ຄະນະ​ໂຄສະນາ​ອົບຮົມ ສູນກາງ​ພັກໄດ້​ລົງ​ສົມທົບກັບ ໂຄສະນາ​ອົບຮົມ​ແຂວງ ແລະ ​ເມືອງ​ຕຸ້ມ​ລານ  ແຂວງ​ສາລະວັນ ຈັດຊຸດ​ຝຶກ​​ອົບຮົມການ​ເມືອງ​ -​ ແນວ​ຄິດ ໃຫ້​ຜູ້​ຊົງ​ຄຸນ​ວຸດ​ທິບັນ ດາເຜົ່າ​ທົ່ວ​ເມືອງ​ຕຸ້ມ​ລານ. ພິ ທີ​ດັ່ງກ່າວ​ໄດ້​ຈັດ​ຂຶ້ນ​ເມື່ອບໍ່ດົນ​ ຜ່ານ​ມານີ້ທີ່​ສະໂມສອນ​ເມືອງ ໂດຍ​ໃຫ້​ກຽດ​ເຂົ້າ​ຮ່ວມ​ເປັນ​ປະ ທານ ຂອງທ່ານ  ສີ​ເຮັ່ງ  ຫອມ​ສົມບັດ   ຄະນະ​ປະຈຳ​ພັກແຂວງ ຫົວໜ້າ​ຄະນະໂຄສະນາ​ອົບຮົມ​ແຂວງ,  ທ່ານ ທອງ​ໃສ ເພັດ​ລາ ສີ  ເລຂາ​ພັກ​ເມືອງ ເຈົ້າເມືອງ ຕຸ້ມ​ລານ, ທ່ານ  ຄຳ​ເຄນ ຈັນທະ​ວົງ ຫົວໜ້າ​ກົມ​ອົບຮົມຄະນະ​ໂຄສະນາ​ອົບຮົມ​ສູນ​ກາງ​ພັກ, ມີ​ຄະນະ​ປະ​ຈໍາ​ພັກ​ເມືອງ, ກຳ ມະການ​ພັກ​ເມືອງ, ຫົວໜ້າ​ຫ້ອງການ ແລະ ຜູ້​ຊົງ​ຄຸນ​ວຸດ​ທິ​ບັນດາເຜົ່າ​ທົ່ວ​ເມືອງ​ຕຸ້ມ​ລານ​ເຂົ້າ​ຮ່ວມ.
   ຈຸດປະສົງ​ຂອງ​ການ​ຝືກ​ອົບຮົມ​ຄັ້ງ​ນີ້​ກໍ​ເພື່ອ​ເຮັດ​ໃຫ້​ຜູ້ ຊົງ​ຄຸນ​ວຸດ​ທິ​ບັນດາເຜົ່າ​ທົ່ວ​ເມືອງ​ຕຸ້ມ​ລານ ມີ​ຄວາມ​ເຂົ້າ ໃຈເລິກເຊິ່ງ ແລະ ກໍາ​ແໜ້ນ​ແນວທາງ​ນະໂຍບາຍ​ຂອງ ພັກ, ລະ​ບຽ​ບກົ​ດໝາຍ​ຂອງ ລັດ​ ແຕ່​ລະ​ໄລຍະ, ສ້າງ​ຄວາມ​ເປັນ​ເອກະ​ພາບ​ກັບ​ແນວທາງ​ນະໂຍບາຍ​ຂອງ​ພັກ​ - ​ລັດ ແລະ ສາ​ມາດ​ນໍາ​ພາ​ປະຊາຊົນ​ລາວ​ບັນດາເຜົ່າ ເຄື່ອນ​ໄຫວ​ຖືກຕ້ອງ​ຕາມ​ແນວ ທາງ​ແຜນ​ນະໂຍບາຍ​ຂອງ​ພັກ ແລະ ລະ ບຽບ​ກົດໝາຍ​ຂອງ​ລັດ​ວາງ​ອອກ​ໄດ້​ເປັນ​ຢ່າງ​ດີ. 
   ບັ້ນ​ຝືກ​ອົບຮົມ​ຄັ້ງ​ນີ້​ແມ່ນ​ໄດ້​ດໍາ​ເນີນ​ເປັນ​ເວລາ 1 ວັນ ຊຶ່ງ​ມີ​ຜູ້​ເຂົ້າ​ຮ່ວມ​ທັງ​ໝົດ 61 ທ່ານ ຍິງ 14 ທ່ານ ໄດ້​ນໍາໃຊ້​ ບົດຮຽນ 3 ບົດ​ຄື:  ບົດ​ທີ 1: ເສີມ​ຂະຫຍາຍ​ມູນເຊື້ອ​ອັນ ​ດີງາມ​ຂອງ​ປະຊາຊົນ​ລາວບັນ ດາເຜົ່າ ຢູ່​ປະເທດ​ເຮົາ ໃນ​ໄລ ຍະ​ໃໝ່, ບົດ​ທີ 2: ບົດບາດ ແລະ ໜ້າທີ່ ຂອງ​ເຈົ້າ​ກົກ, ເຈົ້າ​ເຫຼົ່າ, ຫົວໜ້າ​ຊິງ​​ຊາວ ແລະ ບົດ​ທີ 3: ເພີ່ມ​ທະວີ​ຄວາມ​ສາມັກຄີ ແລະ ຄວາມ​ສະເໝີພາບ​ຂອງ​ປະຊາຊົນ​ລາວ​ບັນດາ​ເຜົ່າ.
   ໃນ​ໂອ​ການ​ດັ່ງ​ກ່າວ ທ່ານ ສີ​ເຮັ່ງ ຫອມ​ສົມບັດ ໄດ້​ຍົກ​ໃຫ້​ເຫັນ​ວ່າ: ໃນ​ໄລຍະ​ຜ່ານມາ ພາຍ​ໃຕ້​ການ​ນຳພາ​ຂອງ​ພັກ​ປະຊາຊົນ​ ປະຕິວັດ​ລາວ ຜູ້​ຊົງ​ຄຸນ​ວຸດ​ທິ​ບັນດາເຜົ່າ ໄດ້​ມີ​ບົດບາດ​ອັນ​ສຳຄັນ​ທີ່​ສຸດ​ໃນ​ການ​ເຕົ້າໂຮມ ແລະ ນໍາ​ພາປະ ຊາຊົນ​ບັນດາເຜົ່າ​ລຸກຂຶ້ນ​ຕໍ່ສູ້​ ຄຽງ​ບ່າ​ຄຽງ​ໄຫຼ່​ກັບ​ປວງ​ຊົນລາວ​ ທັງ​ຊາດ, ເຮັດ​ໃຫ້​ປະເທດ​ຊາດ​ໄດ້​ຮັບ​ການ​ປົດ​ປ່ອຍ​ຢ່າງ​ສົມ ບູນກ້າວ​ຂຶ້ນ​ສູ່​ໄລຍະ​ໃໝ່ ຊຶ່ງ​ແມ່ນ​ໄລຍະ​ແຫ່ງ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ໃຫ້​ຈະເລີນ​ຮຸ່ງ​ເຮືອງ. ສະນັ້ນ, ຜູ້​ຊົງ​ຄຸນ​ວຸດ​ທິ​ບັນດາເຜົ່າ​ຕ້ອງ​ໄດ້​ເພີ່ມ​ທະວີ​ພາລະ​ບົດບາດ​ຂອງ​ຕົນ​ໃຫ້ ກວ້າງຂວາງ ແລະ ເລິກເຊິ່ງ​ກວ່າ​ແຕ່​ກ່ອນ. ສໍາ​ຄັນ​ກວ່າ​ນັ້ນ​ແມ່ນຢາກ​ໃຫ້​ກຳ​ແໜ້ນ​ເນື້ອ​ໃນ​ແນວທາງ​ນະໂຍບາຍ​ຂອງ​ພັກ​ໃນ​ແຕ່​ລະ​ດ້ານ​ໃຫ້​ໄດ້​ດີ​ຂຶ້ນ​ເທື່ອ​ລະ​ກ້າວ​ເພື່ອ​ນໍາ​ໄປ​ສຶກສາ​ອົບຮົມ​ພໍ່​ແມ່​ພີ່ນ້ອງ​ບັນດາເຜົ່າ​ໃຫ້​ມີ​ຄວາມ​ຮັບ​ຮູ້​ເຂົ້າໃຈ, ມີ​ຄວາມ​ເປັນ​ເອກະ​ພາບ ແລະ ຕື່ນ​ຕົວ​ເປັນ​ເຈົ້າ​ການ​ປະກອບສ່ວນ​ເຫື່ອແຮງ, ສະຕິປັນຍາ​ເຂົ້າ​ໃນ​ການ​ພັດທະນາ​ບ້ານ​ເກີດ​ເມືອງ​ນອນ​ຂອງ​ຕົນ. 
(ຂ່າວ: ກຽງ​ແກ້ວ ສີ​ລາ​ມິ​ຕະ​ກອນ ກົມ​ອົບຮົມ)