​ສອນ​ບົດຮຽນ​  ໃນ​ໄລ ຍະ​ພັກ​ປີ​ໃໝ່ລາວ.
  ສຳລັບ​ວິຊາ​ທີ່​ນຳ​ມາ​ສອນ​ແມ່ນ​ບົດຮຽນ​ແຕ່​ຊັ້ນ ປ1 ຮອດ ປ5  ຊຶ່ງ​ໃນ​ນັ້ນ​ມີ​ວິຊາ: ພາສາ​ລາວ,  ຄະນິດສາດ ແລະ ພາສາ​ອັງ​ກິດ. ລາຍການ​ຍັງ​ໄດ້​ນຳ​ເອົາ​ບົດ​ຄວາມ​ແນະນຳວິທີການ​ຫຼີກ​ລ່ຽງ​ຈາກ​ການ​ຕິດເຊື້ອ​ພະຍາດ​ໂຄ​ວິດ-19 ໂດຍ​ໃຊ້ວິທີ​ການທີ່​ ແທດເໝາະ​ກັບນັກຮຽນຊັ້ນປະ ຖົມ​  ເພື່ອ​ຄວາມ​ເຂົ້າໃຈ​ງ່າຍ ແລະ  ບົດຄວາມ​ສົ່ງເສີມໃຫ້ເຂົາເຈົ້າ​ ຝຶກ​ຝົນ​ຢູ່​ບ້ານ,   ໝັ່ນອ່ານບົດ ຮຽນ,  ການ​ຮັກສາ​ປຶ້ມແບບຮຽນ​ ຂອງ​ຕົນ ແລະ ຊ່ວຍເຫຼືອ​ພໍ່​ແມ່​ເຮັດ​ວຽກ​ເຮືອນ​ນຳ​ອີກ.
  ລາຍການ​ນີ້​ແມ່ນ​ໄດ້​ອອກ​ອາກາດສອງ​ເທື່ອ​ຕໍ່​ມື້ທາງໂທ ລະພາບ​ແຫ່ງ​ຊາດລາວ​ຊ່ອງ  1 ແລະ  ຫ້າ​ເທື່ອ​ຕໍ່​ອາທິດ  ​ທາງ​ວິທະຍຸ​ກະຈາຍສຽງ​ແຫ່ງຊາດທັງ​ລະບົບ FM ແລະ AM.  ການ​ອອກ ​ອາກາດ​ແຕ່​ລະ​ເທື່ອ​ແມ່ນ​ນຳ​ເອົາ​ການ​ສອນສອງ​ວິຊາ​ມາ​ສອນ ລວມ​ເປັນ 30 ນາທີ, ນອກຈາກ​ນີ້  ຄູ​ຍັງ​ໄດ້​ນຳ​ໃຊ້​ສື່​ອອນ​ລາຍ ແລະ  ສົ່ງ​ຂໍ້ຄວາມທາງ​ມື​ຖື​  ເພື່ອ​ຕິດຕໍ່​ກັບ​ນັກຮຽນ​ຂອງ​ຕົນ ​ ເພື່ອ​ຊ່ວຍ​ອະທິບາຍ​ບົດຮຽນ​ເພີ່ມ​ເຕີມ ພ້ອມ​ທັງ​ໃຫ້​ວຽກບ້ານ  ແລະ  ກວດ ຄືນ​ນຳ​ອີກ ແລະ ລາຍການນີ້ຈະ​ ຍັງ​ຄົງ​ສືບຕໍ່ໄປຈົນ​ຮອດປິດ​ສົກ​ຮຽນ.
 ນັກຮຽນ​ຊັ້ນ​ປະຖົມ​ສາມາດ ​ຕິດຕາມ​ໄດ້​ທີ່:
- ໂທລະພາບ​ແຫ່ງ​ຊາດ ຊ່ອງ 1, ທຸກໆ​ວັນ  ເວລາ 8:00-8:30 ໂມງ ແລະ 15:00-15:30 ໂມງ.
-  ວິທະຍຸ​ກະຈາຍສຽງ​ແຫ່ງ​ຊາດ  ທາງ​ຄື້ນ AM 567 KHz and FM 103.7 MHz , ທຸກໆ​ວັນ​ຈັນ,  ວັນ​ພຸດ  ແລະ  ວັນ​ສຸກ, ເວລາ  9:00-9:30  ໂມງ  ແລະ ວັນ​ເສົາ​-​ອາທິດ  ເວລາ  14:30 -15:00 ໂມ​ງ.
-  ທາງ​ເຟດບຸກ​ເພສ: “Edu-Sport TV online” ແລະ “ສື່​ເອ​ເລັກ​ໂຕ​ຣ​ນິກ  ​ສຳລັບ​ການ​ຮຽນ​-​ການ​ສອນ”.
(ຂ່າວ​-​ພາບ: ບີ​ຄວາ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110