ໜັງສືພິມ ປະຊາຊົນ

ກອງປະຊຸມໃຫຍ່ ຄັ້ງທີ IV ຄະນະພັກ ຮາກຖານກົມສ່ວຍສາອາກອນ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 10/08/2020 09:59:41 ຈຳນວນຢ້ຽມຊົມ 2304 ຄັ້ງ

ກອງປະຊຸມໃຫຍ່ຄັ້ງທີ IV ຄະນະພັກຮາກຖານ ກົມສ່ວຍສາອາກອນ ກະຊວງການເງິນ ໄດ້ຈັດຂຶ້ນ ເມື່ອວັນທີ 7 ສິງຫາ ຜ່ານມານີ້ ທີ່ຫ້ອງປະຊຸມກົມດັ່ງກ່າວ ໂດຍການເປັນປະທານ ຂອງ ສະຫາຍ ພູທະນູເພັດ ໄຊສົມບັດ ເລຂາຄະນະພັກຮາກຖານ ກົມສ່ວຍສາອາກອນໃຫ້ກຽດເຂົ້າຮ່ວມຂອງ ສະຫາຍ ສົມດີ ດວງດີ ກຳມະການສູນກາງພັກ ຮອງນາຍົກລັດຖະມົນ ຕີ ລັດຖະມົນຕີກະຊວງການ ເງິນມີສະມາຊິກພັກ ແລະ ແຂກຖືກເຊີນເຂົ້າຮ່ວມ.
ກອງປະຊຸມ ໄດ້ຜ່ານບົດລາຍງານການເມືອງປະກອບມີສອງພາກຄື: ພາກທີ 1 ສະຫຼຸບຕີລາຄາດ້ານຜົນສຳເລັດການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ III ຂອງຄະນະພັກຮາກຖານກົມສ່ວຍສາອາກອນ,ພາກທີ 2 ທິດທາງລວມ ແລະ ໜ້າທີ່ຕົ້ນຕໍຂອງຄະນະພັກຮາກຖານໃນ 5 ປີຕໍ່ ໜ້າ(2021-2025) ສະເໜີໂດຍ ສະຫາຍ ພູທະນູສອນ ໄຊສົມ ບັດ ຊຶ່ງໄດ້ຍົກໃຫ້ເຫັນວ່າ: ຕະ ຫຼອດໄລຍະ 5 ປີ ຜ່ານມາ ຄະ ນະພັກຮາກຖານ ກົມສ່ວຍສາອາກອນ ໄດ້ຖືເອົາເປັນບັນຫາສຳຄັນໃນວຽກງານສຶກສາອົບ ຮົມການເມືອງແນວຄິດໃຫ້ແກ່ສະມາຊິກ-ພະນັກງານເພື່່ອໃຫ້ກຳແໜ້ນ,ຮັບຮູ້,ເຂົ້າໃຈຕໍ່ບັນດາແນວທາງນະໂຍບາຍ,ມະຕິ,ຄຳສັ່ງຂອງພັກ,ກົດໝາຍ ແລະ ລະບຽບການຂອງລັດແນໃສ່ປັບປຸງຄຸນທາດການເມືອງ,ຄຸນສົມບັດສິນທຳປະຕິວັດ ແລະ ຈັນຍາບັນ-ຈັນຍາທຳຂອງສະມາຊິກພັກ-ພະນັກງານໃນການຮັບໃຊ້ປະເທດຊາດ ແລະ ຮັບໃຊ້ປະ ຊາຊົນ ແລະໄດ້ເອົາໃຈໃສ່ເຜີຍ ແຜ່ບັນດາເອກະສານສຳຄັນຕ່າງໆຂອງພັກ-ລັດ,ປັດຈຸບັນຄະນະພັກຮາກຖານປະກອບມີ 5ໜ່ວຍພັກຂຶ້ນກັບ,ມີສະມາຊິກພັກ 86 ສະຫາຍ ຍິງ 23 ສະຫາຍ, ມີສະມາຊິກພັກສຳຮອງ 5 ສະຫາຍ,ໃນນັ້ນການນຳພາໜ້າທີ່ການເມືອງດ້ານວຽກງານວິຊາສະເພາະຄະນະພັກໄດ້ເອົາໃຈໃສ່ຊີ້ນຳ-ນຳພາບັນດາສະຫາຍສະມາຊິກພັກ-ພະ ນັກງານປະຕິບັດວຽກງານວິຊາສະເພາະທີ່ໄດ້ຮັບມອບໝາຍດ້ວຍຄວາມຮັບຜິດຊອບສູງ ແລະ ມີຜົນສຳເລັດ, 5 ປີຜ່ານ ມາສາມາດຈັດຕັ້ງປະຕິບັດເກັບລາຍຮັບປະຕິບັດໄດ້ 42 ຕື້ກວ່າກີບ,ທຽບໃສ່ແຜນການເທົ່າກັບ 91,33% ສະເລ່ຍແຕ່ລະປີເພີ່ມຂຶ້ນ 4,52 %.
ກອງປະຊຸມຍັງໄດ້ຜ່ານບົດສຳຫຼວດການນຳພາລວມຂອງຄະນະພັກຮາກຖານກົມສ່ວຍສາອາກອນ, ຜ່ານມາດ ຖານເງື່ອນໄຂຜູ້ສະໝັກຮັບເລືອກຕັ້ງ ແລະ ຜູ້ແທນໄປຮ່ວມກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງການເງິນ, ກອງປະຊຸມຄັ້ງປະຖົມມະລືກໄດ້ເປັນເອກະພາບເລືອກເອົາສະຫາຍ ພູທະນູເພັດ ໄຊສົມບັດ ເປັນເລຂາຄະນະພັກຮາກຖານກົມສ່ວຍສາອາກອນຊຸດໃໝ່ ແລະ ສະຫາຍ ສຸພັນ ວິລະວົງ ເປັນປະທານກວດກາ.
(ຂ່າວ: ສຳນານ)

ຂ່າວທີ່ໄດ້ຮັບຄວາມນິຍົມ