ທາດໄຍຫີນ ເປັນອັນຕະລາຍຕໍ່ສຸຂະພາບ ຂອງຄົນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/08/2020 09:41:38 ຈຳ​ນວນ​​ຢ້ຽມ​ຊົມ 2237 ຄັ້ງ

   ເພື່ອ​ເປັນ​ການ​ໂຄ­ສະ­ນາ​ຜົນ​ຮ້າຍ​ຂອງ​ທາດ​ໄຍ​ຫີນ ແລະ ກ້າວ​ສູ່​ການ​ລຶບ­ລ້າງ​ພະ­ຍາດ​ທີ່​ເກີດ​ຈາກ​ທາດ​ໄຍ​ຫີນ​ສົກ​ປີ 2019-2020 ດັ່ງ­ນັ້ນ​ ຈຶ່ງ​ໄດ້​ມີ​ການ​ໂຄ­ສະ­ນາ​ກ່ຽວ​ກັບ​ຜົນ​ຮ້າຍ​ຂອງ​ທາດ​ໄຍ​ຫີນ​ຂຶ້ນ ໃນ​ວັນ​ທີ  5 ສິງ­ຫາ ຜ່ານ​ມາ​ ທີ່​ວິ­ທະ­ຍາ ໄລ​ເຕັກ­ນິກ​ສັບ​ພະ​ວິ­ຊາ ໂດຍ​ການ​ເຂົ້າ​ຮ່ວມ​ຂອງ​ທ່ານ ພອນ​ສານ ວິ­ໄລ​ເມັ້ງ ຫົວ­ໜ້າ​ກົມ​ປົກ​ປ້ອງ​ແຮງ​ງານ​ສູນ​ກາງ​ສະ­ຫະ ພັນ​ກຳ­ມະ­ບານ​ລາວ (ສກລ), ມີ​ບັນ­ດາ​ຮອງ​ເລ­ຂາ​ຄະ­ນະ​ພັກ​ຮາກ​ຖານວິ­ທະ­ຍາ­ໄລ​ເຕັກ­ນິກ​​ສັບ​ພະ​ວິ­ຊາ, ຄູ-ອາ­ຈານ ແລະ ນັກ​ສຶກ­ສາ​ເຂົ້າ​ຮ່ວມ.
   ທ່ານ ພອນ​ສານ ວິ­ໄລ​ເມັ້ງ​ໄດ້​ກ່າວ​ວ່າ:  ທາດ​ໄຍ​ຫີນ​ປະ ­ກອບ​ມີ​ວັດ​ສະ​ດຸ​ກໍ່­ສ້າງ, ທີ່​ພັກ ­ອາ­ໄສ, ພາ­ຫະ­ນະ ແລະ ອຸ­ປະ ­ກອນ​ເຄື່ອງ­ໃຊ້​ໃນ​ຊີ­ວິດ​ປະ­ຈຳ​ວັນ​ເຊັ່ນ: ກະ­ເບື້ອງ​ມຸງ​ຫຼັງ­ຄາ, ວັດ​ສະ​ດຸ​ອັດ​ຮອຍ​ຝາ​ເຮືອນ​ແຕກ, ແຜ່ນ​ຝາ​ຊີມັງ​ກັນ​ຄວາມ​ຮ້ອນ, ສະ​ນວນ​ກັນ​ຄວາມ​ຮ້ອນ​ເທິງ​ຫຼັງ­ຄາ, ວັດ​ສະ​ດຸ​ປູ​ພື້ນ, ກະ ­ໂລ້​ໄຍ​ຫີນ, ວັດ​ສະ​ດຸ​ຕົບ­ແຕ່ງ​ພາຍ​ໃນ ຝາ, ເພ­ດານ, ສີ​ທາ​ຮອງ​ພື້ນ​ຝາ, ອຸ­ປະ­ກອນ​ໄຟ­ຟ້າ, ກອບ​ປົກ​ດອກ­ໄຟ, ສາຍ​ສະ​ນວນ​ກັນ​ໄຟ, ກ່ອງ​ຟິວ, ປັກ​ໄຟ, ຜ້າ​ເບກ, ຊິນ​ກັນ​ຊຶມ ແລະ  ເຄື່ອງ­ໃຊ້​ພາຍ​ໃນ​ເຮືອນ, ຕູ້­ເຢັນ, ຊ່ອງ​ດູດ​ຄວັນ​ເຄື່ອງ​ເຮັດ​ຄວາມ​ຮ້ອນ, ເຄື່ອງ​ອົບ​ຜ້າ,  ເຄື່ອງ​ເປົ່າ​ຜົມ, ເຄື່ອງ​ລ້າງ​ຖ້ວຍ, ເຕົາ​ອົບ, ເຄື່ອງ​ສຳ ­ອາງ ແລະ ອື່ນໆ ຊຶ່ງ​ທາດ​ໄຍ ຫີນທຸກ​ຊະ­ນິດ​ເປັນ​ໜຶ່ງ​ໃນ​ສານ​ກໍ່­ໃຫ້­ເກີດ​ມະ​ເຮັງ, ການ​ສຳ­ຜັດ​ກັບ​ທາດ​ໄຍ​ຫີນ​ເປັນ​ສາ­ເຫດ​ຂອງ​ການ​ເກີດ​ໂຣກ​ມະ​ເຮັງ​ທີ່​ພົບ​ຫຼາຍ​ທີ່​ສຸດ ແລະ ເຮັດ​ໃຫ້​ເສຍ​ຊີ­ວິດ​ຍ້ອນ​ພະ­ຍາດ​ມະ​ເຮັງ​ປອດ, ຫຼອດ​ສຽງ ຫຼື ມະ​ເຮັງ​ເຫຍື່ອ​ຫຸ້ມ​ປອດ, ກຳ­ມະ­ກອນ​ທີ່​ເຮັດ​ວຽກ​ຢູ່​ໃນ​ໂຮງ­ງານ​ທີ່​ນຳ​ໃຊ້​ທາດ​ໄຍ​ຫີນ ແລະ ຊຸມ​ຊົນ​ທີ່​ອາ​ໄສ​ຢູ່​ໃກ້​ຄຽງ​ມີ​ຄວາມ​ສ່ຽງ​ເປັນ​ພະ­ຍາດ​ດັ່ງ­ກ່າວສະ­ມາ­ຊິກ​ຄອບ­ຄົວ​ກໍມີ​ຄວາມ​ສ່ຽງ​ຍ້ອນ​ຝຸ່ນ​ໄຍ​ຫີນ​ທີ່​ຕິດ​ໄປ​ນຳ​ເຄື່ອງ ­ນຸ່ງ, ຜູ້​ທີ່​ເຮັດ​ວຽກ​ກ່ຽວ​ກັບ​ທາດ​ໄຍ​ຫີນ​ຕ້ອງ​ໃສ່​ອຸ­ປະ­ກອນ​ປ້ອງ​ກັນ​ແບບ​ສະ­ເພາະ​ກ່ອນ​ເຮັດ​ວຽກ​ກັບ​ວັດ​ສະ​ດຸ​ທີ່​ມີ​ສ່ວນ​ປະ ­ສົມ​ຂອງ​ທາດ​ໄຍ​ຫີນ, ຕ້ອງ​ຫົດ​ນ້ຳ​ໃສ່​ກະ­ເບື້ອງ​ທີ່​ແຕກ ແລະ ສິ່ງ​ເສດ​ເຫຼືອ​ທີ່​ມີ​ທາດ​ໄຍ​ຫີນ​ເພື່ອ​ຫຼຸດ­ຜ່ອນ​ການ​ເກີດ​ຝຸ່ນ​ລະ­ອອງ, ສຳ​ລັບ​ ສປປ ​ລາວ ​ຍັງ​ນຳ​ໃຊ້​ ທາດ​ໄຍ​ຫີນ​ຢູ່.
   ທາດ​ໄຍ​ຫີນ​ແມ່ນ​ແຮ່​ທາດ​ທຳ​ມະ​ຊາດ ທີ່​ມີ​ປະ­ໂຫຍດທາງ​ ດ້ານ​ການ​ຄ້າຕັ້ງ­ແຕ່​ອະ​ດີດ​ຈົນ​ເຖິງ​ປັດ­ຈຸ­ບັນຍ້ອນ​ມີ​ຄວາມ​ແຂງ ­ແຮງທົນ​ທານ​ຕໍ່​ການ​ກັດ​ຂອງ​ສານ​ເຄ​ມີ ແຕ່​ໜ້າ​ເສຍ­ດາຍ​ທາດ​ດັ່ງ­ກ່າວ​ພັດ​ເປັນ​ອັນ­ຕະ ­ລາຍ​ຕໍ່​ສຸ­ຂະ­ພາບ​ຂອງ​ຄົນ​ເຮົາ ເຮົາ​ບໍ່​ສາ­ມາດ​ເບິ່ງ​ເຫັນ​ທາດ​ໄຍ​ຫີນ​ດ້ວຍ​ຕາ​ເປົ່າ​ໄດ້ ຍ້ອນ​ຝຸ່ນ​ໄຍ​ຫີນ​ນ້ອຍ​ຫຼາຍ ຖ້າ​ຫາກ​ຫາຍ­ໃຈ​ເອົາ​ຝຸ່ນ​ໄຍ​ຫີນ​ເຂົ້າ​ໄປ​ໃນ​ປອດ​ແລ້ວ ມັນ​ຈະ​ກໍ່­ໃຫ້­ເກີດ​ມະ​ເຮັງ​ປອດ, ຫຼອດ​ສຽງ ຫຼື ມະ​ເຮັງ​ເຫຍື່ອ​ຫຸ້ມ​ປອດ, ອົງ­ການ​ອະ­ນາ​ໄມ​ໂລກ​ໄດ້​ລາຍ​ງານໃຫ້​ ຮູ້​ວ່າ: ໃນ​ແຕ່​ລະ​ປີ​ຈະ​ມີ​ຄົນ​ເສຍ​ຊີ­ວິດ​ປະ­ມານ 107.000 ຄົນຍ້ອນ​ ພະ­ຍາດ​ທີ່​ເກີດ​ຈາກ​ທາດ​ໄຍ​ຫີນ ແລະ ຈະ​ຍັງ​ມີ​ຜູ້​ຖືກເຄາະຮ້າຍ​ສືບ­ຕໍ່​ໄປ​ອີກ​ຫຼາຍ​ທົດ​ສະ​ວັດຖ້າ​ຫາກ​ຍັງ​ບໍ່​ຢຸດ​ນຳ​ໃຊ້​ທາດ​ໄຍ​ຫີນ.
   ເພື່ອ​ຫຼຸດ­ຜ່ອນ​ການ​ເກີດ​ພະ­ຍາດ​ມະ​ເຮັງ​ໃນ​ຂັ້ນຕໍ່​ໄປ ພວກເຮົາ​ຄວນ​ຫຼີກ­ເວັ້ນ​ສະຖານ ­ທີ່​ກໍ່­ສ້າງ ຫຼື ອາ­ຄານ​ທີ່​ມີ​ການ​ສ້ອມ­ແປງທຸບ, ເລື່ອຍ, ຕັດ,ເຈຍ​ ວັດ​ສະ​ດຸ​ທີ່​ມີ​ສ່ວນ​ປະ­ສົມ​ຂອງ ​ທາດ​ໄຍ​ຫີນ, ຄວນ​ເລືອກ​ໃຊ້​ສິນ­ຄ້າ​ທີ່​ມີ​ເຄື່ອງ­ໝາຍ​ຮັບຮອງ​ວ່າ​ບໍ່​ມີ​ສ່ວນ​ປະ­ສົມ​ຂອງ​ທາດ​ໄຍ​ຫີນ, ປັດ­ຈຸ­ບັນ​ມີ​ວັດ​ສະ​ດຸ​ທົດ​ແທນ​ທາດ​ໄຍ​ຫີນ​ເຊັ່ນ: Poly  vinyl Alcohal (PVA) ໄຍ​ແກ້ວ.     (ພາບ: ພູ​ວັນ, ຂ່າວ: ບຸນ​ອູ້ມ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110