ໜັງສືພິມ ປະຊາຊົນ

ເມືອງເງິນ ເປີດຮຽນທິດສະດີການເມືອງ ແລະ ການປົກຄອງຊັ້ນຕົ້ນ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 07/08/2020 09:32:31 ຈຳນວນຢ້ຽມຊົມ 2332 ຄັ້ງ

ວັນທີ 4 ສິງຫາຜ່ານມາ ຢູ່ທີ່ຫ້ອງປະຊຸມ ເມືອງເງິນແຂວງ ໄຊຍະບູລີ ໄດ້ຈັດພິທີເປີດການ ຮຽນ-ການສອນທິດສະດີການ ເມືອງ ແລະ ການປົກຄອງຊັ້ນຕົ້ນໃຫ້ແກ່ພະນັກງານຫຼັກແຫຼ່ງຂອງເມືອງ ຮຸ່ນທີ 1 ໃຫ້ກຽດເຂົ້າຮ່ວມຂອງ ສະຫາຍ ສອນສຸກ ພວງແກ້ວ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ, ມີ ສະຫາຍ ສີສອນພັນ ບຸນສີ ຫົວໜ້າໂຮງຮຽນການເມືອງ ແລະ ການປົກຄອງ ແຂວງໄຊຍະບູລີ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ-ກົມກອງ, ລັດວິສາຫະກິດ, ນາຍບ້ານ ແລະ ເປົ້າໝາຍຜູ້ເຂົ້າຮຽນ ເຂົ້າຮ່ວມ.
ໃນພິທີ ສະຫາຍ ນາງ ສີຈົມ ບຸນມານະທຳ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄດ້ຜ່ານບົດສະ ເໜີໂຄງການຍົກລະດັບທິດສະດີການເມືອງ ແລະ ການປົກ ຄອງຊັ້ນຕົ້ນ ຮຸ່ນທີ 1 ລະບົບຫຼັກ ສູດ 3 ເດືອນ ຈຸດປະສົງໃນການເປີດການຮຽນ-ການສອນຄັ້ງນີ້ແມ່ນເພື່ອເປັນການກໍ່ສ້າງພະນັກງານນຳພາ - ຄຸ້ມຄອງ ຢູ່ພາຍໃນເມືອງ ໃຫ້ມີຄວາມຄວາມຮູ້ທາງດ້ານທິດສະດີ ຂັ້ນພື້ນຖານ, ປະກອບຄວາມຮູ້, ເຂົ້າໃຈກ່ຽວກັບຫຼັກມູນພື້ນຖານຂອງທິດສະດີມາກ-ເລນິນ, ແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດວາງອອກ, ສໍາລັບເປົ້າໝາຍ ແລະ ເງື່ອນໄຂຜູ້ເຂົ້າຮຽນຄັ້ງນີ້ ມີຄະນະພັກຮາກຖານ, ເລຂາຄະນະໜ່ວຍພັກ, ຫົວໜ້າ-ຮອງຫົວໜ້າຫ້ອງການ, ຫົວໜ້າໜ່ວຍງານ ແລະ ພະນັກງານຫຼັກແຫຼ່ງຂອງເມືອງ ທັງໝົດ 50 ຄົນ, ຍິງ 12 ຄົນ, ປະກອບ ມີ 5 ພາກວິຊາຮຽນຄື:
1. ວິຊາ ປັດຊະຍາ ມາກ-ເລນິນ
2. ວິຊາເສດຖະສາດການເມືອງ-ການຄຸ້ມຄອງເສດ ຖະກິດ.
3. ວິຊາລັດທິສັງຄົມນິຍົມວິທະຍາສາດ.
4. ວິຊາບໍລິຫານສາດ.
5. ວິຊາກໍ່ສ້າງພັກ ແລະ ປະຫວັດສາດພັກ.
ການຮາໍ່ຮຽນການສອນ ທິດສະດີຄັ້ງນີ້ ຈະໃຊ້ເວລາທັງ ໝົດ 90 ວັນ ສ່ວນວິ ທະຍາກອນ ແມ່ນມີ ຄູ-ອາຈານຮັບເຊີນມາຈາກໂຮງຮຽນການເມືອງ-ການປົກຄອງແຂວງ, ໂຄສະນາອົບຮົມແຂວງ ແລະ ພະນັກງານການນໍາຂອງເມືອງຈໍານວນໜຶ່ງ.
(ຂ່າວ: ອິນແປງ ແຫວນຄຳ)

ຂ່າວທີ່ໄດ້ຮັບຄວາມນິຍົມ