ຊາວໜຸ່ມແຂວງບໍລິຄຳໄຊ ມອບ-ຮັບການສ້ອມແປງທາງເຂົ້າກອງພັນ 619

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/09/2020 09:04:47 ຈຳ​ນວນ​​ຢ້ຽມ​ຊົມ 1154 ຄັ້ງ

   ພິທີ​ມອບ​-​ຮັບ​ການ​ສ້ອມ ແປງ​ເສັ້ນທາງ​ເຂົ້າ​ຫາ​ກອງພັນ 619  ໄດ້​ຈັດ​ຂຶ້ນ ເມື່ອບໍ່​ດົນ​ຜ່ານ​ມາ​ນີ້ ທີ່​ກອງພັນ 619 ກອງ​ບັນ ຊາ​ການ​ທະຫານ​ແຂວງ​ບໍລິ​ຄຳ​ໄຊ ເປັນ​ກຽດ​ເຂົ້າ​ຮ່ວມ​ພິທີ ໂດຍ ສະຫາຍ ທອງ​ມະນີ ໂຄດ​ປັນ ຍາ ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ສະຫາຍ ພັອ ຄໍາ​ສາຍ ພັນ​ດາ​ນຸ​ວົງ ຫົວໜ້າ​ຫ້ອງການ​ເມືອງ ກອງ​ບັນຊາ​ການ​ທະຫານ​ແຂວງ, ມີ​ສະຫາຍ ນາງ ທອງ​ປານ ສະຫວັນ​ເພັດ ຕາງໜ້າ ບໍລິສັດ ແກ້ວ​ດາ​ວອນ ກໍ່ສ້າງ ຈໍາ​ກັດ​ຜູ້​ດຽວ ພ້ອມ​ພະ ນັກງານ​ພາຍ​ໃນ​ຫ້ອງການ​ຊາວ​ໜຸ່ມ​ແຂວງ ແລະ ອ້າຍ​ນ້ອງ​ທະ ຫານ​ກອງພັນ 619 ເຂົ້າ​ຮ່ວມ.
ການ​ສ້ອມແປງ​ທາງ​ດັ່ງ ກ່າວ, ຄະນະ​ບໍລິຫານ​ງານ​ຊາວ​ໜຸ່ມ​ແຂວງ ໄດ້​ລະດົມ​ທຶນ​ຈາກ​ ບໍລິສັດ ແກ້ວ​ດາ​ວອນ ກໍ່ ສ້າງ ຈໍາ​ກັດ​ຜູ້​ດຽວ ເປັນ​ຜູ້​ຊ່ວຍ​ພາຫະນະ ແລະ ເຄື່ອງມື​ກົນ​ຈັກ ເຂົ້າ​ໃນ​ການ​ສ້ອມແປງ​ເສັ້ນທາງ​ດັ່ງກ່າວ ພາຍ​ໃນ​ຄ້າຍ​ກອງພັນ ມີ​ຄວາມ​ຍາວ 387 ແມັດ ຊຶ່ງ​ໄດ້​ລົງມື​ສ້ອມແປງ​ແຕ່​ວັນ​ທີ 12- 13 ກັນຍາ 2020 ມາ​ຮອດ​ປັດຈຸບັນ​ແມ່ນ​ສໍາ​ເລັດ; ໃນ​ມູນ​ຄ່າ​ການ​ສ້ອມແປງ​ທັງ​ໝົດ 20 ລ້ານ​ກີບ.
ໂອກາດ​ນີ້, ຈຶ່ງ​ໄດ້​ຈັດ​ພິທີ​ມອບ​-​ຮັບ​ ຂຶ້ນ​ຢ່າງ​ເປັນ​ທາງ ການລະຫວ່າງ ຄະນະ​ບໍລິຫານ​ງານຊາວ​ໜຸ່ມ​ແຂວງ ແລະ ກອງ​ບັນຊາ​ການ​ທະຫານ​ແຂວງ, ມີ​ຕາງໜ້າ​ ບໍລິສັດ ແກ້ວ​ດາ​ວອນ ກໍ່ສ້າງຈໍາ​ກັດ​ຜູ້​ດຽວ  ແລະ ພະ ນັກງານສອງ​ພາກສ່ວນ​ເຂົ້າ ຮ່ວມ.
ກ່າວ​ມອບ​ໂດຍ ສະຫາຍ ທອງ​ມະນີ ໂຄດ​ປັນຍາ ກ່າວ​ຮັບ​ໂດຍ ສະຫາຍ ພັອ ຄໍາ​ສາຍ ພັນ​ດາ​ນຸ​ວົງ ພ້ອມ​ກັນນັ້ນ​ ກອງ​ບັນຊາ​ການ​ທະຫານ​ແຂວງກໍໄດ້​ມອບ​ຕໍ່ໃຫ້​ຄະນະ​ພັກ,  ຄະນະ​ບັນຊາ​ກອງພັນ 619 ເປັນ​ຜູ້​ຄຸ້ມ​ຄອງ​ນໍາ​ໃຊ້.  
ຂ່າວ​ໃຫ້​ຮູ້​ຕື່ມ​ວ່າ: ເມື່ອບໍ່​ດົນ​ຜ່ານ​ມານີ້ ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ບໍ​ລິ​ຄຳ​ໄຊ ນຳ​ໂດຍ​ສະຫາຍ ທອງ​ມະ ນີ ໂຄດ​ປັນຍາ ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ ພ້ອມ​ດ້ວຍ​ຄະນະ ໄດ້​ມອບ​ເງິນ​ຈຳນວນ 5 ລ້ານ​ກີບ​ໃຫ້​ກອງ​ບັນຊາ​ການ ປກສ ແຂວງ ເພື່ອ​ສົມທົບ​ທຶນ​ສ້ອມແປງ​ຫ້ອງ​ນ້ຳ ແລະ ເຮືອນຄົວ​ລວມ​ຂອງ​ອ້າຍ​ນ້ອງ​ໂສດ ປກສ ແຂວງ  ຊຶ່ງ​ກ່າວ​ຮັບ​ໂດຍ ສະຫາຍ ພັອ ກົງ​ຈັນ ໄຊ​ປັນຍາ ເລຂາ​ຄະນະ​ບໍລິຫານ​ງານ​ພັກ ຫົວໜ້າ​ກອງ​ບັນຊາ​ການ ປກສ ແຂວງ ມີ​ຄະນະ ແລະ ພາກສ່ວນ​ກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ​ເປັນ​ສັກຂີ​ພິ​ຍານ.
(ຂ່າວ​-​ພາບ: ຈາກ​ແຂ​ວ​ບໍ​ລິ​ຄຳ​ໄຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110