ໜັງສືພິມ ປະຊາຊົນ

ຄກສພ-ອກລ ເຜີຍແຜ່ ເຊື່ອມຊຶມມະຕິ 10 ສະໄໝທີ X ຂອງພັກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 20/07/2020 10:37:51 ຈຳນວນຢ້ຽມຊົມ 2421 ຄັ້ງ

ວັນທີ 17 ກໍລະກົດ ຜ່ານ ມາ ຄະນະກວດກາສູນກາງ ພັກ-ອົງການກວດກາລັດຖະບານ (ຄກສພ-ອກລ) ໄດ້ສໍາເລັດກອງປະຊຸມເຜີຍແຜ່, ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກສະໄໝທີ X ແລະ ສາມມະຕິຂອງກົມການເມືອງສູນກາງພັກໃຫ້ແກ່ສະມາຊິກພັກ-ພະນັກງານລັດຖະກອນທົ່ວ ຄກສພ-ອກລ ພາຍຫຼັງດໍາເນີນມາເປັນວັນເຄິ່ງ (16-17 ກໍລະກົດ 2020) ໂດຍການເປັນປະທານ ແລະ ໃຫ້ເຜີຍແຜ່ຂອງ ສະຫາຍ ບຸນທອງ ຈິດມະ ນີ ກໍາມະການກົມການເມືອງ ສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ-ອົງການກວດກາ ລັດຖະບານ, ມີຄະນະປະຈໍາພັກ, ຄະນະພັກ, ຮອງປະທານ, ຄະນະກົມ-ຫ້ອງການ ພະນັກ ງານຫຼັກແຫຼ່ງ ແລະ ພະ ນັກງານທົ່ວ ຄະນະກວດກາສູນກາງພັກ ແລະ ອົງການກວດກາລັດຖະບານ ເຂົ້າຮ່ວມຢ່າງພ້ອມພຽງ.
ກອງປະຊຸມເຜີຍແຜ່, ເຊື່ອມຊຶຶມດັ່ງກ່າວ ບັນດາຮອງປະທານຄະນະກວດກາສູນກາງພັກ-ອົງການກວດກາລັດຖະບານ ໄດ້ຜັດປ່ຽນກັນຂຶ້ນເຜີຍແຜ່ ເປັນຕົ້ນແມ່ນມະຕິວ່າດ້ວຍວຽກງານແນວໂຮມ-ວຽກງານມະຫາຊົນຂອງພັກໄລຍະໃໝ່ ໂດຍຍົກໃຫ້ເຫັນສະພາບຄວາມເປັນຈິງ, ທັດສະນະພຶ້ນຖານ ຂອງວຽກງານແນວໂຮມ, ວຽກງານມະຫາຊົນຂອງ ພັກ; ມະຕິກອງປະຊຸມຄົບຄະນະບໍລິຫານງານພັກ ຄະນະກວດ ກາສູນກາງພັກ ຄັ້ງທີ 10 ສະໄໝທີ III ທີ່ໄດ້ຕີລາຄາການຊີ້ນໍາ-ນໍາພາວຽກງານຮອບດ້ານຂອງຄະນະພັກ 6 ເດືອນຕົ້ນປີ ແລະ ທິດທາງແຜນການຈຸດສຸມ 6 ເດືອນທ້າຍປີ 2020; ເຜີຍແຜ່ເອກະສານມະຕິວ່າດ້ວຍການ ເພີ່ມທະວີວຽກງານປ້ອງກັນຄວາມສະຫງົບໃນສະພາບການໃໝ່ ແລະ ເອກະສານມະຕິວ່າດ້ວຍການຍົກສູງຄຸນນະພາບ ການດໍາເນີນຄະດີຕາມຂະບວນຍຸຕິທໍາ.
ໂອກາດດັ່ງກ່າວ, ສະຫາຍ ບຸນທອງ ຈິດມະນີ ໄດ້ເຜີຍແຜ່ເນື້ອໃນມະຕິກອງປະຊຸມຄົບຄະນະຄັ້ງທີ 10 ຂອງຄະນະບໍລິຫານງານສູນກາງພັກ ສະ ໄໝທີ X, ພ້ອມທັງໃຫ້ການໂອ້ລົມ ເພື່ອໃຫ້ພະນັກງານການນໍາຫຼັກແຫຼ່ງ, ສະມາຊິກພັກ, ພະນັກງານລັດຖະກອນ ທົ່ວຄະນະກວດກາສູນກາງພັກ-ອົງການກວດກາລັດຖະບານ ໄດ້ຮັບຮູ້, ເຂົ້າໃຈ ແລະ ກໍາແໜ້ນບັນດາມະຕິດັ່ງກ່າວ ພ້ອມນໍາໄປຈັດຕັ້ງປະຕິບັດ ຜັນຂະຫຍາຍເຂົ້າໃນວຽກງານ ຕາມພາລະບົດບາດ ແລະ ຄວາມຮັບຜິດຊອບຂອງຕົນ ໃຫ້ມີຜົນສໍາເລັດສູງ ເພື່ອເປັນການສ້າງຂະບວນການຕ້ອນຮັບກອງປະຊຸມໃຫຍ່ ຄັ້ງທີ XI ຂອງພັກ ແລະ ກອງປະຊຸມໃຫຍ່ຄັ້ງທີ IV ຂອງຄະນະກວດກາສູນກາງພັກ ທີ່ຈະຈັດຂຶ້ນໃນຕໍ່ໜ້າ.(ຂ່າວ:ມີນາ ພາບ:ພູວຽງຄຳ)

ຂ່າວທີ່ໄດ້ຮັບຄວາມນິຍົມ