Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ລັດ​ຖະ​ບານ​ຜ່ອນ​ຜັນ​ບາງ​ມາດ​ຕະ​ການ​ແຕ່​ຍັງ​ຄົງ​ຫ້າ​ມ​ຫຼາຍ​ກິດ​ຈະ​ກຳ.

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 17/05/2020 15:18:41 ຈຳ​ນວນ​ຜູ້​ເຂົ້າ​ຢ້ຽມ​ຊົມ 955 ຄັ້ງ

  ລັດຖະບານ​ເຫັນ​ດີ​ໃຫ້​ປະຕິບັດ​ມາດ​ຕະການ​ຜ່ອນຜັນ​ຈຳນວນ​ໜຶ່ງ​ເພີ່ມ​ຕື່ມ ເພື່ອ​ໃຫ້​ມີ​ຜົນ​ກະທົບ​ຕໍ່​ເສດ​ຖະ​ກິດ​-​ສັງຄົມ ໜ້ອຍ​ທີ່​ສຸດ ແຕ່​ຍັງ​ຄົງ​ປະຕິບັດ​ມາດ​ຕະການ​ປ້ອງ​ກັນ​ການ​ຕິດເຊື້ອ ເປັນຕົ້ນການ​ຮັກສາ​ໄລຍະ​ຫ່າງ 1 ແມັດ​ຂຶ້ນ​ໄປ, ໝັ່ນ​ລ້າງ​ມື​ດ້ວຍ​ນໍ້າ​ສະອາດ ໃສ່​ສະບູ ຫຼື ເຈ​ວ​ລ້າງ​ມື, ໃສ່​ຜ້າ​ອັດ​ປາກ​-​ດັງ, ແທກ​ອຸນຫະພູມ ແລະ ອະນາໄມ​ສະຖານທີ່, ໃນ​ຂະນະ​ດຽວ​ກັນ​ກໍ​ຍັງ​ຄົງ​ສືບຕໍ່​ຈັດ​ຕັ້ງ​ປະຕິບັດ​ອີກ​ບາງ​ມາດ​ຕະ​ການ.

  ຫ້ອງ​ວ່າການ​ສຳນັກງານ​ນາຍົກລັດຖະມົນຕີ ໄດ້​ອອກ​ແຈ້ງ​ການ ກ່ຽວ​ກັບ​ການ​ສືບຕໍ່​ປະຕິບັດ​ບັນດາ​ມາດ​ຕະການ​ຜ່ອນຜັນ ແລະ ມາດ​ຕະການ​ປ້ອງ​ກັນ, ຄວບ​ຄຸມ, ສະກັດກັ້ນ ແລະ ແກ້​ໄຂ​ພະຍາດ​ໂຄ​ວິດ-19 ໃນ​ໄລຍະ​ແຕ່​ວັນ​ທີ 18 ພຶດ ສະພາ ຫາ ວັນ​ທີ 1 ມິ​ຖຸ​ນາ.

  ເນື້ອ​ໃນ​ແຈ້ງ​ການ​ລະບຸ​ວ່າ: ຫ້ອງ​ວ່າ​ການ​ສໍາ​ນັກ​ງານ​ນາຍົກລັດຖະມົນຕີ ຂໍ​ຖື​ເປັນ​ກຽດ​ແຈ້ງ​ມາ​ຍັງ​ທ່ານ ຊາບ​ດັ່ງນີ້: ການ​ແຜ່​ລະບາດ ຂອງ ພະຍາດ COVID-19 ຍັງ​ສືບຕໍ່ເພີ່ມ​ຂຶ້ນ ແລະ ເປັນ​ໄພ​ຄຸກ​ຄາມ​ຕໍ່​ໂລກມີ​ຜູ້​ຕິດເຊື້ອຫຼາຍ​ລ້ານ​ຄົນ, ມີ​ຜູ້​ເສຍ​ຊີວິດເປັນ​ຈໍາ​ນວນ​ຫຼາຍ ແລະ ຍັງ​ມີ​ທ່າ​ອ່ຽງ​ເພີ່ມ​ຂຶ້ນ​ເລື້ອຍໆ ຊຶ່ງ​ຍັງ​ບໍ່​ຮູ້​ໄດ້​ວ່າ ເວລາ​ໃດ ຈຶ່ງ​ຈະ​ສາມາດ​ຢັບ​ຢັ້ງ ແລະ ຢຸດຕິ ມັນ​ໄດ້, ອັນ​ໄດ້​ສ້າງ​ຜົນ​ກະທົບ​ຢ່າງ​ໜັກໜ່ວງ​ຕໍ່​ເສດຖະກິດ ແລະ ສັງຄົມ ໃນ​ທົ່ວ​ໂລກ. ສໍາ​ລັບ​ຢູ່​ປະເທດ​ພວກ​ເຮົາ, ຜ່ານ​ການຈັດຕັ້ງ​ປະຕິ​ບັດ​ຄໍາ​ສັ່ງ ຂອງ​ນາຍົກລັດຖະມົນຕີ ສະບັບ​ເລກ​ທີ 06/ນຍ, ລົງ​ວັນ​ທີ 29 ມີນາ 2020, ແຈ້ງການ​ຂອງ​ຫ້ອງ​ວ່າ​ການ​ສໍາ​ນັກ​ງານ​ນາຍົກລັດຖະມົນຕີ ສະບັບ​ເລກ​ທີ 524/ຫສນຍ, ລົງ​ວັນ​ທີ 1 ພຶດສະພາ 2020, ບັນດາ​ນິຕິ​ກໍາ ແລະ ຄໍາ​ແນະ​ນໍາ ຂອງ​ຄະນະ​ສະເພາະ​ກິດ ແລະ ພາກສ່ວນ​ກ່ຽວຂ້ອງ, ພວກ​ເຮົາສາມາດ​ຄວບ​ຄຸມ​ການແຜ່​ລະບາດ​ໄວ້​ໄດ້ ໂດຍ​ບໍ່​ມີ​ຜູ້​ຕິດເຊື້ອ​ເພີ່ມ ແລະ ສາມາດ​ປິ່ນປົວ​ຜູ້​ຕິດເຊື້ອ​ຫາຍ​ດີ​ແລ້ວ ຈໍາ​ນວນ 14 ຄົນ (ໃນຈໍາ​ນວນ​ຜູ້​ຕິດເຊື້ອ​ທັງ​ໝົດ 19 ຄົນ), ບັນດາ​ອົງການ​ຈັດ​ຕັ້ງ​ສາກົນ ແລະ ປະເທດ​ຕ່າງໆ ໄດ້​ຕີ​ລາຄາ​ສູງ​ວ່າ ສປປ ລາວ ມີ​ມາດ​ຕະການ​ປ້ອງ​ກັນ​ແຕ່​ຫົວທີ ແລະ ປະຕິບັດ​ມາດ​ຕະ ການ​ຕ່າງໆໄດ້​ເປັນ​ຢ່າງ​ດີ ຈຶ່ງ​ສາມາດຄວບ​ຄຸມບໍ່​ໃຫ້​ມີ​ການ ​ແຜ່​ລະບາດ​ອອກ​ສູ່​ວົງ​ກວ້າງ.

  ເຖິງ​ແນວໃດ​ກໍ​ຕາມ, ພວກ​ ເຮົາກໍ​ບໍ່​ຄວນ​ຖື​ເບົາ ແລະ ປະ ໝາດ​ຢ່າງ​ເດັດຂາດ ເນື່ອງຈາກ ​ໃນຕໍ່ໜ້າ​ຍັງ​ມີ​ຄວາມສ່ຽງສູງ ແລະ ສິ່ງ​ທ້າ​ທາຍ​ຈໍານວນ​ບໍ່​ໜ້ອຍທີ່ຈະ​ເກີດ​ມີ​ການລະ ບາດ​ອີກ​ຮອບ​ໃໝ່ ຍ້ອນສະ ພາບການ​ລະບາດຢູ່​ຫຼາຍປະ ເທດຍັງ​ເພີ່ມ​ຂຶ້ນ​ຕໍ່​ເນື່ອງ. ສະ ນັ້ນ, ຈຶ່ງ​ມີ​ຄວາມ​ຈໍາ​ເປັນ​ຕ້ອງ​ໄດ້​ສືບຕໍ່​ປະຕິບັດ​ມາດ​ຕະການ​ປ້ອງ​ກັນ, ຄວບ​ຄຸມ, ສະກັດກັ້ນ ແລະ ແກ້​ໄຂ​ການ​ລະບາດ ຂອງ​ ພະຍາດ COVID-19. ແຕ່​ເພື່ອ​ເຮັດ​ໃຫ້​ມີ​ຜົນ​ກະທົບ​ຕໍ່​ເສດ​ຖະກິດ​-​ສັງຄົມ ໜ້ອຍ​ທີ່​ສຸດ ແລະ ໃຫ້​ສັງຄົມສາມາດ​ກັບ​ມາ​ໃຊ້​ຊີວິດເປັນ​ປົກກະຕິເທື່ອ​ລະ​ກ້າວ, ລັດຖະບານ ໄດ້​ຕົກລົງ ແລະ ຊີ້​ນໍາ ດັ່ງນີ້:

1. ໃຫ້​ບັນດາ​ກະຊວງ, ອົງການ​ທຽບ​ເທົ່າ​ກະຊວງ, ອົງການ​ປົກຄອງ​ທ້ອງຖິ່ນ​ທຸກ​ຂັ້ນ, ພະນັກ ງານ, ລັດຖະກອນ, ທະຫານ, ຕໍາ​ຫຼວດ, ປະຊາຊົນ​ບັນດາເຜົ່າ​ໃນ​ທົ່ວ​ປະເທດ ສືບຕໍ່​ປະຕິບັດ​ບາງ​ມາດ​ຕະການ ຕາມ​ຄໍາ​ສັ່ງ 06/ນຍ ແລະ ຍົກ​ສູງ​ຄວາມ​ຮັບຜິດຊອບ​ໃນ​ການ​ຕິດຕາມ, ເຝົ້າ​ລະວັງ​ການ​ປ້ອງ​ກັນ, ຄວບ​ຄຸມ, ສະກັດ​ກັ້ນ ແລະ ແກ້ໄຂ​ການ​ລະບາດ​ຂອງພະຍາດ COVID-19 ດ້ວຍ​ຄວາມ​ເປັນ​ເຈົ້າ​ການ ແລະ ຄວາມ​ຮັບຜິດຊອບ​ສູງ;

2. ໃຫ້​ປະຊາຊົນ, ພະນັກ ງານ, ລັດຖະກອນ, ທະຫານ, ຕໍາ​ຫຼວດ, ຜູ້​ປະກອບການ, ຊາວ ​ຕ່າງ​ດ້າວ ແລະ ຊາວຕ່າງປະ ເທດ ທີ່​ອາໄສ ຢູ່ ສປປ ລາວ ສືບຕໍ່​ປະຕິບັດ​ຢ່າງ​ເຂັ້ມງວດ​ບັນດາ​ມາດ​ຕະການ​ປ້ອງ​ກັນ​ການ​ຕິດເຊື້ອ ເປັນຕົ້ນ​ແມ່ນ ການ​ຮັກສາ​ໄລຍະ​ຫ່າງ 1 ແມັດ​ຂຶ້ນ​ໄປ, ລ້າງ​ມື​ດ້ວຍ​ນ້ໍາ​ສະອາດ ໃສ່​ສະບູ ຫຼື ເຈ​ວ​ລ້າງ​ມື, ໃສ່​ຜ້າ ອັດ​ປາກ​-​ດັງ, ແທກ​ອຸນຫະພູມ ແລະ ອະນາໄມ​ສະຖານທີ່ ຕາມ​ຄໍາ​ແນະ​ນໍາ ຂອງ​ຄະນະ​ສະເພາະ​ກິດ ວາງ​ອອກ;

3. ໃຫ້​ຄະນະ​ສະເພາະ​ກິດ, ອົງການ​ປົກຄອງ​ທ້ອງຖິ່ນ​ທຸກ​ຂັ້ນ ແລະ ພາກສ່ວນ​ກ່ຽວ ຂ້ອງສືບຕໍ່​ໂຄສະນາ​ເຜີຍແຜ່ ໃຫ້​ສັງຄົມ​ເຂົ້າໃຈ​ຢ່າງ​ເລິກເຊິ່ງ ແລະ ທົ່ວ​ເຖິງ ກ່ຽວ​ກັບ​ຄວາມ​ອັນຕະລາຍ​ຂອງ​ພະຍາດ​ດັ່ງ ກ່າວ ແລະ ມາດຕະການ​ປ້ອງ​ກັນ ໂດຍ​ມີ​ວິທີ​ແນະ​ນໍາ​ຢ່າງ​ລະອຽດ ແລະ ເຂົ້າໃຈງ່າຍ ເພື່ອ​ເຜີຍແຜ່​ຜ່ານ​ສື່​ຕ່າງໆ. ພ້ອມກັນ​ນັ້ນ ກໍໃຫ້​ເອົາໃຈໃສ່​ວຽກ​ງານ​ໂຕ້​ຕອບ ແລະ ຕີ​ຖອຍຂ່າວ​ລວງ, ຂ່າວ​ລື, ຂ່າວ​ອະກຸສົນ ແລະ ຂ່າວ​ປັ່ນ​ປ່ວນ;

4. ເຫັນ​ດີ​ໃຫ້​ປະຕິບັດ​ມາດ​ຕະການ​ຜ່ອນ​ຜັນ​ຈໍາ​ນວນ​ໜຶ່ງ​ເພີ່ມ​ຕື່ມ ເພື່ອ​ໃຫ້​ມີ​ຜົນ​ກະທົບ​ຕໍ່​ເສດ​ຖະ​ກິດ​-​ສັງຄົມໜ້ອຍ​ທີ່​ສຸດ ແລະ ໃຫ້​ສັງຄົມ ສາມາດ​ກັບ​ມາ​ໃຊ້​ຊີວິດ ເປັນ​ປົກກະຕິ ເທື່ອ​ລະ​ກ້າວ, ແຕ່​ໃຫ້​ປະຕິບັດ​ມາດ ຕະການ​ປ້ອງ​ກັນ​ການ​ຕິດເຊື້ອ ເປັນຕົ້ນ ການ​ຮັກສາ​ໄລຍະ​ຫ່າງ 1 ແມັດ​ຂຶ້ນ​ໄປ, ລ້າງ​ມື​ດ້ວຍ​ນ້ໍາ​ສະອາດ​ໃສ່ສະບູ ຫຼື ເຈ​ວ​ລ້າງ​ມື, ໃສ່​ຜ້າ​ອັດ​ປາກ​-​ດັງ, ແທກ ອຸນຫະພູມ ແລະ ອະນາໄມ​ສະ ຖານທີ່ຕາມ​ຄໍາ​ແນະ​ນໍາ​ຂອງ ຄະນະ​ສະເພາະ​ກິດ​ວາງ​ອອກ, ລາຍ​ລະອຽດຂອງ​ບັນດາ​ມາດ​ຕະການ​ທີ່​ຜ່ອນຜັນມີ​ດັ່ງນີ້:

4.1. ອະນຸຍາດ​ໃຫ້ສໍານັກ ​ງານ​ອົງການ​ຂອງ​ພັກ​-​ລັດ, ສໍາ​ນັກ​ງານຂອງ​ບໍລິສັດ ເປີດ​ດໍາ​ເນີນ​ການ​ປົກກະຕິໂດຍ​ໃຫ້​ພະນັກງານ, ລັດຖະກອນ ໄປ​ເຮັດ​ວຽກ​ເປັນ​ປົກກະຕິ ແຕ່​ຕ້ອງ​ໃຫ້​ຮັບປະກັນ​ມາດ​ຕະການ ປ້ອງ​ກັນ​ການ​ຕິດເຊື້ອ​ຕາມ​ຄໍາ​ແນະ​ນໍາ​ຂອງ​ຄະນະ​ສະເພາະ​ກິດ, ຖ້າ​ຫາກ​ສໍາ​ນັກ​ງານ​ອົງ ການ​ໃດ ມີເງື່ອນໄຂ​ເຮັດ​ວຽກ ຜ່ານ​ລະບົບ​ສື່ສານ​ເອ​ເລັກ​ໂຕ​ຼ​ນິກ ແລະ ເຄື່ອ​ຂ່າຍ​ອິນ​ເຕີ​ເນັດ ກໍ​ສາມາດ​ສືບຕໍ່​ຕາມຄວາມ​ເໝາະ​ສົມ;

4.2. ອະນຸຍາດ​ໃຫ້​ປະຊາ ຊົນ, ພະນັກງານ, ລັດຖະກອນ, ທະຫານ, ຕໍາ​ຫຼວດ, ຜູ້​ປະກອບ​ການ, ຊາວ​ຕ່າງ ດ້າວ ແລະ ຊາວ​ຕ່າງປະເທດ​ທີ່​ອາ​ໄສ ຢູ່ ສປປ ລາວ ສາມາດ​ເດີນທາງ​ພາຍ​ໃນ​ປະເທດ​ໄດ້, ແຕ່​ຕ້ອງໃຫ້​ປະ ຕິບັດ​ຕາມ​ມາດ​ຕະການ​ປ້ອງ​ກັນ​ການ​ຕິດເຊື້ອ​ຢ່າງ​ເຂັ້ມ​ງວດ;

4.3. ອະນຸຍາດ​ໃຫ້​ເປີດ​ການ​ຂົນສົ່ງ​ໂດຍສານ​ທາງບົກ, ທາງນ້ຳ, ທາງ​ອາກາດ ພາຍ​ໃນ​ປະເທດ ລະຫວ່າງແຂວງ​ຫາ​ແຂວງ, ແຕ່​ຕ້ອງ​ໃຫ້​ປະຕິບັດ​ຕາມ​ມາດ​ຕະການ​ປ້ອງ​ກັນ​ການ​ຕິດເຊື້ອ ຕາມຄໍາ​ແນະ​ນໍາ​ຂອງຄະນະ​ສະເພາະ​ກິດ ແລະ ຂອງ​ຂະແໜງການ​ກ່ຽວຂ້ອງ ຢ່າງ​ເຂັ້ມ​ງວດ;

4.4. ອະນຸຍາດ​ໃຫ້​ມີ​ການ​ຝຶກ​ອົບຮົມ, ສໍາ​ມະ​ນາ ແລະ ການ​ປະຊຸມ​ເປັນ​ທາງ​ການ ພາຍ​ໃນ​ປະເທດ, ແຕ່​ບໍ່ອະນຸຍາດ​ໃຫ້​ຈັດ​ງານ​ລ້ຽງ ແລະ ໃຫ້​ຮັກສາ​ໄລຍະ​ຫ່າງ 1 ແມັດ​ຂຶ້ນ​ໄປ, ມີບ່ອນລ້າງ​ມື​ດ້ວຍ​ນໍ້າ​ສະອາດ ໃສ່​ສະບູ ຫຼື ເຈ​ວ​ລ້າງ​ມື, ໃສ່​ຜ້າ​ອັດ​ປາກ​-​ດັງ, ແທກ​ອຸນຫະພູມ ແລະ ອະນາໄມ​ສະຖານທີ່ ຕາມ​ຄໍາແນະ​ນໍາ​ຂອງ​ຄະນະ​ສະເພາະ​ກິດ​ວາງ​ອອກ. ສໍາ​ລັບ​ການ​ດໍາ​ເນີນ​ກອງ​ປະຊຸມ​ໃຫຍ່ 3 ຂັ້ນຂອງ​ພັກ ແມ່ນ​ໃຫ້​ປະຕິບັດ​ຕາມຄໍາ​ສັ່ງ​ແນະ​ນໍາ​ເພີ່ມ​ເຕີມ ຂອງ​ຄະນະ​ເລຂາທິການ​ສູນ ກາງ​ພັກ ສະບັບ​ເລກ​ທີ 08/ຄລສພ, ລົງ​ວັນ​ທີ 11 ພຶດສະພາ 2020;

4.5. ໃຫ້​ກະຊວງ​ສຶກສາ​ທິ​ການ ແລະ ກິລາ, ກະຊວງ​ປ້ອງ​ກັນ​ປະເທດ ແລະ ກະຊວງ​ປ້ອງ​ກັນ​ຄວາມ​ສະຫງົບເປີດ​ໂຮງຮຽນ​ຄືນ ໃນ​ຊັ້ນປະຖົມ​ສຶກ ສາ​ປີ​ທີ 5, ມັດທະຍົມ​ສຶກສາ​ປີ​ທີ 4 ແລະ ປີ​ທີ 7 ແລະ ໂຮງ ຮຽນ​ໃນ​ຂົງເຂດ​ປ້ອງ​ກັນ​ຊາດ ແລະ ປ້ອງ​ກັນ​ຄວາມ​ສະຫງົບ ເລີ່ມ​ແຕ່​ວັນ​ທີ 18 ພຶດສະພາ 2020 ໂດຍ​ຮັກສາ​ໄລຍະ​ຫ່າງ 1 ແມັດ​ຂຶ້ນ​ໄປ, ມີ​ບ່ອນ​ລ້າງ​ມື​ດ້ວຍ​ນ້ໍາ​ສະອາດ​ໃສ່​ສະບູ ຫຼື ເຈ​ວ​ລ້າງ ມື, ໃສ່​ຜ້າ​ອັດ​ປາກ​-​ດັງ, ແທກ​ອຸນຫະພູມ ແລະ ອະນາໄມ​ສະຖານທີ່ຕາມ​ຄໍາ​ແນະ​ນໍາ​ຂອງ​ຄະນະສະເພາະ​ກິດ​ວາງ​ອອກ. ສ່ວນ​ໂຮງຮຽນ​ລ້ຽງ​ເດັກ ແລະ ອະນຸບານ, ຊັ້ນ​ຮຽນ ປ1-ປ4, ມ1-ມ3, ມ5-ມ6, ວິທະຍາໄລ, ມະຫາວິທະຍາໄລ ແລະ ສະ​ຖາ​ບັນ​ການ​ສຶກສາ​ລະດັບ​ອື່ນໆ ໃຫ້​ກະກຽມ​ເປີດ​ຮຽນ ເລີ່ມ​ແຕ່​ວັນ​ທີ 2 ມິຖຸນາ 2020 ເປັນຕົ້ນ​ໄປ;

4.6. ອະນຸຍາດ​ໃຫ້​ອອກ​ກໍາ​ລັງ​ກາຍ ຫຼື ຫຼິ້ນ​ກິລາ​ກາງແຈ້ງ ແລະ ໃນ​ຮົ່ມທຸກ​ປະເພດ, ແຕ່​ຕ້ອງ​ປະຕິບັດບັນດາ​ມາດ​ຕະ ການ​ປ້ອງ​ກັນ​ການ​ຕິດເຊື້ອ ຕາມຄໍາ​ແນະ​ນໍາ​ຂອງ​ຄະນະ​ສະເພາະ​ກິດ;

4.7. ອະນຸຍາດ​ໃຫ້​ເປີດ​ດໍາ​ເນີນ​ທຸລະ​ກິດ​ການ​ຄ້າ ແລະ ການ​ບໍລິການ​ຕ່າງໆ ເຊັ່ນ: ຮ້ານ​ອາຫານ, ຮ້ານ​ຂາຍຂອງ​ກິນ​ສຸກ, ຮ້ານ​ຂາຍເຄື່ອງ​ຍ່ອຍ,ຮ້ານ ​ຕັດ​ຜົມ, ຮ້ານ​ເສີມ​ສວຍ, ຕະ ຫຼາດ​ ສົດ, ສູນ​ການ​ຄ້າ, ຮ້ານຄ້າ ຂາຍ​ຍົກ, ຂາຍຍ່ອຍ, ຮ້ານ​ຊຸບ​ ເປີ​ມາ​ເກັດ, ຮ້ານ​ກາເຟ, ຮ້ານ​ສ້ອມແປງ​ລົດ, ຮ້ານ​ລ້າງ​-​ອັດ​ສີດ, ໂຮງ​ງານ​ນ້ໍາ​ດື່ມ, ໂຮງ​ງານ​ນໍ້າ​ກ້ອນ, ສະຖານທີ່​ທ່ອງ​ທ່ຽວ, ຮ້ານ​ນວດ ແລະ ສະ​ປາ​ທຸກ​ປະເພດ ສາ​ມາດ​ດໍາ​ເນີນ​ກິດຈະການ​ໄດ້​ປົກກະຕິ, ແຕ່​ໃຫ້​ຂະແໜງການ​ກ່ຽວຂ້ອງ ອອກ​ຄໍາ​ແນະ​ນໍາ ແລະ ກໍາ​ນົດ​ເວລາ​ເປີດ​-​ປິດ ແຕ່​ລະ​ປະເພດ​ກິດຈະການ​ໃຫ້​ລະອຽດ;

4.8. ບັນດາ​ໂຄງການ, ບໍລິສັດ ແລະ ໂຮງງານ ສາມາດ​ເປີດ​ດໍາ​ເນີນ​ກິດຈະການ​ໄດ້ ໂດຍ​ປະຕິບັດ​ຕາມເງື່ອນໄຂ ແລະ ມາດ​ຕະການທີ່​ໄດ້​ກໍາ​ນົດ​ໃນ​ຄໍາ​ແນະ​ນໍາ ສະບັບ​ເລກ​ທີ 071/ສ​ພກ, ລົງ​ວັນ​ທີ 11 ພຶດສະພາ 2020 ຂອງ​ຄະນະ​ສະເພາະ​ກິດ;

4.9. ອະນຸຍາດ​ໃຫ້​ຊາວ​ຕ່າງປະເທດ ທີ່​ໄດ້​ມາ​ເຮັດ​ວຽກ, ອອກແຮງ​ງານ ແລະ ສຶກສາ ຢູ່ ສປປ ລາວ ກັບ ຄືນ​ປະເທດ​ຂອງ​ຕົນ ຕາມ​ຈຸດ​ປະ​ສົງ. ສໍາ​ລັບ​ນັກ​ສຶກສາ​ລາວ ແລະ ແຮງ​ງານ​ລາວ ທີ່​ຕ້ອງການ​ກັບ​ຄືນໄປ​ຮຽນ ຫຼື ອອກແຮງ​ງານຢູ່​ຕ່າງປະເທດ ແມ່ນ​ສາມາດ​ເດີນທາງ​ໄປໄດ້ ແຕ່​ຕ້ອງ​ໄດ້​ປະຕິບັດ​ຕາມລະ ບຽບ​ການຂອງ​ປະເທດທີ່​ຈະ​ເດີນທາງ​ໄປ​ນັ້ນ.

5. ເຫັນ​ດີ​ໃຫ້​ສືບຕໍ່​ປະຕິ ບັດ​ຢ່າງ​ເຂັ້ມ​ງວດບາງ​ມາດ​ຕະ ການ​ທີ່​ໄດ້​ກໍາ​ນົດ​ໃນ​ຄໍາ​ສັ່ງ 06/ນຍ, ລົງ​ວັນ​ທີ 29 ມີນາ 2020 ດັ່ງນີ້:

5.1. ສືບຕໍ່​ປີດ​ບັນດາ​ກິດ ຈະການ ເປັນຕົ້ນຕະຫຼາດກາງ ຄືນ, ຮ້ານ​ບັນເທີງ, ຮ້ານ​ກິນ​-​ດື່ມ (ເຫຼົ້າ, ເບຍ ແລະ ສິ່ງ​ມຶນເມົາ), ຮ້ານ​ຄາ​ຣາ​ໂອ​ເກະ, ຮ້ານ​ເກມ, ໂຮງສາຍ​ຮູບເງົາ, ກາ​ຊິ​ໂນ ແລະ ການ​ຈັດລາຍການ​ແຂ່ງຂັນ​ກິລາ ທີ່​ມີ​ຜູ້​ເຂົ້າ​ຊົມ​ຈໍາ​ນວນ​ຫຼາຍ ຊຶ່ງ​ບໍ່​ສາມາດ​ຮັກສາ​ໄລຍະ​ຫ່າງ​ເກີນ​ກວ່າ 1 ແມັດ ໄດ້ ແລະ ມີ​ຄວາມ​ສ່ຽງ​ຕໍ່​ການ​ຕິດເຊື້ອ;

5.2. ສືບຕໍ່​ຫ້າມ​ຈັດ​ກິດ​ຈະ​ກໍາຊຸມ​ນຸມ (ບໍ່​ເປັນ​ທາງ​ການ), ຊຸມ​ແຊວ ແລະ ງານ​ສັງ​ສັນ. ຫ້າມ​ຈັດ​ງານປະເພນີ ແລະ ງານ​ດອງ ທີ່​ມີ​ຜູ້​ເຂົ້າ​ຮ່ວມ​ເກີນ 50 ຄົນ ທີ່​ບໍ່​ສາມາດ​ຮັກສາ​ໄລຍະ​ຫ່າງ​ເກີນ​ກວ່າ 1 ແມັດ​ໄດ້ ແລະ ມີ​ຄວາມ​ສ່ຽງ​ຕໍ່​ການ​ຕິດເຊື້ອ;

5.3. ສືບຕໍ່​ປີດ​ດ່ານ​ປະເພ ນີ, ດ່ານ​ທ້ອງຖິ່ນ ແລະ ດ່ານ​ສາກົນ ສໍາ​ລັບ​ການ​ເຂົ້າ​-​ອອກ​ຂອງ​ບຸກຄົນ​ທົ່ວ​ໄປ, ເວັ້ນ​ເສຍ​ແຕ່​ລົດ​ຂົນສົ່ງ​ສິນຄ້າ, ຜູ້​ທີ່​ໄດ້​ກໍາ​ນົດ​ໃນ​ຂໍ້​ທີ 4.9 ຂອງ​ແຈ້ງ​ການ​ສະບັບ​ນີ້ ແລະ ຜູ້​ທີ່​ໄດ້​ຮັບການ​ອະນຸຍາດ​ຈາກ​ຄະນະ​ສະເພາະ​ກິດ;

5.4 ສືບຕໍ່​ໂຈະ​ການ​ອອກ​ວີ​ຊາ​ທຸກ​ປະເພດ ໃຫ້​ບຸກຄົນ​ທົ່ວ​ໄປ ທີ່​ເດີນທາງ​ມາ​ຈາກ ຫຼື ຜ່ານ​ປະເທດ ທີ່​ຍັງ​ມີການ​ລະບາດ ຂອງ​ພະຍາດ COVID-19, ຍົກເວັ້ນ​ແຕ່ ສໍາ​ລັບ​ນັກ​ການ​ທູດ, ຊ່ຽວຊານ, ວິຊາ​ການ ແລະ ແຮງ​ງານ​ຕ່າງປະເທດ ທີ່​ມີ​ຄວາມ​ຈໍາ​ເປັນ ແລະ ຮີບ​ດ່ວນ ເຂົ້າ​ມາ​ປະຕິບັດ​ວຽກ​ງານ​ຢູ່ ສະຖານທູດ, ບັນດາ​ກິດຈະການ ແລະ ໂຄງການ​ຕ່າງໆ ທີ່​ມີ​ຄວາມ​ສໍາ​ຄັນ ແລະ ຈໍາ​ເປັນ, ແຕ່​ຕ້ອງ ປະຕິບັດ​ມາດ​ຕະການ​ຕ່າງໆ ຕາມ​ຄໍາ​ແນະ​ນໍາ ຂອງ​ຄະນະ​ສະເພາະ​ກິດ. ສໍາ​ລັບ​ຂັ້ນ​ຕອນ​ໃນ​ການ ປະຕິບັດ​ຕົວ​ຈິງ ກະຊວງ​ການ​ຕ່າງປະເທດ ຈະ​ອອກ​ຄໍາ​ແນະ​ນໍາ​ຕ່າງ​ຫາກ.

6. ວິທີ​ການຈັດຕັ້ງ​ປະ ຕິບັດ:

6.1. ມາດ​ຕະການ​ຜ່ອນ ຜັນ​ນີ້ແມ່ນ​ເປັນ​ການ​ຊົ່ວຄາວ, ຖ້າ​ມີ​ການ​ລາຍ​ງານ ກໍລະນີ​ຜູ້​ຕິດເຊື້ອ​ເກີດ​ຂຶ້ນຢູ່ໃນ​ແຂວງ​ໃດ​ໜຶ່ງ ຈະ​ໄດ້​ຈໍາ​ກັດ​ການ​ເຂົ້າ​-​ອອກ ແລະ ປະຕິບັດ​ຄືນ​ມາດ​ຕະການ​ຕ່າງໆ ຢ່າງ​ເຂັ້ມ​ງວດ ສະເພາະ​ແຂວງ​ນັ້ນ ຊຶ່ງ​ແມ່ນ​ຄະນະ​ສະເພາະ​ກິດ​ແຂວງ​ນັ້ນ ຈະ​ໄດ້​ເປັນ​ຜູ້​ປະກາດ​ແຈ້ງ​ການ; ຖ້າ​ຫາກເກີດ​ມີ​ຜູ້​ຕິດເຊື້ອເປັນ​ຈຸ້ມ ແຕ່ 2 ແຂວງ​ຂຶ້ນ​ໄປ ແມ່ນ​ຈະ​ໄດ້​ກັບ​ມາ​ປະຕິບັດ​ບັນດາ​ມາດ​ຕະການ​ຕ່າງໆທີ່​ໄດ້​ກໍາ​ນົດ​ໃນ​ຄໍາ​ສັ່ງ​ເລກ​ທີ 06/ນຍ ຄືນໃໝ່ຢ່າງ​ເຂັ້ມ​ງວດ;

6.2. ມອບ​ໃຫ້​ບັນດາກະ ຊວງ, ຂະແໜງການ, ອົງ ການ​ປົກຄອງ​ທ້ອງຖິ່ນ​ທຸກ​ຂັ້ນ ກວດກາ​ຄືນ​ບັນດາ​ນິຕິກໍາ, ຄໍາ​ແນະ​ນໍາ​ຕ່າງໆ​ຂອງ​ຕົນ ເພື່ອ​ປັບປຸງ​ໃຫ້​ສອດຄ່ອງ​ກັບ​ມາດ​ຕະການ​ຕ່າງໆ ທີ່​ໄດ້​ລະບຸ​ໃນ​ແຈ້ງການ​ສະບັບ​ນີ້ ແລະ ຜັນ​ຂະຫຍາຍ​ເປັນ​ອັນ​ລະອຽດ ຢ່າງ​ທັນ​ການ ເພື່ອ​ມີ​ຄວາມ​ເຂົ້າໃຈ​ເປັນ​ເອກະ​ພາບໃນ​ການຈັດຕັ້ງ​ປະຕິບັດ;

6.3. ໃຫ້​ກໍາ​ລັງ​ປ້ອງ​ກັນ ​ຊາດ, ປ້ອງ​ກັນ​ຄວາມ​ສະຫງົບ, ຄະນະ​ສະເພາະ​ກິດ, ບັນດາ​ກະຊວງ, ຂະແໜງການ, ອົງ ການ​ປົກຄອງ​ທ້ອງຖິ່ນ​ທຸກ​ຂັ້ນ ແລະ ທຸກ​ພາກສ່ວນ​ໃນ​ສັງຄົມ ພ້ອມ​ກັນ​ເປັນ​ເຈົ້າ​ການ​ຕິດຕາມ ກວດກາ, ຮັກສາ​ຄວາມ​ສະ ຫງົບ, ຮັກສາ​ຄວາມ​ເປັນ​ລະ ບຽບຮຽບຮ້ອຍ​ໃນ​ສັງຄົມ ແລະ ຈັດ​ຕັ້ງປະຕິບັດ​ມາດ​ຕະການ​ທີ່​ໄດ້​ກໍາ​ນົດ​ໃນ​ແຈ້ງ​ການ​ສະບັບ​ນີ້​ຢ່າງ​ເຂັ້ມ​ງວດ. ກໍລະນີ​ມີ​ການ​ລະເມີດ ແມ່ນໃຫ້​ເຈົ້າ​ໜ້າທີ່​ປ້ອງ​ກັນ​ຄວາມ​ສະຫງົບ ແລະ ເຈົ້າ​ໜ້າທີ່ທີ່​ກ່ຽວຂ້ອງ ດໍາ​ເນີນ​ມາດ​ຕະການ​ຕາມ​ກົດໝາຍ ແລະ ລະບຽບ​ການ​ກ່ຽວຂ້ອງ​ຢ່າງ​ເຂັ້ມ​ງວດ;

6.4. ມາດ​ຕະການ​ທີ່ກໍາ​ ນົດ​ໄວ້​ແຈ້ງ​ການ​ສະບັບ​ນີ້ມີ ຜົນ​ສັກສິດ ນັບ​ແຕ່​ວັນ​ທີ 18 ພຶດ ສະພາ ຫາ 1 ມິຖຸນາ 2020. ໃນ​ພາກ​ປະຕິບັດ​ຕົວຈິງ ຈະໄດ້​ ມີ​ການ​ປະ​ເມີນ, ທົບທວນ ແລະ ດັດ​ປັບ​ໃຫ້​ເໝາະ​ສົມຕື່ມ, ກໍ ລະນີ​ມີ​ການ​ປ່ຽນແປງລັດຖະ ບານຈະແຈ້ງ​ໃຫ້​ຊາບ​ເປັນ​ແຕ່​ລະ​ໄລ​ຍະ.

ດັ່ງນັ້ນ, ຈຶ່ງ​ແຈ້ງ​ມາ​ຍັງ​ທ່ານ ເພື່ອ​ຊາບ ແລະ ປະຕິບັດ​ຕາມ​ເນື້ອ​ໃນ​ແຈ້ງ​ການ​ສະບັບ​ນີ້​ດ້ວຍ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110