Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະພາ ຮັບຮອງເອົາການປັບປຸງກົດໝາຍ 2 ສະບັບ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 02/07/2020 08:57:31 ຈຳ​ນວນ​​ຢ້ຽມ​ຊົມ 3032 ຄັ້ງ

ກອງ​ປະຊຸມ​ສະໄໝ​ສາ ມັນເທື່ອ​ທີ 9 ຂອງ​ສະພາ​ແຫ່ງ ​ຊາດ ຊຸດ​ທີ VIII ໃນ​ວັນ​ທີ 1 ກໍລະກົດ​ນີ້ ພາຍ​ໃຕ້​ການ​ເປັນ​ປະທານ​ຂອງ​ທ່ານ  ​ບຸນ​ປອນ ບຸດ​ຕະ​ນະ​ວົງ ຮອງ​ປະທານ​ສະພາ​ແຫ່ງ​ຊາດ ໄດ້​ສະເໜີ​ປັບປຸງ​ກົດໝາຍ​ວ່າ​ດ້ວຍ​ນ້ຳ ແລະ ຊັບພະຍາກອນ​ນ້ຳ ແລະ ກົດໝາຍ​ວ່າ​ດ້ວຍ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ.
ທ່ານ ສົມ​ມາດ ພົນ​ເສນາ ລັດຖະມົນຕີ ກະຊວງ​ຊັບ​ພະ ຍາ​ກອນ​ທໍາ​ມະ​ຊາດ​ ແລະ​ສິ່ງແວດລ້ອມ (ກຊສ) ໄດ້​ຂຶ້ນ​ສະເໜີ​ຮ່າງ​ກົດໝາຍ​ວ່າ​ດ້ວຍ​ການ​ປັບປຸງ​ບາງ​ມາດຕາ​ຂອງ​ກົດໝາຍ​ວ່າ​ດ້ວຍ​ນໍ້າ ແລະ ຊັບ​ພະຍາ​ກອນ​ນໍ້າ (ສະບັບ​ປັບປຸງ) ແລະ ກົດໝາຍ​ວ່າ​ດ້ວຍ​ການ​ປົກ​ປັກ​ຮັກສາ​ສິ່ງແວດລ້ອມ (ສະບັບ​ປັບປຸງ)  ຊຶ່ງ​ທ່ານ​ໄດ້​ຍົກ​ເຫດຜົນ ແລະ ຄວາມ​ຈໍາ​ເປັນ ໃນ​ການ​ສະເໜີ​ປັບປຸງ​ບາງ​ມາດຕາ​ຂອງ​ກົດໝາຍ​ວ່າ​ດ້ວຍ​ນໍ້າ ແລະ ຊັບ​ພະຍາ​ກອນ​ນໍ້າ ເນື່ອງ​ຈາກ​ວ່າ ໃນ​ມາດຕາ 34 ແລະ 35 ຂອງ​ກົດໝາຍ​ວ່າ​ດ້ວຍ​ນໍ້າ ແລະ ຊັບ​ພະຍາ​ກອນ​ນໍ້າ ໄດ້​ກໍາ​ນົດ​ໄວ້​ວ່າ: ຂະ ແໜງການ​ຊັບ​ພະຍາ​ກອນ​ທໍາ​ມະ​ຊາດ​ ແລະ​ ສິ່ງແວດລ້ອມ ເປັນ​ຜູ້​ຮັບຜິດຊອບ​ໃນ​ການ​ສໍາ​ຫຼວດ, ຈັດ​ສັນ​ທີ່​ດິນ​ບໍລິເວນ​ນໍ້າ ແລະ ວາງ​ແຜນການ​ປົກ​ປັກ​ຮັກສາ, ພັດທະນາ ແລະ ຟື້ນ​ຟູ​ທີ່​ດິນ​ດັ່ງກ່າວ;  ແຕ່​ໃນ​ກົດໝາຍ​ວ່າ​ດ້ວຍ​ທີ່​ດິນ​ສະບັບ​ປັບປຸງ​ປີ 2019 ແລະ ມະຕິ​ກອງ​ປະຊຸມ​ສະພາ​ແຫ່ງ​ຊາດ ສະບັບ​ເລກ​ທີ 098/ສພຊ, ລົງ​ວັນ​ທີ 28 ມິຖຸນາ 2018 ວ່າ​ດ້ວຍ​ແຜນ​ຈັດ​ສັນ​ທີ່​ດິນ​ແຫ່ງ​ຊາດຮອດ​ປີ 2030  ຊຶ່ງ​ໃນ​ນັ້ນ ທີ່ດິນ ​ບໍລິເວນ​ນໍ້າ ແມ່ນ​ນອນ​ຢູ່ໃນ​ເນື້ອທີ່​ດິນ​ທີ່​ຈະ​ສະຫງວນ ແລະ ອະນຸລັກ​ໄວ້ ເພື່ອ​ໃຫ້ເປັນ​ ເນື້ອທີ່​ປ່າໄມ້​ປົກ​ຫຸ້ມ 70% ຂອງ​ ເນື້ອ ທີ່​ດິນ​ທົ່ວ​ປະເທດ ແລະ ທີ່​ດິນ ​ບໍລິເວນ​ນຳ້ ນອນ​ຢູ່​ໃນເນື້ອທີ່ ດິນທີ່​ຈະ​ນໍາ​ໃຊ້ ແລະ ພັດທະ ນາ 30% ຂອງ​ເນື້ອທີ່ດິນທົ່ວ​ປະເທດ  ໂດຍ​ແມ່ນ ກຊສ ເປັນ​ຜູ້​ຄຸ້ມ​ຄອງ​ທີ່​ດິນ​ທຸກ​ປະ ​ເພດ.  
ສະນັ້ນ, ເພື່ອ​ໃຫ້​ສອດຄ່ອງ​ກັບ​ກົດໝາຍ​ວ່າ​ດ້ວຍ ທີ່​ດິນ​ສະບັບ​ປັບປຸງ​ປີ 2019 ຈຶ່ງ​ສະ ເໜີ​ປັບປຸງ​ບາງ​ມາດຕາ​ຂອງ​ກົດໝາຍ​ວ່າ​ດ້ວຍ​ນໍ້າ ແລະ ຊັບ​ພະຍາ​ກອນ​ນໍ້າ ຄື: ມາດຕາ 34 ທີ່​ດິນ​ບໍລິເວນ​ນໍ້າ ແລະ ມາດຕາ 35 ການ​ນໍາ​ໃຊ້, ການ​ປົກ​ປັກ​ຮັກສາ ແລະ ການ​ພັດທະນາ​ທີ່​ດິນ​ບໍລິເວນ​ນໍ້າ.  
ສ່ວນ​ເຫດຜົນ ແລະ​ ຄວາມ​ຈໍາ​ເປັນ​ໃນ​ການ​ປັບປຸງ​ບາງ​ມາດຕາ​ກົດໝາຍ​ວ່າ​ດ້ວຍ​ທີ່​ດິນ ສະບັບ​ປັບປຸງ​ປີ 2019 ໄດ້​ກໍາ​ນົດ​ວ່າ: ແຜນ​ຈັດ​ສັນ​ທີ່​ດິນ​ທ້ອງຖິ່ນ ປະກອບ​ມີແຜນ​ຈັດ​ສັນ​ທີ່​ດິນ, ການ​ນໍາ​ໃຊ້​ຊັບ​ພະຍາ​ກອນ​ທໍາ​ມະ​ຊາດ​ຂອງ​ຂັ້ນ​ແຂວງ, ເມືອງ, ບ້ານ ພ້ອມ​ທັງ​ກໍາ​ນົດ​ເຂດ​ຄວາມ​ສ່ຽງ ຈາກ​ການ​ປ່ຽນແປງ​ດິນ​ຟ້າ​ອາກາດ ໂດຍ​ສອດຄ່ອງ​ກັບ​ແຜນ​ແມ່​ບົດ​ຈັດ​ສັນ​ທີ່​ດິນ​ແຫ່ງ​ຊາດ ແລະ ແຜນ​ນໍາ​ໃຊ້​ທີ່​ດິນ​ຂອງ​ຂະແໜງການ, ຈຸດ​ພິເສດ​ທ່າແຮງ​ທາງ​ດ້ານ​ຊັບ​ພະຍາ​ກອນ​ທໍາ​ມະ​ຊາດ, ທີ່​ຕັ້ງ​ພູມ​ສັນຖານ​ໃນ​ແຕ່​ລະ​ທ້ອງຖິ່ນ ແລະ ວຽກ​ງານ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະ ຫງົບ ເພື່ອ​ບໍ່​ໃຫ້​ຊໍ້າ​ຊ້ອນ ແລະ ເຮັດ​ໃຫ້ການ​ສ້າງ​ແຜນ​ຄຸ້ມ​ຄອງ​ສິ່ງແວດລ້ອມ​ແບບ​ຮອບດ້ານ ໃຫ້​ເຂົ້າ​ເປັນ​ແຜນ​ດຽວ​ກັນ​ກັບ ແຜນການ​ຈັດ​ສັນ​ທີ່​ດິນ​ທ້ອງຖິ່ນ, ສ່ວນ​ການ​ປະ​ເມີນ​ສິ່ງແວດລ້ອມ ແບບ​ຍຸດທະສາດ​ຕ້ອງ​ກົມກຽວ​ກັບ​ແຜນ​ແມ່​ບົດ​ຈັດ​ສັນ​ທີ່​ດິນ​ແຫ່ງ​ຊາດ.
ເນື້ອ​ໃນ​ການ​ປັບປຸງ​ມາດ ຕາ 34 ແລະ 35 ຂອງ​ກົດໝາຍ​ວ່າ​ດ້ວຍ​ນໍ້າ ແລະ ຊັບ​ພະຍາ​ກອນ​ນໍ້າ (ສະບັບ​ປັບປຸງ 2017) ແລະ ມາດຕາ 18 ແລະ ມາດຕາ 19 ຂອງ​ກົດໝາຍ​ວ່າ​ດ້ວຍ​ການ​ປົກ​ປັກ​ຮັກສາ​ສິ່ງແວດລ້ອມ (ສະບັບ​ປີ 2012).  ສໍາ​ລັບ​ການ​ປັບປຸງ​ມາດຕາ 34 ໄດ້​ປັບປຸງ​ວັກ​ທີ 1 ແລະ​ ວັກ​ທີ 3,  ສ່ວນ​ມາດຕາ​ທີ 35 ໄດ້​ປັບປຸງ​ວັກ​ທີ 1  ວັກ​ທີ 2  ແລະ ໄດ້​ຕັດ​ວັກ​ທີ 3 ອອກ.  ນອກຈາກ​ນັ້ນ ໄດ້​ປັບປຸງ ມາດຕາ​ທີ 18 ໃນ​ຂໍ້​ທີ 1, ສ່ວນ​ມາດຕາ​ທີ 19 ໄດ້​ປັບປຸງ​ວັກ​ທີ 2 ຂອງ​ກົດໝາຍ​ວ່າ​ດ້ວຍ​ການ​ປົກ​ປັກ​ຮັກສາ​ສິ່ງແວດລ້ອມ ສະບັບ​ປັບປຸງ ເພື່ອ​ໃຫ້​ສອດຄ່ອງ ກັບ​ກົດໝາຍ​ວ່າ​ດ້ວຍ​ທີ່​ດິນ ສະບັບ​ປັບປຸງ​ປີ 2019.
ພາຍຫຼັງ​ໄດ້​ຮັບ​ຟັງ​ການ​ຜ່ານ​ຮ່າງ​ກົດໝາຍ 2 ສະບັບ​ແລ້ວ, ບັນດາ ສສຊ ໄດ້​ຜັດປ່ຽນ​ກັນ​ປະ​ກອບ​ຄໍາ​ຄິດ​ເຫັນ​ຢ່າງ​ກົງ​ໄປ​ກົງ​ມາ​ໃສ່​ກົດໝາຍ​ດັ່ງກ່າວ ເພື່ອ​ໃຫ້​ມີ​ເນື້ອ​ໃນ​ອຸດົມ​ສົມ​ບູນ, ຮັດກຸມ, ກະທັດ​ຮັດ. ກ່ອນ​ຈະ​ຮັບຮອງ​ເອົາຮ່າງ​ກົດໝາຍ​ດັ່ງກ່າວ ດ້ວຍ​ຄະແນນ​ສຽງ​ເຫັນ​ດີ​ເອກະ​ພາບ​ເປັນ​ສ່ວນ​ຫຼາຍ.
(ຂ່າວ-ພາບ:  ນາງ​ແສງ​ຈັນ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com