Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກຳມະບານ ຄຕພ ເປີດກອງປະຊຸມໃຫຍ່ ຄັ້ງທີ I

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 24/07/2020 08:57:58 ຈຳ​ນວນ​​ຢ້ຽມ​ຊົມ 1971 ຄັ້ງ

   ກອງ​ປະຊຸມ​ໃຫຍ່ ສະຫະ​ພັນ​ກໍາ​ມະ​ບານ ຄະນະ​ພົວພັນ​ຕ່າງປະເທດ​ສູນ​ກາງ​ພັກ (ຄຕພ) ຄັ້ງ​ທີ I ໄດ້​ເປີດຂຶ້ນ​ໃນ​ວັນ​ທີ 23 ກໍລະກົດຜ່ານ​ມາ ທີ່ສຳນັກງານ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ໂດຍ​ການ​ເປັນ​ປະທານ​ຂອງ ສະຫາຍ ຫົງ​ແກ້ວ ສຸກ​ສະ​ຫວັດ, ວ່າການ​ປະທານ​ຄະນະ​ບໍລິຫານ​ງານ ສະຫະ​ພັນ​ກໍາ​ມະ​ບານ ຄຕພ ແລະ ເປັນ​ກຽດ​ເຂົ້າ​ຮ່ວມ​ຂອງ ສະຫາຍ ນາງ ສູນ​ທອນ ໄຊ​ຍະ​ຈັກ, ກໍາ​ມະ​ການ​ສູນ​ກາງ​ພັກ, ເລຂາ​ຄະນະ​ບໍລິຫານ​ງານ​ພັກ, ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ; ສະຫາຍ ນາງ ອາລີ ວົງ​ໜໍ່​ບຸນ​ທໍາ, ຄະນະ​ພັກ, ຮອງ​ປະທານ​ສູນ​ກາງ​ສະຫະ​ພັນ​ກໍາ​ມະ​ບານ​ລາວ, ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
   ສະຫາຍ ຫົງ​ແກ້ວ ສຸກ​ສະ​ຫວັດ ໄດ້​ຜ່ານ​ບົດ​ລາຍ​ງານ ​ການເມືອງ ໂດຍ​ໄດ້​ທົບທວນ ຄືນ​ສະພາບ​ການເຄື່ອນໄຫວ​ວຽກ​ງານ​ກໍາ​ມະ​ບານ ຄຕພ ຕະຫຼອດ​ໄລຍະ 4 ປີກ​ວ່າ​ຜ່ານ​ມາ ແລະ ທິດ​ທາງ​ຄາດໝາຍ​ສູ້​ຊົນ​ໃນ​ໄລຍະ 5 ປີ​ຕໍ່ໜ້າ (2020-2025), ໄດ້​ຕີ​ລາຄາ​ຜົນງານ ແລະ ຜົນສຳເລັດ​ໃນ​ການເຄື່ອນໄຫວ​ດ້ານ​ຕ່າງໆ​ເຊັ່ນ: ວຽກ​ງານ​ໃນ​ການ​ສຶກສາ​ອົບຮົມ​ການ​ເມືອງ​-​ແນວ​ຄິດ​ໃຫ້​ແກ່​ພະນັກ​ງານ​-​ລັດຖະກອນ ມີ​ຄວາມ​ເຊື່ອ​ໝັ້ນ​ຕໍ່​ການ​ນຳພາ​ຂອງ​ພັກ, ມີ​ຄຸນ​ທາດ​ການເມືອງ, ມີ​ຄຸນສົມບັດ​ສິນ​ທຳ​ປະຕິວັດ, ມີ​ສະຕິ​ລະວັງ​ຕົວ​ຕໍ່​ກົນອຸບາຍ​ຫັນປ່ຽນ​ໂດຍ​ສັນຕິ, ໄດ້​ຕີ​ລາຄາ​ສູງ​ການ​ປະຕິບັດ​ແນວທາງ​ການ​ຕ່າງປະເທດ​ຂອງ​ພັກ​-​ລັດ ໂດຍ​ມີ​ການ​ສົມທົບ​ແໜ້ນ​ໃນ​ການເຄື່ອນໄຫວ​ຕ່າງປະເທດ​ດ້ານ​ພັກ, ການ​ທູດ​ປະຊາຊົນ​ຕິດ​ພັນ​ກັບ​ການເຄື່ອນໄຫວ​ຕ່າງປະເທດ​ດ້ານ​ລັດ, ປະຕິບັດ​ບົດບາດ​ການ​ປະສານ​ງານ, ສ້າງ ເງື່ອນໄຂ​ໃຫ້​ແກ່​ການ​ພົວພັນ​ລະຫວ່າງ​ພັກ​ເຮົາ​ກັບ​ບັນດາ​ພັກ​ການເມືອງ​ໃນ​ໂລກ, ບັນດາ​ອົງການ​ຈັດ​ຕັ້ງ​ມະຫາຊົນ​ຂັ້ນ​ສູນ​ກາງ ກໍ​ຄື​ການເຄື່ອນໄຫວ​ຂອງ​ຄະນະ​ສັນຕິພາບ ແລະ ສາມັກຄີ​ຂອງ​ລາວ ໂດຍ​ສະ ເພາະ​ໄດ້​ສຳເລັດ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ພາກ​ພື້ນ​ອາ​ຊີ​-​ປາ​ຊີ​ຟິກ ຂອງ ສະພາ​ສັນຕິພາບ​ໂລກ ແລະ ກອງ​ປະ ຊຸມ​ຄະນະ​ເລຂາ ຂອງ​ສະພາ​ສັນຕິພາບ​ໂລກ ໃນ​ປີ 2019 ຜ່ານ​ມາ; ໄດ້​ມີ​ການ​ຄົ້ນຄວ້າ​ກ່ຽວ​ກັບ​ການ​ເປີດ​ກວ້າງ ຊຶ່ງ​ການ​ພົວພັນ​ກັບ​ບັນດາ​ພັກ​ການເມືອງ, ມາ​ຮອດ​ປັດຈຸບັນ​ມີ 139 ພັກ​ການເມືອງ​ທີ່​ມີ​ການ​ພົວພັນ​ກັບ​ພັກ​ເຮົາ ແລະ ມີ​ສະມາຄົມ​ມິດຕະພາບ​ກັບ​ຕ່າງປະເທດ 19 ສະ​ມາ​ຄົມ. 
   ໃນ​ກອງ​ປະຊຸມ​ຄັ້ງ​ນີ້​ໄດ້​ໃຊ້​ສິດ​ປະຊາທິປະໄຕ​ປ່ອນ​ບັດ​ຄັດ​ເລືອກ​ເອົາ​ຄະນະ​ບໍລິຫານ​ງານ ສະຫະ​ພັນ​ກໍາ​ມະ​ບານ ຄຕພ ຊຸດ​ໃໝ່ ຊຶ່ງ​ໄດ້​ເລືອກ​ເອົາ ສະຫາຍ ເກີ​ລໍ່ ຢາງ​ກໍ່, ເປັນ​ປະທານ​ຄະນະ​ບໍລິຫານ​ງານ ສະຫະ​ພັນ​ກໍາ​ມະ​ບານ ຄຕພ ຊຸດ​ໃໝ່; ເລືອກ​ເອົາ ສະຫາຍ ຫົງ​ແກ້ວ ສຸກ​ສະ​ຫວັດ ແລະ ສະຫາຍ ທອງ​ສະ​ຫວັດ ພັນທະ​ວົງ, ເປັນ​ຮອງ​ປະທານ; ເລືອກ​ເອົາ ສະຫາຍ ນາງ ສຸກ​ສະຫວັນ ແກ້ວ​ວິໄລ​ວັນ, ເປັນ​ປະທານ​ກວດກາ ພ້ອມ​ທັງ​ໄດ້​ເລືອກ​ເອົາ​ຜູ້​ແທນ​ສົມບູນ ແລະ ຜູ້​ແທນ​ສໍາ​ຮອງ​ໄປ​ເຂົ້າ​ຮ່ວມ​ກອງ​ປະຊຸມ​ໃຫຍ່​ຄັ້ງ​ທີ VIII ຂອງ​ສູນ​ກາງ​ສະຫະ​ພັນ​ກໍາ​ມະ​ບານ​ລາວ ໃນ​ຕໍ່​ໜ້າ.
   ໃນ​ໂອກາດ​ດັ່ງກ່າວ, ສະ ຫາຍ ນາງ ອາລີ ວົງ​ໜໍ່​ບຸນ​ທໍາ, ໄດ້​ຕາງໜ້າ​ໃຫ້​ສູນ​ກາງ​ສະຫະ​ພັນ​ກໍາ​ມະ​ບານ​ລາວ ໃຫ້​ກຽດ​ປະດັບ​ຫຼຽນ​ກໍາ​ມະ​ບານ​ສູງ​ສຸດ ໃຫ້​ແກ່ ຄະນະ​ພັກ​-​ຄະ​ນະ​ນໍາ ຄຕພ ຄື: ສະຫາຍ ນາງ ສູນ​ທອນ ໄຊ​ຍະ​ຈັກ; ສະຫາຍ ສົມ​ພອນ ສີ​ຈະເລີນ, ຮອງ​ເລຂາ​ຄະນະ​ພັກ, ຮອງ​ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ແລະ ສະຫາຍ ສົມ​ດີ ບຸນ​ຄຸ້ມ, ກໍາ​ມະ​ການ​ພັກ, ປະທານ​ກວດກາ​ຄະນະ​ພັກ, ຮອງ​ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ທີ່​ໄດ້​ຊີ້​ນໍາ-ນໍາ​ພາ​ອົງ​ການ​ກໍາ​ມະ​ບານ ຄຕພ ຕະຫຼອດ​ໄລຍະ 4 ປີ ກວ່າ​ຜ່ານ​ມາ.
   ສະຫາຍ ນາງ ສູນ​ທອນ ໄຊ​ຍະ​ຈັກ, ໄດ້​ສະແດງຄວາມ ​ຊົມເຊີຍ ແລະ ຕີ​ລາຄາ​ສູງ​ຕໍ່​ ການເຄື່ອນ​ໄຫວ​ຂອງ​ສະຫະ ພັນ​ກຳມະບານ ຄຕພ ໃນ​ໄລ ຍະ​ຜ່ານ​ມາ, ພ້ອມ​ທັງ​ໄດ້​ຊີ້ນຳ ​ໃຫ້​ສະຫະພັນ​ກຳມະບານ​ຊຸດ​ໃໝ່ ຈົ່ງ​ໄດ້​ສືບຕໍ່​ເອົາໃຈໃສ່​ວຽກ​ງານ​ສຶກສາ​ອົບຮົມ​ແນວ​ຄິດ​ການເມືອງ, ຍົກ​ສູງ​ຄຸນນະພາບ​ໃນ​ການ​ປະຕິບັດ​ວຽກ​ງານ​ວິຊາ​ສະເພາະ, ຖື​ສຳຄັນ​ວຽກ​ງານ​ປັບປຸງ​ກົງຈັກ​ການຈັດຕັ້ງ ຂອງ ສະຫະພັນ​ກຳມະບານ ເພື່ອ​ປະຕິບັດ​ຂໍ້​ແຂ່ງຂັນ 5 ເປັນ​ເຈົ້າ​ໃຫ້​ປະກົດ​ຜົນ​ເປັນ​ຈິງ ແລະ ເນັ້ນ​ໃຫ້​ເຫັນ​ຄວາມ​ຈຳເປັນ​ໃນ​ການ​ພັດທະນາ​ຕົນ​ເອງ​ຢ່າງຮອບດ້ານ ເພື່ອ​ເຮັດ​ສຳເລັດ​ໜ້າທີ່​ການເມືອງ​ໃນ​ໄລຍະ​ໃໝ່ ໃນ​ເງື່ອນໄຂ​ທີ່​ສະພາບ​ການ​ພາກ​ພື້ນ ແລະ ສາກົນ ພວມ​ມີ​ການ​ຜັນ​ແປ​ຢ່າງ​ສັບສົນ​ຄື​ປັດຈຸ​ບັນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com