Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ສສກ ຈັດສົ່ງ​ອຸ​ປະ​ກອນ​ການ​ຮຽນ ການ​ສອນສຳລັບຊັ້ນຮຽນ ປໍ 2 ສະ​ປັບ​ປັບ​ປຸງ​ໃໝ່

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 19/05/2020 11:57:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1115 ຄັ້ງ

 

 

ກະຊວງສຶກສາທິການ ແລະ ກິລາ(ສສກ), ສະຖານທູດອົຕຣາລີ ແລະ ສະຫະພາບເອີຣົບ ໄດ້ຂຸນຂ້ຽວຈັດສົ່ງປື້ມແບບຮຽນກຽມຄວາມພ້ອມ ສຳລັບການເປີດສົກຮຽນປີໜ້າ ໄດ້ຈັດຂຶ້ນ ເມື່ອວັນທີ 15 ພຶດສະພາ ທີນະຄອນຫຼວງວຽງຈັນ

 

    ລັດຖະບານອົຣາລີ ຮ່ວມມືກັບ ສະຫະພາບເອີຣົບ ໃຫ້ການສະໜັບສະໜູນ ແກ່ ກະຊວງສຶກສາທິການ ແລະ ກິລາ ເພື່ອທົບທວນຄືນຫຼັກສູດຊັ້ນປະຖົມສຶກສາ ແລະ ການຈັດຕັ້ງປະຕິບັດຫຼັກສູດສະບັບປັບປຸງໃໝ່ນັບແຕ່ປີ 2015 ເປັນຕົ້ນມາ. ພາຍໃຕ້ວິກິດການແຜ່ລະບາດຂອງເຊື້ອພະຍາດໂຄວິດ-19 ແມ່ນຍັງສືບຕໍ່ເຮັດວຽກຮ່ວມກັນຢ່າງແໜ້ນແຟ້ນແລະຮີບເລັ່ງເພື່ອໃຫ້ໝັ້ນໃຈວ່າປຶ້ມແບບຮຽນ ພ້ອມອຸປະກອນປະກອບການຮຽນການສອນ ສຳລັບຊັ້ນ.2 ຈະສຳເລັດ ແລະກຽມພ້ອມນຳສົ່ງໄປຫາໂຮງຮຽນປະຖົມສົບບູນແຫ່ງ

ຕ່າງໆໃນທົ່ວປະເທດ​ ​ຫຼັງຈາກມີຄຳສັ່ງຍົກເລີກມາດຕະການ “​ສັ່ງປິດ” (Lock Down) ເພື່ອໃຫ້ທວງທັນກ່ອນການເປີດສົກຮຽນໃໝ່ທີ່ຈະມາເຖິງ  ຖື​ວ່າ​ເປັນ​ສິ່ງ​ທີ່​ທ້າ​ທາຍ​ສົມ​ຄວນ​ສຳ​ລັບ​ທີມ​ຈັດ​ຊື້-ຈັດ​ຈ້າງ ແລະ ທີມ​ງານ​ຂົນ​ສົ່ງ ທີ່​ກະ​ກຽມ​ວຽກ​ງານ​ນີ້​ໃຫ້​ມີ​ຄວາມ​ພ້ອມ​ພາຍ​ໃນ​ເວ​ລາ​ທີ່​ກຳ​ນົດ​ໄວ້​ພາຍ​ໃຕ້​ມາດ​ຕະ​ການ​ເຝົ້າ​ລະ​ວັງ​ ແລະ ຈຳ​ກັດ​ການ​ເດີນ​ທາງເພື່ອ​ສະ​ກັດ​ກັ້ນ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ​ໂຄວິດ-19 ເຊິ່ງ​ການ​ປ້ອງ​ກັນ​ຕ່າງໆ​ແມ່ນ​ໄດ້​ມີ​ການ​ກະ​ກຽມ​ໄວ້​ກ່ອນ​ລ່ວງ​ຫນ້າ​ໄລ​ຍະ​ຫນຶ່ງ ແລະ ມີ​ການ​ຕິດ​ຕາມເຝົ້າ​ລະ​ວັງ​ຢ່າງ​ໃກ້​ຊິດ​ກັບທີມ​ງານ​ເຮັດ​ວຽກ. ​ການ​ຫຸ້ມ​ຫໍ່​ປື້ມອ​່ານ​ເສີມ​ຈຳ​ນວນ 683.645 ຫົວ, ປຶ້ມນິທານຈຳນວນ 159.205 ຫົວ ແລະ ຮູບພາບປະກອບຄຳສັບຈຳນວນ 18.730 ຊຸດ ໄດ້ຖືກບັນຈຸເຂົ້າໃນແກັດທັງຫມົດເປັນຈຳນວນ 9.365 ແກັດ. ພະນັກງານທັງຫມົດໄດ້ເຮັດວຽກຢ່າງຮີບດ່ວນເພື່ອໃຫ້ສຳເລັດກ່ອນມີມາດຕະການສັ່ງປິດ ສະບັບເລກທີ 06/ນຍ. ທີມງານໄດ້ສ້າງລະບົບຕິດຕາມ​​ແບບທາງໄກຂຶ້ນເພື່ອສະດວກໃນການກວດແກ້ ແລະ ອະມັດການຈັດພິມປຶ້ມແບບຮຽນຊັ້ນ.2 . ປຶ້ມແບບຮຽນທັງໝົດແມ່ນຫຸ້ມຫໍ່ດ້ວຍເຈ້ຍເຄືອບຫນາ 90 ແກຼມ ເພື່ອເປັນການຫຼຸດຜ່ານການນຳໃຊ້ພາຕິກ ແລະ ເພື່ອປ້ອງກັນນ້ຳຊຶມແທນທີ່ຈະໃຊ້ຢາງພາຕິກຫໍ່. ນອກຈາກນັ້ນແລ້ວ, ນັກຮຽຍັງສາມາດນຳເອົາເຈ້ຍຫໍ່ນັ້ນ​​ມານຳໃຊ້ຄືນເປັນເຈ້ຍຫໍ່ປຶ້ມແບບຮຽນໄດ້ອີກເພື່ອກັນນ້ຳ ແລະ ກັນບໍ່ໃຫ້ປຶ້ມແບບຮຽນເປື້ອນເປິະ.

ຊຸດອຸປະກອນທັງໝົດແມ່ນຖືກຂົນສົ່ງຈາກສາງສູນກາງທີ່ນະຄອນຫຼວງວຽງຈັນໂດຍບໍລິສັດອຸດົມສິດ, ບໍລິສັດຮັບເໝົາຂົນສົ່ງ-ໂລຈີຕິກ, ໄປຫາຫ້ອງການສຶກສາທິການ ແລະ ກິລາເມືອງ ຈຳນວນ 148 ​ເມືອງໃນທົ່ວປະເທດ. ລົດຂົນສົ່ງຂອງບໍລິສັດອຸດົມສິດແມ່ນໄດ້ຮັບອະນຸຍາດໃຫ້ເດີນທາງຜ່ານແຂວງຕ່າງໆ ແລະ ຈຳໃຊ້ເວລາພຽງແຕ່ 12 ມື້ເທົ່ານັ້ນໃນການຂົນສົ່ງຄັ້ງນີ້ ແລະ ຫຼັງຈາກນັ້ນທາງຫ້ອງການສຶກສາທິການ ແລະ ກິລາເມືອງຈະຮ່ວມວາງແຜນກັບໂຮງຮຽນເພື່ອນຳສົ່ງ ຫຼື ເດີນທາງມາຮັບເອົາແກັດໄປໃຫ້ໂຮງຮຽນຂອຕົນ.

ນັກຮຽນປະຖົມສຶກສາຊັ້ນ .2 ທຸກໆຄົນຈະໄດ້ຮັບປຶ້ມແບບຮຽນຄົນລະຊຸດລວມມີ ປຶ້ມແບບຮຽນພາສາລາວ, ປຶ້ມແບບຮຽນວິທະຍາສາດ ແລະ ສິ່ງແວດລ້ອມ ແລະ ວິຊາຄຸນສົມບັດສຶກສາ. ປຶ້ມແບບຮຽນເຫຼັ້ມໃໝ່ນີ້ມີສີສັນແລະ ລວດລາຍທີ່ສວຍງານເພື່ອດຶງດູດຄວາມສົນໃຈຂອງນັກຮຽນ ແລະ ຊ່ວຍໃນການຈື່ຈຳອີກດ້ວຍ. ໂຮງຮຽນປະຖົມສຶກສາສົມູນແຕ່ລະແຫ່ງຈະໄດ້ຮັບແກັດອຸປະກອນຢ່າງໜ້ອຍ 1 ແກັດ, ອີງຕາມຈຳນວນນັກຮຽນຂັ້ນ .2 ຂອງແຕ່ລະໂຮງຮຽ. ໃນແຕ່ລະແກັດກອບມີ: ປຶ້ມນິທານ 17 ຫົວ​, ປຶ້ມອ່ານເສີມ 72 ຫົວ ແລະ ຮູບພາບປະກອບຄຳສັບ 2 ຊຸດ. ປຶ້ນິທານ ແລະ ປຶ້ມອ່ານເສີມແມ່ນມີຄວາມສຳຄັນຫຼັກໆທີ່ຈະຊ່ວຍໃຫ້ນັກຮຽນພັດທະນາການຮຽນ​​ພາສາລາວໂດຍຈະແມ່ນນາຍຄູເປັນຄົນອ່ານປຶ້ມນິທານໃຫ້ນັກຮຽນຟັງ. ສຳລັບປຶ້ມອ່ານເສີມແມ່ນບົດເລື່ອງທີ່ເຂົ້າໃຈງ່າຍທີ່ຈະຊ່ວຍໃຫ້ເດັກນ້ອຍໄດ້ຮຽນອ່ານໄດ້ດ້ວຍຕົນເອງ. ສ່ວນບັດຮູບພາບປະກອບນັ້ນ ແມ່ນພາບກ່ຽວກັບກິດຈະກຳທົ່ວໄປຂອງເດັກນ້ອຍທີ່ໃຊ້ຊີວິດໃນຕົວເມືອງໃຫຍ່ ແລະ ເຂດຊົນນະບົດ ເພື່ອໃຫ້ນາຍຄູສາມາດນຳມາອະທິບາຍໃຫ້ນັກຮຽນຟັງ ສິ່ງນີ້ຈະຊ່ວຍພັດທະນາການຄົ້ນຄິດ, ການຈິນຕະນາການ ແລະ ການວິເຄາະແບບກວ້າງຂວາງຂອງເຂົາເຈົ້າ.

ອຸປະກອນປະກອບການຮຽນການສອນທັງໝົດນີ້ແມ່ນຖືກອອກແບບມາເພື່ອການຮຽແບບມີສ່ວນຮ່ວມຂອງນັກຮຽນ ເຊິ່ງມັນເປັນຈິດໃຈຫຼັກຂອງຫຼັກສູດການສອນສະບັບປັບປຸງໃໝ່ນີ້. ແຕ່ລະຫົວຂໍ້ໃນປຶ້ມແບບຮຽນ ແລະ ອຸປະກອນເສີມແມ່ນໄດ້ຜ່ານການກວດແກ້ຢ່າງພິຖີພິຖັນເພື່ອໃຫ້ໝັ້ນໃຈໄດ້ວ່າຫຼັກສູດສະບັບໃໝ່ນີ້ເໝາະສົມກັບນັກຮຽທຸກໆຄົນ.(ຂ່າວ:ສ​ສກ)

 

 

 

 

 

 

 

 

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110