ກຸງສີ ມັນນີລາວ ໃຫ້ບໍລິການເງິນກູ້ສ່ວນບຸກຄົນ ໂດຍບໍ່ມີຫຼັກຊັບຄ້ຳປະກັນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 03/08/2020 09:40:03 ຈຳ​ນວນ​​ຢ້ຽມ​ຊົມ 1919 ຄັ້ງ

    ເມື່ອ​ບໍ່​ດົນ​ຜ່ານ​ມາ​ທີ່ ນະຄອນ ຫຼວງ​ວຽງ​ຈັນ ທ່ານ ວິລະ​ບູນ ຈິ​ຣະ​ພັດ​ທະນະ​ກູນ ປະທານ ກຸງ​ສີ​ ມັນ​ນີລາວ ແລະ ທ່ານ ຈັນ​ສະໝອນ ເພັດ​ຊົມ​ພູ ຫົວໜ້າ​ຝ່າຍ​ການ​ຂາຍ​ສ່ວນ​ບຸກຄົນ ກຸງ​ສີ ​ມັນ​ນີລາວ .ໄດ້​ໃຫ້​ສຳພາດ​ວ່າ:   ເພື່ອ​ໃຫ້​ທຸກ​ຊັ້ນ​ຄົນ​ສາມາດ​ເຂົ້າ​ເຖິງ​ການ​ບໍລິການ​ທາງ​ດ້ານ​ການ​ເງິນ​ໄດ້​ຢ່າງ​ສະດວກ​ສະບາຍ ໂດຍ​ສະເພາະ​ຜູ້​ທີ່​ມີ​ລາຍ​ໄດ້​ໜ້ອຍ ຊຶ່ງ​ການ​ບໍລິການ​ຂອງ​ກຸງ​ສີ​ມັນ​ນີລາວ​ເປັນ​ສະ​ຖາ​ບັນ​ການ​ເງິນ​ໄດ້​ມາດຕະຖານ ແລະ ເປັນ ​ຄັ້ງ​ທຳອິດ​ທີ່​ຄົນ​ລາວ​ສາມາດ​ກູ້​ຢືມ ​ເງິນ​ໄດ້​ໂດຍ​ບໍ່​ມີ​ຫຼັກ​ຊັບ ຫຼື ຜູ້​ຄ້ຳປະ ກັນ ຖື​ວ່າ​ເປັນ​ອີກ​ກ້າວ​ໜຶ່ງ​ຂອງ​ກຸງ​ສີ​ໃນ​ການ​ໃຫ້​ບໍລິການ​ດ້ານ​ການ​ເງິນ​ທີ່​ດີ​ທີ່​ສຸດ​ສຳລັບ​ສັງຄົມ​ລາວ ກຸງ​ສີ ມັນ​ນີລາວ ເປັນ​ເຈົ້າ​ຂອງ​ໂດຍບໍລິສັດ ກຸງ​ສີ ບໍລິການ​ເຊົ່າ​ສິນ​ເຊື່ອ ຈໍາ​ກັດ ຫຼື “ກຸງ​ສີ ລິດ​ຊິ້ງ​ລາວ” ສ້າງຕັ້ງ​ຂຶ້ນ​ໃນ​ປີ 2014 ແລະ ເຕີບ​ໂຕ​ຢ່າງ​ໄວ​ທີ່​ຄຽງ​ຄູ່​ກັບ​ເສດຖະກິດ​ລາວ ກຸງ​ສີ ລິດ​ຊິ້ງ​ລາວ​ໄດ້​ສະເໜີ​ຜະລິດ​ຕະ​ພັນ ແລະ ການ​ບໍລິການ​ດ້ານ​ການ​ເງິນ​ຫຼາຍ​ຮູບ​ແບບ​ທີ່​ຖືກ​ອອກ​ແບບ​ໂດຍ​ສະເພາະ​ເພື່ອ​ຕອບ​ສະໜອງ​ຄວາມ​ຕ້ອງການ​ຂອງ​ຄົນ​ລາວ.
    ກຸງ​ສີ​ມັນ​ນີລາວ ມີ​ທຶນ​ຈົດ​ທະ ບຽນ​ໃນ​ເບື້ອງ​ຕົ້ນ 9 ຕື້​ກີບ ໂດຍໃຫ້​ ບໍລິການ​ລູກ​ຄ້າ​ທົ່ວ​ໄປ ຜູ້​ທີ່​ມີ​ລາຍ​ຮັບ​ໜ້ອຍ​ກໍ່​ສາມາດ​ເຂົ້າ​ເຖິງ​ໄດ້ ໂດຍ​ບໍ່​ມີ​ຫຼັກ​ຊັບ​ຄໍ້າ​ປະກັນພຽງ​ແຕ່​ມີ​ບັດ​ປະຈຳ​ຕົວ ໜັງສືຜ່ານແດນ ຫຼື ປື້​ມ​ສຳມະໂນ​ຄົວ ໃບຢັ້ງຢືນ​ເງິນ ເດືອນ (ສຳລັບ​ພະນັກງານ​ທີ່​ມີ​ເງິນ ເດືອນ​ປະຈຳ) ສ່ວນ​ລູກ​ຄ້າ​ທີ່​ບໍ່​ມີ​ເງິນ ເດືອນ​ກໍ່​ສາມາດ​ເອົາ​ບັດ​ປະຈຳ​ຕົວ ໜັງສືຜ່ານແດນ ຫຼື ສຳມະໂນ​ຄົວ ແລະ ຈະ​ມີ​ການ​ປະ​ເມີນ​ລາຍ​ຮັບ​ແຕ່​ລະ​ເດືອນ​ຂອງ​ລູກ​ຄ້າຜູ້​ໜຶ່ງ​ສາມາດ​ຢືມ​ໄດ້ 3 ເທົ່າ​ຂອງ​ເງິນເດືອນ ຫຼື ລາຍ​ຮັບ ໂດຍ​ອະນຸມັດ​ເລີ່ມ​ແຕ່ 1 ລ້ານ-50 ລ້ານ​ກີບ ອີງ​ຕາມ​ຄວາມ​ເໝາະ​ສົມ​ຂອງ​ລາຍ​ຮັບ ພາຍຫຼັງ​ປະກອບ​ເອກະສານ​ແລ້ວ​ຈະ​ໄດ້​ເງິນ​ພາຍ​ໃນ 1-3 ວັນ ທ່ານ​ໃດ​ຕ້ອງການ​ສາມາດ​ຮັບ​ແບບ​ຟອມ​ສະໝັກ​ເງິນ​ກູ້​ສ່ວນ​ບຸກຄົນ​ທີ່​ສຳນັກງານ​ກຸງ​ສີ ມັນ​ນີລາວ ຫຼື ທາງ online ທີ່  www.facebook.com/krugnsrimoneylaos.
(ຂ່າວ: ນາງ ອົ້ນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110