ໄຊຍະບູລີ ແຂ່ງຂັນກິລາເຕາະບານ ຊາຍ-ຍິງ ມິດຕະພາບ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 24/09/2020 09:39:35 ຈຳ​ນວນ​​ຢ້ຽມ​ຊົມ 1259 ຄັ້ງ

ເພື່ອ​ເປັນ​ການ​ສ້າງ​ຂະບວນ​ການ​ຂໍ່າ​ນັບ​ຮັບ​ຕ້ອນ​ວັນ​ສໍາ​ຄັນ​ຕ່າງໆ ໂດຍ​ສະເພາະ​ແມ່ນ​ວັນ​ຄູ​ແຫ່ງ​ຊາດ, ວັນ​ບຸນ​ອອກ​ພັນ​ສາ​ປະຈຳ​ປີ 2020 ແລະ ວັນ​ສໍາ​ຄັນ​ຂອງ​ພັກ​-​ລັດ ທີ່​ຈະ​ມາ​ເຖິງ​​ນີ້, ອີກ​ດ້ານ​ໜຶ່ງ​ກໍເພື່ອ​ເປັນ​ການ​ແລກປ່ຽນ​ບົດຮຽນ​ຮອບດ້ານ​ຊຶ່ງກັນ ແລະ ກັນ ລະຫວ່າງ​ຫ້ອງ​ວ່າການ​ແຂວງ ໄຊ​ຍະ​ບູ​ລີ ແລະ ຫ້ອງ​ວ່າການ ເມືອງ ແກ່ນ​ທ້າວ ໃນ​ການ​ເປັນ​ເສນາ​ທິ​ການ​ໃຫ້​ການ​ນໍາ, ໃນ​ລະຫວ່າງ​ວັນ​ທີ 18-19 ກັນຍາ ຜ່ານ​ມາ ທີ່​ເດີ່ນ​ກິລາ​ບານເຕະ​ຟຸດ​ຊໍ ບ້ານ​ເມືອງ​ໝໍ ເມືອງແກ່ນ​ທ້າວ ແຂວງ ໄຊ​ຍະ​ບູ​ລີ, ໄດ້​ຈັດ​ໃຫ້​ມີ​ການ​ແຂ່ງຂັນ​ກິລາ​ເຕະບານ​ມິດຕະພາບ​ຂຶ້ນ ລະຫວ່າງ​ທີ​ມ​ຫ້ອງ​ວ່າການ​ແຂວງ ແລະ ທີ​ມ​ຫ້ອງ​ວ່າການ ເມືອງ ແກ່ນ​ທ້າວ, ທີ​ມ​ຫ້ອງ​ວ່າການ​ແຂວງ​ນໍາ​ໂດຍ ທ່ານ ເພັດ​ພິໄຊ ສູນ​ວິໄລ ກໍາ​ມະ​ການ​ປະ​ຈໍາ​ພັກ​ແຂວງ ຫົວໜ້າ​ຫ້ອງ​ວ່າການ​ແຂວງ, ທີ​ມ​ເມືອງ ແກ່ນ​ທ້າວ ນໍາ​ໂດຍ​ທ່ານ ອໍາ​ຄາ ລັດສະໝີ ກໍາ​ມະ​ການ​ພັກ​ແຂວງ ເລຂາ​ພັກ​ເມືອງ ເຈົ້າເມືອງ ແກ່ນ​ທ້າວ ເຂົ້າ​ຮ່ວມ​ມີ ທ່ານ  ເພັງ​ນິ​ລັນ ຄໍາ​ພັນ​ເພັງ ຮອງເລຂາ​ພັກ​ແຂວງ   ຮອງ​ເຈົ້າແຂວງ​ເຂົ້າ​ຮ່ວມ. 
ການ​ແຂ່ງຂັນ​ກິລາ​ເຕະບານ​ຄັ້ງ​ນີ້​ມີ​ສອງ​ຄູ່​ຄື: ທີ​ມ​ບານເຕະ​ຊາຍ ແລະ ຍິງ, ການ​ແຂ່ງຂັນ​ແມ່ນ​ເຕັມ​ໄປ​ດ້ວຍ​ບັນຍາກາດ​ແຫ່ງ​ຄວາມ​ສາມັກຄີ, ໄມຕີ​ຈິດ​ມິດຕະພາບ ແລະ ເບີກບານ​ມ່ວນຊື່ນ​ຂອງ​ກອງ​ເຊຍ​ທັງ​ສອງ​ທີມ​ໃນ​ທ່າມກາງ​ສາຍ​ຝົນ, ຜົນ​ການ​ແຂ່ງຂັນ​ທີ​ມ​ຊາຍ​ແມ່ນ​ຫ້ອງ​ວ່າການ​ແຂວງ ເອົາ​ຊະນະ​ຫ້ອງ​ວ່າການ​ເມືອງ ດ້ວຍ​ຄະແນນ 8 ປະຕູ​ຕໍ່ 5, ທີ​ມ​ຍິງ ຫ້ອງ​ວ່າການ​ເມືອງ ແກ່ນ​ທ້າວ ຊະນະ ຫ້ອງ​ວ່າການ​ແຂວງ ດ້ວຍ​ຄະແນນ 5 ປະຕູ​ຕໍ່ 0. 
(ຂ່າວ​-​ພາບ:ອຸ່ນ​ເຮືອນ ໂພທິ​ລັກ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110