ກະສິກຳ ແລະ ປ່າໄມ້ ເມືອງວຽງພູຄາ ມອບອຸປະກອນການຜະລິດ ໃຫ້ກຸ່ມລ້ຽງສັດ ບ້ານກຳປອນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/08/2020 09:29:15 ຈຳ​ນວນ​​ຢ້ຽມ​ຊົມ 2118 ຄັ້ງ

​    ເມື່ອບໍ່​ດົນຜ່ານ​ມາ ຢູ່​ທີ່​ຫ້ອງການ​ກຸ່ມ​ບ້ານ ກໍາ​ປອນ ເມືອງ​ວຽງ​ພູ​ຄາ ແຂວງ​ຫຼວງ​ນ້ຳ​ທາ ຫ້ອງການ​ກະສິກຳ ແລະ  ປ່າໄມ້ ໄດ້​ມອບ​ອຸປະກອນ​ການ​ຜະລິດ​ໃຫ້​ ກຸ່ມ​ລ້ຽງສັດ ບ້ານ​ກໍາ​ປອນ, ອຸປະກອນ​ທີ່​ນໍາ​ມາ​ມອບ​ຄັ້ງ​ນີ້ ມີ ຕາ​ໜ່າງ 119 ໂຄ້ງ, ສັງກະສີ 987 ແຜ່ນ, ໜາມໝາກຈັບ  768 ໂຄ້ງ ແລະ ເຫຼັກ​ຕະປູ 91 ກິໂລ ໂດຍ​ໄດ້​ຮັບ​ການ​ສະໜັບສະໜູນ ຈາກ​ໂຄງການ​ລ້ຽງສັດ ເພື່ອ​ຜະລິດ​ເປັນ​ສິນຄ້າ​ຢູ່​ເຂດ​ພາກ​ເໜືອ​ຂອງ ສປປ ລາວ ປະຈຳ​ຢູ່​ແຂວງ​ຫຼວງ​ນໍ້າ​ທາ  ມູນ​ຄ່າ 126 ລ້ານ​ກີບ. ບ້ານ​ກໍາ​ປອນ ມີ​ກຸ່ມ​ລ້ຽງ​ແບ້ 1 ກຸ່ມ  7 ຄອບຄົວ ມີ​ແບ້​ທັງ​ໝົດ 13 ໂຕ. ກຸ່ມ​ລ້ຽງ​ງົວ ມີ 2 ກຸ່ມ 35 ຄອບຄົວ ມີ​ງົວ​ທັງ​ໝົດ 152 ໂຕ. ການ​ມອບ​ອຸປະກອນ​ໃນ​ຄັ້ງ​ນີ້ ກໍເພື່ອ​ນໍາ​ໃຊ້​ເຂົ້າ​ໃນ​ການຈັດຕັ້ງ​ປະຕິບັດ​ກິດຈະກຳ​ການ​ລ້ຽງສັດ ຜະລິດ​ເປັນ​ສິນຄ້າ ຂອງ​ຄອບ ຄົວ ເປັນ​ການ​ຊຸກຍູ້​ສົ່ງເສີມ​ປະ ຊາຊົນ​ກຸ່ມ​ລ້ຽງສັດ ຜະ ລິດ​ຫຍ້າ​ອາຫານ​ສັດ​ໃຫ້​ຫຼາຍ​ຂຶ້ນ ກ່າວ​ມອບ​ໂດຍ ທ່ານ ບຸນ​ມາ ພິລາ​ວົງ ຮັກສາ​ການ​ຫົວໜ້າ​ຫ້ອງ ການ​ກະສິກຳ ແລະ ປ່າໄມ້​ເມືອງ ກ່າວ​ຮັບ​ໂດຍ ທ່ານ ບຸນ​ນ້ອຍ ຄຳ​ມະນີ ນາຍບ້ານໆ​ກຳ​ປອນ. ເຂົ້າ​ຮ່ວມ​ໂດຍ ທ່ານ ພູ​ມອນ ຄູນ​ສີ​ລິ​ເຮືອງ ກໍາ​ມະ​ການ​ປະຈຳ​ພັກ​ເມືອງ ຮອງ​ເຈົ້າເມືອງໆ​ວຽງ​ພູ​ຄາ ແລະ  ສະມາຊິກ​ກຸ່ມ​ລ້ຽງ​ສັດ.
            (ຂ່າວ: ຄໍາ​ປິງ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110