ໜັງສືພິມ ປະຊາຊົນ

ກອງປະຊຸມໃຫຍ່ຄັ້ງທີ III ຂອງໜ່ວຍພັກ ສະຖາບັນການຕ່າງປະເທດ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 24/06/2020 08:48:27 ຈຳນວນຢ້ຽມຊົມ 2512 ຄັ້ງ

ກອງປະຊຸມໃຫຍ່ ຄັ້ງທີ III ຂອງໜ່ວຍພັກ ສະຖາບັນການຕ່າງປະເທດ ໄດ້ເປີດຂຶ້ນເມື່ອບໍ່ດົນມານີ້ ທີ່ກະຊວງການຕ່າງ ປະເທດ ໂດຍການໃຫ້ກຽດເຂົ້າຮ່ວມເປັນປະທານຂອງສະຫາຍ ສະເຫຼີມໄຊ ກົມມະສິດ ກໍາມະການສູນກາງພັກ ເລຂາຄະນະບໍລິຫານງານພັກ ກະຊວງການ ຕ່າງປະເທດ, ມີສະຫາຍເລຂາ, ຮອງເລຂາ, ສະມາຊິກພັກສົມ ບູນ, ສຳຮອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມໄດ້ເຫັນດີຮັບ ຮອງເອົາບົດລາຍງານການ ເມືອງ ແລະ ບົດສະຫຼຸບສຳຫຼວດການຊີ້ນຳ-ນຳພາລວມຂອງຄະນະໜ່ວຍພັກຊຸດເກົ່າໃນໄລຍະ 5 ປີຜ່ານມາ ຊຶ່ງໄດ້ ສັງເກດຕີລາຄາຮອບດ້ານຕໍ່ຜົນສຳເລັດ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້ໃນການຊີ້ນຳ-ນຳພາຂອງຄະນະໜ່ວຍພັກ. ພ້ອມດຽວກັນນີ້, ກໍໄດ້ກຳນົດທິດທາງແຜນການ ແລະ ໜ້າທີ່ຈຸດສຸມ ສຳລັບປີ 2020-2025 ໂດຍອີງຕາມເນື້ອໃນບົດລາຍງານການເມືອງຂອງກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ, ວິໄສທັດ ຮອດປີ 2030, ພ້ອມທັງກໍານົດວິທີການຈັດຕັ້ງປະຕິບັດທິດທາງແຜນການທີ່ໄດ້ກໍານົດໄວ້ ໃຫ້ປະກົດຜົນເປັນຈິງ.
ກອງປະຊຸມຄັ້ງນີ້ ໄດ້ເຫັນ ດີເປັນເອກະພາບກັນຮັບຮອງ ແຜນການຈຸດສຸມຂອງໜ່ວຍ ພັກສະຖາບັນການຕ່າງປະ ເທດ ເພື່ອຊີ້ນໍາ-ນໍາພາການ ເຄື່ອນໄຫວວຽກພັກ ແລະ ພະ ນັກງານໃນຕໍ່ໜ້າ. ໃນກອງ ປະຊຸມໄດ້ປ່ອນບັດຄັດເລືອກ ເອົາຄະນະໜ່ວຍພັກຊຸດໃໝ່ ຈຳນວນ 3 ສະຫາຍ, ໃນນັ້ນ ສະຫາຍ ໄມ ໄຊຍະວົງ ເປັນເລຂາໜ່ວຍພັກ, ສະຫາຍ ນາງ ໄກມະນີ ອໍລະບູນ ເປັນຮອງເລຂາໜ່ວຍພັກ ແລະ ສະຫາຍ ອິນທະສອນ ທິຣະກຸນ ເປັນກໍາມະການ ທັງເປັນປະທານກວດກາ.
ສະຫາຍ ສະເຫຼີມໄຊ ກົມ ມະສິດ ໄດ້ສະແດງຄວາມຍ້ອງ ຍໍຊົມເຊີຍຕໍ່ຜົນງານຂອງໜ່ວຍ ພັກ ສະຖາບັນການຕ່າງປະ ເທດ ຕະຫຼອດໄລຍະທີ່ຜ່ານມາ ແລະ ໄດ້ໃຫ້ທິດຊີ້ນຳໃຫ້ໜ່ວຍພັກສືບຕໍ່ເສີມຂະຫຍາຍມູນເຊື້ອຂອງຕົນ, ໃຫ້ຖືວຽກງານກໍ່ສ້າງພັກ-ພະນັກງານ ເປັນບຸລິມະສິດຕົ້ນຕໍ, ເພີ່ມທະວີການນຳພາດ້ານການເມືອງ-ແນວຄິດ ຕໍ່ສະມາຊິກພັກ-ພະນັກງານສະຖາບັນການ ຕ່າງປະເທດ, ເພີ່ມທະວີຄວາມສາມັກຄີພາຍໃນໜ່ວຍພັກ, ຍົກສູງຫຼັກການລວມສູນປະ ຊາທິປະໄຕ, ກໍ່ສ້າງຂະຫຍາຍ ສະມາຊິກພັກໃຫ້ໄດ້ຄຸນນະພາບ, ການກໍ່ສ້າງບໍາລຸງພະນັກ ງານດ້ານການຄົ້ນຄວ້າ, ຂີດຂຽນ, ພາສາຕ່າງປະເທດຄຽງ ຄູ່ກັບຄວາມຮູ້ດ້ານວິຊາສະເພາະໃນດ້ານຕ່າງໆ ແລະ ເຊີດຊູຄວາມເປັນເຈົ້າການ ແລະ ຄວາມຮັບຜິດຊອບຕໍ່ໜ້າທີ່ ການເມືອງຂອງຕົນ. ຍາດໄດ້ ຜົນສຳເລັດອັນໃໝ່ຍິ່ງໃຫຍ່ກວ່າເກົ່າ ແລະ ກໍ່ສ້າງໜ່ວຍພັກສະຖາບັນການຕ່າງປະເທດໃຫ້ກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໃນຕໍ່ໜ້າ.
(ຂ່າວ: ກະຊວງການຕ່າງ ປະເທດ)

ຂ່າວທີ່ໄດ້ຮັບຄວາມນິຍົມ