ພິທີ​ປະກາດ​ແຕ່ງຕັ້ງ​ຮອງ​ຫົວໜ້າ​ພະ​ແນກ ແລະ ປະກາດ​ພະນັກງານ​ອອກ​ພັກ​ການ​-​ຮັບ​ອຸດ​ໜູນ​ບຳນານ ຂອງ​ພະ​ແນກ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ແຂວງ ບໍ​ລິ​ຄຳ​ໄຊ ໄດ້​ຈັດ​ຂຶ້ນ​ໃນ​ວັນ​ທີ 10 ມິຖຸນາ​ຜ່ານ​ມາ ຢູ່​ຫ້ອງ​ປະຊຸມ​ພະ​ແນ​ກ​ດັ່ງກ່າວ, ໃຫ້​ກຽດ​ເຂົ້າ​ຮ່ວມ​ໂດຍ ທ່ານ ບຸນມາ ບຸ​ຈະ ເລີນ ຮອງ​ເຈົ້າແຂວງ​ບໍ​ລິ​ຄຳ​ໄຊ, ມີ​ແຂກ​ຖືກ​ເຊີນ​ເຂົ້າ​ຮ່ວມ.
   ໃນ​ພິທີ ທ່ານ ບຸນ​ຄົບ ຈັນ ທະ​ວົງ ຮອງ​ຫົວໜ້າ​ຄະນະ​ຈັດ​ຕັ້ງ​ແຂວງ ໄດ້​ຜ່ານ​ຂໍ້​ຕົກລົງຂອງ ​ທ່ານ​ເຈົ້າແຂວງ ສະບັບ​ເລກ​ທີ 249/ຂບຊ, ລົງ​ວັນ​ທີ 27 ພຶດ ສະພາ 2020 ວ່າ​ດ້ວຍ​ການ ແຕ່ງຕັ້ງ ທ່ານ ບົວ​ສອນ ບຸດ​ຊາວ​ດອນ ເປັນ​ຮອງ​ຫົວໜ້າ​ພະ​ແນກ ຖວທ ແຂວງ, ຜ່ານ​ຂໍ້​ຕົກລົງ ສະບັບ​ເລກ​ທີ  250/ຂບຊ ແລະ 251/ຂບຊ, ລົງ​ວັນ​ທີ 27 ພຶດສະພາ 2020 ວ່າ​ດ້ວຍ​ການ​ອະນຸ​ມັດ​ໃຫ້ ທ່ານ ນາງ ຄຳ​ຍອງ ຈອມ​ມະນີ​ວົງ ແລະ ທ່ານ ສົມ​ສີ ວິໄລ​ຜົນ ຮອງ​ຫົວໜ້າ​ພະ​ແນກ ຖວທ ແຂວງ ອອກ​ພັກ​ການ​-​ຮັບ​ອຸດ​ໜູນ​ບຳນານ.
   ໃນ​ພິທີ​ທ່ານຮອງ​ເຈົ້າ ແຂວງ​ບໍ​ລິ​ຄຳ​ໄຊ ໄດ້​ໂອ້​ລົມໃຫ້​  ທິດ​ຊີ້​ນໍາ ຊຶ່ງ​ທ່ານ​ໄດ້​ຍ້ອງຍໍຊົມ ເຊີຍ​ຕໍ່​ຜົນງານ ແລະ ຜົນສຳ ເລັດຂອງ​ທັງ​ສອງ​ສະຫາຍ​ທີ່​ອອກ​ພັກ​ການ ​-​ ຮັບ​ອຸດ​ໜູນ​ບຳ ນານ​ຍາດ​ມາ​ໄດ້​ໃນໄລ ຍະຜ່ານ​ ມາທີ່​ໄດ້​ສະແດງ​ໃຫ້​ເຫັນ​ເຖິງ​ຄວາມ​ເສຍສະຫຼະ ແລະ ຄວາມ​ເອົາໃຈໃສ່​ສູງ ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ. ພ້ອມ​ນັ້ນ, ທ່ານ​ຍັງ​ໄດ້​ຍົກ​ໃຫ້​ເຫັນ​ວ່າການ​ແຕ່ງຕັ້ງ, ຍົກຍ້າຍ​ພະນັກງານ​ຊີ້​ນຳ​-​ນຳພາ ແມ່ນ​ວຽກ​ງານປົກ ກະຕິ ທັງ​ນີ້​ກໍ​ເພື່ອ​ແນໃສ່​ເຮັດ​ໃຫ້​ວຽກ​ງານ​ໄດ້​ມີ​ການ​ຂະຫຍາຍ ຕົວ​ຕາມ​ທິດ​ຂອງ​ຂັ້ນ​ເທິງ​ວາງ​ອອກ. ໂອກາດ​ນີ້, ທ່ານ​ຍັງ​ໄດ້​ຮຽກຮ້ອງ​ໃຫ້​ຜູ້​ທີ່​ໄດ້​ຮັບ​ການ​ແຕ່ງຕັ້ງ ຈົ່ງ​ໄດ້​ສືບຕໍ່​ປະຕິບັດ​ໜ້າທີ່​ວຽກ​ງານ​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ ພ້ອມ​ທັງ​ຍົກ​ສູງ​ຄວາມ​ຮູ້ ຄວາມ​ສາມາດ, ແບບແຜນ​ວິທີ​ເຮັດ​ວຽກ ແລະ ມີ​ຄວາມ​ສາມັກຄີ​ເປັນ​ໝູ່​ຄະນະ ບົນ​ພື້ນຖານ​ຫຼັກການ​ລວມ​ສູນ​ປະຊາທິປະໄຕ ເພື່ອ​ພ້ອມ​ກັນ​ເຮັດ​ສຳເລັດ​ທຸກ​ໜ້າທີ່​ວຽກ​ງານ​ທີ່​ການຈັດຕັ້ງ​ພັກ​-​ລັດ ແລະ ປະຊາຊົນ​ມອບ​ໝາຍ​ໃຫ້.
   (ຂ່າວ​-​ພາບ: ຖວທ​ແຂວງ)