ສະ​ຖາ​ບັນ​ການເມືອງ-ການ​ປົກຄອງ​ແຫ່ງ​ຊາດ (ສມປຊ) ໄດ້​ຈັດ​ກອງ​ປະຊຸມ​ເຊື່ອມ​ຊຶມ ມະຕິ​ຂອງ​ກົມ​ການເມືອງ​ສູນ​ກາງ​                                                                        ພັກ ໃຫ້​ແກ່​ຄະນະ​ພັກ, ຄູ-​ອາ ຈານ ແລະ ນັກ​ສຶກສາ ຊຶ່ງ​ຈັດ​ຂຶ້ນ​ໃນ​ວັນ​ທີ 12 ສິງຫາ​ນີ້ ທີ່ ສະ​ຖາ​ບັນ​ການເມືອງ - ການ​ປົກຄອງ​ແຫ່ງ​ຊາດ ໂດຍ​ການ​ເປັນ​ປະທານ​ຂອງ ທ່ານ ພູ​ວົງ ອຸ່ນ​ຄຳ​ແສນ ເລຂາ​ຄະນະ​ພັກ ຮັກສາ​ການ​ຫົວໜ້າ​ສະ​ຖາ​ບັນ​ການເມືອງ-ການ​ປົກຄອງ​ແຫ່ງ​ຊາດ, ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
ຈຸດປະສົງ​ຂອງ​ການ​ຈັດ​ກອງ​ປະຊຸມ​ເຊື່ອມ​ຊຶມ​ໃນ​ຄັ້ງ​ນີ້ ກໍເພື່ອ​ເຮັດ​ໃຫ້​ຄະນະ​ພັກ, ສະມາຊິກ​ພັກ ແລະ ພະນັກ ງານ ​ຄູ​-​ອາຈານ ກຳ​ໄດ້ ແລະ ເຂົ້າໃຈ​ຢ່າງ​ເລິກເຊິ່ງ ກ່ຽວ​ກັບ​ມະຕິ​ຕ່າງໆ​ ຂອງ​ກົມ​ການເມືອງ​ສູນ​ກາງ​ພັກທີ່​ກຳນົດ​ອອກ​ໃນ​ແຕ່​ລະ​ໄລຍະ ຊຶ່ງ​ມະຕິ​ທີ່​ນຳ​ມາ​ເຊື່ອມ​ຊຶມ​ໃນ​ຄັ້ງ​ນີ້​ປະກອບ​ມີ​ຄື: ມະຕິ​ກອງ​ປະຊຸມ​ຄົບ​ຄະນະ​ຄັ້ງ​ທີ 10 ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສ​ະໄໝ​ທີ X; ທີ່​ສະເໜີ ໂດຍ ທ່ານ​ພູ​ວົງ ອຸ່ນ​ຄຳ​ແສນ; ມະຕິ​ຂອງ​ກົມ​ກາງ​ເມືອງ​ສູນ​ກາງ​ພັກ ເລກ​ທີ 111/ກມສພ ວ່າ​ດ້ວຍ​ເພີ່ມ​ທະວີວຽກ​ງານ​ປ້ອງ​ກັນ​ຄວາມ​ສະຫງົບ​ໃນ​ສະພາບ​ການ​ໃໝ່ ທີ່​ສະເໜີ​ໂດຍ ທ່ານ ອຸບົນ ມະຫາ​ໄຊ ຄະນະ​ບໍລິຫານ​ງານ​ພັກ ຮອງ​ຫົວໜ້າ ສມປຊ; ມະຕິ​ຂອງ​ກົມ​ການເມືອງ​ສູນ​ກາງ​ພັກ ເລກ​ທີ 112/ກມສພ ວ່າ​ດ້ວຍ​ການ​ຍົກ​ສູງ​ຄຸນ​ນະ​ພາບ​ການ​ດຳເນີນ​ຄະດີ​ຕາມ​ຂະບວນ​ການ​ຍຸຕິ​ທຳ ທີ່​ສະເໜີ ໂດຍ ນາງ ບຸນ​ມີ ຈຸນ​ລະ​ຈັກ ຄະນະ​ບໍລິຫານ​ງານ​ພັກ ຮອງ​ຫົວໜ້າ ສມປຊ ແລະ ມະ​ຕິ​ຂອງ​ກົມ​ການເມືອງ​ສູນ​ກາງ​ພັກ ເລກ​ທີ 108/ກມສພ ວ່າ​ດ້ວຍ​ວຽກ​ງານ​ແນວ​ໂຮມ ແລະ ວຽກ​ງານ​ມະຫາຊົນ​ຂອງ​ພັກ ໃນ​ໄລຍະ​ໃໝ່ ທີ່​ສະເໜີ ໂດຍ ທ່ານ ສະໝຸດ​ທອງ ສົມ​ພານິດ ຄະນະ​ບໍລິຫານ​ງານ​ພັກ ຮອງ​ຫົວໜ້າ ສມປຊ.
ທ່ານ ພູ​ວົງ ອຸ່ນ​ຄຳ​ແສນ ໄດ້​ກ່າວ​ວ່າ: ແຕ່​ວັນ​ທີ 8 ເຖິງ​ວັນ​ທີ 12 ມິຖຸນາ 2020 ທີ່​ສຳນັກງານ​ສູນ​ການ​ພັກ​ປະຊາຊົນ​ປະຕິວັດ​ລາວ ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ X ໄດ້​ດຳເນີນ​ກອງ​ປະຊຸມ​ຄົບ​ຄະນະ ຄັ້ງ​ທີ 10 ຢ່າງ​ເປັນ​ທາງ​ການ ພາຍ​ໃຕ້​ການ​ເປັນ​ປະທານ​ຂອງ  ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ ກອງ​ປະຊຸມ​ໄດ້​ຄົ້ນຄວ້າ, ປຶກສາ​ຫາລື ບັນຫາ​ສຳຄັນ​ຄື: 1) ການ​ຜັນ​ຂະຫຍາຍ​ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ສູນ​ກາງ​ພັກ ຄັ້ງ​ທີ 7,8,9 ສະໄໝ​ທີ X ຕິດ​ພັນ​ກັບ​ຄວາມ​ຄືບ​ໜ້າການ​ຈັດ​ຕັ້ງ​ປະຕິບັດ ແຜນ​ພັດທະນາ​ເສດ​ຖະ​ກິດ​-​ສັງຄົມ,ແຜນ​ງົບປະມານ, ເງິນຕາ​ປະຈຳ​ໄຕ​ມາດ 1 ປີ 2020 ແລະ ທິດ​ທາງ​ໃນຕໍ່ໜ້າ; 2) ຮ່າງ​ບົດ​ລາຍ​ງານ​ການເມືອງ ຕໍ່​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ; 3) ຮ່າງ​ແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ 5 ປີ ຄັ້ງ​ທີ IX (2021-2025); 4) ການ​ປັບປຸງ​ກົດ​ລະບຽບ​ຂອງ​ພັກ ສະໄໝ​ທີ X  ແລະ 5) ທິດ​ປັບປຸງ​ກົງຈັກ​ລັດ​ຖະ​ບານ.
(ຂ່າວ-​ພາບ: ບຸນ​ຕອມ)